MAMPIANARA ANAY HIVAVAKA Folo Andro Manova Fiainana Ao Amin ny Vavaky Ny Tompo Tonga soa amin ny Folo Androm-bavaka 2014! Andriamanitra dia naneho fahagagana an arivony tamin ny alalan ny fandaharana Folo Andrombavaka hatramin ny niantombohan izany tamin ny Ezaka Ranonorana Maneran-tanyc tamin ny taona 2006. Ny Fanahy Masina dia nanetsika fifohazana, fiovam-po, fitiavana fatratra indray ny asa fitoriana, ary fahasitranan ny fifandraisana. Marina tokoa fa ny vavaka no toerana ahaterahan ny fifohazana! Mino izahay fa hiova ny fiainanareo sy ny an ireo olona entinareo am-bavaka rehefa mikambana amin ny mambran ny fiangonanareo hianareo hivavaka ho an ny firotsahan ny Fanahy Masina. Toy izao nambaran ny ololna sasantsasany izay nandray anjara tamin ny Folo Androm-bavaka 2013 : - Rehefa nivory isan andro jzahay nandritra ireo folo andro ireo, dia nahatsapa ny famangian ny Fanahy Masina tahaka ny tamin ny andro apostolika. Nisy fiaiken-keloka tamin-kitsim-po tokoa sy fahatorotoroan ny fo ka dia nandao ny alahelony ny mambra ary nifamela heloka. Tena fotoanan ny famelombelomana tokoa tamin izany ho anay eto amin ny Strong Tower ~ (Ikenna Joseph, Nigeria) - Nandritra ireo andro faramparany dia nanohina ahy ny fivavahana ary nanomboka «nahatsapa» hoe inona marina ny zavatra azon Andriamanitra atao ary mihoatra noho ny mahita toerana azon ny fiara ijanonana ao amin i Costco izany! Tena fenon ny fahasoavany aho ~( Avy amin ny mambra iray vao vita batisa, araka ny fitantaran i Loralyn Horning, USA) - Voalohany izao no nanaovanay fandaharana feno momba ny «10 Androm-bavaka». Afaka nahita fahagagana izahay : nisy zazavavikely iray izay nivavaka ho an ny raiamandreniny nilaza fa tsy te-hisarapanambadiana intsony ny rainy. Nisy mambra anankiray hafa, izay nilaza fa tsy dia manana fotana hijoroana ho vavolombelona, nanolotra boky Hery Mifanandrina ho an ny mpividy entana ao aminy. Nisy vehivavy iray izay nivavaka isan andro ho an ny namany no indro fa nanatona azy ny namany silamo iray nanontany momba an i Jesosy. Mahatsapa tena ho akaiky kokoa an Andriamanitra aho. Fihaikana lehibe izany hoe manao ny andraikitry ny mpitarika vondrom-bavaka izany, nefa misaotra an Andriamanitra aho noho ny nanohanany ahy isan andro. ~ (Mylène Peronet, France) - Misaotra betsaka! Hitanay sahady ny vokatra sy ny herin ny vavaka eo anivon ny mambran ny fiangonanay sy ny tanora. Tena tsara Andriamanitra! ~ (William Wolfgramm, Nouvelle-Zélande) NY LOHA-HEVITRY NY VAVAKA HATAONTSIKA : NY VAVAKY NY TOMPO 1
Mandritra ny Folo Androm-bavaka 2014 isika dia hivavaka amin ny alalan ny vavaky ny Tompo, izay hita ao amin ny Matio 6:9-13 sy Lioka 11:1-4. Vontom-bavaka ny fiainan ny Mpamonjintsika, satria tamin ny fifandraisana ety tamin ny Rainy no nahitany sy nandraisany ny heriny, ny filaminan ny fiainany, ny fahefany sy ny fifaliany. Nandritra ireo oram-pivavahana vao maraina no nanomezan Andriamanitra Azy toro-hevitra ho an ny tontolo andro. Tohina fatratra tamin ny fahazaran i Jesosy mivavaka ny mpianatra ka dia nagataka Azy izy ireo mba hampianatra azy hivavaka. Ho valin izany dia naveriny ny vavaka izay nomeny tamin ny Toriteny teo antendrombohitra. Mbola misy zavatra maro ao amin ny vavaka tsotra izay tsy takatry ny sain izy ireo, satria izany dia nampiala ny fifantohan izy ireo tamin ny tenany ho amin Andriamanitra, ary nahafaoka ny filàny rehetra. Isika koa dia tokony hianatra hivavaka tahaka izay nataon i Jesosy. Mandritra ireo folo andro manaraka hianareo dia hahita/hahatsapa ny halalin ny dikan ny vavaky ny Tompo izay tsy noheverinareo akory ho azo atao ; ho hitanareo fa ho voasintona ho amin Andriamanitra ny fonareo amin ny fitiavana sy ny firehetana amin ny asany, ary hahita valiny mahagaga amin ny fivavahana hianareo. Antom-bavaka isan andro Ny fizarana momba ny fitalahoana sy fanelanelanana isan andro dia ahitana antom-bavaka eo amin ny lisitra izay maneho ny zavatra ilain ny tena manokana sy ny filàna iombonan ny Fiangonana Advantista Mitandrina ny Andro Fahafito Maneran-tany. Io fizarana io koa dia manizingizina ny amin ny tetik asa sy ny iraka tanterahin ny fiangonantsika maneran-tany amin ny taona 2014. Ezaka ho an ny Tanàn-dehibe Ny vavaka manokana ifantohantsika amin ity taona dia ny tetik asa fitoriana amin ny tanàn-dehibe. Io fandaharana io dia fanamafisana ataon ny Fiangonana Advantista Mitandrina ny Andro Fahafito momba ny fizarana ny fitiavan i Jesosy sy ny fanantenana ny amin ny fihaviany tsy ho ela amin ny olona monina antanàn-dehibe. Izany tetik asa izany dia mikendry ezaka hatao amin ny tanàna lehibe indrindra mihoatra ny 630 eto amin izao tontolo izao. Io ezaka io dia nanomboka tao New York tamin ny taona lasa ary hitohy mandritra ny taona 2014, 2015 sy an-koatr izany. Feno dia feno ny hetsika fitoriana (mba hanomezana fahafaha-mpo ny filàna ara-tsaina, ara-batana ary ara-panahy) ary mitohy ka mahatonga ny fisian ny advantista mitandrina ny andro fahafito hitoetra maharitra amin ny tanàn-dehibe. Ny fomba fiasa ho fanentanana dia ahitana foibe manapariaka ny hevitra/fampianarana, vavaka sy sampan asa fanaovana fanavaozana, asa ho an ny fiaraha-monina, seminera momba ny fahasalamana, tarika madinika, sampana miadidy ny vehivavy, sampana ho an ny tanora sy ezaka fijinjana. Isan andro mandritra ireo folo androm-bavaka isika dia hampisongadina ny filàna vavaka ho an ny ezaka ho an ny tanàn-dehibe. Raha te-hahita ny lisitr ireo tanàn-dehibe sy fahafantarana fanampiny dia jereo ny tranon-kala www.missiontothecities.org sy www.revivalandreformation.org/777 Vavaka Iombonana Isika rehetra dia efa samy niaraka nivavaka tamin ny hafa teo aloha, nefa mety tsy mbola nanao fanandramana ny amin ny fitahiana sy ny herin ny vavaka iombonana hianareo. Mandritra ireo folo andro ireo dia ho voatahy be dia be tokoa hianareo rehefa mikambana amin ireo anadahy sy rahavavy amin ny firesahana mivantana amin Andriamanitra. Ireto misy toro-hevitra vitsivitsy mba hahatonga ny vavaka iombonana ho mahafinaritra ho an ny olona rehetra: Ataovy fohy ny vavakareo fehezan-teny iray na roa monja ho an ny antom-bavaka iray. Dia avelao ho an ny hafa indray ny fanohizana azy. Afaka mivavaka imbetsaka araka izay tianao hianao, tahaka ny amin ny resaka ifanaovana. 2
Tsara ny fahanginana, satria izany dia manome ho an ny tsirairay fotoana hihainoana ny Fanahy Masina. Ary ny miaraka manandratra hira araka ny fitarihan ny Fanahy masina dia fitahiana ihany koa. Mba tsy handaniana ny ampahan ny fotoana sarobidy amin ny vavaka amin ny firesahana momba ny antom-bavakareo dia manaova fotsiny vavaka momba izany. Rehefa izany dia afaka mivavaka ho an ny antom-bavakao koa ny hafa sy mitaky ny teny fikasana ho an ny zavatra ilainao. Vavaka sy fitakiana ny Soratra Masina Ny famakiana andalan-teny fohy avy amin ny Soratra Masina na mivavaka amin ny alalan izany dia fomba mahafinaritra hahazoana antoka fa mivavaka araka ny sitrapon Andriamanitra hianao. Ny mivavaka amin ny famerenana/fampahatsiahivana amin Andriamanitra ny teny fikasany dia fomba tsy mampino ho fanamafisana orina ny finoana. Tian Andriamanitra isika raha mivavaka Aminy ka mampahatsiaro Azy ny Teniny amin ny fiteny fankasitrahana sy fiderana na fampanantenana. «Aoka ny tenin'i Kristy hitœtra betsaka ao aminareo amin'ny fahendrena rehetra, dia mifampianara ka mifananara amin'ny salamo sy ny fihirana ary ny tonon-kiram-panahy, mihira amin'ny fahasoavana ao am-ponareo ho an'andriamanitra.» (Kolosiana 3:16). Ho gaga hianareo amin ny fahitana ny fomba azonareo ampiasaina hivavahana ary hahita fifaliana amin izany! Ity misy ohatra iray ny amin ny fomba fivavaka mampahatsiaro an Andriamanitra ny teniny: Milaza ny 1 Tesaloniana 3:13 fa, «mba hampiorina ny fonareo tsy hanan-tsiny amin'ny fahamasinana eo anatrehan'andriamanitra Raintsika amin'ny fihavian'i Jesosy Tompontsika mbamin'ny masiny rehetra.». Dia mivavaha toy izao:" Tompo tsara ô! meteza hanamafy ny fahavononana ao am-pon ny zanakolahy hanao izay marina sy mahitsy. Omeo azy ny fahasoavanao handray fanapahan-kevitra izay hitondra ho amin ny fahamasinana. Jesosy ô! ampio izy hiandry sy hiomana ho amin ny fihavianao, sns." Mivavaka ho an ny olona dimy Mandritra ireo folo androm-bavaka dia ampirisihina hianareo hanao vavaka fanelanelanana amin ny fomba manokana ho an ny olona dimy izay mifanerasera aminareo. Mety ho mambran ny fianakaviana izany, namana, mpiara-miasa na mpiara-mianatra, mpifanolo-bodirindrina, na olona hafa manahiran-tsaina anao. Mandritra ny takariva voalohany dia soraty amin ny karatra roa ny anaran izy ireo sy ny anton-javatra hivavahana ho azy. Ny karatra iray dia ho anao mba hampahatsiaro anao mandrakariva ny hanao fanelanelanana ho azy ireo. Ny mpitarika ny fiaraha-mivavakareo kosa handray ny karatra faharoa amin ny fiafaran ny fotoana. Isaky ny andro manaraka dia hisintona karatra anankiray avy ao amin ny boaty hianao ary hivavaka ho an ny olona voatanisa ao. 3
ANDRO 1 NY TSIAMBARATELON NY HERINY Soso-kevitra ny amin ny Endriky ny Vavaka Iombonana «Ary Jesosy nivavaka tao amin'ny fitœrana iray, ka rehefa nitsahatra Izy, dia hoy ny mpianany anankiray taminy: Tompoko, mampianara anay hivavaka, tahaka ny nampianaran'i Jaona ny mpianany.» (Lioka 11:1) Fiderana (10 mn) Aoka ny fotoam-bavakareo hatomboka amin ny fiderana an Andriamanitra noho ny ampianarany antsika mba hivavaka amin ny fomba mahomby kokoa. «Ary toy izany koa, ny Fanahy no mamonjy ny fahalementsika: fa tsy fantatsika izay vavaka tokony hataontsika; fa ny Fanahy no mifona amin'ny fitarainana tsy azo tononina.» (Romana 8:26) Manokàna fotoana hiderana an Andriamanitra noho ny maha-izy Azy (ny toetrany) sy ny zavatra ataony. Fiaiken-keloka (5 mn) Miaike heloka noho ny tsy fahampian ny fivavahantsika sy ny fanelanelanana ataontsika amin ny maha-isam-batan olona sy amin ny maha-vahoaka ary managataha an Andriamanitra mba hamela ny helotsika noho ny tsy fahazoantsika mifandray Aminy amin ny alalan ny vavaka sy ny fanelanelanana. «Ary ny amiko, sanatria raha hanota amin'i Jehovah aho ka hitsahatra tsy hangataka ho anareo; fa izaho hanoro anareo izay lalana tsara sy mahitsy.» (1 Samoela 12:23) Mangataha amin Andriamanitra mba hanoro anareo izay ota rehetra tokony hiaikena eo amin ny fiainanareo, ary manokàna fotoana hihainoana amim-pahanginana ny valiny omeny. Mangataha famelana ary ekeo am-pifaliana ny famindrampony. Fitalahoana sy Fanelanelanana (35 mn) Mangataha amin Andriamanitra mba hanomezany antsika ny Fanahy Masina mba hampianatra antsika hivavaka tahaka an i Jesosy sy mba hanelanelana marina tokoa ho an ny hafa. «Ary haidiko amin'ny taranak'i Davida sy amin'ny mponina any Jerosalema ny fanahin'ny fahasoavana sy ny fifonana» (Zakaria 12:10) Mivavaha mba hanana fitiavam-bavaka, sy faharesen-dahatra ny amin ny tena ilàntsika vavaka, ary fahatsapana ny hery ho azontsika amin ny alalan ny vavaka. Mivavaha mba hisian ny tarika mpiara-mivavaka hipoitra ombieny ombieny. Mangataha amin Andriamanitra ny amin ny fomba hisian ny vavaka bebe kokoa ao amin ny fiangonanareo. 4
Mivavaha mba hahazoantsika mianatra ny mangataka ny fitarihana/toro-hevitr Andriamanitra alohan ny hanaovantsika drafitra. Tetik asa ho an ny Tanàn-dehibe: mba ho feno fahendrena sy ny Fanahy Masina ireo tompon andraikitry ny fiangonana izay manatontosa ny tetik asa amin ireo tanàn-dehibe miisa 630, mba ho mpitarika manana ny toe-tsain ny mpanompo izay mikatsaka sy manaraka ny plana/sitrapon Andriamanitra ary maneho fahombiazana eo amin ny fahazoana fanahy. Mivavaha ho an ny Advantista, sy ny kristiana rehetra, mba hanao fanandramana hy amin ny fifohazana sy fanavaozana marina amin ny fiarahan izy ireo mandeha amin Andriamanitra. Mivavaha mba ho feno ny Fanahy Masina izy ireo, hanana fahalalana manokana an i Jesosy amin ny alalan ny Baiboly sy ny vavaka, ary hiaina fiainana masina. Mivavaha ho an ny tenanao manokana, ho an ny mambra sy ny pasitoran ny fiangonanareo ary ho an ireo vondron olona manaraka ireto : mpitondra ny fiangonana amin ny ambaratonga rehetra, ny ray aman-dreny, ny ankizy, ny tokantena, ny mpampianatra, ny pasitora, ny mpiasan ny fahasalamana sy ny misionera. Mangataha amin Andriamanitra olona dimy ho entina am-bavaka mandritra ireo folo andrombavaka ary avelao ny Fanahy Masina hitondra olona ao an eritreritrao. Soraty eo amin ny karatra roa. Ento miaraka aminao ny anankiray ary ny iray kosa ataovy ao anaty boatin ny tarika misy anao, mba hahazoana mivavaka momba izany isan-kariva. Mivavaha ho an ny antom-bavaka hafa izay ao am-ponao. Fisaorana (10 mn) Mifalia satria mihaino sy mamaly ny fivavahantsika Andriamanitra. Jereo Jeremia 33:2, 3. Misaotra Azy noho ny namaliany sahady ny fivavahantsika mialoha ny ahitantsika ny vokatra. Hira (atao ireto hira ireto na hafa, mandritra ny fotoam-bavaka, araka izay itarihan Andriamanitra anareo) "Viens, Esprit Saint», «Esprit du Dieu vivant» (SDA Hymnal n 672), «Entends notre prière, Seigneur (SDA Hymnal n 684);«J'ai besoin de prières»(sda Hymnal n 505),«Pour Vous, je prie "(SDA Hymnal n 284). 5
Fanambaran i Ellen White momba ny Vavaky ny Tompo «Koa amin izany mivavaha toy izao hianareo...» (Matio 6:9). Indroa no nanomezan ny Mpamonjintsika ny Vavaky ny Tompo, voalohany tamin ny vahoaka tamin ny Toriteny teo an-tendrombohitra, ary koa, volana vitsivitsy taorian izany, tamin ny mpianatra irery ihany. Nihataka kely ny Tompony nandritra ny fotoana fohy ireo mpianatra, ka rehefa niverina izy ireo dia nahita Azy revo tanteraka tamin ny fifandraisana tamin Andriamanitra. Toy ny nahatsapa akory ny fanatrehan izy ireo Izy ka dia nanohy nivavaka tamin ny feo avo. Namirapiratry ny fahazavan ny lanitra ny tavan ny Mpamonjy. Toa nifanatrika tamin ny tsy hita maso Izy, ary nisy hery velona teo amin ny teniny toy ny olona miresaka amin Andriamanitra. Tohina mafy ny fon ny mpianatra teo am-pihainoana. Imbetsaka izy ireo no nahamarika Azy nandany ora maro samirery tamin ny fifandraisana tamin ny Rainy. Ny tontolo androny dia lany tamin ny fanompoana ny vahoaka izay nifanety teo Aminy, ary tamin ny fampibaribariana ny fahateren-tsaina feno hafetsen ireo raby. Ary izany asa tsy mitsahatra izany dia nahatonga ho reraka tanteraka hany ka nanahy mafy ny reniny sy ny rahalahiny ary ireo mpianany fa toy ny atao sorona ny fiainany. Kanefa rehefa niverina avy amin ireny ora maro nivavahana izay namarana ny tontolo andro nanasatra ireny Izy, dia voamarik izy ireo ny rivompiadanana nisoritra teny amin ny endriny, ny famelombelomana izay toa namonto ny fanatrehany. Avy tamin ireo ora nolaniana niaraka tamin Andriamanitra ireo no nivoahany, isa-maraina, mba hitondra ny fahazavan ny lanitra amin ny olombelona. Noho izany ny mpianatra dia tonga tamin ny fehin-kevitra fa nisy fifandraisany ny ora nolanian i Jesosy tamin ny fivavahana sy herin ny teniny ary ny asany. Ankehitriny, raha nihaino ny fitalahoany izy ireo, dia tohina fatratra ny fony ary feno fanetren-tena. Rehefa nitsahatra nivavaka Izy dia tamin ny faharesen-dahatry ny filàn ny tenany manokana lalina no niantsoany hoe: «Tompo, mampianara anay hivavaka» (Lioka 11:01). Tsy hoe nanome azy ireo endrika vaovaon ny vavaka akory Jesosy. Namerina fotsiny izay nampianariny teo aloha Izy, toy ny nilaza hoe: Tokony ho tsapanareo sy takatrareo izay zavatra efa nomeko. Izany dia manana hevitra lalina izay tsy mbola notrandrahanareo. Na izany aza anefa dia tsy mametra antsika amin ny fampiasana ireo teny ireo fotsiny ny Mpamonjy. Fa satria iray tamin ny taranak olombelona Izy, dia naneho ny idealin ny tenany tao amin ny vavaka nataony, teny tena tsotra ka na dia ny zazakely aza dia afaka mandray azy, ary tena feno ihany koa ka na dia ny manam-pahaizana indrindra aza dia tsy hahatakatra na oviana na oviana amin ny fahafenoany ny heviny manontolo. Ampianarina isika hanatona an Andriamanitra amin ny fanehoam-pankasitrahana izay setriny avy amintsika, hampahafantatra Azy ny zavatra ilaintsika, hiaiky ny helotsika, ary hitaky ny famindrampony araka ny teny fikasany. * Thoughts From the Mount of Blessing, pages 102, 103. 6