Soa an'ala " Tombontsoa ifampizaràna " Takela-pifandraisan ny Fandaharanasa NODE Laharana 03 Desambra 2012 Matoan-dahatsoratra Efa somary taratara ihany vao nivoaka ity laharana ity satria marobe ireo laharampahamehana tsy maintsy natrehin ireo mpandray anjara nandritra izay fito volana izay. Tamin ny volana aprily tokoa mantsy no nivoaka ny laharana farany. Nanenjika ireo lahasa tsy tontosa nandritra ny fotoampahavaratra ny ankamaroany tamintsika. Nilofo fatratra ny rehetra, indrindra fa ireo namarana ny tetikasa NODE novatsiana vola tamin ny CEPF. Teo koa ny fiatrehana ny fanarenana ny fahasimbana nateraky ny rivodoza Giovanna. Nanano sarotra ny fanatanterahana ny asa teny ifotony, tato ho ato, nohon ny tsy fandriampahalemana. Nitaraina tokoa ireo namana any amin ny Tandavanala Ambositra- Vondrozo (COFAV), nohon'ny asan-jiolahy mitam-piadiana mandroba ireo teknisianina mamita iraka. Lasibatra tamin izany ny mpiandraikitra tao amin ny HAONASOA sy NY TANINTSIKA Fianarantsoa. Raha niezaka nandray ny andraikiny nanenjika ireo jirika ireo anefa ny mponina ao Andrambovato dia tifitra no nasetry azy. Ny tena mampalahelo dia nisy ny naratra ary namoy ny ainy mihitsy aza. Mihanaka izaitsizy ity trangan-javatra ity ankehitriny ka tonga any amin ireo toerana nandry fahalemana fahiny. Manao antso avo ry zareo any amin ny tandavanala COFAV mba hanairana ny rehetra. Tsy voaaro intsony ireo izay miasa eny ambanivohitra ary very fanahy mbola velona ireo vondron olona ifotony mpiara-miasa, mikajy ny harena voajanahary. Na izany aza anefa dia tsy miraviravy Lohateny Mahavavy-Kinkony : VOI FIVEMITA : Voly felika, safidy mitodika amin'ny tsena p 2 Nosivolo : Trondro zanatany 19 karazana ho voakajy, faripiainana mivoatra p 3 Mangoky-Ihotry : Mirindra sy natao haharitra ireo tetikasa NODE p 4 Tandavanala Ankeniheny Zahamena : Tetikasa madinika mampivoatra ny maro p 5 Tandavanala Ambositra-Vondrozo : Ravin-dahasa : hanala ny fahantrana p 6 Zanaka tetikasa nahazoana tombony be! p 6-7 Menabe-Antimena : FITARIHANTSOA II sy Fanamby : Ho fanatsarana ny fizahantany p 7 Vaovaon'ny fandaharan'asa NODE : Iza moa i Arijaona? p 8 Famatsiam-bola Helmsley Charitable Trust p 8 tanana ireo ONG ireo. Manohy ny asany hatrany ireo teknisianina ary mendrika tolorana fisaorana manokana amin ny herim-po ananany. Ho hitantsika amin ity laharana ity ny santionambokatra amin ny fiaraha-miasan ireo VOI tantsaha sy ireo teknisianina any amin ireo faritra misy ny tetikasa NODE. Santionany ihany, maneho fa mody ventiny ny rano nantsakaina rehefa misy ny risi-po sy ny finiavana ary ny faharesen-dahatra. Ny harena voajanahary voaaro ; ny velontena, mihatsara. Ampio ary ireo mpitantsoroka mba hahafahan izy ireo manatanteraka ampahatoniana sy ampilaminana ny fikajiana sy fanatsarana ny velontenan ireo vondron olona ifotony ireo. Samia manaitra ireo tompon andraikitra isan-tokony, hanafoanana izao fanetribe izao. Ramanahadray Soloson Tsirin-kevitra niraisan ny AFD, ny Conservation International, ny FEM, ny Governemanta Japoney, ny Mac Arthur Foundation ary ny Banky Iraisam-pirenena no nipoiran ny tahirim-bola CEPF. Tanjona fototra ny fampandraisana anjara ny Fiaraha-monim-pirenena amin ny fikajiana ny aina voajanahary. 1 Agence française de développement - 2 Fonds pour l Environnement Mondial - pejy 1 - Soa an'ala 3 Fonds de partenariat pour les écosystèmes critiques - Laharana 03 - Desambra 2012
VOI FIVEMITA : Voly felika, safidy mitodika amin'ny tsena Zava-kendren ny tetikasa NODE ny fanohanana sy ny fampiroboroboana rafipihariana maharitra ho an ny mponina ato anatin ny Faritra Arovana Vaovao Mahavavy-Kinkony. Anisan ny tetikasa madinika nahazo famatsiana tamin ity tetikasa NODE andiany faharoa ity ny fambolena felika (culture maraîchère) aty Mitsinjo, Faritra Boeny. Nahazo tantsoroka tamin izany ireo fikambanam-behivavy miisa 19 marikitra ireo harena voajanahary (ala maiky, ala honko, matsabory) iharan ny tsindry isan-karazany. Fepetra lany eran ireo mponina mahazo tombontsoa sy ny Asity Madagascar, mpanao tantsoroka, ny tsy maintsy hanatanterahana lahasa fiarovana sy fanarenana ny harena voajanahary sy ny tontolo iainana ho setrin ny fanatsarana ny velontena. MAHAVAVY-KINKONY Safidy miantehitra amin ny lalambarotra Singanintsika manokana eto ny zanatetikasa notanterahin ny fikambanana FIVEMITA (Fikambanan ny Vehivavy Miray Tanambao) ao amin ny Fokontany Marofandroboka, kaominina Mitsinjo. Raha tonga ao an-tsaina ny voly petsay, ramirebaka, felibe, felimafana, tissam, voatabia, sns, eo amin ny fambolena felika, dia voly tongolobe (gros oignons) izao no nosafidin izy ireo. Mety tsara amin ny tany mantsy izany na mbola tsy fahita firy aty amin ny distrikan i Mitsinjo aza. Tsy maintsy jerena ny lalam-barotra, hoy Ramatoa Ravoahanginirina, filohan ny fikambanana. Efa maro ireo mponina manodidina no manatanteraka ireo voly felika mahazatra ireo, ka ahiana hifanitsaka ny tsena satria miaramiakatra avokoa ny vokatra. Noho izany, tsy maintsy jerena sy dinihina tsara izay voly mety hatao sy hahazoana tombony, hoy ihany izy. Nahatratra hatrany amin ny roa hekitara mahery any ho any ny velaran-tany voavolin izy ireo tamin ity taom-pamokarana voalohany ity. Tsara ny mahavita velaran-tany lehibe raha tiana ho tsapa mivaingana ny fiantraikan ny fidiram-bola isantokantrano eo amin ny mpikambana, hoy ihany Ramatoa filoha. Zava-dehibe tokoa ny fahaizana mifehy ny tsena sy ny fidirana amin ny fambolena be velarana amin ny asa mampidi-bola toy itony. Tsy ambanin-javatra ny fihariana miaro ny tontolo iainana Ho tambin izany tantsoroka izany kosa dia manentana ny mpiray tanàna sy ny manodidina ireo mpikambana ao amin ny FIVEMITA. Ampirisihin izy ireo ny fanafoanana ny fampiasana ny harato kely maso ao amin ny matsabory Kinkony, manandrify ny fokontany Marofandroboka. Rakotonarivo Andrianarijaona Trondro zanatany 19 karazana ho voakajy, faripiainana mivoatra Fari-drano arovan ny fokonolona ny renirano Nosivolo sy ny zanaranony Fisokajiana avy amin'ny sampana mikajy ireo faritra mando ao amin'ny fikambanana iraisam-pirenena no mametraka ny faritra iray ho "Site RAMSAR". Site RAMSAR fahafito eto Madagasikara ny renirano Nosivolo, notokanana ny 17 septambra 2010. Anton izany, ny fananany trondro zanatany 19 karazana, ny fisian ireo sisan ala sy ala matevina (Tandavanala Fandriana Marolambo) mandrafitra ny sahandriakany ary ireo harena voajanahary ao anatiny. Fahavitrihana ho amin ny fiarovana Anisan ny mampiavaka ny Site RAMSAR Nosivolo ny fahavitrihan ny vahoaka sy ny mpitondra any an-toerana eo amin ny fitantanana ireo fari-drano arovana. Maro ireo asa efa nataon ny fokonolona, toy ny fanajariana ny sisindrano, ny fanidiana ny rano niarahanametra ho dimy volana, sns. Nanampy ny mponina havitrika amin ny fiarovana ny fisian ny fandaharanasa NODE aty antoerana, nanomboka ny taona 2007. Porofon izany, raha 26 ireo tanàna nandray anjara amin ny fametrahana an-tsitrapo ny fari-drano arovana tamin izany taona izany dia tafakatra ho 121 izany, dimy taona aty aoriana. (2007-2012). Sary : Zafindranahy Noelson NOSIVOLO Fanatsarana ny faripiainana ho fiarovana ireo trondro zanatany Nisafidy ny fiompiana kisoa gasy ireo mivelona amin ny fanjonoana mba ho fiarovana ireo trondro zanatany ahiana ho lany taranaka. Asa fihariana efa fanao izany sady ahitana lalam-barotra eo antoerana. Fanatsarana izany fiompiana izany izao no ezahina. Tokantrano 10 eo amin ny fokontany Tanambao Marolambo no nisafidy io tetikasa io. Novatsiana zana-kisoa 10 (2 lahy sy 8 vavy) ry zareo ka samy nitarimy iray isantokantrano. Nomena fiofanana momba ny fikarakarana ny kisoa (fahasalamana, sakafo) ireo mpahazo tombontsoa. Sary : Randany Célestin Bienvenu Mahavelombolo ireo vokatra azo Mahavelombolo tokoa raha ny vokatra azo tao anatin ny 10 volana. Vola 80.000 Ar no azon-drazafindravahiny Leonor Jean, nivarotra zana-kisoa roa tamin ireo fito nateraky ny renin-kisoany. Lelavola 120.000 Ar kosa no azon i Makay Jean Paul tamin ny fivarotana zanany telo tamin ireo fito nateraky ny renin-kisoany. Valo kosa no nateraky ny reninkisoan Ingahy Tsingirika Jean Chrisostome. Nahazo 620.000Ar izy rehefa nivarotra efatra tamin ireo. Nividianan izy ireo karazan-kisoa hafa hanatsarana taranaka ny eo an-tanany ny ampahany tamin ireo vola ireo. Nisy ihany koa ny nividianana hazo fanaovan-trano sy nampiasaina tamin ny fambolena. Manara-maso ara-pahasalamana (fanomezana vy, aodiviky, vitaminina, vaksiny) ireo fiompiana ireo ny teknisianina aty an-toerana. Nampifanarahana amin ny zava-misy aty an-toerana (mangahazo) ihany koa ny sakafon ny kisoa. Nahazoan ireo mpahazo tombontsoa fanofanana moa ny fambolena mangahazo sy katsaka mba hamokatra bebe kokoa, hananan'izy ireo fiompiana maharitra. Mety tsara ny fiompiana kisoa gasy noho izy mahatohitra aretina kokoa, tsy manahirana ny sakafony ary mahazaka toetrandro. Na izany aza, maniry hanana karazan-kisoa hafa ny mpikambana. Rasoaniriana Marguerite Marie Andriamahefasoa Bellarmin pejy 2 - Soa an'ala - Laharana 03 - Desambra 2012 pejy 3 - Soa an'ala - Laharana 03 - Desambra 2012
Mirindra sy natao haharitra ireo tetikasa NODE Miorina ao atsimo andrefan i Madagasikara ny faritra arovana vaovao any Mangoky Ihotry, distrikan i Manja, Faritra Menabe, sy distrikan i Morombe, Faritra Atsimo Andrefana. Ny kaominina Andranopasy any avaratra, ny Lakandranon i Mozambika avy ao andrefana, ny kaominina Ankatsakantsa atsimo avy ao atsimo ary ny kaominina Beharona avy ao atsinanana no mamaritra azy. Hita ao ny ala maiky, ny ala honko, ny ranovory, ny honatsy ary ny renirano. Manan-danja ity faritra ity, satria ahitana biby sy zavamaniry miavaka. Toerana fandalovan ireo vorona mpifindra monina ihany koa ary iankinan ny fiainan ny mponina maro. Jono no foto-piveloman ny olona monina manamorona ny ranomasina sy ny farihy. Mpamboly sy mpiompy kosa ny ankoatra izay. Izay mahakolokolo no manana ny soa Vondron olona ifotony iray mitantana ala honko sy fikambanana valo mpiaramiombon antoka amin ny fikajiana ny faritra arovana vaovao no nahazo tombontsoa tamin ny famatsiam-bola NODE. Tanjon izy ireo ny fampihenana ny fitrandrahana harena voajanahary. Nomena tantsoroka ireo asa fiarovana sy fanaraha-maso ny harena voajanahary. Toa izany koa ny fampihodinana tetikasa madinika ho fampitomboana ny vola miditra isan-tokantrano. Sambany ireto nahazo tohana ireto no mba nahazo famatsiam-bola toy itony kanefa dia tena nifototra nampihodina ireo tetikasa fiarovana sy fampandrosoana ireo. Tsara kolokolo ny asa natao ka nitera-boka-tsoa na ho MANGOKY - IHOTRY an ny fiarovana ny harena voajanahary na ho an ny fampitomboana ny vola miditra isam-baravarana. Mihamatotra ny asa fanaraha-maso ary ny fiarovana ny harena voajanahary. Nozaraina ny mamy Efa nizara ny mamy ny mpikambana. Anjatony taonina ny sira vokatra tao Andranopasy. Nahavidy milina fisintoman-drano telo hafa ny mpikambana Nozaraina ny vola azo tamin ny fivarotana bengy ka nahafahana nividy bengy vaovao. Nahavita nividy fitaovampanjonoana manara-penitra vaovao hanampiana ny eo am-pelatanana ny fikambanana. Nahazoana fitaovam-pambolena ny vola vokatry ny fampiasana ny fitaovam-panjonoana manarapenitra. Mampidi-bola ihany koa ny lakana môtera. Tsy aty laroty raha hanondraka ganagana Tsy misy afaka milaza, hatreto, fa rano natondraka ganagana ny famatsiam-bola nomen ny Conservation International Madagascar an' ireo fikambanana mpiara-miombon antoka amin ny Asity Madagascar, ao amin ny faritra arovana vaovaon i Mangoky- Ihotry. Nisy akony lehibe taty amin ny faritra ireny famatsiam-bola ireny. Lasa mandray ny andraikiny amin ny fiarovana ny harena voajanahary ny mponina. "Rahoviana ireo mpamatsy vola no mba hanome tantsoroka fanampiny indray" hoy ny sentosenton izy ireo. Rabotoson Ange Berthin TANDAVANALA ANKENIHENY-ZAHAMENA Tetikasa madinika mampivoatra ny maro Vondron olona ifotony (VOI) miisa 28 ao amin ny faritra atsimon ny tandavanala Ankeniheny-Zahamena no nahazo tombontsoa tamin ny famatsiam-bola NODE, nanomboka ny taona 2009 hatramin ny 2012. Maro tamin ireo tetikasa madinika notohanana no nahitam-bokatsoa, satria nampivoatra ny faripiainana isantokantrano. Singanina amin izany ireto manaraka ireto. Fiompiana akoho gasy nahitampahombiazana Mpikambana ao amin ny VOI MMA Andasibe Andriamatoa Randrianasolo Mad. Anisan ny nahazoany famatsiambola tamin ny tetikasa NODE ny fiompiana akoho gasy. Niantomboka tamin ny akoho 10 izy ary nitombo hatrany izany ka nahatratra 120 taty aoriana. Ankoatra ireo natao sakafo dia nivarotra akoho 45 tamin ireo izy. Manodidina ny 7 000 Ar no namarotany ny akoho iray. Nahavitany dobo-trondro mirefy 4 ara misy zanatrondro tilapia 3000 isa ao Manambanana, kaominina Andasibe ny vola azony tamin izany. Afaka mamatsy zana-trondro amin ny manodidina Andriamatoa Randrianasolo Mad, amin izao fotoana izao. Tafakatra 240 ireo akoho 10 azon-dramatoa Zavaline Olga tany ampiandohana. Mpikambana ao amin ny VOI MIRINDRA Amparafara, kaominina Ampasimpotsy Gara, io ramatoa io. Nahalafo akoho 100 mahery izy ka nahafahany nividy renin-kisoa telo ny vola azony. Efa bevohoka ny roa amin ireo renin-kisoa ireo. Mikasa ny hivarotra izany indray Rtoa Zavaline Olga aty aoriana. Nampiakatra ny faripiainany tokoa ny tetikasa NODE. Nahita tombontsoa tamin ny fiompiana akoho gasy ihany koa Andriamatoa Ramanantsoa Robert, avy amin ny VOI TELOMIRA Ambohibolakely, kaominina Morarano Gara. Vokatry ny tohana ara-bola nomen ny Conservation International tamin ny alàlan ny NODE io. Nivarotra izy rehefa nitombo isa ny akoho nompiany. Nahafahany nividy gisa miisa fito indray ny vola azony tamin'izany. Miroborobo tokoa izao io fiompiana gisa io ka mampiakatra ny faripiainany. Fambolena sakarivo nahavitana trano misy rihana Namboly sakamalao teo amin ny tany mirefy 1ha Andriamatoa Botokambana sy Ramatoa Honorine (VOI RANOALA Ambatoharanana, kaominina Beforona). Nahafahan izy ireo nividy reninkisoa iray izany, izay niteraka 10 taty aoriana. Namidy avokoa ireo zana-kisoa rehefa lehibe. Ny fivarotana vokatra sakamalao kosa tamin ny taom-pambolena faharoa dia nahavitan izy ireo trano misy rihana ary mitafo fanitso. Fambolem-bary manaraka teknika SRA, misongadina ny vokany Nahazo fahombiazana tamin ny fampiharana ny voly vary manarapenitra SRA Ramatoa Razafitsihoatra Naltine (VOI MMA Ambohidray, kaominina Morarano Gara). Nahafahany niatrika ny fiainana andavanandro ny vokatra azony. Nahazoany vola nanokafana fivarotana enta-madinika ny fandafosany ny ampahany tamin izany vokatra izany. Mamatsy ny mponina ao Ambohidray amin ny kojakoja ilaina amin ny fiainana andavanandro io tsenakely io. Razafindrabe Vonimbohangy pejy 4 - Soa an'ala - Laharana 03 - Desambra 2012 pejy 5 - Soa an'ala - Laharana 03 - Desambra 2012
TANDAVANALA AMBOSITRA Sary : Ranorovelo Ida Soamandimby Ravin-dahasa : hanala ny fahantrana Asa velontena maharitra no sady fiarovana ny vakoana (Pandanus) tsy ho lany tamingana no nosafidin ireto vehivavy miisa 20 ao amin ny fikambanana MIARAMITA, kaominina Sendrisoa, fokontany Namoly, tandavanala Ambositra-Vondrozo. Tsy miraviravy tanana ny fikambanana, mitady fiarahamiasa hatrany amin ny any ivelany. Anisan ireny ny fanamafisana ny fahaiza-manao ara-teknika momba ny rary manara-penitra, ny fanatsarana ny kalitaon ny vokatra alefa mifaninana any amin ny tsena ary ny fitadiavana lalam-barotra. Tratra ny tanjona! Mihodina isan andro ny orinasa madinika mpanao taozavatra natsangan izy ireo. Mahatratra 30.000 Ar isan-kerinandro ny vola miditra isan-tokantrano, rehefa tsara ny tsena! Izany no vokatry ny tetikasa NODE, taona voalohany! Tombony ho azy ireo ny fisian ny toeram-pizahantany ao Andringitra. Mitombo ny filan ny mpizahatany Sary : Ranorovelo Ida Soamandimby manjifa ny vokatra rary izay ataon izy ireo. Mampihatra avy hatrany ny Satria maharaka ny kalitao takian ny fiofanana azony ireo vehivavy. Tsy tsena ny vokatr izy ireo dia maro ireo mijanona fotsiny amin ny fandrariana mpiara-miombon antoka miantso nahazatra izy ireo fa manova endrika azy ireo hamonjy tsenabe momba ny ny rary tsotra ho lasa rary maoderina vokatra. Azo antoka ny fitomboan ny manaraka ny kalitaon ny tsena. Mamokatra akora! fidiram-bolan ity fikambanam-behivavy ity. Ho lasa tena velom-po maharitra Miroborobo tokoa, etsy andaniny, izany ka hisy fiantraikany avy hatrany ny famokaran ny mpikambana amin ny fampihenana ny tsindry isan-tokantrano ny akora fandrary mahazo ny vakoana any anaty ala. antsoina hoe forona (Scirpus sp) sy Ranorovelo Ida Soamandimby vinda (Cyperus sp). Maro ireo mpanao asa tanana mividy izany. Sady mahazo akora hoentina miasa ny fikambanana no manana ny hamidy ihany koa! sary : Ranorovelo Ida Soamandimby Zanaka tetikasa naha- Finaritre e e! De nareo lahaly, akory aby elabe tsy nifankahitana? Somary nanova fomba fiasa ny ONG Ny Tanintsika, tamin ity taona 2012 ity, ho fanatanterahana ny tetikasa NODE. Nomena laka ireo Vondron olona Ifotony (VOI) eo amin ny fanatanterahana ny tetikasa NODE iarahana amin ny Conservation International. Nanomboka ny fiandohan ny taona 2012 dia nahatratra 43 ny isan ireo VOI nahazo ny famatsiam-bola NODE. Federasiona ny roa amin ireo. Efa mampiasa ny ampaham-bola faharoa izy ireo, amin izao fotoana izao. Mahatratra 1.845 ireo tokantrano nahazo tombontsoa avy amin ireo tetikasa madinika notanterahin ireo VOI ireo. Isan-karazany ireo zana-tetikasa Zana-tetikasa madinika roa isaky ny VOI no nekena ho vatsiana vola. Anisan'izany ny fambolena tsaramaso miampy ravintsara na koa ny fitantanana sompitra iombonana miampy voly voanjolava. Ankoatra ireo, fahita ihany koa ny tetikasa madinika hafa toy ny fiompiana akoho gasy, kisoa, tantely miaraka amin ny voly hafa toy ny tsaramaso, voanjolava, sns Niompana tamin'ny fizarana ambiokan-janakazo ny fanentanana nataon'ny federasiona teo aloha. Ankehitriny kosa, dia nanao VONDROZO zoana tombony be taninjanakazo mihintsy izy ireo mba hamokarana zanakazo ho volena isam-paritra. Heverina fa hitohy mandavantaona izany sehatrasa izany. Lohahevitra entina hanantotosana izany fanentanana izany ny hoe: Ala voakajy sy voaaro, toetrandro milamina, vokatra azo antoka. Noraisina ho teny filamatry ny FCOBA ato anatin ny distrika Ikongo koa io lohahevitra io. Misy ny ohatra alain-tahaka Maro amin ireo tokantrano no efa nahazo tombontsoa tamin ny tetikasa madinika novatsian ny NODE. Anisan izany ny tokatranon' Andriamatoa Georget, mpikambana ao amin ny VOI MAMIA, monina ao Mamolifoly, kaominina Antodinga, distrika Ikongo. Nampiditra vary 825 kg tao amin ny sompitra iombonana izy. Nahazoany vola 330 000 Ar ny vidin izany. Nividianany voan-kafe 400 kapoaka sy tsaramaso 300 kapoaka ho fanampin izay anjara azony tamin ny tetikasa NODE ny vola azony. "Nahazoanay Tanimbary 6 ara ny tombony tamin ny vokatra tsaramaso sy ny vidin ny kafe", hoy izy. Hafaliana aoka izany ny azy sy ny vadiny ary ireo zanany efatra mahita izany tombontsoa izany! Hotohizana amin ny taona ho avy e! hoy izy ireo nampanantena. Izay ary no azo zakaina ka dia Loniky samby ho tsara aby koa! Mahatamana Zafimanahaka (Dadah) MENABE ANTIMENA FITARIHANTSOA II sy Fanamby : Ho fanatsarana ny fizahantany Nanomboka ny taona 2007 no efa niasan ny Fikambanana FITARIHANTSOA II ho fikajiana ireo reniala na Baobab. Misy sokajiny telo ity karazan-kazo ity ao anatin ny Faritra arovana Allée des Baobabs. Amin ny maha mpitantana voatondro ny faritra arovana ny FANAMBY dia iarahany mijery akaiky amin ny FITARIHANTSOA II ny hevitra rehetra hahatomombana ny asa fikajiana sy ny fampiroboroboana ny fizahantany eo an-toerana Nikaroka hevitra ny roa tonta amin ny fanatsaràna sy fanavaozana ireo fotodrafitrasa efa misy, nohon ny fahitana ny fitomboan ireo mpizahatany nitsidika io faritra arovana io. Natao izany mba hanomezana fahafahampo ireo mpizahatany sy hisintonana izay manam-pikasana hitsidika izany toerana malaza izany Tamin izany indrindra no nahazoan ny fikambanana FITARIHANTSOA II fanampiana ara-bola avy amin ny tetikasa NODE. Famatsiam-bola avy amin ny CEPF, izay mandalo amin ny Conservation International ary tantanan ny FANAMBY. Izany famatsiam-bola izany no nahafahana nampiditra jiro mandeha amin ny herin ny masoandro sy nahazoana vata fampangatsiahana ary fanatsarana ny toeram-pivarotana kojakoja mahasarika ireo mpizahatany. Mbola nisy ihany koa ny fanavaozana ireo takelaby fampahafantarana ny faritra hotsidihina. Manampy izany, ny fampiofanana momba ny fitantanana ireo solontenan ny fikambanana misahana ny fampandehanan-draharaha eo an-toerana. Tafiditra ao anaty vina Fizahantany ho an ny fampandrosona maharitra ireo tetikasa ireo. Ramananarivo Andrianantenaina Fabien pejy 6 - Soa an'ala - Laharana 03 - Desambra 2012 pejy 7 - Soa an'ala - Laharana 03 - Desambra 2012
Vaovaon'ny Fandaharan'asa Node IZA MOA I Arijaona? Izy no Rakotonarivo Andrianarijaona, teknisianin ny Asity Madagascar, miandraikitra ny Sehatrasa Fampandrosoana ao amin ny Faritra Arovana Vaovaon i Mahavavy Kinkony. Taona iray izao no nandraisan i Arijaona io andraikitra io teo anivon ny Faritra Arovana Vaovaon i Mahavavy Kinkony (FAV CMK). Niandraiketany manokana ny fampandehanana sy Nisantatra dingana vaovao ny tetikasa NODE any amin ny tapany atsimon ny tandavanala Ankeniheny-Zahamena tamin iny volana septambra teo iny. Ny tahiry fampandrosoan ny fianakaviana Helmsley no namatsy vola izany tetikasa Soa an'ala Laharana 03 Desambra 2012 Gazety navoakan'ny Conservation International Lot II 27 D - Villa Hajanirina Rue Vittori François - Ankorahotra Antananarivo 101 - BP 5178 Madagascar Tél. 22 609 79-22 612 72 e-mail : cimad@moov.mg www.conservation.org/madagascar fanarahamaso ireo tetikasa madinika «NODE» izay niarahana tamin ireo fikambanana miisa 30 any an-toerana. Anisan ny nampiavaka azy ny fahaizany nifandray sy nifandresy lahatra tamin ireo olona ka nahafahana nahazo vokatra mahafapo tanteraka. Raha 23 mantsy ny isan ny tetikasa noheverina ho tanterahina tany amboalohany dia 66 ankehitriny no tafapetraka soa amantsara. Tsy mba ny ora fiasàna no zavadehibe amin i Arijaona fa ny vokatra azo izay mamaly ny tanjona napetraka. Mbola tsy miposaka akory ny masoandro no efa miainga hamonjy ireo fikambanana tantsaha izy ary mazàna maizina vao tafasaraka amin izy ireo rehefa misy ny olana. Noho izay fomba fiasa izay dia ambony dia ambony ny tahapahavitrian ireo olona manatanteraka lahasa ary azo tsapain-tànana ny vokatra azo : 1) nisy fihatsaràna ny fidirambolan ireo mpikambana mavitrika ; izany. Anisan ny tanjona ny hamporisika ny vondron olona rehetra mba hikajy ireo harena voajanahary sady hanatsara ny velontenany. Kendrena amin izany ny fampiroboroboana ireo tsirin-kevitra hialàna amin ny mahazatra kanefa Mpiara-misalahy Tonian'ny fanoratana RAMANAHADRAY Soloson Komitin'ny fanoratana RAJAOBELINA Léon RAJAOFARA Haingo Nirina RAOELIARIVELO Hajasoa RAMESON Hariniaina ANDRIAMARO Luciano ZATOVONIRINA N'aina Zo Nanatontosa +261 34 11 436 79 2) nandray andraikitra amin ny fiarovana sy fanarenana ireo harena voajanahary izy ireo 3) niha-mafy kokoa ny fifandraisana teo anivon ny samy mpikambana sady nihamatotra ny fiarahamiasa amin ny Asity Madagascar. Nanampy be dia be tamin izay fahombiazany izay koa anefa ny fahatokisana napetraky mpiaramiasa taminy ka nahafahany naneho ankahalalahana ny fahaizamanaony. Velompankasitrahana manokana ny ekipan ny FAV CMK ny foibe Asity Madagascar any Antananarivo Nisongadina ny zavabita na dia roalahy fotsiny aza izy ireo (raha telo no tokony ho izy) noho ny fahaizana miaramiasa. Tena mpirahalahy mianala tokoa raha i Arijaona sy Clarice lehibeny. Rabarisoa Rivo Famatsiam-bola Helmsley Charitable Trust miteraka fidiram-bola maharitra sady mikajy ny tontolo iainana. Roa taona no faharetan ny tetikasa ary vinavinaina ho VOI miisa15 no hahazo tombontsoa. Notanterahina tao Moramanga àry ny 9 sy 10 oktobra 2012 teo ny atrikasa nanombohana io tetikasa io. Nanatrika izany ireo VOI, ireo federasiona MIARADIA sy VAHATRINIALA ary ireo solontenan ny ANAE sy CI. Nandray anjara ihany koa ireo solontenam-panjakana avy amin ireo sampandraharaha teknika (fambolena, fiompiana, ala sy ny tontolo iainana) sy ny kaominina. Nofidiana tamin izany ireo VOI hahazo famatsiambola. Nankatoavina fa VOI miisa 8 avy amin ny federasiona VAHATRINIALA ary 7 kosa avy amin ny MIARADIA no hahazo tantsoroka. Fepetra manokana ahazoana izao famatsiambola izao ny fahavitrihan ny VOI manao asa fikajiana na ny ezaka ataony hampihenana ny tsindry amin ireo harena voajanahary. Hampiavaka manokana izao andian-tetikasa NODE izao ny ezaka atao hampahatezàna ny tetikasa. Kasaina ho indroa miantoana ny tantsoroka homena ny VOI tsirairay. Tetikasa madinika mamokatra mitodika amin ny tsena ary vita fanadihadiana lalam-barotra mialoha no ho tohanana. Ramanahadray Soloson pejy 8 - Soa an'ala - Laharana 03 - Desambra 2012