RAPPORT DU CONSEIL COMMUNAL DU

Transcription

1 05 /// 2017 GEMENGENINFO RAPPORT DU CONSEIL COMMUNAL DU EDITEUR: ADMINISTRATION DE LA VILLE DE DUDELANGE

2 Editeur responsable: Collège des bourgmestre et échevins de la Ville de Dudelange Textes: Résumé français: Patrick Bausch Retranscription: Rita Schmit N 05 /// 2017 Parution NOVEMBRE 2017 Photos, Illustrations: Ville de Dudelange, David Laurent/Wili, Michel Brumat, André Weisgerber, Pulsa, Mike Zenari, BENG, istock, Pixelio PAPIERÀBASEDEFIBRESCERTIFIÉES

3 SOMMAIRE 03 Réunion du conseil communal du 14 juillet 2017 Gemengerotssëtzung vum 14. Juli Séance publique: 1. Correspondance; Circulation: 2.1. approbation d'un règlement définitif concernant un arrêt de bus de la ligne approbation d'un règlement définitif concernant le quartier «Lenkeschléi» 2.3. approbation d'un règlement définitif concernant le stationnement pour handicapés physiques 2.4. approbation d'un règlement définitif concernant un passage pour piétons à la route de Boudersberg 2.5. approbation d'un règlement définitif concernant un passage pour piétons à la route de Kayl 2.6. approbation d'un règlement définitif concernant la rue Ribeschpont Modification du règlement général de police: Finances communales: 4.1. approbation du projet de construction d une structure scolaire et d encadrement au quartier «Lenkeschléi» 4.2. approbation de la convention de collaboration pour le projet de logements pour famille monoparentale à Dudelange 4.3. approbation d un acte notarié de vente avec les consorts Seca 4.4. approbation d'un acte de cession gratuite avec les époux Eco-Rastoder 4.5. approbation d'un acte de cession gratuite avec la Caisse nationale de santé 4.6. approbation de la convention passée avec l État du Grand-Duché de Luxembourg au sujet de la mise à disposition au Lycée Nic Biever Dudelange des infrastructures sportives au Centre sportif René Hartmann 4.7. approbation de la convention passée avec le Ministère de Logement au sujet du subventionnement des logements sociaux 4.8. approbation du contrat de bail avec le concierge de l'école Brill 4.9. approbation de l état des recettes restant à recouvrer à la clôture de l exercice approbation d'un devis relatif au renouvellement de la conduite d'adduction du réservoir d'eau potable "Weich" approbation d'un crédit spécial relatif au renouvellement de la conduite d'adduction du réservoir d'eau potable "Weich" subsides extraordinaires à accorder décompte à approuver approbation de la convention passée avec le Ministère de l Économie, Technoport S.A. et le GIE Luxinnovation au sujet de la gestion de l «Innovation Hub Dudelange» approbation de la convention passée avec le Ministère de l Économie au sujet de la prise en charge de frais de rénovation d une partie du bâtiment, 100, route de Volmerange, pour l installation de l «Innovation Hub Dudelange»

4 SOMMAIRE approbation du contrat de bail avec le Fonds pour le Développement du Logement et de l'habitat au sujet de la location d une partie du bâtiment, 100, route de Volmerange, pour l installation de l «Innovation Hub Dudelange» approbation du devis estimatif pour la mise en état technique du bâtiment sis 100, route de Volmerange à Dudelange pour l'installation de l' «Innovation Hub Dudelange» approbation d'un crédit spécial pour mise en état technique du bâtiment sis 100, route de Volmerange à Dudelange pour l'installation de l' «Innovation Hub Dudelange» 5. Approbation du projet d aménagement particulier «Am Brill» Enseignement fondamental: 6.1. approbation de l'organisation scolaire provisoire pour l'année scolaire 2017/ bilans des plans de réussite scolaire et perspectives des plans de développement de l établissement scolaire École régionale de musique - approbation de l organisation scolaire provisoire pour l année scolaire 2017/ Office social - approbation du décompte annuel Commissions consultatives - nomination d'un membre à la commission de surveillance de l'école régionale de musique Stratégie culturelle commune à adopter pour les communes du sud Approbation des nouveaux statuts du TICE Approbation des modifications à apporter aux statuts du SIDOR Personnel: création d un poste de fonctionnaire communal dans la carrière de l assistant social allocation d une indemnité aux fonctionnaires chargés de la préparation et de l organisation des élections communales du 8 octobre Questions au collège des bourgmestre et échevins 99

5 Séance à huis clos: 05 SOMMAIRE 15. Enseignement fondamental - admissions retardées dans l enseignement fondamental d un écolier 16. Personnel: prolongation de deux contrats à durée déterminée d employés communaux dans la carrière de l'aide-éducateur prolongation de deux contrats à durée déterminée d employés communaux dans la carrière de l'aide-éducateur avec augmentation de tâche engagement de quatre employés communaux à durée indéterminée dans la carrière de l'aideéducateur engagement à durée déterminée de plusieurs employés communaux dans la carrière de l'aide-éducateur par recrutement externe prolongation du contrat à durée déterminée d'une éducatrice diplômée engagement sous contrat à durée indéterminée de trois éducateurs diplômés 16.7 engagement à durée déterminée de plusieurs employés communaux dans la carrière de l'éducateur diplômé par recrutement externe engagement à durée indéterminée d'une employée communale dans la carrière de l'éducateur gradué augmentation du degré d occupation d un employé communal dans la carrière de l'aide-éducateur augmentation du degré d occupation d une employée communale dans la carrière de l'aideéducatrice augmentation du degré d occupation d un employé communal dans la carrière de l'aide-éducateur augmentation du degré d occupation d un employé communal dans la carrière de l'aide-éducateur nomination d'une fonctionnaire communale dans la carrière de l'assistante sociale prolongation de stage à accorder à un fonctionnaire communal dans la carrière de l'expéditionnaire administratif départ à la retraite d'un fonctionnaire communal dans la carrière du rédacteur promotion au grade 13 d'un fonctionnaire communal engagement à durée indéterminée d un employé communal, carrière B démission d'un employé communal dans la carrière de l'aide-éducateur démission d'une employée communale dans la carrière de l'aide-éducatrice démission d'un fonctionnaire communal dans la carrière de l'expéditionnaire administratif démission d'un fonctionnaire communal dans la carrière de l'expéditionnaire administratif 17. École régionale de musique: engagement d un chargé de cours en chant et chant choral à durée indéterminée engagement d un chargé de cours en formation musicale, piano et accompagnement à durée indéterminée réengagement d un chargé de cours en piano/jazz à durée déterminée réengagement d une chargée de cours en éveil musical à durée déterminée réengagement d un chargé de cours en contrebasse à durée déterminée modification d un contrat à durée indéterminée d'un chargé de cours départ à la retraite d'une salariée à l'école régionale de musique engagement d'un directeur pour l'école régionale de musique.

6 06 RAPPORT RAPPORT SUCCINCT DE LA RÉUNION DU CONSEIL COMMUNAL DU 14 JUILLET 2017 Présents: Messieurs Dan Biancalana, bourgmestre; René Manderscheid (sauf pour les points 4.3, à 4.5 de l ordre du jour), Loris Spina et Madame Claudia Dall Agnol, échevins. Monsieur Bob Claude; Madame Josiane Di Bartolomeo-Ries (sauf pour les points 13.2 à 15.3 de l ordre du jour); Messieurs Jean-Paul Friedrich, Jean-Paul Gangler, Vic Haas (sauf pour les points 16.1 à de l ordre du jour); Mesdames Romaine Goergen, Michèle Kayser-Wengler, Colette Kutten, Emilia Oliveira (sauf pour les points 4.14 à 4.18 et 16.1 à de l ordre du jour), Brit Schlussnuss et Monsieur Jos Thill (sauf pour les points 4.3 à 4.5 de l ordre du jour), conseillers. Patrick Bausch, secrétaire communal. Absents: Madame Jessica David et Monsieur Marc Lazzarini, conseillers, excusés. Début de la séance à heures. Monsieur le bourgmestre ouvre la séance en souhaitant la bienvenue à tous les présents. Sur demande du bourgmestre, le conseil communal accepte les pièces supplémentaires à l ordre du jour de la séance. Monsieur le bourgmestre porte les informations suivantes à la connaissance du conseil communal: la pétition lancée par le collège des bourgmestre et échevins en date du 3 juillet 2017, s adressant à Monsieur le Ministre du Développement durable et des Infrastructures et à Monsieur le Directeur général des CFL et concernant le maintien des lignes ferroviaires directes suivantes: - ligne (n 60 A): train numéro 6524 depuis Volmerange-les-Mines, départ à 07h40 avec arrivée à Luxembourg à 08h18; - ligne (n 60 A): train numéro 6567 depuis Luxembourg, départ à 16h23 avec arrivée à Volmerange-les-Mines à 16h53. a recueilli plus que mille signatures jusqu à présent. Tous les intéressés peuvent encore signer la pétition à l Hôtel de Ville, ceci jusqu au 16 septembre 2017, date de la journée de la mobilité; les listes électorales ont été arrêtées provisoirement en date de ce jour et seront désormais disponibles à la consultation des intéressés. 11'177 électeurs sont inscrits sur les listes électorales, dont 9'899 électeurs luxembourgeois et 1'278 électeurs étrangers. Depuis le mois de mai, date à laquelle des actions de sensibilisation pour l inscription aux listes électorales ont été répétées, 232 nouveaux électeurs étrangers se sont inscrits sur la liste; le compte provisoire de l exercice 2016 de la commune affiche un boni de 11,5 millions d euros. Monsieur René Manderscheid informe le conseil communal en outre que la Ville a su renouveler son label «fair-trade» pour l année Suit la liquidation de l ordre du jour. Le point numéro 2 de l ordre du jour concerne la réglementation de la circulation. Ainsi sont approuvés unanimement: le règlement définitif de la circulation nécessaire à la prolongation de la ligne d autobus régionale RGTR 305, par la désignation de 3 arrêts-autobus supplémentaires dans la route de Zoufftgen; la réglementation définitive de la circulation dans le nouveau quartier Lenkeschléi; le règlement définitif de places de stationnement réservées aux personnes handicapées; les règlements définitifs pour l installation de passages pour piétons dans la route de Boudersberg et dans la route de Kayl; le règlement définitif portant introduction d une zone de vitesse limitée à 30 km/h dans la rue Ribeschpont. Est approuvé d un commun accord, les modifications à apporter au règlement général de police, plus spéciale-

7 ment en ce qui concerne les dispositions destinées à garantir le libre passage pour personnes malvoyantes ou aveugles. Un large point numéro 4 concerne les finances communales. Par des votes à l unanimité, le conseil communal approuve: 1. le principe de la construction d un complexe scolaire et de structures d accueil prévus dans le cadre du nouveau quartier Lenkeschléi, sur la parcelle 1382/9920 avec une superficie totale de 46,5 ares pour un coût global estimatif de 17'874'665,40-, taxes et honoraires compris et le projet, tel qu il est décrit dans le dossier élaboré et présenté par l équipe multiprofessionnelle en charge de l élaboration du projet, sous la direction de MC Management Consultants Luxembourg, tout en en arrêtant le plan de financement; 8. le contrat de bail avec Monsieur Marco Ferreira au sujet d un logement de service, conciergerie de l école Brill, 25, rue Pierre Krier; 9. l état des recettes restant à recouvrer à la clôture de l exercice 2016 reprenant des recettes pour un montant global de 1' ,49-. Autorisation est ainsi conférée au collège des bourgmestre et échevins pour poursuivre en justice les débiteurs concernés; 10. le devis estimatif de ,- relatif au renouvellement de la conduite d'adduction au réservoir d'eau potable «Weich»; 11. le crédit spécial pour le même montant relatif aux travaux ci-dessus; 12. les subsides extraordinaires suivants: RAPPORT la convention entre la Croix-Rouge luxembourgeoise, l'office social de Dudelange et la Ville de Dudelange concernant la prise en charge de jeunes gens dans le cadre de logements encadrés dans la maison destinée à la colocation (2 unités) située au 55, rue du Stade John F. Kennedy, à Dudelange; 3. l'acte de vente notarié aux termes duquel les époux Jean-Louis Klein-Viviane Seca et Marcel Schaul- Marie-Josée Seca vendent à l'administration communale une parcelle de terrain, sise à Dudelange, inscrite au cadastre de la commune de Dudelange, section A de Budersberg, numéro cadastral 1885/9689, lieu-dit «Ob Rellent», vaine, contenant 31,45 ares; 4. l acte notarié de cession aux termes duquel la Ville reçoit gratuitement des époux Eco-Rastoder, des biens immobiliers sis à Dudelange Budersberg, rue Aloyse Kayser pour les incorporer dans la voirie publique communale; 5. l'acte notarié de cession aux termes duquel l'administration communale reçoit gratuitement de la Caisse nationale de santé (CNS), une parcelle de terrain, sise à Dudelange, place de l Hôtel de Ville, pour l incorporer dans la voirie publique communale; 6. la convention avec le Ministère de l'éducation nationale, de l'enfance et de la Jeunesse concernant la mise à disposition des infrastructures sportives du Centre sportif René Hartmann au Lycée Nic Biever Dudelange; 7. la convention avec le Ministère du Logement concernant deux logements subventionnés destinés à la location sis place am Duerf; - 150,- à l'a.s.b.l. «Association nationale des victimes de la route» en tant que cotisation «commune-membre» pour l'année 2017; - 250,- à l'a.s.b.l. «Gëlle Joeren - Amicale fir eeler Leit» pour le trentième anniversaire de l'existence de l'association; 13. le décompte relatif au dossier technique concernant l adaptation de l étude générale d assainissement pour un montant total de ,54- ; Les points 4.14 à 4.18 de l ordre du jour concernent le projet «Innovation Hub Dudelange». Il s agit plus précisément d un projet qui vise à contribuer au développement local, régional et national à travers le support au développement d entreprises technologiques et innovantes. Pour ce faire, la Ville, ensemble avec ses partenaires entend créer et animer le «Innovation Hub Dudelange», centre d accueil et d innovation pour entreprises, d une surface d environ 500 m2 sis au 1er étage de l immeuble au 100, route de Volmerange. Le conseil approuve dès lors unanimement: 14. la convention tripartite conclue entre la Ville, Luxinnovation G.I.E et Technoport s.a., définissant le cadre de la collaboration entre les parties qui s engagent à participer à la création et l animation d un «Innovation Hub Dudelange»; 15. la convention relative au projet «Innovation Hub Dudelange» avec le Ministère de l'economie concernant la participation financière de l Etat de 80% aux dépenses estimées à 175'000,- ttc, soit 140'000,- ttc, frais à avancer par la Ville, pour financer les travaux d aménagement afin de pouvoir exploiter les locaux situés dans le bâtiment dont question;

8 08 RAPPORT 16. le contrat de bail relatif à la location des locaux nécessaires au bâtiment 100, route de Volmerange, pour la réalisation du projet «Innovation Hub Dudelange», conclu avec le Fonds pour le développement du logement et de l'habitat; 17. le devis estimatif de ,- relatif à la mise en état technique de la partie du bâtiment sis 100, route de Volmerange; Les nouveaux statuts du TICE sont adoptés avec toutes les voix. Avec 14 voix contre une, le conseil communal approuve les modifications à apporter aux statuts du SIDOR. Décisions de personnel en séance publique: Par des votes unanimes, le conseil décide: 18. le crédit spécial corrélatif pour la même somme. Sub 5 e point de l ordre du jour, le projet d aménagement particulier «Am Brill» est avalisé avec les voix de tous les conseillers communaux. Le projet de ce PAP a l intention de protéger le charme du quartier Brill existant, sa philosophie particulière et de créer la possibilité d aménagements pour les habitants. Sont approuvés à l unanimité, l'organisation scolaire provisoire pour l année scolaire 2017/2018 pour l enseignement fondamental ainsi que les bilans des plans de réussite scolaire des années et les perspectives des plans de développement de l établissement scolaire pour les années scolaires L organisation scolaire provisoire pour l année scolaire 2017/2018 de l école régionale de musique est adoptée avec toutes les voix. Le décompte annuel de l exercice 2016 tel qu arrêté par la Ministre de la Famille et de l'intégration et du conseil d'administration de l'office social de Dudelange est approuvé à l unanimité. Les changements suivants sont unanimement apportés aux commissions consultatives communales: Monsieur Paul Klein de Crauthem, est nommé membre de la commission de surveillance de l'école régionale de musique comme représentant du groupe de travail «Quintolet» pour la période du 1er juillet 2017 au 30 juin 2018; Mesdames Nancy Back-Kelsen, Monique Biren-Kettel, Carole Koster-Pasqualini et Monsieur Marvin Divo sont nommés membres du pool des remplaçants pour le parti chrétien social. Le conseil communal décide à l unanimité d'adopter la déclaration d'intention du comité du syndicat Pro-Sud «Stratégie culturelle à long terme pour la région Sud», en matière de développement et de gouvernance culturels au niveau régional. Cet engagement permettra de contribuer à un développement durable de la vie culturelle dans la région Sud. de créer un poste de fonctionnaire communal dans la carrière de l assistant social; d allouer une indemnité aux fonctionnaires chargés de la préparation et de l organisation des élections communales du 8 octobre Aucune question n a été posée par écrit au collège des bourgmestre et échevins. Séance à huis clos: Des autorisations sont conférées à trois écoliers pour différer leur admission à l enseignement fondamental d une année. Décisions de personnel: Service éducation et accueil pour enfants: sont prolongés, les contrats à durée déterminée de Mesdames Joy Degreef, Elisabete Matias Figueiredo, Michelle Leroy, Méline Heuer et Elisabeth Ney; sont engagés à durée indéterminée: Mesdames Lorella Piazza, Rachel Salgueiro, Messieurs Max Hoffmann, Thierry Steinmetz; Mesdames Gwendy Esteves De Oliveira, Joan Esteves De Oliveira, Marion Halsdorf; Monsieur Filipe Abreu De Sousa; Mesdames Giulia Mura, Laura Tinelli et Dalila Dervisevic; sont engagés à durée déterminée, Mesdames Mandy Mausen, Tatjana Bausch-Schorn, Sabrina Da Costa, Maxi Fries, Jennifer Nathalie Abends; les degrés d occupation des employés communaux suivants sont augmentés: Monsieur Daniel Zenari, Mesdames Mireille Bausch, Monique Schoetter et Catarina Rodrigues Da Silva. Administration: Madame Stefania Mangini est nommée provisoirement au poste de fonctionnaire communal, carrière de l assistant social, au service locale de l emploi; le temps de service provisoire de Monsieur Victor Matias Cruz, expéditionnaire administratif au service de la gestion des ressources humaines est prolongé; démission est accordée aux fonctionnaires suiv-

9 ants: Messieurs François Olivieri, rédacteur, service culturel, Patrick Zehner et Madame Mireille Cirelli, expéditionnaires administratifs, office des citoyens et aux employés communaux, Monsieur Charly Fritz et Madame Marion Halsdorf, service d éducation et d accueil pour enfants; RAPPORT 09 une promotion de grade est accordée à Monsieur Claude Kugeler, secrétaire communal adjoint; est engagé à durée indéterminée comme employé communal, Monsieur Jeannot Hutchinson, service d architecture et des domaines. Ecole régionale de musique: sont engagés comme chargés de cours à durée indéterminée: Monsieur Jeff Mack, chant et chant choral et Madame Linda Vandewalle, formation musicale, piano et accompagnement; sont réengagés comme chargés de cours à durée déterminée: Monsieur Pit Dahm, piano/jazz, Madame Véronique Cloos, éveil musical et Monsieur Dariusz Wisniewski, contrebasse; est modifié, le contrat à durée déterminée de Monsieur Yves Tordi; démission est accordée à Madame Christiane Giovannoni; est nommé au poste de directeur de l'école régionale de musique: Monsieur Bob Morhard. La prochaine réunion du conseil communal aura lieu le vendredi, 15 septembre 2017 à heures. Fin de la séance vers heures. ***

10 RAPPORT 10 GEMENGEROTSSËTZUNG VUM 14. JULI 2017 Dan Biancalana (LSAP Buergermeeschter): Gudde Moien, léif Membere vum Schäffen- a Gemengerot. Ofgemellt fir dëse Gemengerot sinn engersäits d Jessica David an de Marc Lazzarini, asoufern si mir da fir haut komplett. Dir hutt nach e puer Saachen nogeschéckt kritt en cours de route, wat d Besetzung vu Kommissiounen ugeet, respektiv eng ganz Rei Avisen am Huis-clos. Ass de Gemengerot mat deenen Ajouten averstanen? Merci. Da géif ech direkt op de Punkt 1 goen, op d Korrespondenz. 1. KORRESPONDENZ Dan Biancalana (LSAP Buergermeeschter): Ënnert dësem Punkt wollt ech dräi Informatioune mat op de Wee ginn. Engersäits, wat elo och kierzlech an der Zeitung stoung, de leschte Stand vun eiser Petitioun, déi mir lancéiert haten, symbolesch virun 2 Wochen, do ass de Stand op haut, dat sinn 1003 Ënnerschrëften, déi mir gesammelt hu bei den Diddelenger Bierger. An deene leschten Deeg sinn och eis Volmerenger Kollegen aktiv ginn, déi och vun hirer Säit hir Solidaritéit bekundet hunn, an Dir wësst et jo, déi ganz Aktioun leeft weider bis de 16. September, den nationalen Dag vun der Mobilitéit. Dat zu der Petitioun, also innerhalb vun 2 Wochen 1000 Ënnerschrëften, dat ass schonns ganz positiv, dat weist ganz kloer, dass dat och d Diddelenger Bierger hei beschäftegt. Déi zweet Informatioun ass par rapport zu de Wielerlëschten. Et ass jo esou, dass de 14. Juli, also haut op den Nationalfeierdag vun eise franséische Kollegen, och den Arrêt provisoire ass vun de Wielerlëschten, dass also ab dem 14. Juli de Public en Abléck huet an déi Lëschten, an och vum 14. Juli bis den 21. Juli Reklamatioune kënnen un de Schäfferot erugedroe ginn, wat d Wielerlëschten ugeet. Dat zu der Prozedur, wat sech am nationale Kader bewegt. Wat awer elo reng den Diddelenger Kader ugeet, kann een de Moment d Informatioun ginn, dass mir Wieler hei zu Diddeleng hunn, an dovunner sinn auslännesch Matbierger, déi ageschriwwe sinn, an am Fong säit dem 3. Mee 2017, wou mir als Gemeng alleguerten eis auslännesch Matbierger ugeschriwwen hunn, déi och d Konditiounen erfëllen, respektiv mat alleguerten deene sëllegen Aktiounen, déi d Integratiounskommissioun gemaach huet, mam Projet Ensemble, mat deene verschiddenen Präsenzen op de Stänn, mat der Ouverture och vum Populatiounsbureau hu mir 232 nei auslännesch Matbierger, déi sech ageschriwwen hunn an d Wielerlëschten. Also, ech mengen dass déi ganz Efforten, déi gemaach gi si vun deene verschiddenen Acteuren hei hir Friichte gedroen hunn, wann ee weess, dass 2011 bei deene leschte Gemengewalen d Zuel vun den auslännesche Matbierger, déi ageschriwwe waren, ronderëm sech situéiert huet. Mir hunn hei all d Efforte gebündelt an alles gemaach als Gemeng, wat mir konnte maache fir weider Leit ze mobiliséieren.

11 RAPPORT 11 Voilà, déi Informatioun wollt ech och nach hei weiderginn, an dann déi drëtt Informatioun, dat ass de provisoresche Kont vum Joer 2016, dee mir nach mussen eraschécken an de Ministère de l Interieur, wou en dann definitiv approuvéiert soll ginn. Do ass d Situatioun och positiv, de provisoresche Kont schléisse mir of mat engem definitive Boni vun ,36 Euro. Dat ass den definitive Boni. Wann ee kuckt, am Boni am Ordinaire si mir bei ,68 Euro, dat ass zimlech gutt, a wann een den definitive Boni vun deenen 11,5 Milliounen Euro par rapport zum Boni, dee mir am Rectifié haten, dat waren Milliounen Euro, kuckt, do hu mir also e Plus vun 1,4 Milliounen Euro. Do derbäi ass natierlech de Boni vum Kont , deen definitiv ass, an dee läit bei Euro, also ass hei eng gutt Ausgangspositioun, déi mir eis hei erwirtschaft hunn an der Diddelenger Gemeng fir déi nächst Projeten, déi mir wëllen an Ugrëff huelen an déi och schonns virun der Dier stinn, an an dësem Gemengerot wäerte mir eis mat deem engen oder anere befaassen, dee méi eng gréisser Envergure wäert hunn. Dat als drëtt Informatioun un de Gemengerot, dat war alles ënnert Korrespondenz, ech kucken ob d Kollege vum Schäfferot nach eppes ënnert dem Punkt Korrespondenz hunn an ech ginn d Wuert un de René Manderscheid? René Manderscheid (LSAP Schäffen): Ech wollt just matdeelen, dass mir säit 2011 Fairtrade-Gemeng sinn, dat ass e Certificat, deen een sech muss all Joer frësch erkämpfen. Dat heescht, eis Gemeng huet dëst Engagement och dëst Joer oprecht erhalen, a mir hunn och deementspriechend de Certificat kritt. Dat heescht, all Joer muss deen erneiert ginn, opgrond vun enger Eva- luatioun, och deen Test hu mir dës Kéier erëm bestanen a mir sinn also och erëm ee Joer bei hinnen dobäi. Dan Biancalana (LSAP Buergermeeschter): Merci och fir déi Informatioun, a mir gi weider bei d Circulatioun, do sinn eng ganz Rei Verkéiersreglementer an d Claudia Dall Agnol huet d Wuert. 2. VERKÉIERSREGLEMENTER Claudia Dall Agnol (LSAP Schäffin): Merci, ech fänke mat deem éischten un, do hate mir schonns puermol hei am Gemengerot driwwer rieds. Hei kann een elo soen Was lange währt, wird endlich gut. Ech hunn nach net all d Informatiounen iwwert den neie Bus, mee zumindest déi, déi néideg sinn, fir dass mir kënnen e Verkéiersreglement stëmmen an déi Bushaltestellen, déi néideg sinn, et geet ëm de Bus 305, wou mir schonns e puermol rieds haten. a. Approbatioun vun engem definitive Reglement iwwer e Busarrêt vun der Linn 305 Claudia Dall Agnol (LSAP Schäffin): Dir wësst, dass dat en RGTR-Bus ass, dee gëtt vum Staat geplangt a bezuelt, sou dass et net esou ass, wéi wann et den TICE ass, am dass mir do kënnen an all Detail, wat de Wee ubelaangt, matschwätzen. Mir hunn nach net all Detail iwwert de Bus, mir wëssen awer schonns, dass en net méi 200 heescht mee en heescht elo 305, an de Bus 200, dee sollt op Diddeleng verlängert ginn, deen ass definitiv gestuerwen.

12 RAPPORT 12 Deen neie Bus, den 305 also, dee soll ab Schoulufank fueren, also ab dem 15. September. E soll an zwou Fuerrichtunge verkéieren an e soll all 30 Minutte fueren, eventuell soll en esouguer an der Haaptverkéierszäit am 15-Minuttentakt fueren, samschdes am 30-Minutten takt a vu sonndes hunn ech weider nach keng Informatioune kritt. Et soll en 10-Meter-Bus sinn, dat sinn esou Busse wéi mir se och als Citybus hunn, an e soll vun der Firma Emile Weber gefuer ginn. D Linneféierung wier via Kräizbierg, rue du Commerce, Dominique Lang, Gare an dann op Beetebuerg, wou een da kann an den Zuch, oder awer och an déi Buslinn 200 ëmsteigen, fir an d Stad ze fueren. Dir frot Iech elo sécher, wat ass d Aufgab vun der Gemeng bei deem Bus? Wéi ech virdru gesot hunn, et ass eigentlech en RGTR- Bus, an et ass einfach fir d Bushaltestellen ze kreéiere fir dass dee Bus kann op eisem Terrain stoe bleiwen, a mir brauchen och do just déi Bushaltestellen ze kreéieren, déi nach feelen. Fir déi Bushaltestellen hu mir och den Avis vun der staatlecher Verkéierskommissioun musse froen, a mir hunn do och en Avis positif kritt. Firwat soen ech och, déi Bushaltestellen déi nach feelen, do wou et der ginn déi schonns eng Kéier reglementéiert gi sinn, do kann dann och all anere Bus, deen eng Kéier agefouert gëtt, halen, dat heescht wann eng Bushaltestell do ass fir de Schülertransport, oder eng Bushaltestell fir den TICE-Bus, da kann och den RGTR- Bus do halen. Zum Beispill hate mir jo beim LNS eng Bushaltestell bësse méi laang kreéiert, wou de Bus 200 am Gespréich war, dat ass also eng Bushaltestell, déi existéiert, an do kann dann och deen dote Bus halen. Wann ech soen LNS, da kann ee soen, dass et positiv ass, dass wann dee Bus do fiert, dass dann endlech dee Labo ugebonnen ass. Dir wësst och villäicht, dass den LNS selwer net nëmmen ee Bréif un déi zoustänneg staatlech Stelle geschriwwen hat fir endlech ugebonnen ze ginn, sou dass si sécherlech och wäerten zefridde sinn. Dann ass et awer och esou, dass d Leit vum Kräizbierg erof erëm eng direkt Verbindung a Richtung Zentrum a bis zur Gare wäerten hunn, dat ass also och positiv fir eis. Da sot de Ministère eis och, dass den Horaire soll op den Zuch zu Beetebuerg an och op dee Bus 200 ofgestëmmt ginn. Ech hunn deen Horaire nach net gesinn, ech hunn deen nach net virleien, dofir wëll ech mech net ze wäit aus der Fënster leeën, well - ech sot et schonns eng Kéier- do wou mir net Patron sinn an net alles kënne mat decidéieren oder plangen, do muss ee waarde wat herno erauskënnt. D Zone-industriellen Riedgen, Krakelshaff, Schéleck a Wolser déi gi jo dann och hei mat desservéiert a vu, dass do ganz vill Leit schaffen, mengen ech kann een dat och nëmme begréissen, an dat ass net nëmmen e Plus fir si, mee fir déi ganz Gemeng. Dir wësst och, dass ëmmer ganz vill Diddelenger Bierger gefuerdert hunn, dass soll e Bus bei dee grousse Baumaart fueren zwësche Beetebuerg an Diddeleng. Dat war bis elo net méiglech well Beetebuerg ebe keng TICE- Gemeng ass. Heimat hätten si dann elo d Ubannung an och natierlech d Ubannung un deen neie Supermarché, deen do op där Streck wäert entstoen, ech mengen dass dat och bestëmmt ganz positiv ze wäerten ass. An zu gudder lescht krute mir eng Informatioun aus dem Ministère, dass ab Dezember soll eng Expresslinn op de Kirchbierg fueren, an dat iwwert d Autobunn, dat wier och am 30-Minuttentakt, eventuell esouguer och erëm mat méi engem kuerzen Takt während de Spëtzenzäiten. Zu deem Bus feelen nach alleguerten d Informatiounen, si hunn eis ebe just ugekënnegt, dass se domat am Plange wieren, an dass dat och an den nächste Wochen a Méint soll Realitéit ginn, an dass mir déi Informatiounen nach kréien. Voilà, wat ass elo d Aufgab vun der Gemeng? Ech widderhuelen nach eng Kéier bei dem Bus, dat ass d Bushaltestell kreéieren, déi Dir elo virleien hutt. Dat anert war méi als Informatioun fir Iech geduecht. Dan Biancalana (LSAP Buergermeeschter): Merci dem Claudia Dall Agnol an d Diskussioun ass op. Jean-Paul Gangler (CSV): Merci, ech hu just eng Verständnesfro, et ass e Bus, dee fiert vu Beetebuerg op Beetebuerg duerch d Industriezon, e geet net méi wäit wéi Beetebuerg?

13 RAPPORT 13 Claudia Dall Agnol (LSAP Schäffin): Neen, e mécht den Tour an dann ass wéi gesot, soten se mir dass den Horaire awer géif op den Zuch deen dann an d Stad fiert ofgestëmmt ginn, an och iwwert de Bus 200, dat ass dee Bus, deen eigentlech hätt sollen op Diddeleng verlängert ginn, deen iwwert d Kockelscheier an d Stad fiert. Mä, wéi gesot Här Gangler, mat Virsiicht ze genéissen, kommt mir waarden of bis mir den Horaire gesinn, an da leeë mir en niewent de Bus- an den Zuch-Horaire mee wéi gesot, si hunn eis dat versprach an ech ginn dovunner aus, dass dat klappt. Jean-Paul Gangler (CSV): An nach eng Zousazfro, hu mir den Arrêt schonns gestëmmt beim LNS? Claudia Dall Agnol (LSAP Schäffin): Ja, schonns méi laang, deen hate mir deemools jo schonn direkt gestëmmt, wou de Bus 200 sollt kommen, an dunn hu mir e misste vum Ordre du jour erofhuele well d Ponts et Chaussées deemools sot, dat wier hors agglomération a mir kéinten deen net stëmmen, well d Schëld falsch stoung, an ob eng Kéier hu se eis awer gesot, Neen Neen, et wier alles an der Rei mir kéinten en awer stëmmen, mee dat ass schonns e gutt Joer hier. Dee gëtt et also. Dan Biancalana (LSAP Buergermeeschter): Sinn nach weider Froen oder Remarquen? Neen? Kéinte mir dat dote Reglement dann ofstëmmen? Wien ass domat averstanen? Dat ass unanime. Merci. b. Approbatioun vun engem definitive Reglement iwwer de Quartier Lenkeschléi Claudia Dall Agnol (LSAP Schäffin): Déi éischt Leit, déi plënnere lues a lues op Lenkeschléi eran, dofir musse mir dat definitiivt Verkéiersreglement stëmmen. Dir kënnt Iech sécher erënneren, mir haten den 13. Februar 2015 deemools hei unanime am Gemengerot déi Stroossennimm gestëmmt vun deem Quartier, dat si lauter Dammennimm. Déi fannt Dir och alleguerten an där Deliberatioun erëm, deen eenzegen Numm, deen Dir do net erëm fannt, dat ass dee vun der Place Cecile Biver Wagner, den Numm seet et dass eng Plaz, an dofir muss déi net an dat Verkéiersreglement hei eran. Da krut ech matgedeelt dass op d Stroosseschëlter den Numm vun der Persoun sou wéi hire Gebuertsdatum an hire Stiefdatum an déi héchste Positioun oder Merite kënnt déi een a sengem Liewen hat, zum Beispill Deputéierten oder bei aneren eben Olympiadeparticipanten. An dat ass ebe genau esou wéi et am Rescht vun Diddeleng och ass, dat just als Informatioun well et huet eigentlech näischt mam Verkéiersreglement ze dinn, mee ech denken et ass ganz interessant ze wëssen, wa mir en neie Quartier hei kreéieren. Op d Reglement selwer, wat Iech virläit, ginn ech elo net am Detail eran, ausser dass iwwerall eben d Zon 30 ass, am Zentrum vum Quartier ass eng Zone résidentielle, dat heescht eng Spillstrooss mat Tempo 20, an do kann een da laut Code de la route just do parken, wou Parkplazen och amenagéiert sinn. Dann, an dat ass och näischt Neits, mir haten all kéiers doriwwer rieds, wann iwwer dee Quartier riets gouf, a Richtung Rue Lentz, rue Ry Boissaux, ass esou eng Borne escamotable, esou heescht dat am techneschen Numm, dat ass esou eng Borne, déi erop an erof geet, oder just d Pompjeeën oder respektiv d Gemengeleit duerchléisst, an natierlech dierfen och an deem neie Quartier, nuets an de Weekend an iwwer d Feierdeeg wéi am Recht vun Diddeleng och zënter dem leschte Joer keng Camionnetten halen, an dat wier alles wat et dozou ze soe géif ginn. Et ass näischt Neits, et ass genee dat wat am Projet och hei festgehale gouf. Dan Biancalana (LSAP Buergermeeschter): Merci Claudia Dall Agnol, ech wëll do nach dobäifügen, dass bis dato nach ëmmer Diddeleng déi éischt an déi eenzeg Gemeng ass, déi en neie Quartier no Fraennimm benannt huet, an dat an Zesummenaarbecht mam Conseil national des femmes. Mir haten déi Decisioun viru gutt 2 Joer zesummen als Gemeng geholl. D Diskussioun ass op. Jean-Paul Friedrich (CSV): Ech hu just eng kleng Fro, et huet och net direkt domat ze dinn: Ech fannen, datt mat de Fraennimm ass jo alles tipptopp, eng kleng Fro hunn ech just: Do wou déi Plaz ass, wou déi Beem ewech gerappt gi si vun där Entreprise, an der Rue Madame Mayrisch de Sainte Hubert, do ass am Fong déi eenzeg Plaz - bei all deenen aneren Immeublë gesäit een d Autorisatioun wien do baut, an dat ass dat

14 RAPPORT 14 eenzegt Gebai oder déi eenzeg Plaz wou net direkt eng Autorisatioun hänkt, wien do baut. Ech wollt just froen op dat normal ass? Dat ass och just eng Zwëschefro, et huet net direkt mam Verkéiersreglement ze dinn, ech wollt just froen ob dat normal ass, dass do net steet wien do baut? Well bei all den anere Gebaier hänkt dass deen an deen, an dat ass déi eenzeg Plaz wou ausgebaggert ginn ass, an et hänkt néierens eng Autorisatioun, dat ass e bësse komesch an et geet och net méi virun? Dat ass just eng kleng Zwëschefro. Dan Biancalana (LSAP Buergermeeschter): Fir dass mir eis elo richteg verstinn, mir schwätzen hei vum roude Punkt? Well eng Firma ka fräi decidéieren, e Panneau dohinner ze maache fir dass ee weess wien do baut, dat ass déi eng Saach. Déi aner Saach ass déi mam roude Punkt, an et ass esou, wann eng Genehmegung ausgestallt ass, da muss de roude Punkt, sou wéi et virgesinn ass, visibel aushänken. Mir kucken dat doten nach eng Kéier no. Michèle Kayser-Wengler (CSV): Eng kleng Remarque, et ass e Schreiffeeler dran, bei der rue Milly Steinmetz-Ludwig, do steet bei Punkt 2.8, dass dat rue Marthe Carmes heescht, mee et ass Marie Carmes. Dan Biancalana (LSAP Buergermeeschter): Jo, richteg. Michèle Kayser-Wengler (CSV): Am Artikel 8 an da bei der Steinmetz-Ludwig Strooss, do nach e bësse weider, do steet Marthe amplaz vu Marie. Et misst een dës Schreiffeeler nach korrigéieren. An dësem Artikel an och bei deenen aneren. Dan Biancalana (LSAP Buergermeeschter): Gutt, da komme mir zur Ofstëmmung, wien ass domat averstanen? Dat ass unanime. Merci. Da gi mer weider an eisem Ordre du jour a kommen zu den Handicapéierten. c. Approbatioun vun engem definitive Reglement iwwer d Stationéiere fir kierperlech Handicapéierter Claudia Dall Agnol (LSAP Schäffin): Ech hat Iech eemol gesot dass eis Agenten, déi Dir besser als Pecherte kennt, zesumme mat eisem Service Circulation den Tour vun Diddeleng géife maachen, fir ze kucke wou nach eventuell Behënnerteplaze géinge feelen, well mir wollten dass virun allem am Zentrum mee och bei allen ëffentleche Gebaier, respektiv staark frequentéierte Parkingen der wären. Op de meeschte Plazen hate mir der, mee mir hunn der nach e puer fonnt gehat, wou eis Servicer och der Meenung waren, dass et Sënn mécht do nozerüsten. Déi Lëscht hutt Dir och elo virleien, bon ech mengen ech zielen déi Plazen elo net alleguerten op, Dir wësst dass mir e chargéierten Ordre du Jour haut hunn. D Lëscht läit Iech fir, Dir musst haut mol net méi op d Plaz kucke goe fir ze gesi wou dat ass, Dir kënnt dat och alles ganz relax iwwert ären I-Phone oder I-Pad via Google Maps kucken. Ech gi just op eng Plaz an, dat ass déi Plaz an der Niddeschgaass, Dir wësst dass am Shared Space eng Plaz ewech gefall ass an dofir gëtt eng nei dohinner gemaach. Déi Lëscht, dat well ech awer soen, déi ass net a Steng gemeesselt, et ass net wéi wa mir de Monopol drop hätten ze wësse wou iwwerall misst eng Handicapéierteplaz oder zwou hikommen. Wann Dir elo gesitt, an der Meenung sidd, Dir fuert enzwousch laanscht, an et wier gutt do wier nach eng, da sot eis Bescheed well dat ass wierklech nëmmen e klengen Acte fir déi kennen an e Gemengerot nozehuelen. Den Här Friedrich hat d Lëscht ugefrot vun den existéi erenden Handicapéierteplazen, ech hunn him déi ginn, déi eenzeg déi do net drop stinn, dat sinn déi an eisem ënnerierdeschen neie Parking. Et leien och nach Kopië bei eisem Gemengesekretär, wann herno nach ee well déi Informatioun hu vun deene Plazen, déi bis elo bestinn, ouni déi wou mir haut nach solle kreéieren, da kann en sech gären eng Kopie beim Patrick Bausch mathuelen oder sech déi Lëscht maile loossen. Voilà, also wéi gesot zeckt net wann Dir eng Plaz fannt, wou Dir sot do wier et flott wa mir nach eng hätten, da sot einfach Bescheed an da kucke mir zesumme mat eise Servicer, dass mir do nach eng hi kréien.

15 RAPPORT 15 Dan Biancalana (LSAP Buergermeeschter): Merci, ginn et Remarquen dozou? Oder Froen? Dat schéngt net de Fall ze sinn, da géife mir zur Ofstëmmung kommen. Wien ass mat deenen Emplacementer averstanen? Dat ass och unanime. Merci. Elo komme mir zu de Reglementer iwwert Zebrasträifen. d. Approbatioun vun engem definitive Reglement iwwer e Passage fir Foussgänger an der Butschebuerger Strooss e. Approbatioun vun engem definitive Reglement iwwer e Passage fir Foussgänger an der Kayler Strooss Claudia Dall Agnol (LSAP Schäffin): Ech wéilt froen ob ech do kann den 4 an den 5 zesummen huelen, well et geet zweemol ëm Zebrasträifen an zweemol an deem nämmlechte Quartier, wann Dir mat engem vun deenen zwee net d accord sidd, da kënne mir dat och herno separat ofstëmmen. Dir wësst, dass och dat e Punkt ass, dee méi laang schleeft, et sinn Zebrasträifen déi mir wëllen zu Butschebuerg maachen, eemol uewen an der Kayler Strooss bei der Bushaltestell an eemol an der Butschebuerger Strooss beim Wintersdorff. Den Interesseveräi vum Quartier Butschebuerg ass scho méi laang do hannendrun, awer net nëmmen den Interesseveräi Quartier Butschebuerg hat déi Demande gestallt, a mir hunn do d lescht Joer am Summer eng Demande préalable gemaach gehat, bei der staatlecher Verkéierskommissioun. Do hu mir dann och den Accord kritt gehat, an elo zënter ongeféier dräi Wochen hu mir dann och endlech eng Permissioun de voirie well déi muss een duerno dann ufroen, wann ee bis den Avis préalable huet. Déi Permissioun hu mir dann elo och kritt, sou dass mir kënnen hei am Gemengerot déi Zebrasträife stëmmen. Duerno schécke mir dat Ganzt dann an - dat gëllt fir all Punkt dee mir hei huelen - fir den definitive Go ze kréien. Ech verheemlechen Iech och net, dass et duerchaus ëmmer ka sinn dass mir en Avis préalable hunn, an das duerno awer nach en Hoer an der Zopp fonnt gëtt, an dass mir da mussen zeréck kommen, dat awer just fir dass Dir wësst wéi dat Ganzt funktionéiert. dass och wa mir elo hei Zebrasträife maachen, dass en Zebrasträife keng absolut Sécherheet duerstellt, och op engem Zebrasträife kann een iwwerrannt ginn an dat soll net verhënneren dass ee ganz gutt oppasst an no lénks an no riets kuckt wann een iwwert d Strooss geet. Dat gesot géif ech Iech bieden déi ze ënnerstëtze fir dass mir der Demande vun de Leit aus dem Quartier kënne Rechnung drohen dass mir et sou séier wéi méig lech kënnen aschécken, a wa mir dann den definitive Go hunn, dann och endlech kënnen dozou iwwer goen, déi Zebrasträifen a Musek ëmzesetzen. Josiane Ries Di Bartolomeo (LSAP): Merci, ech wëll just Merci soen, et ass eng Fuerderung, déi effektiv iwwer Joere geschleeft huet, well et ëmmer war, Staatsstrooss, mir kënnen net, an éierlech gesot ech muss soen, als Butschebuerger aus dem Interesseveräi wëll ech awer do Merci soen, well et war schonns opwenneg fir dat doten hinzekréien. Merci. Dan Biancalana (LSAP Buergermeeschter): Merci, da komme mer zur Ofstëmmung, kenne mir déi zwee Reglementer zesummen ofstëmmen? Ja, wien ass mat deenen zwee Reglementer averstanen? Dat ass unanime, Merci. An da gi mir vu Butschebuerg op de Ribeschpont. f. Approbatioun vun engem definitive Reglement iwwer d Ribeschponter Strooss Claudia Dall Agnol (LSAP Schäffin): Hei kann een och erëm soen Was lange währt, wird endlich gut. Dir wësst dass mir 2008, also déi Leit déi 2008 schonns hei am Gemengerot waren, déi wëssen dass mir deemools schonns ugefrot haten, fir eng Zon 30 ze kréien an der Ribeschponter Strooss, an do hu mir vun der staatlecher Verkéierskommissioun an dem deemolegen Inneminister, dat war de Jean-Marie Halsdorf, e Refus kritt, mat der Argumentatioun, dass dës Strooss an ech zitéieren aus der Äntwert assure la liaision entre quartiers ou avec les voies principales an deemno misst do Vitesse 50 erlaabt sinn. Ech well allgemeng och drop opmierksam maachen,

16 RAPPORT 16 De Minister Bausch dee war virun engem Mount hei an der Gemeng op enger Informatiounsversammlung, an do ass en nach eng Kéier op de Punkt do ugeschwat ginn, an dunn huet en eis ze verstoe ginn, dass en do kéint den Accord ginn, wa mir nach eng Demande maachen. Mir hunn dunn och direkt déi Demande do gemaach. Mir hunn trotzdem nach missen eng Partie Mailen do hin an hir schéissen dat war awer net gerad esou evident wéi mir dat geduecht hunn, mee mir kruten awer schlussendlech vun der staatlecher Verkéierskommissioun den 26. Juni elo den Accord préalable via Mail, sou dass mir dat dann och haut kënne stëmmen an dann hoffentlech kréie mir dann den definitiven Accord, fir dass mir och dat kënnen a Musek ëmsetzen. An dann awer villäicht nach eng Informatioun dobäi, well mir hei iwwert d Zon 30 schwätzen. Mir waren och vu ganz ville Bierger ugesprach ginn, fir den éischten Deel vun der Bierenger Strooss als Zon 30 ze maachen, mir haten dat an engems ugefrot, an do krute mir keen Avis positiv, well si gesot hunn, déi Strooss géif sech net dozou eegenen, an et wier ganz schwéier fir dass den Autofuerer sech do kéint un déi 30 halen. Et ass einfach just fir Iech als Informatioun, dass et nach laang net esou evident ass en Avis positif ze kréien. Wéi gesot, mir hoffen dass wa mir dat elo aschécken, dass mir dann och hei de Go kréien an dat ganz séier kënne maachen. Wéi gesot, aner Gemengen hunn dat schonns laang an an der Chamber ass dat diskutéiert ginn. Bon, mir si frou, dass dat esou ass. Ech hunn nach eng Verständnesfro: Déi Zon 30, ass dat och elo uewe wann ee vu Butschebuerg erof kënnt? Well do hunn ech elo nach extra nogekuckt, wann een do an dee Wee era fiert, deen an d Ribeschponter Strooss amünd, do ass guer keng Limitatioun. Also, uewe steet keng Limitatioun an ënne kennt ee bei déi zwou Knubbelen, wou een dann an d Wunngebitt kënnt, an do steet um Buedem de 50. Ech huelen un dee gëtt duerch en 30 ëmgeännert, kënnt dann och uewen e Schëlt? An dann erlaben ech mir nozefroen, Dir hutt gesot vun der Bierenger Strooss, do krut Dir e Refus, wéi war et da mat der Demande bei der Route de Thionville, well laanscht d Skaterpiste, dat ass jo e grousse Problem, do ass jo nach 90 erlaabt, an ech denken, dat ass e Geforepunkt, dorop hat och nach d Equipe vum Skaterpark während der Generalversammlung vum Park & Ride drop higewisen, dass dat immens geféierlech wier, zemools well do vill Jugendlecher sinn, an well dat als Ofkierzung benotzt gëtt, fir iwwert d Strooss ze lafe fir iwwer d Schinnen an de Quartier Italien ze rennen. Do wier eng Interventioun awer och absolut néideg. Merci. Dan Biancalana (LSAP Buergermeeschter): Merci, weider Wuertmeldungen? Dat schéngt net de Fall ze sinn. Michèle Kayser-Wengler (CSV): Merci Här Buergermeeschter, d CSV begréisst selbstverständlech, dass mir do déi Zon 30 ausbauen, a wann d Madame Dall Agnol gesot huet, 2008 kruten se e Refus, säit 2013 hu mir eng nei Regierung wou d LSAP och dran ass, an eng vun den éischten Aktioune vum Här Bausch war, dass ee kann eng Demande maachen, fir och bei enger Staatsstrooss, wann ee valabel argumentéiert, eng Zon 30 ze maachen. Aner Gemengen hunn dat och gemaach a mir bedaueren e bësselchen, dass eise mat Personal extrem héich opgestockte Service Circulation net d Idee hat fir nach eng Kéier eng Demande ze maachen, mä dass an enger ëffentlecher Sitzung e Minister eis Gemengeresponsabel muss drop stoussen, dass een esou eng Demande nach eng Kéier ka maachen. Claudia Dall Agnol (LSAP Schäffin): Also, mir krute just d Autorisatioun fir d Zon 30 ze maachen am Wunnquartier bei der Schoul, mir kënne gären och nach eng Kéier dat anert froen, mee ech soen Iech ganz éierlech, ech mengen net, dass mir deen Accord kréien. Och hei hu schonns missen eng Partie Maile mat Erklärunge ronderëm goen, well och wann dat ugekënnegt ass, dass een do kann eng Zon 30 maachen, dat stëmmt, mee dann hunn si nach ëmmer dat lescht Wuert, a mir hätten och kënnen 2013 froen, ech ginn net dovunner aus, dass mir dann esou schnell den Accord kritt hätten. Ech mengen, dass elo einfach agesi ginn ass, dass do eng Schoul ass, dass do Leit waren an enger ëffentlecher Versammlung, déi sech dofir agesat hunn. Da muss ech awer soen, wann Dir hei behaapt, eist Personal vum Service Circulation wier därmoossen opgestockt, da mengen ech kennt Dir d Situatioun

17 RAPPORT 17 vum Service Circulation awer glat a guer net. Well dee Service besteet aus engem Ganzdeegegen an et ass nach en zweete Ganzdeegegen derbäi komm an den Här huet gesondheetlech Problemer a momentan schafft deen hallefdaags am mi-temps Congé thérapeutique, dat ass d Situatioun vum Service Circulation. Dat Eenzegt wou Dir Recht hutt, ass, dass mir méi Pecherte wäerte kréien, wann Dir dat als Service Circulation wëllt huelen da ginn ech Iech do recht, mee ech ka beileiwen net soen dass mir e grousse Service Circulation hunn. Wat d Thionviller Strooss ubelaangt, do ginn ech weider net méi drop a well de Minister sot et selwer, de Chef vu Ponts et Chaussées souz jo och do, dass si och op d Plaz kucke ginn, dass se och eis Servicer nach eng Kéier géife kontaktéieren an dass se och géife kucken, déi Geschicht mat där Luucht déi do ass, ob een déi géif eventuell anescht schalten, mee wéi gesot, mir sinn do nach eng Kéier op hiren Accord ugewisen, et ass hir Strooss, a mir kënnen esouvill froe wéi mir wëllen, si komme kucken an si soen eis och wat fir si dat Richtegt ass, an da kënne mir déi Demande och maachen, an da wäerte mir och den Accord kréien, mee et huet kee Wäert dass mer eng Demande maache wou mir soe mir hätte gär 50 oder 30, dat ass wierklech de Leit Sand an d Ae gestreet. Dat ass pure Populismus. Mir waarden elo mol of bis se op der Plaz waren, an da kucke mir, wat si eis virschloen, ob si eis iwwerhaapt virschloen, dass mer d Vitesse do kënnen erofsetzen a wann se eis dat virschloe wäerte mir dat maachen. Verkéiersberouegung ka maachen, da kann een dat awer nach iergendwéi well soss, wann se do musse vun 50 op 30 erof bremsen, dat gëtt dann och Misère. Claudia Dall Agnol (LSAP Schäffin): Dat war och bëssen d Iwwerleeung firwat ech dat mat der Bierenger Strooss gemaach hunn, well een Deel Bierengerstrooss, den hënneschten Deel jo och schonns 30 ass, an d Iwwerleeung vun de Leit déi do wunnen an och eis Iwwerleeung war déi, dass et Quatsch ass dass de hei kanns 50 fueren an da brems de of fir en zweeten Deel 30, mä wéi gesot, si gesinn dat net esou. Heiansdo ass et e bëssen onlogesch, ech weess dat selwer, mä mir mussen awer domat liewe wat mir kréien. Dan Biancalana (LSAP Buergermeeschter): Da géife mir iwwer dat heite Reglement ofstëmmen, fir datt deen doten deel vun der Ribeschponter Strooss an d Zon 30 erakënnt. Wien ass domat averstanen? Dat ass unanime. Merci. Michèle Kayser-Wengler (CSV): Nach just eng Verständnesfro: Hei steet, et geet bis d Intersektioun also déi Zon 30 bis Haus 52, d Portiershaus ass d Haus 43, wou ass dann 52? Et gëtt dach keen Haus 52, ass dat dann hannert der rue de Lebork? Claudia Dall Agnol (LSAP Schäffin): Mir mussen déi Nummeren uginn, déi bei eis dran stinn, och wann d Haus nach net do ass, mir kucken dat nach eng Kéier no, effektiv, mä wann 52 do steet, dann ass dat déi Nummer. Michèle Kayser-Wengler (CSV): Ech denken, et ass wichteg dass och d Lebork Strooss mat geschützt ass, well och do si vill Leit mat klenge Kanner, an ech denken dass een da muss, - mir hu jo déi 2 Knubbele gemaach - wa mir do keng Zon 30 erlaabt kréien, dass een dann do eng

18 RAPPORT ÄNNERUNG VUM ALLGE- MENGE POLICEREGLEMENT Dan Biancalana (LSAP Buergermeeschter): Elo komme mir op deen nächste Punkt, dat ass eist Policereglement, do ass et am Artikel 16 wou mir en Ajout musse maachen. A well dat och deen Deel concernéiert elo mol vum Shared Space, respektiv mir awer och dat ofgeschwat hu mat der Adapt, déi eis jo begleet am Kader vun der Ëmsetzung vun deene Leitsträifen, déi mir am Shared Space hu fir déi Leit déi en Handicap hunn, an déi déi Leitsträifen ebe leeden a begleede wann se sech am ëffentleche Raum bewegen, an do hu mir en Ajout gemaach. De generelle Prinzip ass jo, dass um Trottoir ëmmer ee Meter Passage muss bleiwen, a wat awer elo méi spezifesch ass, par rapport zu deene Leitsträifen, dat sinn zwee Elementer, engersäits hu mir Leitsträifen direkt um Trottoire, déi sinn awer bei der Fassad vun den Haiser, dat heescht, do muss am Fong eng Distanz bleiwe vun engem Meter, fir dass d Leit sech kënnen do laanscht d Fassad bewegen a geleet ginn. An deen anere Volet ass, dass mir och Leitsträifen op anere Plazen am ëffentleche Raum hunn an do muss op béide Säiten, also souwuel lénks wéi och riets vun deene Leitsträifen e Passage fräi bleiwe vu 60 cm, fir dass déi Leit kënnen iwwert déi dote Leitsträifen duerch den ëffentleche Raum kommen an och dann déi Orientatioun hunn, an dass am Kader vun deenen Distanzen net Saache stinn, déi se géifen hënneren an deem Kontext, wou se sech fortbewegen. Dat ass wéi gesot en neie Moment, virun allem fir d Phas 1, wa mir et hei aschreiwen, den Artikel 16 gëllt natierlech och fir d Phasen 2 an 3 wann déi an deenen nächste Joeren agesat ginn, et ass en neie Moment wou mir hei hunn an et ass eis wichteg, dat hei och anzeschreiwen am Artikel 16 vun eisem Policereglement. Dat als Erklärung zu dësem Ajout. Si Froen dozou? Jean-Paul Gangler (CSV): Merci, dat do ass fir eis e bëssen onkloer. Et ass jo natierlech iwwerall an Diddeleng néideg, dass déi Plaz muss gelooss ginn zwëschent dem Haus an dem Trottoir, eben dass d Leit do kënnen trëppelen. Par contre, de Shared Space ass jo nun eng Zon, déi keen Trottoir huet, et ass jo eng gläichberechtegt Zon vun där enger Fassade bis op déi vis-a-vis, et gëtt keen Trottoir do, dat heescht, d Leit mussen net forcéiert ginn, laanscht d Fassade ze goen. Bon, ech verstinn, dass e Blanne wahrscheinlech muss forcéiert gi fir laanscht d Fassade ze goen, fir säi Wee ze fannen, mee am Prinzip kann deen och nach 1 m oder 1,5 m vun der Fassade ewech goe well en huet do grad sou e Recht ze trëppele wéi soss entzwuesch. Dofir mengen ech, dass mir hei elo eppes schafen, wou ee misst froen ob dat och wierklech mat de Bestëmmunge vum Shared Space iwwertenee stëmmt. Eis ass ëmmer gesot ginn, de Shared Space - an als dat hu mir et och begréisst - ass eng Begéinungszon wou jidderee gläichberechtegt ass, dat heescht do ass och néierens eng Limite wéi a wou en Auto dierf fueren, wou e Foussgänger dierf trëppelen, wou e Vëlosfuerer dierf fueren. Wat kloer ass, dat ass virdrun och gesot ginn, an sou enger Zo mat Vitesse 20 dierfen d Autoen net egal wou stoen, just op deenen ausgewisene Plazen. Leider ass dat an eiser Shared Space Zon guer net respektéiert, et ass wierklech chaotesch wéi d Leit sech do egal wéi stellen. Do misste méi Kontrolle gemaach

19 RAPPORT 19 ginn, mee mir kënnen hei am Shared Space net de Leit recommandéieren, laanscht d Fassad ze goen, well mir se jo awer am Fong invitéieren, an enger gläichberechtegter Zon duerch d Strooss ze goen. Da wëll ech och bemierken, dass mir hei riskéiere mat deem Reglement do vläit Cafetieren ze diskriminéieren, déi net vill Plaz hunn. Déi musse jo och iergendwou hir Terrasse kënnen nuets hisetzen, hir Still an hir Dëscher, déi kënnen déi net matzen an d Shared Space-Zon setzen, well do jo wéi gesot keen Trottoir ass, si wëssen net wou se sollen ufänken a wou se sollen ophalen, an déi sinn da wierklech agëenkt, an ech weess net ob dat esou populär ass, Leit déi elo 3 Joer laang schonns wierklech gebeidelt ware mam Shared Space-Chantier, dass mir déi elo och anengen op engem halwe Meter Trottoir, dee keen Trottoir ass, mee deen se herno nach just zegutt hunn. Da sinn aner Bistrote wéi deen, deen elo laang zou war, deen huet natierlech eng super Terrasse an dee profitéiert do deelweis vum Espace public, deen aménagéiert ginn ass ronderëm d Kierch. Deen ass bevirdeelegt an engem gewësse Sënn, mee ech fäerten, dass mir hei Terrasse vu Cafetieren diskriminéieren an ech fannen dat net ganz populär. Mee et kéint ee villäicht déi Saach iwwerdenken, wéi wäit dass mir do dee Shared Space als eng regulär Strooss mat Trottoir gesinn, oder ob et wierklech eng onofhängeg Begéinungszon ass mat Gläichberechtegung. Colette Kutten (Déi Gréng): Ech hunn och eng Verständnes fro an deem Zesummenhang; laanscht d Fassaden dee Meter ass jo kloer, an dann hei am Artikel 16 am zweeten Abschnitt, do steet jo dann: L obligation d aménager un passage libre d au moins un mètre vaut également à l intérieur des agglomérations pour les accotements praticables de la voie publique. Wat heescht dat fir de Shared Space elo? Wou fänkt deen dann do un? Well wann een dee Meter vun der Fassad bleift an och dann nach wou de Bus laanscht fiert, do och e Meter, da gëtt et enk fir Terrasse wéi de Café du Centre, den Thein an och de Why Not, do bleift dann awer kee Raum méi fir eng Terrasse. Ech weess elo net, wéi dat beim Shared Space ugewannt gëtt, wéi wäit een dann do muss vun - Fahrbahn kann een da jo net méi soen - do wou d Autoe circuléieren, ewech bleiwen, a vu wou u gëtt dat gemooss? Also, fir mech ass dat onkloer. Dan Biancalana (LSAP Buergermeeschter): Gëtt et dozou nach weider Froen? Dat schéngt net de Fall ze sinn, dann erklären ech nach eng Kéier wat ech virdrun erkläert hunn. Mir hunn nach ëmmer Trottoiren zu Diddeleng. An deen Auszuch, dee mir hei erasetze misste mir am Fong net erasetze well et den Ausdrock vum Code de la route ass. Op engem Trottoir huet een 1 Meter wou ee muss fräiloossen. Dat ass de generelle Prinzip, dat hunn ech virdrun ugangs gesot, an dat gëllt um ganzen Territoire vu Lëtzebuerg. Et kéint een deen Artikel hei eraus huelen, well et ass e Bestanddeel vum Code de la route. Souwisou, le Code de la Route prime le règlement communal, dat ass emol dat éischt, mee dee Prinzip ass e generelle Prinzip. Da spezifesch par rapport zum Shared Space: Ech sinn net der Meenung, fir mech sti Leit mat engem Handicap am Vierdergrond. Wann se Utilisateur vum ëffentleche Raum sinn, an si sinn net am Hannergrond sou wéi den Här Gangler dat hei gesot huet, also et gëtt éischter probéiert, aner Leit an de Vierdergrond ze setzen. Wa mir en Aménagement public maache mat Leitsträifen an dat ofschwätze mat enger Adapt, déi sech asetzt fir Leit, déi en Handicap hunn, an hei sinn nun emol Leit concernéiert, déi blann sinn, da musse mir awer och dee Kader loosse bei de Leitsträifen, 60 cm lénks a 60 cm riets, dass dee Wee fräi bleift fir déi Leit. Et sinn déi Leit, déi hei an enger schwiereger Situatioun sinn, ech mierken dass d CSV éischter déi Leit wëll discriminéiere wéi aner Leit, well dat ass hei de verstoppten Discours deen hei gemaach gëtt an dat fannen ech net ganz korrekt. Dofir maache mir dat heiten hei. Et ass richteg, dass am Shared Space keng Trottoire sinn. Et ass eng ëffentlech Notzung, e soll vu jidderengem gedeelt ginn, nach musse mir awer hei en Dispositif virgesi well grad bei engem Trottoir wou Leit, déi zum Beispill

20 RAPPORT 20 blann sinn an de Bengel brauchen, déi kënne jo automatesch duerch den Dénivellé spieren, wou se sinn, ob se um Trottoir sinn oder op der Strooss. Dat hu mir jo hei net méi, duerch de Shared Space, dofir musse mir déi Dispositiounen esou reglementéiere fir deene Leit entgéint ze kommen, an dat heiten ass eppes wat ofgeschwat war mat der Adapt an och mat Info Handicap. Ech mengen awer, dass dat zwou Institutioune sinn, déi ganz oft am ëffentleche Raum solicitéiert gi sinn, a mir hunn hei eng nei Situatioun a mir wëllen dat vis-à-vis vun eise Matmënschen, déi en Handicap hunn, och propper regelen. Méi well ech net dozou soen. Dat spillt hei just par rapport zu de Leitsträifen, de Rescht ka jo genotzt ginn, mee do wou Leitsträife sinn, do muss natierlech Plaz gelooss ginn, do kënnen net Terrassen niewent dem Leitsträifen opgeriicht ginn. Les bandes au sol aménagées pour guider les personnes malvoyantes ne doivent pas être obstruées et un passage de 60 cm de chaque côté de la bande doit être garanti. C est clair comme l eau de roche. Jean-Paul Gangler (CSV): Här Buergermeeschter, Dir leet eis do Saachen an de Mond, déi mir net gesot hunn. Ech hu gesot, de Risiko ass, dass déi Plaz wou de Cafetier dierf seng Terrass maachen, agëenkt gëtt op dee Punkt, dass et fir hien net méi interessant ass nach eng Terrasse ze maachen. An dofir war och implizit meng Remarque, wéi wäit kann een do gesinn, dass seng Terrasse ka goen, well et gëtt jo keen Trottoir méi. Soss war dat kloer, wou et en Trottoir gouf an et huet ee missen ee Meter fräihalen, mee elo gëtt et keen Trottoir méi, kann deen elo bis an d hallef Strooss goen oder wéi? Kritt deen d Méiglechkeet fir seng Terrasse op d Strooss auszebauen? Ech war a kengem Sënn hei op der Idee fir e Behënnerte wëllen ze benodeelegen an ech fannen dat net ganz gutt, dass Dir eis dat an de Mond leet. Ech hu geschwat vun engem Cafetier, deen diskriminéiert ass well seng Plaz wou e ka säi Geld verdéngen esou agëenkt ass duerch eppes, wat keng Strooss ass, well en net weess wéi wäit e ka goen, an duerch dee Meter, deen de Mann selbstverständlech och wëllt anhale fir de Leit Passage ze loossen. Deen ass gewëllt dat ze maachen, e wéisst just gäre wéi wäit dass en eraus dierf an d Strooss, well wann e just en halwe Meter kritt, da brauch en sech keng Illusiounen ze maachen, do kann e keng Terrass méi maachen, a wann dat de Fall wier, dass en agëenkt wier duerch déi Strooss déi keng Strooss ass an deen Trottoir dee keen Trottoir ass, da wier dee Mann a mengen Aen diskriminéiert. Dat war dat Eenzegt wat ech wollt soen. Dan Biancalana (LSAP Buergermeeschter): Éischter benodeelegt awer net diskriminéiert, mir hunn eng aner Definitioun vun der Diskriminatioun. Nach hate mir als Schäfferot eng Entrevue mat de Cafetieren a mat de Restaurateuren. Dat wat Dir hei uschwätzt war do keen Thema, déi hunn dat doten agesinn. Josiane Ries Di Bartolomeo (LSAP): Ech hu just eng Fro: Do steet jo, an der Woch muss um 11 Auer zou sinn, an de Weekend um 1 Auer moies an da schreiwe mir hannendrun, d Dëscher missten ofgeraumt si bis halwer zwou. Musse mir dat dann net och bei 11 Auer schreiwen, an der Woch, dass mir do soen um halwer zwielef mussen Dëscher ofgeraumt sinn. Wa mir et an dem enge Fall soen, firwat dann net och bei deem aneren? Dan Biancalana (LSAP Buergermeeschter): Fir eis ass et hei kloer, dat hei ass jo keng nei Dispositioun. Déi huet nach ni e Problem geschaaft, well do waren um 11 Auer owes ëmmer d Terrassen zou. Dat heiten ass haaptsächlech gemaach ginn - halwer eng de Weekend - well do méi Leit op den Terrasse si wéi an der Woch. Michèle Kayser-Wengler (CSV): Dir hutt elo net konkret geäntwert, wéi wäit dierf een da seng Terrasse an de Shared Space maachen, dat muss jo awer och definéiert ginn. Dan Biancalana (LSAP Buergermeeschter): Dat gëtt nach definéiert, do ginn eis Servicer, eise Bannhidder, dee geet do - wéi bei all Terrass kucken. Am Moment si mir jo an der Situatioun, wou jo eng ganz Rei Terrasse sech transferéiert hunn op d Kierchplaz, déi do eraus sinn, well se do dann och e Clotage gemaach kréien.

21 RAPPORT 21 Dat heescht, fir dee Cafetier stellt sech de Problem an deem Sënn net méi. Mir hunn en anere Café, deen huet seng Terrasse gezu wéi en se och virdrun hat, doduerch huet e méi Dëscher kritt, et kann ee jo natierlech net Terrass an de Shared Space maachen, well et musse jo nach kënnen Autoen do laanscht fueren, deen Dispositif muss gewahrt bleiwen. Dat heescht, et kann ee méi large spille wéi virdrun, mee vu dass Autoen duerchfueren, muss och dat kënne garantéiert bleiwen. Michèle Kayser-Wengler (CSV): Mee dann hätt ee kënnen dat Reglement etofféieren, an do och missen eng kloer Limite draschreiwen, an da soen Am Shared Space dierf ee just souvill Meter maachen. huet. Mir wëssen, mir si jo am Dialog an an der Diskussioun mat him, duerch deen neien Amenagement huet e vill méi eng grouss Terrasse wéi dat virum Shared Space de Fall war. Mir stëmmen hei iwwer Leitsträifen of an net iwwer Terrassen, déi elo do sinn oder déi kommen. Hei stëmme mer iwwer Leit mam Handicap fir dat rëm an de Kader ze setzen an d Diskussioun zouzemaachen. Sidd Dir mat deem doten Ajout am Policereglement averstanen? No haarden Diskussiounen ass dat doten unanime. Merci villmools. Dat war dat zu eisem Policereglement an da komme mir bei d Gemengefinanzen. Dan Biancalana (LSAP Buergermeeschter): Mir hu jo d Reglement iwwert de Shared Space geholl, dat priméiert jo iwwert dat heiten. Michèle Kayser-Wengler (CSV): Dat priméiert iwwer dat heiten? Mee dann zum Beispill dee Mann wou ee vun deenen 2-3 déi concernéiert sinn, deen huet elo eng vun deene Kuerzparkzonen direkt viru seng Dier gestallt kritt. Dat heescht, do ass e jo och dann entravéiert a senger Geschäftsaktivitéit. Kann een dann do, wann dee Mann seet OK, ech loossen hannen dee Meter ewech mee dann huelt mir déi Kuerzparkplaz ewech. Ass do nach eng Diskussioun méiglech? Dan Biancalana (LSAP Buergermeeschter): Also, mir kenne jo déi doten Diskussioun, dee concernéierte Café huet jo elo méi eng grouss Terrasse wéi e virdrun hat. Et dierf een ni vergiesse wat een hat a wat een elo 4. GEMENGEFINANZEN 4.1. Approbatioun vun engem Bauprojet fir eng Schoulan Encadrementsstruktur am Quartier Lenkeschléi Dan Biancalana (LSAP Buergermeeschter): Hei geet et ëm d Approbatioun vun engem Projet, dee mir baue wëlle loosse vun enger Schoulinfrastruktur a vun enger Maison Relais, en integréierte Konzept am Quartier Lenkeschléi, d Bildungshaus Lenkeschléi, dofir begréissen ech hei de Frank Leuschen mat senger Equipe, déi sécher op déi eng oder aner Fro kënnen agoen. Mir hate jo net méi spéit wéi virun enger Woch en informelle Gemengerot, wou mir in extenso de Projet presentéiert hunn, an haut geet et dorëms, de Projet ze stëmmen, den Devis ze stëmmen, respektiv déi Ausriichtung déi mir deem Projet wëlle ginn am Kader vum Dialogue compétitif.

22 RAPPORT 22 Wat een och soe muss, dat heiten ass e ganz innovative Projet fir d Stad Diddeleng mee awer och generell national, well mir hei an en integréiert Konzept era gi vun enger schoulescher Infrastruktur mat enger Structure d accueil, Maison Relais, mat Precoce an och mat enger Turnhal, Sportshal fir d Schoul, déi mer wëlle bauen. Wéi gesot, et ass en integréiert Konzept a Punkto Bau, e Referenzprojet, deen net onwichteg fir Diddeleng ass, awer och e pedagogescht Konzept dat drop gesat gouf, dat ausgeschafft gouf, och vun engem Aarbechtsgrupp mat motivéierten Enseignanten, mat educativem Personal an och mat Elterevertrieder a wou och innerhalb vun deem Aarbechtsgrupp eng verstäerkten Zesummenaarbecht stattfonnt huet. Déi Enveloppe budgétaire, déi mir hei virgesinn, dat si maximal Euro, wou souwuel dann an deem Devis de Bau dran ass, wéi och d Honorairen an och de Mobilier. Et ass de maximale Budget, dee mir hei virschreiwen a mir schreiwen dee vir well mir am Kader vum Marché-publics-Gesetz, vun der Ausschreiwung an den Dialogue compétitif eraginn, d selwecht wéi mir dat beim Centre sportif René Hartmann gemaach hunn. An ech mengen, dass dat hei ganz wichteg ass, zemools mir hei net an der klassescher Approche sinn, wou mir en Architekt einfach beoptragen, e Plang ze maache vun engem integréierte Konzept, a mir jo och net heihi ginn an dann e Fondamental bauen an niewendrun eng Maison Relais, mee déi zwee integréiert. Den Terrain, dee mir zur Verfügung hunn, dat sinn 0,5 Ar, déi eis zur Verfügung stinn, et sinn +/- 190 Kanner, déi hei kënnen an déi Schoul goen, mat enger Ausweidung, déi méiglech ass am Projet, dee mir hei stëmmen, an dat hei ass op alle Fall e Projet - ech hat geschwat iwwert dat pedagogescht Konzept - wou esouwuel formal an non-formal Bildung verstäerkt zesumme schaffen. Jidderee bleift a sengem Rôle mee alle béid ergänze sech ganz kloer an am Fong déi Ausaarbechtung, déi gemaach ginn ass vun deene Professionellen an deem Aarbechtsgrupp huet sech kloer orientéiert um Niveau vun der Pedagogie vun dem Projet, um Niveau vun der Organisatioun an och um Niveau vun der Infrastruktur. Fir dat natierlech kënnen ze maachen, respektiv fir de Projet kënnen haut hei virzestellen, hu mir als Gemeng, als Schäfferot en Aarbechtsgrupp an d Liewe geruff. Dat war am Joer 2015, mat deem educative Personal an dem Léierpersonal, den Elterevertrieder well et eis wichteg war, hei eng partizipativ Approche ze hunn, eng Bedeelegung an de Vierdergrond ze setzen, wou d Besoinen, wou d Prioritéite gemeinsam vun deene Professionellen definéiert ginn, wou déi Professionell sech och Gedanke maachen an dem integréierte Konzept, wat d Valeure si fir dëst Gebai, déi un éischter Stell stinn an dofir war et wichteg, dass regelméisseg Sitzunge stattfannen, an déi hunn och stattfonnt, wou iwwert déi Prinzipie geschwat gouf, wou Dagesofleef definéiert goufen, respektiv awer och iwwer déi ganz Philosophie vun dem heite Bau diskutéiert an och arrêtéiert gouf. Wat och an dësem Konzept wichteg ass, ass, dass alleguerten d Partner, déi dat dote Gebai mat Liewe fëllen op Aenhéicht zesumme schaffen an och zesumme liewen, am Alldag, dat heescht d Enseignanten, dat edukatiivt Personal, Elteren an och d Kanner, an dofir ass et wichteg gewiescht bei der Planung ronderëm dëse Projet net onbedéngt elo d Architektur an de Virdergrond ze stellen, och wann et e wichtegen Aspekt ass, mee virun allem steet d Kand am Fokus, an dee ganze Bau soll sech ronderëm d Kand an d Bewegungsfräiheet vum Kand artikuléieren. Dofir wëll ech och vun dëser Plaz d Geléeenheet notzen, fir all deenen Acteuren, déi un der Ausaarbechtung vum Projet geschafft hunn, Merci ze soen, dem Aarbechtsgrupp virun allem an all de Persounen, déi do aktiv matgeschafft hunn, well och dat heiten ass d Resultat vun hirer Zesummenaarbecht an eng Schoul plangen ass jo keen alldeeglechen Exercice, et ass op alle Fall en Exercice wou een och d Zukunft plangt. Dat heescht, wat mir hei an dësem Projet probéiert hunn ze maachen, an Dir hutt et och gesinn am Cahier de charges, dat Dir geschéckt kritt hutt, an dee jo och um Ordre du Jour vun haut am Gemengerot ass, ass engersäits déi Besoinen, déi Funktionalitéiten, den Dagesoflaf an deem doten neien Haus, an dem dote Bildungshaus, architektonesch ze erfaassen, engersäits Grupperaim, anerersäits awer och Bewegungsfräiheeten am Cycle 1, am Cycle C2-C4, am Precoce, awer och ze kucken, wéi een d Restauratioun, d Produktiounskiche konzipéiert, déi méi wäit eraus geet wéi nëmmen eng Produktiounskichen, mee déi och, nodeems do giess gouf, och en Openthaltsraum ka sinn. Wéi kann een déi Léierunitéiten, wou och de Schoulbetrib ofgehale gëtt, wéi kann een déi konzipéieren, wéi kann een den Accueil am Eltereberäich frëndlech konzipéieren a wat sinn déi verschidde Bewegungsraim och fir d Kanner?

23 RAPPORT 23 Dat waren alleguerte Prioritéiten déi hei am Virdergrond stinn, an déi probéiert gi sinn och baulech an dem Cahier de charges ze erfaassen, an dat geet natierlech och an d Ausschreiwung eran, dat ass eng Partie intégrante vun der Ausschreiwung, a wann sech dann hei elo Entreprise-generalle mellen am Kader vum Dialogue compétitif, da wäert herno schlussendlech dat beschtméiglecht Konzept, wat och konkret dann ëmgesat ka ginn, och zeréckbehale ginn. Eben am Dialogue compétitif wäerte verschidden Dialogsphase kommen, bis mir zu engem Schluss kommen, an eng Entreprise générale zeréck behale gëtt. Ech hat virdru gesot, dat sinn 0,5 Ar vun Terrain, déi mir hei zur Verfügung hunn, dat sinn Quadratmeter, dat ass dat ganzt Gebai, dovunner sinn m Carré Bildung, dat sinn also 75%, wou d Bildung am Fokus ass, a 25% dat sinn Quadratmeter, dat ass reng d Sportshal fir de Schoulsport wou sécherlech no de schouleschen an den edukativen Aktivitéiten och d Méiglechkeet besteet, dass Veräiner déi kënne an Usproch huele fir hir Trainingsunitéiten. Wat hei och wichteg war, grad bei engem integréierte Konzept wat aneschters ass bei engem klassesche Bau, wou zwou Strukturen niewent enee sinn, ass dat Raim méizweckeg benotzt kënne ginn, wat awer och mat sech bréngt, dass an Dir doter Philosophie och vun deene Leit, déi do schaffen, e Mentalitéitswiessel wichteg ass par rapport zu der aktueller Situatioun, well mir hei iwwer deen dote Wee och nei Weeër zu Diddeleng ginn, a mir loossen eis awer an dem heite Projet nach eng Reserve, wou kann erweidert ginn, dat heescht d Potential vun Quadratmeter bleift en fonction vun deem Projet hei. Dat heiten ass e Projet, wou mir d Enveloppe hei gi vun 18 Milliounen Euro. Mir haten och eng Entrevue esouwuel mat de Vertrieder aus dem Educatiounsministère wéi och mat dem Ministère de l Intérieur fir hinnen deen heite Projet virzestellen, dat heescht hei nom Vote vum Gemengerot kréien si och déi Dokumenter zougeschéckt fir e Calcul ze maache par rapport zu de Subventiounen. Ech kann Iech op alle Fall soen, dass och dat fir déi zwee Ministèren e ganz neie Moment ass, dass dëse Projet och bei hinnen an op ministerieller Ebene op eng ganz grouss Zoustëmmung gestouss ass. Si sinn och vun dësem Projet iwwerzeegt, well dat e generellen nationale Projet ass, wou och ëmmer méi dee Wee soll ageschloe ginn an dofir huet Diddeleng och fir si hei e Referenzprojet. Dat heescht, mir ginn hei am Fong op eng Approche wou iwwergräifend geschafft gëtt, wou mir engersäits oppe Beräicher hunn, wou mir Verwaltungsberäicher hunn, Bewegungsraim. De Banneberäich op dee sinn ech elo e bëssen agaangen. Natierlech wäert hei och e Bausseberäich gebaut ginn, mat engem Schoulhaff baussen, awer och an der Struktur selwer. Natierlech ass hei och iwwert de Schlëssel deen natierlech muss gekuckt gi vum Finanzement, dee wäert dann hei e bëssen anescht si wéi beim Klasseschen. Mir hunn och schonns zougeséchert kritt, dass dee méi favorabel wäert sinn, nach mussen déi ministeriell Verwaltungen hir Käpp zesumme strecke fir zesummen ze kucken, wéi se hei eru ginn. Wat de Prozess vum Dialogue compétitif ugeet, wëll ech nach eng Kéier hei soen, dass mir haut hei de Vote am Gemengerot hunn. Wa mir dee Vote hei hunn, gëtt et natierlech un de Ministère de l Intérieur geschéckt, déi validéieren dëse Projet, an da gëtt d Ausschreiwung gemaach, sou dass am Hierscht- Wanter déi verschidden Dialoger kënne gefouert ginn, mat enger Selektiounsphas, éischt Dialogsphas, zweet Dialogsphas, dat ass e bëssen e generelle Prinzip, drëtt Dialogsphas, wou mir den Zouschlag maachen. Mir hunn och drageschriwwen an de Cahier de charges, dass d Bauphas zwee Joer laang dauert, mir hunn och Penalitéiten dran, mir gesinn et esou, dass normalerweis fir d Rentreé dat heite kann a Betrib geholl ginn. Wat hei wichteg ass, och am Kader vum Dialogue compétitif, de Virdeel ass, dass mir duerch dës Approche eng Presentatioun vu verschiddene Projete kréien, duerch eben déi méi definéiert Ausschreiwung, déi mir maachen, wou mir d Besoinen an d Funktionalitéiten ophuelen, mir kënnen natierlech och duerch den Dialog ganz kloer de Projet optiméieren. Dat ass e Virdeel par rapport zu der klassescher Approche, mir huelen och kee finanziellt Engagement bis zu der Entscheedung vum definitive Projet, dee mir hei

24 RAPPORT 24 festhalen, a wéi gesot, de maximale Budget ass definéiert an iwwert deen dote Wee definéiert am Fong d Gemeng souwuel de Kader, also d Rumm an där sech hei d Entreprise-generallen an d Architekte bewegen, an awer och de Budget. Voilà, dat generell zum Kader an deem mir eis hei haut befannen, an an dem mir eis och bewegen, dofir wollt ech hei de Projet presentéieren an de Loris Spina géif och nach op verschidde Punkten agoen an dann ass d Diskussioun op. Loris Spina (LSAP - Schäffen): Merci Här Buergermeeschter, ech wollt dat nach eng Kéier konfirméiere wat den Här Buergermeeschter hei gesot huet, wéi wichteg eis dee Projet ass an awer och wéi komplex a spannend de Prozess ass. Wat ech ganz sympathesch fannen, dat ass, dass mir d Architektur, respektiv d Gebai dem pedagogesche Konzept, deen den Aarbechtsgrupp ausgeschafft huet upassen. An der Vergaangenheet war et am Prinzip ëmgedréint, et ass iergendeppes gebaut ginn, an dann ass dat gefëllt gi mat Liewen, an dann ass e Konzept drop gesat ginn. Hei ass d Approche anescht gewiescht, mir hunn eben hei d Chance gehat fir op enger grénger Wiss eppes Neies kënnen entstoen ze loossen an dee Moment ass ebe genotzt ginn, et ass eng ganz Rei vu Viraarbechte gemaach ginn et geet ganz kloer ëm déi Kanner, déi herno vill Stonne wäerten an dem Gebai verbréngen, d Kand ass hei ganz kloer am Mëttelpunkt an dofir ass et eis och wichteg gewiescht, en integrativt Konzept hei ze maache mat all deenen, déi duerno duerch dat Haus hei lafen. Dat ass natierlech engersäits dat schoulescht Personal, an och dat vun der Maison Relais, d Eltere sinn hei direkt mat vun Ufank un u Bord, de Ministère an eng ganz Rei vun Experten hunn eis och während dem Prozess begleet sou dass mir an dem partizipative Prozess wierklech kënne vun engem Konzept schwätzen, wat an deem Sënn d Strooss hält, dass d Kand dat kritt wat et brauch an och all aneren Akteur an dem Gebei. Dat heescht mir hu gekuckt vun Ufank un, wéi ass den Dagesoflaf vun dem Kand, wéi eng Weeër muss et goen a wat sinn d Besoine vun deene verschiddene Metieren, well mir hu jo engersäits déi formal Bildung an och déi informal Bildung. Awer déi zwee Beräicher hunn sech och, wéi d Gesellschaft am Allgemengen, entwéckelt, an do sinn och nei Besoinen entstaanen, a fir op déi nei Besoine kënnen ze reagéieren, ass et wichteg gewiescht fir e pedagogescht Konzept gemeinsam op d Been ze kréien. Et muss ee soen, dass dat net evident war, am Ufank war dat komplizéiert well dat jo och fir déi Leit Neiland ass, et ass een dat net onbedengt gewinnt, sou en Haus zesummen ze erschaffen an ze bauen, an och vum Konzept hir zesummen opzesetzen, a mir sinn do awer professionell begleet ginn, sou dass mir et en cours de route fäerdeg bruecht hunn, iwwer dat Wesentlecht ze schwätzen an ze diskutéieren, respektiv hunn sech déi eng oder aner Leit net erëm fonnt am Grupp, an déi sinn dunn och net méi erëm komm, dass mir herno awer eng flott Dynamik do haten, dass et eben elo dat ass wat mer fannen. Wäerter sinn ugeschwat ginn, Wäerter déi en Haus soll vermëttelen, déi engem Kand solle vermëttelt ginn, des Basis ass extrem wichteg. Ritualer, Kommunikatioun ass ënnert anerem wichteg an zeréck behale ginn an dofir sinn ech frou, dass mir dat do fäerdeg bruecht hunn. Den Enseignant ass och bereet nei Weeër ze goen, et ass net méi esou, dass et e Frontalunterrecht ass an engem zouene Klassesall, mee hei sinn d Cyclen deelweis op, d Diere stinn op an ech mengen dass och déi Leit déi do sëtzen, bereet sinn, dee Wee mat ze goen. Ähnlech ass et an der Maison Relais, d Erzéier déi ginn och mëttlerweil nei Weeër, et ass net sou dass do vu moies bis owes geplangt gëtt wat mat de Kanner gemaach gëtt, mee hei ass et och esou, dass mir als Erzéier op Impulser setzen an et gëtt vill op Beobachtung gesat an d Kand gëtt duerch den Alldag begleet. Wat ganz flott ass, ass d Kohärenz, dass déi zwou Welte sech begéinen an iwwerschneiden. Et ass keng Trennung méi zwësche Schoul a Maison Relais wéi mir dat an der Vergaangenheet haten, an hei hu mir eben déi Méiglechkeet, dat esou vun Ufank u virzegesinn. Eng Produktiounskichen hu mir och sur place, et dierf een net vergiessen, dass mir zu Diddeleng och ganz vill Kanner hunn, déi an d Restauration scolaire, also an d Kantin ginn, an och hei hu mir de Moment genotzt fir eng Produktiounskiche virzegesinn, déi awer

25 RAPPORT 25 méi grouss ass wéi nëmmen de Bedarf vun der Schoul, respektiv dem Bildungshaus. Eng Spillplaz ass och ginn, och do ass alles virgesi fir dass d Kanner kennen do sou vill wéi méiglech flott Stonne verbréngen an awer och ganz vill léieren, ganz vill Selbstvertraue sollen tanken an Eegendynamik an eegen Impulser setzen ass eis wichteg. Flott ass et och dass mir herno budgetär en Deckel drop hunn, dass mir wësse wat op eis duerkënnt, dass mir eis kennen op déi Ausgaben als Gemeng fokusséieren a wéi et virdru schonns ugeklongen ass, déi Erfahrung hu mir jo och mam Centre sportif René Hartmann gemaach, während dem Prozess entwéckelt sech dat Ganzt nach qualitativ no uewen, well et eben en Dialogue compétitif ass, wou sech vill ausgetosch gëtt, a wou op verschidde Schwächten an awer och Stäerkte vum Projet kann higewise ginn, an sou kënne weider entwéckelt ginn, sou dass ech hoffen dass mir sou schnell wéi méiglech kënnen op dee Wee goen an hei den Accord kréie fir weider an dësem flotten, moderne Konzept am Sënn vum Kand ze schaffen. Merci. Dan Biancalana (LSAP Buergermeeschter): Merci dem Loris Spina nach zu deenen Approchen. D Diskussioun ass op. Am Januar 2016 war eng éischt ëffentlech Versammlung wou d Konzept, Bildungshaus Lenkeschléi virgestallt gouf. Enn Januar 2016 huet CSV Diddeleng dem LSAP Schäfferot erëm eng Kéier eng Rei Froen zum geplangte Projet Lenkeschléi gestallt. Am Juli 2016 huet de Buergermeeschter op eis -zegst Nofro gesot: Zitat: Am Hierscht 2016 ass den Dossier fäerdeg. Ufank 2017 fänkt d Ausschreiwung fir den Dialogue compétitif un, iwweregens déi éischte Kéier dass d Iddi vum Dialogue compétitif hei an de Raum geworf gouf. Am Summer 2016 war d Straussfeier hei op Lenkeschléi vun den éischten Haiser, am Abrëll-Mee 2017 sinn déi éischt Leit op Lenkeschléi erageplënnert. An elo ass op eemol Urgence a mir mussen haut den Dossier Lenkeschléi Bildungshaus Hals iwwer Kapp duerch de Gemengerot baatschen. Jo! Maja! Da lauschtert dach no! Dan Biancalana (LSAP Buergermeeschter): Ma da fuert weider. Michèle Kayser-Wengler (CSV): Merci, am Numm vun der CSV Diddeleng leeën ech emol hei Protest an a sinn net d accord wéi den LSAP-Schäfferot mat dem Gemengerot ëmgeet, an ech bieden och d Vertrieder vun der Press, dëst zur Kenntnis ze huelen gouf am Gemengerot e PAG Modifikatioun fir d Areal Lenkeschléi virgestallt, 2010 am Abrëll gouf en definitive Vote gemaach, 2012 am Juni gouf de PAP virgestallt, 2013 am Oktober war den definitive Vote fir de Projet Lenkeschléi hei am Gemengerot. Am Mee 2015 huet CSV déi éischte Kéier an enger Fro un de Schäfferot nogefrot, wéi wäit d Planung vun enger Schoul mat enger Maison Relais am Quartier Lenkeschléi wier. Idem, déi selwecht Fro gouf bei de Budgetsdiskussiounen am Dezember 2015 gestallt. Michèle Kayser-Wengler (CSV): Ma ech fuere ganz gäre weider. Wéi sot den Här Leuschen vun der Consultingfirma MC-Management Mir hunn esou en Drock op Lenkeschléi, mir mussen esou schnell wéi méiglech viru maachen. Dat ass net sérieux, Dir Dammen an Dir Häre vum Schäfferot, zënter Januar 2016, zënter der Informatiounsversammlung, zënter 18 Méint war hei keng rieds vun dësem wichtege Projet. Den 3. Juli, virun annerhallef Woch, Dir Hären an Damme vun der Press, Dir léif Bierger vun Diddeleng, krute mir an enger informeller Gemengerotssitzung fir déi éischte Kéier d Konzept graff presentéiert an d Pläng fir déi éischte Kéier gewisen. Viru genau enger Woch, Dir Dammen an Dir Hären, eng 509 Säiten Dossier hunn si eis zoukomme gelooss an elo haut solle mir iwwer dee ganzen Dossier ofstëmmen. Dat mécht een net, dat ass respektlos vis-à-vis vum Gemengerot, esou geet een net mat gewielten Diddelenger Representanten ëm. Mee dës arrogant,

26 RAPPORT 26 Op Lenkeschléi kommen 200 Wunneenheeten, 186 Kanner hu Plaz an eisem neie Bildungshaus. Et gouf estiméiert dass bei 205 Wunneenheeten 117 Kanner an de Quartier wunne kommen, déi vun deem neie Bildungsiwwerhieflech an absolut ondemokratesch Aart a Weis vum Schäfferot fir mat de Gemengerotsmemberen ëmzegoen ass näischt Neits. Dofir veruerteele mir dëst Virgoe ganz schaarf an drécken eisen offizielle Protest aus an ech hoffen, eis Pressevertrieder genee wéi déi Diddelenger Bierger huelen dat zur Kenntnis, well dat ass eng Aart a Weis, déi sech net passt. Voilà, dat gesot, d CSV Diddeleng behëlt sech awer elo net wéi de Schäfferot, deen en Dossier Schoul Lenkeschléi iwwer 2 Joer mautsche gelooss huet. Mir maachen eis Aarbecht an och wa mir Steng an de Wee geheit kréie vum Schäfferot, mir maachen eis Aarbecht weiderhi sérieux a gewëssenhaft, mir strëppen eis Äerm erop a schaffen eis a 7 Deeg duerch en Dossier vu 509 Säiten, och wa mir nach déi aner dat muss een sech emol op der Zong zergoe loossen - insgesamt 69 Punkten, wann een all Punkt mat den Ënnerpunkte vum Ordre du jour hëlt, och déi insgesamt aner 69 Punkten, gewëssenhaft virbereeden. Och wa mir alleguer Vollzäit beruffstäteg sinn, da ginn eben e puer Nuetsschichten ageluecht, mee well mir eis Aarbecht gewëssenhaft a sérieux maachen, a well mir dréngend eng Schoul mat Betreiungsstruktur op Lenkeschléi brauchen, proposéieren ech dann elo, dass mir an d Diskussiounen eraginn. Dir Dammen an Dir Hären, mir diskutéieren hei net nëmmen ee Punkt, hei geet et net nëmmen drëm, wéi eng Ausriichtung maache mir mat der Schoul oder dem Bildungshaus op Lenkeschléi. Hei stëmme mir net nëmmen of ob mir iwwerhaapt eng Schoul an eng Maison Relais wëlle bauen oder net, hei diskutéiere mir iwwer ganz vill Punkten. Éischtens de Prinzip, dass eng Schoul gebaut gëtt, dee muss approuvéiert ginn. Zweetens, de Projet un sech, deen ausgeschriwwe soll ginn, muss approuvéiert ginn. Drëttens, de Budget musse mir stëmme fir d Executioun vum Projet. Véiertens, de Projet définitif détaillé muss approuvéiert ginn. Fënneftens, de Gemengerot muss ofstëmmen iwwert e Cahier de charges, plus de finanzielle Kader, deen definéiert gëtt iwwer sechstens, dee proposéierten Dialogue compétitif. Punkt 1. Le Conseil Communal doit avoir décidé le principe des travaux et fournitures de services qui font l objet des contrats. D CSV fënnt et gutt: Éischtens, dass op Lenkeschléi endlech eng Quartiersschoul kennt. Zweetens, dass eng enk Vernetzung mat de Betreiungsstrukturen ënnert engem Daach geplangt ass. Drëttens, dass en Turnsall virgesinn ass, deen och vun de Veräiner ka genotzt ginn. Véiertens, dass den Accès no baussen op allen Ebene méiglech ass. Fënneftens, dass och e Raum fir d Schoulmedezin virgesinn ass. Sechstens, dass eng Produktiouns- an awer och eng Léierkiche virgesi sinn. Siwentens, dass op eng Holzhackschnitzelanlag zeréck gegraff ginn ass fir ze hëtzen. Aachtens, dass e méiglechen Ausbau vun der Schoul mat ageplangt gouf. Néngtens, dass Plaz fir Precoce-Klasse mat eegenem Rouraum a mat engem eegenen Iessraum virgesi gëtt, an zéngtens, dass WLAN an alle Raim virgesinn ass, dass Tablets an I-Pads kënnen utiliseiert ginn an dass keng Plazen u Computerraim verschwennt gi sinn. Bref mir fannen de Projet am grousse Ganze gutt. Wat ass net gutt?

27 RAPPORT 27 haus kënne profitéieren an da gouf gesot et kéimen nach élèves additionels, dat sinn da wahrscheinlech déi déi aus der Ëmgéigend kommen déi kéint een och do mat integréieren, da komme mir op déi 186 Kanner. Op dat duergeet, dat sief dohinner gestallt. En Ausbau fir op en Total vun 260 Kanner opzestocken ass méiglech, a meng Fro ass, firwat net direkt ausbauen an ausriichten op 260 Kanner, well wa mir no puer Joer e Besoin hunn, a wann Diddeleng weiderhin esou wiisst dann hu mir de Besoin och, da musse mir an zousätzlech Fraisen investéieren an d Prozedure wäer ten erëm schleefen an dofir d Fro: Firwat maache mir dat net direkt? Wat ass iwwerhaapt net gutt? Majo, mir stellen eis d Fro wéi eng Iwwergangsléisung bidde mir de Kanner am Quartier Lenkeschléi? Dës Schoul mat de Betreiungsinfrastrukturen ass wéini fäer deg? Am Oktober 2020! 3,5 Schouljoer hu mir keng Schoul an dem Quartier. D Prozedur seet, wa mir de Cahier de charges fäerdeg hunn, wa mir haut de Projet stemmen, dann ass de Cahier de charges am September-November fäerdeg, Preselektioun geet dann un an déi Dauert bis Januar 2018 an Oktober 2018, da ginn 3-5 Kandidaten zeréck gehalen, an da bis de September 2018 soll dann den definitive Kandidat bekannt sinn. D Baudauer ass op 24 Méint ugesat, da si mir Oktober 2020 a wat maache mir bis dohinner? Herno an der Schoulorganisatioun vum nächste Joer, do ass och ee Punkt wou virgesinn ass, wéi mir d Kanner vun der Lenkeschléi op d Schoulen 2017 an 2018 verdeelen. Hott an har ginn se verdeelt, déi eng op de Strutzbierg, déi aner an de Wolkeschdall, Lenkeschléi, Waldschoul, dat wäert mir jo an deenen nächsten 4 Joer e schéint Gewurschtels a Getässels ginn, an ech muss Iech jo net dorun erënneren, de Strutzbierg ass voll, d Waldschoul ass voll, eis Maison Relais si voll. Wat maache mir déi Joere mat de Kanner aus den 200 Wunneenheeten, well mir kënnen net zu de Leit soen, mir hunn nëmme Plaz fir 186 Kanner, Dir kënnt mol net alleguerten ee Kand kréie pro Stot well soss geet dat net duer. An eisen Aen ass hei geschlof ginn, de Réibau dee misst schonns laang do stoen misst déi Schoul operationell sinn, an eis Appeller vun de leschte Joeren, fir e bëssen Neel mat Käpp ze maachen, mir hunn 2015, 2016 dat gesot, et ass op daf Ouere gestouss an dat bedauere mir explizit. Elo musse mir kucken, wéi mir de Leit op Lenkeschléi soe firwat mir zwar schonn eng wonnerschéin, fäerdeg Spillplaz op Lenkeschléi hunn awer keng Schoul. Ech denken, mir soen einfach den neie Bierger, déi och villäicht vun auswäerts op Diddeleng kommen, dass fir den LSAP-Schäfferot d Schoul keng Prioritéit an hirem Quartier hätt. Zum pedagogesche Konzept vum Bildungshaus wier och vill ze soen, mä do kréie mir nach Geleeënheet wa mol de Bau do steet. Dass cycle-iwwergräifend geschafft gëtt, fanne mir eng gutt Saach, dass d Säll multifunktional genotzt ginn, dat hu mir och schonns ëmmer gesot, do soll ee Wäert drop leeën, well en Haus muss gehëtzt ginn, an dass nëmme fir d Schoul moies soll op sinn, a mëttes soll eidel stoen, ass sënnlos, also ass déi ganz Synergie, déi hei geplangt ass, och eng gutt Saach. An och d Vernetzung vun den Enseignanten an d Personal vun de Betreiungsstrukturen an der Schoul soll prioritär sinn, dat fanne mir ganz gutt. Nach muss ee kucken, wéi dee pedagogeschen Entwécklungsplang herno konkret ausgesäit, mee do wäerte mir jo villäicht gnädegerweis virun der Straussfeier och hei am Gemengerot Informatioune kréien iwwert d Konzepter an d Detailer. Et muss ee jo och kucke wéi d Personal rekrutéiert ka ginn, fir an dëser neier Schoulform Kanner ze ënnerriichten, dat ass jo e komplett neie Wee deen ee geet an den Här Spina sot, si hu gutt zesumme geschafft, dat ass eng schéi Saach, mee ech mengen, Dir hutt Iech jo wuel och informeiert wéi et op anere Plaze gaangen ass, Mäertert a Wasserbëlleg hat och de Pilotprojet Vernetzung vu Schoul a Maison Relais ugesat, an deen ass grëndlech an d Box gaagen, an no engem Joer koum et zur Trennung, Schoul a Maison Relais goufen ausernee getrennt a jidderee mécht erëm säi Match. Dat wier schued, mee mir hu jo zu Diddeleng Gott säi dank gutt Erfahrunge gemaach mam Precoce- Maison Relais Lenkeschléi - ech soen elo net weem seng Iddi dat war, dass mir missten d Precocen och mat enger Maison Relais verbannen -, mä op jidder Fall si mir frou, dass dat gutt klappt. Précoce-Maison Relais Lenkeschléi, wou Éducateuren a Schoulmeeschteren zesummen un engem Strang zéi en an d Kanner ganzdaags gutt betreien, ass eng Modellschoul gewiescht, an och mir zu Diddeleng si jo

28 RAPPORT 28 um Strutzbierg op de Wee gaangen - dat fanne mir eng gutt Saach, an ech denken och dass de Grupp sech informéiert huet, wat schifgelaf ass zu Mäertert, well mir si jo hei och schonns e bësse méi clever wéi déi a mir hu wierklech verschidde Raim och méi spezifesch deenen engen an deenen aneren Equippen zougeuerdent, wat wahrscheinlech och en Haaptsträitpunkt war vun de Reiwereien zu Mäertert. Dann, elo kënnt e wichtege Punkt: Le Conseil communal doit avoir pourvu à l allocation des crédits nécessaires au réglement de la dépense qui découle de l exécution des contrats. Dat heescht, de Gemengerot soll hei den Accord ginn, fir éischtens d Baukosten ouni Ausstattungsmöbel, d Baunebenkosten, dat sin 15 Milliounen Euro, da komme Miwwelen dobäi fir 1,1 Milliounen Euro, an da komme Baunebenkoste vun 1 Millioun Euro, da kënnt nach d TVA, dat huelen ech hei elo mol net dran, mee op jiddwer Fall komme mir dann op e Gesamtkostenpunkt mit Ausstattungsmöbel und Baunebenkoste vun 17,8 also ronn 18 Milliounen Euro. Elo ass awer nach villes onkloer, éischtens huet den Här Buergermeechter gesot, wësse mir nach ëmmer net wéi d Subventioune vum Staat ausfalen. Dir hutt jo och gesot dass Dir eng Entrevue hat, dat steet jo och hei dran, den 11. Juli mat de verschiddene Ministère wëll et si jo 2 Ministèren, déi involveiert sinn, dat ass jo schéin a gutt wann si dat als Super Projet ugesinn, mee wa mir net wësse wat mir vun hinnen u Sue kréien. U sech ware 50% virgesinn als Subsid vum Staat, mä wa mir elo net wësse wéivill mir kréien, da plange mir an d Blannt an dat fanne mir net gutt, an zweetens, firwat gëtt dëse Projet méi deier wéi virgesinn. Ech erkläre mech: Am Plan pluriannuel financier, dee mir virun e puer Méint hei diskutéiert hunn, steet, dass de Complexe scolaire Quartier Lenkeschléi sollt +/- 13 Milliounen Euro kaschten, elo si mir bei 18 Milliounen Euro. Dat si 5 Milliounen Euro méi. Do sidd Dir eis dann awer Erklärunge schëlleg. Well da misste mir jo och déi ganz finanziell Planung fir déi nächste Joeren ëmschreiwen. An der finanzieller Planung fir waren insgesamt 8 Milliounen Euro Emprunt virgesinn. Domat sollen awer net nëmmen deen net subventionéierte Part vun demr Bildungshaus Lenkeschléi bezuelt ginn, mee en plus och déi reng kommunal Dépensë fir eng nei Piscine am Turnsall Strutzbierg, dat neit Gebai mat Crèche am Quartier Italien, an dann och nach aner Projeten, wéi zum Beispill de Shared Space musse mir jo och nach finanzéieren. Also laut Plan pluriannuel ass ugeholl ginn, dass de Staat beim Bildungshaus géif 50% iwwerhuelen, d Subside pro Chaise an der Maison Relais si jo awer elo och nach plafonéiert ginn, a wéi den Här Buergermeeschter jo elo sot, ass dat eng grouss Virwëlztut wat de Ministère eis gëtt. Da sot eis awer elo mol, wéi mir dat da solle finanzéieren. Deen Zousatzinvest vu 5 Milliounen Euro, deen hätt een och villäicht kënnen an enger Finanzkommissioun virstellen. Mee, wéi gesot, et ass jo Urgence, an et ass net fir hei sech nach mat Tëschesitzungen dann erëm ze rafen. Also, de Gemengerot wäert dat schonns iergendwéi duerchkucken an da wäerten se schonns den Aval ginn. Mä bon, schwätze mir net méi dovunner, vun dem absolut schlëmmen Horaire, deen Dir eis hei operluegt hutt. Mee wéi gesot, et geet ëm d Finanzementer, da musse mir och méi Emprunte maachen, well soss komme mir jo net op dee Chiffer, dee mir brauche fir dat Bildungshaus ze bezuelen. Oder ass et esou, dass mir aner Projeten net kënne bezuelen, dass mir déi no hanne réckelen oder ass et sou dass de Schäfferot denkt, am Hierscht si Walen, mir kënnegen dat elo hei un, an d Finanzement dat kucke mir déi nächste Kéier, nom Motto Nach mir die Sintflut, wat och keng korrekt Approche wier. Da si mir nach laang net derduerch, et dauert nach e bëssen, well da kënnt deen nächste Punkt. De Gemengerot approuvéiert de Projet définitif détaillé an de Cahier de charges mat, ganz wichteg, der Estimatioun globale du coût, wa mir de Projet als Projet par Entreprise générale an Optrag ginn, bezéiungsweis wa mir an d Prozedur vum Dialogue compétitif ginn. Dat heescht, mir mussen och elo iwwerhaapt emol doriwwer ofstëmmen, wëlle mir dat mam Dialogue compétitif esou maachen? Mir hate jo schonns eng Kéier esou eng Prozedur. Den Här Buergermeeschter huet et gesot, wou mir iwwert den Dialogue compétitif

29 RAPPORT 29 Da kommen ech zu de Vergabekritären, dat heescht d Leit proposéieren eppes an da gëtt jo ausgewielt an do hu mir da Prioritéite gesat. De maximale Präis hunn ech schonns erwänt, dat sinn 13,5 Milliounen Euro ouni Mehrwäertsteier, dann e bësse flou fannen ech den Terminus Kohärenz und Gesamtkonzept der techd Planung vum Neibau vun der Piscine a Centre Hartmann duerchgezunn hunn. D CSV hat deemools Bedenken, d CSV, d ADR an déi Lénk haten sech bei der Prozedur Decisioun enthalen an d CSV war skeptesch op 2 Punkten, dat eent war ob Delaie kéinten agehale ginn, an dat 2. war ob keng finanziell Iwwerraschung awer nach kéint op eis waarden an duerkommen. Wat d Delaien ubelaangt, ass d Exekutioun vum Bau agehale ginn, mä wat déi vill gerühmte Präisgarantie ubelangt huet, do war eis Skepsis awer absolut berechtegt. Nodeems mir de Projet mat 21,7 Milliounen Euro votéiert haten, hu mir duerno missen 2 Milliounen Euro no stëmmen. Ënnert anerem net nëmme well nach verschidden en cours de route nei Elementer bäikomm sinn, déi och sënnvoll waren, mee virun allem a wat eis gesteiert huet - well éischtens d Fraisë vum Ofrappen anscheinend net am Bordereau virgesi waren, a wat eis virun allem schockéiert huet, well an enger éischter Phase eng Kéier Euro an eng Kéier Euro Frais d étuden um Bordereau stounge fir den Dossier auszeschaffen an duerno hu mir missen Euro nostëmme fir d Vierberedung vum Dialogue compétitif plus Euro fir Frais de pilotage während der Bauphas. Dat ware Euro, déi herno awer nach op eis duerkomm sinn, obwuel mir eng Garantie de prix gepriedegt kruten, dass dat jo de Virdeel wier vum Dialogue compétitif. Dofir hate mir, d CSV, d ADR an Déi Lénk dësen Zousazkredit och net matgestëmmt. Dir Dammen an Dir Hären aus dem Schäffen- a Gemengerot, et ass also net esou einfach an evident wann een op den Dialogue compétitif zeréckgräift an ech hoffen, dass dëse Bordereau méi etofféiert ass, dass mir méi an den Detail gaange sinn, dass mir aus eise Feeler vum Projet Hartmann eppes geléiert hunn. Voilà, den nächste Punkt, da kucke mir eis de Bordereau vu 509 Säite mol un, well mir solle jo haut nach iwwer dee ganze Cahier de charges, also de Projet définitif détaillé ofstëmmen an da gi mir mol an d Detailer. Als éischt ass mir opgefall e Schreiffeeler am Titel, do steet ënnert der Ausführung Dialogue compétitif mat c an hannen, wettbewerblicher Dialog do gëtt Dialog da mat gue geschriwwe, ech weess net wéi eng Sprooch dat soll sinn. Dat ass nëmmen en Detail, mee wéi gesot, mir këmmeren eis och ëm Detailer. Wa mir esou en Dossier kréien, da kucke mir dee vu vir bis hannen duerch. Also dann zur Prozedur, wat jo wichteg ass, dass mir Zuschlagskritären ausschaffe fir dann erauszefannen, wéi eng Firma oder Groupement dann herno den Dialogue compétitif gewënnt an dierf de Projet bauen. Den Zuschlag erhält das ordnungsgemässe Angebot zum wirtschaftlich günstigsten Preis. De Präis ass ëmmer héich quotéiert an der Bewäertung, dat ass wichteg an et ass jo esou, dass mir de Präis fixéiert hunn op 13,5 Milliounen Euro, dat ass reng dat wat se am Dialogue compétitif dierfe verschaffen, déi déi do mat maachen Euro. Dann ass et och esou dass kloer festgehale gouf, dass wann d Leit den éischte Virschlag maachen, da kréien se keng Remuneratioun, keng Entschiedegung an ab dem zweeten Dialog, dat heescht wann déi zweet Bespriechung ass, kréien se eine Pauschale falls sie den Zuschlag nicht bekommen. Et ginn dann 3-5 Bewerber zougelooss, die genaue Anzahl unterliegt dem Ermessen der Gemeinde. Do musst Dir eis awer och vläit erklären, wéi een dat da ka besser faassen, well wann herno, soe mir mol et hunn sech der 7 gemellt, an da behale mir der nëmmen 3 zeréck, an dann heescht et Hei steet awer 3-5, firwat huelt Dir dann net awer 5? Ass et do net besser, dass ee seet, mer huelen der nëmmen 3 oder 4, oder mir huelen der 5, dat ass eng Fro? Dann hunn ech eng aner Fro: Das Lastenheft wird nur in deutscher Sprache übermittelt, auf Anfrage kann es auch auf Französisch zugestellt werden. Die schriftlichen Fragen können auf Deutsch oder Französisch gestellt werden, die schriftliche Beantwortung der Fragen erfolgt nur in deutscher Sprache. Meng Fro, ass dat EU-konform, wann elo Leit vun auswäerts kommen, kann een eis dat net virwäerfen, dass mir do net EUkonform virginn an se net d selwecht behandelen?

30 RAPPORT 30 nischen und architektonischen Qualität, nachhaltiger Charakter, dat ass erëm sou e Wischiwaschi, dat ass net einfach, dass mir do wierklech kënne kloer Kritäre ginn, ech soen dat net fir näischt well Dir wësst jo och, dass mir beim Centre Hartmann no 16 Méint Dialogue compétitif ee Kandidat fixéiert haten an deen aneren, deen net zeréck behale gouf, deen huet geklot, an en huet sech ongerecht behandelt gefillt, an et ass bis virun d Verwaltungsgericht gaangen an d Prozedur war 6 Méint. Dat heescht, 6 Méint huet d Prozedur misste gestoppt ginn an dat war net gutt, an dofir ass meng Fro: Sidd Dir sécher, dass dat doten eng etofféiert Argumentatioun ass, net dass mir do nees iwwert den Dësch gezu ginn. Dann zu den Detailer: Lastenheft Küche, 350 Iesse pro Dag sollen eraus goen. 186 Kanner an ongeféier 40 Betreier, wat och schonns weist, wéi e personalen Impakt dëst Bildungshaus Lenkeschléi wäert kréien. Meng Fro ass: Mir hu jo och schonns esou eng grouss Kichen - dat ergänzt meng Fro vu virdrun firwat maache mir net direkt den Ausbau vum Bildungshaus Lenkeschléi op déi Kanner, déi mir maximal kënnen ophuelen, vu dass mir souwisou schonns esou eng grouss Kichen hunn? Genee déi selwecht Fro ass och - mir hate gesinn, dass eng Erweiderung am ëstleche Gebäudetrakt méig lech ass - an dofir och nach eng Kéier meng Nofro ob et net méi sënnvoll, méi bëlleg an iwwerhaapt besser wier wa mir dat géifen direkt maachen. Begréissenswäert ass, dass eng Sportshal do ass, wou och vu bausse ka genotzt ginn, dass och déi Sportshal ka multifunktional benotzt ginn, eng mobil Bühn, eng mobil Bestuhlung ass virgesinn, dat ass jo alles schéin a gutt. Wat ganz ganz gut ass, dat ass das ganze Gelände wird mit WLAN ausgestattet, dann ass dat déi eenzeg Schoul hei an Diddeleng wou mir dat hunn, mee bis dohinner kann ee jo villäicht an deenen anere Schoulen nohaken. Da Säite mir sinn nach net duerch, dat dauert nach e bëssen - also do steet, wat ganz gutt ass, de Präis, de Prix global non révisable, keine Anpassung auf Index und Lohnerhöhung, do si mer jo e bësse méi schlau gi wéi beim Centre Hartmann, well do hate mir dat net dra stoen, an dat huet eis och herno esouvill Fraisë méi kascht, an dat war dann och schonns gutt, dass mir dat dragesat hunn. Da kommen ech zu engem wichtege Punkt, sämtliche Kosten für Kontrollbüros, Sicherheitskoordination usw. die im Zusammenhang mit der Leistung des GU anfallen - dat ass de Grupp deen dat baut gehen zu dessen Lasten, sogar dann wenn die AG dat si mir, d Gemeng - als deren Vertragspartner fungieren aber während der Bauphase steht es dem AG frei, für die Überwachung einen Dienstleister zu bestimmen. Elo kënnt dee Saz: Die Kosten dieser Überwachung gehen zu Lasten der AG, also sinn déi net am Präis mat dran, an dat ass dann elo d Fro: Sinn dat am Bordereau déi 1,1 Milliounen Euro Baunebenkosten? Du kanns mir jo herno dann drop äntwerten, Frank. Do ass awer erëm eppes wat net ganz kloer ass. Wéi héich gëtt dee Präis? Well ech fannen, et ass wichteg dass mir en toute connaissance de cause hei iwwer de Projet ofstëmmen, an dass mir genee wësse wéi eng Fraisen herno nach op eis duerkommen. Sinn dat dann éiere schonns déi Fraisen fir d Iwwerwaachung, mir hu jo och dëst Joer schonn e Budget vun Euro am Budget fir 2017 fixéiert. Wat gëtt domat bezuelt a wéi héich sinn déi Honorairë vun der Firma, déi de Projet bis elo begleet huet? Dann, ass dat déi selwecht Firma, déi eis och herno begleet am Dialogue compétitif a wéi héich ass dann herno den Honoraire! Dat ass awer och villäicht wichteg, dass d Leit an och mir dat wëssen. Voilà, dann hunn ech mech hei doduerch gekämpft an si bis op d Säit 486 komm: Pedagogisches Raumfunktionsbuch. Dat ass nawell ganz ganz flott, an dofir ass et wichteg, dass een deen Dossier bis ganz hannen hinner kuckt. Ech hoffen, Dir hutt dat och all gemaach, do geet et ëm d Ausriichtung an d Ariichtung vun de Raimlechkeeten. A wat ganz flott ass, a ganz interessant, et si komplett nei Begrëffer an e Klassesall ass elo eng Lern- Unit, a mir schwätze vun Chillen, a vu Funktionsräume, vun enger Homebase, Wegeflächen, enger Piazza dat ass jo alles tipptopp, an ech muss soen, déi Raumfunktion ass och en duerchdueten Dossier, dee ganz interessant ze liese war.

31 RAPPORT 31 Wat eis speziell och gefält ass, dass de Precoce integréiert gëtt, an dass de Precoce och säin eegenen Areal huet wou e mat der Spillschoul deelt, wat och witzeg ass, et ass e Wéckeldësch virgesinn, dat fannen ech och ganz gutt, well et muss ee soen dass och heiansdo Kanner mat engem Handicap an d Schoule kommen an dass do och eng Wéckel néideg ass. Do hoffen ech och dass déi awer sou ubruecht ass, dass een och méi grouss Kanner kann do versuergen, net dass et geet wéi an der Schwämm, wou et schwiereg ass, e Kand mat engem Handicap ofzedréchnen an unzedoen. Wat ech och witzeg fannen, dat ass, dass Duschen für Malheure virgesinn ass, dat ass eppes wat an enger Spillschoul och ganz wichteg ass. Dir musst mir just erklären, wat ass en Naassatelier, op Säit 493, do konnt ech mir net vill drënner virstellen. Dann, wat och e bësse stutzeg mécht, de Restaurant Precoce, den C1, wou den C1 an den C2 an den C4 sollen och deelweis, nee pardon, de Restaurant Precoce ass fir 40 Kanner, an da steet do zwëschent dem Zyklus C5 an C4, do sinn och nach eng Kéier 45 Kanner, am Restaurant hunn déi Plaz. Da kommen ech jo awer nëmmen op 90 Kanner mee et huet jo awer ëmmer geheescht mir hunn et sou konzipéiert dass och an der Kantin an an der Maison Relais Plaz ass fir se alleguerten. Entweder ass dat do falsch beschriwwen, dat ass d Säit 489. Do sinn ech net eens ginn, wéi dat gemengt ass. Mir begréissen explizit, dass WLAN iwwerall ass, dass mir keng Computerzëmmeren hunn, dass mir e bëssen do op en innovative Wee ginn, et si vill Schoulen déi dat schonns hunn, just zu Diddeleng net, dass mir an all Gebai e Beamer hunn, well Dir wësst och wa mir op de Wee gi vun Ipad-Unterrecht, et kann een ëmmer nëmmen héchstens dräi Kanner op en I-Pad kucke loossen, dann ass dat eng gutt Saach. Et ass och gutt, dass e Bewegungsraum do ass, an dass net e fixen Airtramp kënnt, dat kann ee jo ëmmer emol opblosen an erëm ofbauen, dat war och eng Demande vun de Leit, déi de Projet ausgeschafft hunn, also Bewegungsraum hu mir, hätte mir nach e gudde Psychomotoriker, deen do ka mat de Kanner schaffen, da wär alles optimal. Wat och interessant ass, dass mir Naturwëssenschaftsraim hunn, et ass rieds vu Mikroskoper, Bunsenbrenner, et si Raim fir Theater, Musek, et ass eng Plaz fir Kicker virgesinn, also et si ganz flott Elemen- ter virgesinn, wat natierlech och de Präis vum Mobiliar wäert awer an d Luucht dreiwen. Da komme mir zum Schluss, d CSV huet ëmmer gefuerdert, dass soll e Gebai ausgelaascht ginn, dass net nëmme soll en eenzelt Gebai fir Schoul a Maison Relais gebaut ginn, mee dass eng Synergie soll geschaf ginn, dat ass hei jo och tipptopp gelongen. A mir sinn natierlech och dofir, dass d Schoul an d Maison Relais sollen als pedagogescht Gesamtkonzept ugesi ginn, an dass se sollen e Gesamtkonzept ausschaffen dat ass och hei an dësem Projet sécher garantéiert, well herno gesi mir wéi onzefridde verschidde Schoule sinn. Zum Beispill, d Ribeschponter Schoul seet, mir géife jo och méi mat de Maison Relais pedagogesch Konzepter ausschaffen, mee wann eis Kanner herno mussen op dräi verschiddene Maison Relais Sitë hiren Nomëtteg verbrénge goen, ass do d Synergie an d Zesummenaarbecht ganz schwéier. Vill flott Iddie sinn an dësem Projet, mir stëmmen dem Konzept zou, ënnert der Oplag, dass mir, an net eréischt e Mount éier d Aweiung ass, um Courant gehale gi vun de weideren Diskussiounen iwwert d Konzept. Dat ass dat éischt. Do ass och eng Fro, wéini gëtt ee Responsabele vun der Schoul, also sougenannte President vun der Schoul Lenkeschléi désignéiert, deen och mat agebonne gëtt an déi terminal Determinatioun vun de Konzepter? A wéi an iwwerhaapt wéini definéiert de Gemengerot d Nominatiounskritäre fir d Personal? Well och wa mir elo eng gutt Equippe hunn, déi dat Konzept ausgeschafft hunn, ech hunn Iech jo gesot, 2020 ass déi Schoul fäerdeg, ech weess net ob mir déi Leit nach esou laang bei der Staang gehale kréien dass déi kënne waarde bis se dann dierfen an déi Schoul era goen, an zweetens ass et jo och esou, dass mir bei der Nominatioun vum Personal ausser fir d Personal vun de Maison Relais am Fong näischt méi ze soen hunn, dofir misst jo dann och eng Ännerung vum Reglement gestemmt ginn, et wier och villäicht gutt, wann een dat géif net rëm grad eng Woch virun engem Gemengerot, wou dann am Hierscht sollt eppes ulafen, virgestallt kréien.

32 RAPPORT 32 Dann zu der Prozedur: Wa mir an den Dialogue compétitif eraklammen, da verlaangt d CSV - an ech mengen, do stëmme meng Kolleege vun deenen anere Parteie mer och zou -, dass mir au courant wëlle gehale ginn, wéi eng 3-5 Projeten zeréckbehale ginn, an no wéi engen exakte Kritären d Firmen dann erausgesicht ginn, an no wéi engen exakte Kritären déi aner Demanden ofgeschmettert ginn. A selbstverständlech ass och fir eis, dass mir de finale Projet am Gemengerot virgestallt kréien an dass dee vum Gemengerot gutt geheescht gëtt. Zu de Fraisen, ech hunn et gesot, mir wëllen eng Erklärung firwat dëse Projet vill méi deier ugesat gëtt wéi virgesinn. Mir hu keng Schwämm dragemaach, wat souguer nach ee Moment an der Diskussioun war, mir hu keng Extravaganzen dran. Dann deen anere Punkt, wéi héich sinn d Begleithonoraren, a sinn déi Präisser och fix a garantéiert, a wéi finanzéiere mir dat Ganzt? Mir hätte gär e genaue Plan pluriannuel, ech huelen un dass Dir deen och an der Täsch hutt, well Dir sidd jo wahrscheinlech och gutt virbereet an dës Sitzung komm, wéi solle mir dëse Plan pluriannuel bis 2020 da finanzéieren, wéivill Emprunte brauche mir, wéivill Subside kréie mir? Do kënnt Dir keng Äntwert ginn, dat ass dann natierlech Pech, domm gaang. A wéi gesot, wéi eng Projete stelle mir dann zeréck, wann dëse Projet souvill méi deier gëtt? Allgemeng d Fro firwat mir net direkt den Ausbau vun 186 op 260 Kanner maachen, hat ech schonns uklénge gelooss, an Dir villäicht och nach erlaabt fir dat ze iwwerdenken. Dann nach eng Kéier och d Fro, vu dass mir de Projet jo e puer Joer verschlofen, wat maache mir wann den Zoulaf vun de Kanner op Lenkeschléi massiv iwwert deem ass wat mir erwaarden? Gëtt eventuell eng Container-Iwwergangsléisung an d A gefaasst a wou wär do nach e Site, deen dat erméiglecht? Voilà, Dir Dammen an Dir Hären ech hoffen, Dir hutt Iech alleguerten souvill Aarbecht gemaach wéi mir, an Iech duerch dësen Dossier gewullt, mir hunn et och gär gemaach well et och e flotte Projet ass. Mir hunn et net gär gemaach well mir et hu misse maache mee mir hunn et gär gemaach well et e wichtege Projet ass a villäicht kommen elo nach vun anere Leit hei aus dem Gemengerot aner Elementer, déi mir villäicht net gesinn hunn, a mir si frou, dass mir endlech dofir suergen dass de Quartier Lenkeschléi zwar eréischt a 4 Joer, mee ëmmerhin, och seng Schoul mat Maison Relais kritt. Merci. Dan Biancalana (LSAP Buergermeeschter): Nach weider Stellungnahmen? Här Gangler, ech géif villäicht deenen anere Parteien d Wuert ginn. Romaine Goergen (Déi Gréng): Merci fir d Wuert. Also, ech muss soen, am Numm vun de Grénge kann ech mech dem Ierger vun der Madame Kayser uschléissen. Mir hunn hei e risegen Dossier leien, zu dem mir ausser enger Reunioun eigentlech keng Zwëscheninformatioune kritt hunn. Jo, dat ass schonns iergerlech a wa geschwat gëtt vun engem partizipative Prozess, dann hu mir awer alt erëm gemierkt, dass deen um Gemengerot laanscht geet, dat ass jiddefalls e ganz kloere Bemol. Ech wéilt dann awer elo am Numm vun deene Grénge Stellung huelen zu der Schoul a Structure d accueil Lenkeschléi. Ech entschëllege mech, et war mir effektiv och e bësse séier gaangen an déi Ried hei ass net wierklech ausgefeilt. Trotzdem fir d éischt Merci un déi Leit, déi sech an Aarbechtsgruppen engagéiert hunn, an hei matgeschafft hunn, an där Consultingfirma, déi deem Ganzen hei eben duerno e Kader ginn huet, sou wéi mir et elo virgestallt kritt hunn. Also erlaabt mir meng Interventioun an ee puer Punkten opzeglidderen an déi awer wierklech méi kuerz ze faasse wéi meng Virriednerin. Do wier mol fir d éischt déi allgemeng Ausriichtung vun dem ganzen, eng Quartierschoul, gekoppelt mat Structure d accueil, fir dass déi Infrastrukture besser kënnen ausgenotzt ginn, dat ass ausdrécklech esou gewënscht vum Ministère a sollt eigentlech iwwerall ugestrieft ginn. Mir si frou, dass dat hei konnt geschéien a mir fan-

33 RAPPORT 33 nen, dass et dann och net verwonnerlech ass, dass de Ministère dat begréisst huet, an dass mir eben och entspriechend subventionéiert ginn. Dann, en zweete Punkt, dat wier de pedagogesche Konzept. Do wéilt ech och ganz kloer direkt um Ufank soen, dat wat an der sougenannter Grondphilosophie Lernen und Leben zesummegefaasst ass, kléngt ganz gutt, a mir kënnen dat och mat ënnerschreiwen. Ech wëll villäicht e puer Punkten do erausgräifen, dat ass déi regelméisseg Kommunikatioun zwëschent all den Acteuren, den Austausch zwëschen Educateuren a Schoulmeeschteren, Léierinnen. Déi Kohärenz, déi ugestrieft gëtt zwëschent der Schoul an der Maison Relais fir dass d Kand eng Sécherheet, eng Kontinuitéit ze spiere kritt, an eben och déi enk Zesummenaarbecht zwëschent deenen zwee Beräicher, déi awer eigentlech aneneen iwwer ginn ass gutt. Dann huet mech e bësse stutzeg gemaach, dass déi Participatioun vun de Kanner, déi hei ganz kloer erwänt gëtt mat engem aktiven Abannen, eegestännegen Handelen - dat steet ëmmer schonns emol gutt um Pabeier - och Lerninhalter ëmfaasst, déi solle matbestëmmt ginn. Dobäi hunn ech awer meng Zweiwel dass dat villäicht bësse wäit geet. Ech ginn dovunner aus, dass eben och Kanner prinzipiell motivéiert si fir eppes ze leieren, mee et ass awer esou, dass et Saache ginn, déi se musse léieren an déi se dee Moment trotzdem mussen imposéiert kréien. Ech denken, dass dat och esou geduecht ass, an dass dat einfach elo mol esou do steet, awer méi large ausgeluegt gëtt. Ganz flott ass sécherlech déi Grondphilosophie och, déi Differenzéierung beim Léieren, dass op d Kanner individuell soll agaange ginn, dass et vill Interaktioun soll ginn zwëschent de Gruppen, an eben, dass jiddereen, all Kand fir säin Input och wäertgeschätzt gëtt, a soumat e bessert Selbstwäertgefill kann opbauen. Also, sou wäit dann zu der Theorie, mir hoffen dass d Praxis herno hiren Ziler do e bësse méi no kennt, a mir sinn eben och gespaant op déi konkret Ëmsetzung vun deem Ganzen. Dann zu der personeller Besetzung vun der Schoul, do war an der éischter schonn zitéierter Reunioun gesot ginn, dass prioritär dat Schoulpersonal do kéint schaffen, dat um Konzept matgeschafft huet. Mir plädéieren awer och dofir, doniewent firzegesinn, aner Léierpersounen, déi sech an dem Konzept erëmfannen, déi kënnen ze rekrutéiere well mir sinn der Meenung, dass et ëmmer gutt ass, dass eng Lehrerschaft soll eng gewësse Mëschung hunn, tëschent ganz jonke Leit a vill méi Erfahrenen. Dofir soll een dann awer och dee Rekrutement do net zevill agrenzen. Dann en drëtte Punkt, dat wier dann den Numm an d Anzugsgebiet. Ech begréissen, dass an eisem Dossier elo net méi vun engem Bildungshaus geschwat gëtt, mee vun enger Schoul an Encadrementsstrukturen. Ech fannen, et soll ee wierklech virsiichteg si mat der Terminologie well d Wuert Bildungshaus - an de Bob Claude huet et schonn ugeschwat an der informeller Reunioun -, dat trëfft de Konzept net richteg an ech fannen et soll een net suggéréieren, dass do elo eppes Aussergewéinleches opgebaut gëtt, an dass déi Schoul mat der Structure d accueil sech ganz staark vun deem wat soss an Diddeleng geschitt, ofhieft, well dat jo éischtens net de Fall ass an zweetens och net gutt ass wann dat no baussen esou eraus kënnt. Dofir ass et och gutt, dass et net nëmme fir d Leit an d Kanner aus den neien Haiser ass, mee selbstverständlech den Anzuchsberäich och wéi bei all aner Schoul soll op déi Stroosse ronderëm ausgedehnt ginn, sou wéi sech dat normalerweis ergëtt. An deem Sënn fanne mir et och gutt, dass elo hei net op de Wee vun enger Ganzdaagschoul gaange gëtt, an dass mir hei eng ganz normal Schoul hunn, déi eben awer och Aktivitéiten am Nomëtteg ubitt, wat ganz sécher absolut begréissenswäert ass an hoffentlech vill genotzt wäert ginn. Dann e véierte Punkt zu der Planung vum Gebai: Mir stelle fest, dass niewent de klassesche Klassesäll och kleng Raim virgesi sinn, fir mat méi klenge Gruppen ze schaffen, dass een also opsplécke kann, dass fir dat pedagogescht Konzept ëmzesetzen och déi raimlech Méiglechkeete geschaf ginn an eben, dass verschidde Lernunitéite kënnen duerchgezu ginn a Raim, déi entweder ausgerüst si fir eng bestëmmte Funktioun oder awer fir méi Funktiounen, also multifunktional Raim.

34 RAPPORT 34 Mir begréissen och, dass eng Sportsinfrastruktur virgesinn ass, déi net nëmmen op d Schoul bezunn ass, mee eben och iwwert d Schoul eraus ka goen. An insgesamt ass et gutt, dass 15% vun de Raim op méi wéi eng Aart a Weis kënne benotzt ginn, wat méi eng rationell Verwäertung vun der Plaz, déi zur Verfügung ass, virgesäit. Dësweideren ass positiv erwänenswäert, dass an d Luucht gebaut gëtt, an dass also an där Hisiicht keng Plaz do verschenkt gëtt, an déi Plaz vill méi rationell ka genotzt ginn. Dass Terrasse virgesi sinn, zousätzlech zum Schoulhaff, an dass och d Kannergruppe villäicht anescht ofgetrennt kënne ginn, deemno wéi eng Problemer sech do stellen. Mir begréissen, dass d Daachfläch och genotzt ka ginn. Mir fanne selbstverständlech och gutt dass eng Kichen do ass fir sur Place ze kachen, an dann awer och auszeliwweren, dat ass e grousse Plus fir de Kanner gesond Iessen unzebidden a mir hoffen och, dass et méiglech gëtt, Geméis an der Noperschaft unzebauen an do ze verschaffen, net nëmmen am Sënn vu kuerze Weeër, gesond Ernierung, mä och fir dass d Kanner erëm e Bezuch kréien zu dem wat se um Teller leien hunn, an dass se och villäicht ugehale ginn, als Erwuessene sech méi konsequent gesond ze ernieren a regional Produkter unzestriewen. E leschte positive Punkt an deem Zesummenhang ass och d Méiglechkeet vun der Erweiderung a Vergréisserung vun de Raimlechkeeten, déi ouni vill Problemer méiglech wieren. Also, insgesamt fanne mir dëse Projet a senger ganzer Konzeptioun begréissenswäert a besonnesch och de Prinzip vum Kand am Mëttelpunkt. An eiser Gesellschaft ginn d Kanner oft genuch un de Rand gedrängt, an hir Bedierfnesser ginn ze staark deene vun den Erwuessenen ënnergeuerdnet. Dat heiten ass also e ganz gudde Schratt. Da fënneftens, de leschten Deel vu menger Interventioun betrëfft d Realisatioun vun dësem Projet am Kader vun engem Dialogue compétitif, deen ënnert der Leedung vum Management Consultants soll duerchgefouert ginn. Mir begréissen dës Virgoensweis well se bei eiser Sportshal zu engem gudde Resultat gefouert huet. Wann déi Schwieregkeeten, déi bei der Sportshal agetratt sinn, hei kënnen ausgeschloss ginn, dann ass déi Léisung also gutt. An eisem Dossier waren iwwer 500 Säite mat den Auswielkritäre a mam Cahier de charges, an deem eng Rei vu Bestëmmungen ganz akribesch festgehale ginn. Mir waren natierlech erfreet doriwwer, dass aus allen Donnéeën ervirgeet, dass de Bau ökologesch einwandfrei soll ginn. Als Energieklass A a Wärmeschutzklass A. Ech hunn net erausfonnt ob festgeluegt ginn ass wéi eng Zort Heizung dohinner kënnt. Ech mengen, dass e puer Auswielkritaire waren, ech wier frou wa mir dozou nach kéinten Informatioune kréien. Et steet am Cahier de charges, dass nëmme Materialie mat enger gudder Energiebilanz benotzt solle ginn, LED-Luuchte waren och begréissenswäert. An deem Zesummenhang wollt ech nofroe firwat dass d Fënsteren erausgesicht gi mat Aluminiumsrumme fir baussen a bannen. Firwat ass fir bannen net Holz virgesinn? Well ech sinn nämlech net der Meenung, dass mir do ökologesch sou um Topniveau sinn. Als ganz positiv gesi mir, dass d Statik vum 2. Uewergeschoss esou ausgeluegt ass, dass et eng Fotovoltaikanlag kann droen. A mir schlussfolgeren och, dass dat dann herno virgesinn ass. Dëst ass dann och dat éischt Gebai vun der Gemeng, dat eng Reewaassernotzungsanlag virgesäit. Ech fannen et awer wichteg, dat ervirzesträichen, well mir regelméisseg dorop higewisen hunn, an dass d Realitéit eis weist, dass et elo wierklech un der Zäit ass, dee Waasserproblem unzegoen, a wa mir als Gemeng et net maachen, wéi sollen d Privatleit dobaussen dat da verstoen? Mir mengen also, dass d Ausgangskritäre fir den Dialogue compétitif eise Virstellungen zimlech no kommen. Mir géifen als Grëng also eis Zoustëmmung och fir dëse Wee ginn, obschonns mir zwëschenduerch net informéiert goufen. Erlaabt zum Schluss awer nach e puer Froen. Beim Vergläich mam Projet Hartmann ass mir opgefall, dass

35 RAPPORT 35 d Bewäertungskritairen net méi déi selwecht Gewichtung hunn, also bei Lenkeschléi mécht de Präis 30% aus, par rapport zu Hartmann 40%, d Architektur an d Nohaltegkeet vun der Konstruktioun läit bei 45% par rapport zu 35% vum Hartmann, huet also méi héicht Gewiicht. D Einfachheet vun de Reparature gëtt och liicht opgewäert bis op 15% an d Ausféierungsfriste an aner Bestëmmunge kommen dann op 10% par rapport zu 15% beim Hartmann. Ech ginn dovunner aus, dass jo aus de Feeler vum Hartmann geléiert ginn ass, an ech wollt trotzdem wëssen, firwat dass et zu enger Verschibung vun deene Prozentsätz komm ass. Hänkt et just mat den Erfahrungen zesummen, déi beim Hartmann gemaach goufen oder hänkt et och mat der Zort Gebai zesummen, déi jo eng aner ass, zwëschent Centre sportif a Schoulinfrastruktur a Structure d accueil? Déi nächst Fro: Gëtt awer nach mat engem Punktesystem geschafft bei den 3-5 zeréckbehalene Projeten? Kréie mir dee Punktesystem ze gesinn? Hei am Gemengerot, mir hu jo schonns gesot kritt, dass de Punktesystem net ëffentlech gemaach gëtt, ech fannen awer, dass dat e sensibele Punkt ass, fir dass mir en zumindest gewisen an erkläert kréien. Wa mir hei solle mat bestëmmen, da solle mer all Informatiounen dozou hunn, och wa mir et villäicht als Laien drun uginn, mee och engem Laie kann ee Saache vermëttelen. Mir hunn do en ausdréckleche Wonsch zur Informatioun. An eben och: Kréie mir dann déi zeréckbehale Projete virgestallt? Dass mir den definitive Projet virgestallt kréien, dovunner sinn ech jo iwwerzeegt. Sou, elo hunn ech mäi Schluss verluer... Entschëllegt, de Schluss ass dann, dass mir e gudden Deel vun deem, wat mir virleien hunn, kënnen deelen, dass mir dem ganzen äusserst opgeschloss entgéint stinn, trotz deene Bemollen an där kuerzer Zäit, fir dat Ganzt ze beuerteelen, an dass mir eigentlech wëllen deem Ganzen eng Chance ginn, an dofir deem Ganze géifen zoustëmmen. Merci. Joseph Thill (Déi Lénk): Merci, ech wëll mech ganz gemässegt äussere wat d Form ubelaangt. Also, wa schonns déi grouss Parteien, déi 3, respektiv déi 2 Vertrieder hei am Gemengerot, Schwieregkeeten hunn, esou e groussen Dossier wéi mir haut virleien hunn, sou vill Dossieren an sou grousser, wéi mer se hei virleien hunn, duerchzegoen a sérieux duerchzeschaffen, da kënnt Dir Iech virstellen dass eng Par- tei déi nëmmen ee Vertrieder huet do nach vill méi Schwieregkeeten huet, an dem Sënn géife mir wënschen dass d Parteien, déi hei vertruede sinn, bei sou groussen Dossieren éischter kéinten informéiert ginn, a mir géifen deem nächste Schäfferot an dem nächste Gemengerot dat dann och als Wonsch op de Wee ginn. Meng Virriednerin huet eng ganz Rei positiv Aspekter vun deem Projet hei ënnerstrach, dofir wëll ech just soen, dass mir déi quasi all deelen. Ech ginn dofir och net an den Detail. Wat mir besonnesch flott fannen, dat ass effektiv, dass weider Quartiersschoule geschaf ginn. Ganz interessant fir eis ass d Virgoe vum Schäfferot, hei en integréierte Bau, also Schoul, Maison Relais a Precoce zesummenzebaue wat schonns wäert zu Käschtenerspuernesser féieren, dat begréisse mir ausdrécklech. An och déi partizipativ Approche wat de Contenu vun der Bildung ubelaangt, deele mir. Wat den Numm ubelaangt, do schléissen ech mech deem un, wat meng Virriednerin gesot huet, an och den Här Bob Claude an eiser informeller Sëtzung. Da kommen ech zu e puer Punkten, respektiv Froen, déi mir nach hunn, wat dee Projet hei ubelaangt. No der Experienz mam Centre Hartmann muss ech soen dass mir déi Prozedure vum Dialogue compétitif wierklech ganz interessant fannen. A mir als déi Lenk géifen eis eigentlech wënschen, dass dee ganze Wunnengsquartier esou geplangt gi wier, nämlech dass och fir de Bau vun deenen 200 Wunnunitéiten de Schäfferot de Courage gehat hätt, och op de Wee vun engem Dialogue compétitif ze goen. Mir hunn elo hei gesot kritt, dass ee vun den Haaptproblemer, déi mir mat dësem Projet hunn, deen ass, dass mir iwwerhaapt net wësse wéivill Kanner dass dann an déi Schoul ginn. D Madame Michèle Kayser huet elo virgeschloen, schonns direkt méi grouss ze bauen, do muss ech soen, als Economist kéint ech mech dozou net äusseren, well wann een e Gebai grouss baut an et steet eidel, dat kascht och immens deier an et huet een e Verschläiss. Esou dat mer, esoulaang wéi mir net wëssen, wéivill

36 RAPPORT 36 Kanner an déi Schoul do ginn, mir an enger schwiereger Situatioun sinn. An dofir ebe grad eise Wonsch, dass an Zukunft och ebe bei Wunnquartieren den Dialogue compétitif gesat gëtt, dann huet nämlech net de Promoteur an der Hand, wien dohinner wunne kënnt, mee d Gemeng. Déi Prozedur ass net esou einfach, dat hu mir elo héieren, mir hunn et och beim Centre Hartmann gesinn, mee si ass äusserst interessant, a mir wëllen och ganz ausdrécklech dem Schäfferot felicitéieren, dee Wee hei anzeschloen a mir ënnerstëtzen dat och voll. Wéi gesot, dat ass eiser Meenung no nämlech deen eenzege Wee fir wann een dat op d Wunnengspolitik ausbaut, fir ze wësse wéi e Quartier herno ausge säit, a wien dohinner wunne kënnt a wéivill Kanner dass dann an där Schoul do sinn. Dat ware schonns d Haaptpunkte vu menger Interventioun, ech hätt nach just zwou méi kleng Froen. Déi eng betrëfft d Ouverture vun der Schoul, wou de Buerger meeschter eis hei nach eng Kéier gesot huet, dass déi Schoul soll fir d Schouljoer opgoen. Dofir einfach meng Fro: Am Plan de financement, dee mir elo virleien hunn, do sinn nach Ausgabe vu 5 Milliounen Euro virgesi fir d Joer 2020 an 3 Milliounen Euro fir d Joer 2021, wann ech dat elo graff rechnen, da sinn dat 45% vum Budget, dofir einfach d Fro: Ass dat compatibel mat enger Schoul, déi da schonns sollt 2020 opgoen, wann esou e groussen Deel vun den Dépensen eréischt méi spéit virgesi sinn? Dat ass einfach eng Fro. Déi zweet Fro betrëfft eng Saach, déi déi Gréng och gestallt hunn, dat ass wat de Käschtepunkt vun deene verschiddene Prozeduren, also vun der Begleedung vum Dialogue compétitif sinn, ob mir do kënnen Informatioune kréien. Ech soe Merci. Bob Claude (LSAP): Merci, ech erlabe mir, Parallelen ze zéi en tëschent deem, wat virun iwwer 20 Joer war an haut. Deemools ass en neie Quartier entstanen an zwar op Ribeschpont, haut entsteet en neie Quartier op Lenkeschléi. Deemools ass eng Schoul op engem groussen Terrain gebaut ginn, eng Schoul op zwee Rez-de-chausséen ouni Keller fir zwou Spillschoulen a sechs Primärschoulklassen. Dee Bau huet och minimum 2-3 Joer gedauert. Haut decidéiere mir e Bau, dee fréistens 2020 fäerdeg ass. Deemools hu schnell vill Kanner an deem neie Quartier gewunnt. Déi hu jo och missten an eng Schoul goen. Bal alleguerte vun hinne sinn an d Butschebuerger Schoul geschéckt ginn, Pardon, per Bus deen extra vun der Gemeng organiséiert ginn ass, gefouert ginn. Haut wunnen nach ganz wéineg Kanner do, an déi ginn op de Strutzbierg oder soss enzwousch an d Schoul. Ech schwätzen elo vu Lenkeschléi. Enn November ass d Schoul Ribeschpont ageweit ginn, Enn November 1999, an haut maache mer zwou Spillschoulsklassen a fënnef Primärschoulklassen. Dat huet deemools esou funktionéiert. E sechst Schouljoer ass méi spéit bäikomm. Ee Joer duerno bis haut gi quasi nëmme Kanner aus deem Quartier an d Schoul. Deemools huet dat Wuert Structure d accueil a Maison Relais kaum bestanen. D Schoul Ribeschpont war eng Schoul an do war ebe keng Struktur virgesinn. Haut verfüge mir op Lenkeschléi iwwert vill manner Raum. Dofir gëtt an d Luucht gebaut mä dat Originellt bei dem Projet ass, dass fir d éischt hei am Land, gouf mer gesot, d Schoul an d Structure d accueil an der selwechter Struktur sinn. Dat heescht, e relativ klenge Raum gëtt maximal ausgenotzt. Ob an dräi Joer genuch Kanner am Quartier wunnen, wësse mir nach net. Bis dato mussen déi awer an aner Schoule goen, ech huelen un, déi meescht op de Strutzbierg. Spéider kënnen, soulaang Plaz ass, Kanner aus der Emgéigend déi Schoul besichen an esou aner Gebaier entlaaschten. Mir mengen, dass et e flotte Projet ass, sief et op pedagogeschem sief et op baulechem Plang. Mir kréien eng Struktur mat enger Capacitéit fir 186 Schüler déi eventuell nach kann ausgebaut ginn.

37 RAPPORT 37 Mir mussen eis bewosst sinn, dass d Schoul mat Cycle-Klasse funktionéiert. Zu Diddeleng gëtt dat zwar nëmmen um Däich bis elo gemaach, mee et muss jo zu engem Mentalitéitswiessel kommen. Wat d Sportinfrastruktur betrëfft, ass et erfreelech, dass e Schoulsportssall virgesinn ass, an deen esouguer e Basketballsterrain drapasst. Also eng grouss Struktur, souvill grousser hu mir net, just Butschebuerg a Ribeschpont ass vergläichbar, well mir hu fréier jo oft de Feeler gemaach, ganz kleng Turnsäll ze bauen, an do hunn d Kanner wéineg Plaz fir sech ze bewegen. Dee Sall kann och vu Veräiner benotzt ginn a fir esou Zwecker mat engem Rideau an zwee gedeelt ginn. Et sollten zwar keng Competitiounen dra gemaach ginn. Wat de Finanzement vun deem Projet ugeet, soll dat an engem Dialogue compétitif geschéien. Wat beim Centre Hartmann geklappt huet, dierft an dësem Fall och geléngen. Eng Enveloppe vun Euro soll hei approuvéiert ginn, an doriwwer schwätze mir jo haut, an deem wäert d LSAP-Fraktioun zoustëmmen. Jean-Paul Gangler (CSV): Merci Här Buergermeeschter, et ass e flotte Projet, do si mir eis all eens. An där Versammlung wou en eis virgestallt ginn ass, do ass eis jo gesot ginn, mir hunn dee flotte Sportssall an deen ass, wann ech dat richteg verstanen hunn, am Untergeschoss, am Keller, a wat mech do schonns gestéiert huet a wou mir keng valabel Erklärung kritt hunn, dat ass Folgendes: Ech wëll dann e bëssen aushuele fir de Fonctionnement vun dësem Sall: dee soll jo gebraucht gi während dem Fonctionnement vun der d Schoul fir Schoulklassen an d Maison Relais. An e kann och gebraucht gi fir Veräiner, déi vu baussen erakommen, an dat och ausserhalb vun deenen Zäiten. Den Accès zu deem Sall ass ganz einfach duerch deen normalen Accès, wou d Schoulen eragi während deenen Ëffnungszäite vun der Schoul, an en ass, wann ech dat richteg verstanen hunn, wann Dir eis dat richteg erkläert hutt, ausserhalb vun deenen Zäiten do, wou déi Veräiner erakommen, duerch eng Trap hannenaus hannert dem Sall - esou eppes hunn ech och um Plang do mol gesinn. An do war dann direkt schonn d Fro gestallt ginn: Wéi ass et dann do mam Behënnertenzougang? An dat huet mech do scho gestéiert, dass mir do keng zefriddestellend Erklärung kritt hunn. Wann d Schoulzäite sinn, ass dat kee Problem, et kënnt ee mat deem Lift, dee virgesinn ass, erof, während fir déi Veräiner, déi vu baussen era kommen, ass keng Méiglechkeet, behënnertegerecht do eranzekommen. Et ass also och keng Méiglechkeet, behënnertegerecht do erauszekommen, wann zum Beispill eng Kéier e Feier ass, an dat ass fir mech e gréissere Problem hei. Ech verstinn net, firwat mir net konnten no hannen hin eng Ramp maachen, fir dass een awer och do kéint mat Behënnerten erafueren a firwat mir net, wann ech dat richteg gesinn hunn, en Trapelift virgesinn hunn, deen och am Noutfall kéint benotzt ginn, an ech fannen de Behënnertenaspekt ass bei deem Sall wierklech vernoléissegt ginn, an et deet mir Leed, mä da kann ech déi Ausso vun der LSAP net deelen, déi da seet, d CSV géif sech net ëm déi Behënnert këmmeren, an si géif déi an den Hannergrond stellen. Ech wëll drun erënneren, wou eng Unterführung ënnert der Eisenbunn gemaach ginn ass, déi nëmmen Trapen huet, do ware mir dogéint, a beim Centre sportif René Hartmann hu mir och ganz vill de Fanger op d Wonn geluecht, op Behënnertepunkten, déi net richteg erfëllt waren. An ech wollt da bemierken, hei fannen ech, ass dat net behënnertegerecht gemaach. Fir de Rescht ass et natierlech e Projet, deen eis Zoustëmmung huet. Dan Biancalana (LSAP Buergermeeschter): Merci Här Gangler, elo hu mir den Tour gedréint ronderëm de Projet, da géif ech elo dem Frank Leuschen a senger Equipe d Wuert gi fir op eng ganz Rei Punkten anzegoen an duerno géif dann de Schäfferot drop agoen. Frank Leuschen (MC Management Consultants): Merci Här Buergermeeschter. Hei sinn eng ganz Rei vu Punkten ugeschwat ginn, ech versichen emol op déi meescht eng Äntwert ze ginn, op déi ech elo mol a priori kann direkt eng Äntwert ginn, a sollt ech elo mol ee vergiessen oder esou da bieden ech einfach nach eng Kéier, dat kuerz ze rappeléieren da kann ech drop äntwerten. Ech mengen, den Här Buergermeeschter hat de Moien an der Introduktioun gesot, dat heiten ass e Projet, dee fir d Kanner gemaach gouf, bezéiungsweis konzipéiert gouf.

38 RAPPORT 38 Déi éischt Käschteschätzung, déi 2015 gemaach gouf, do ware mir an engem Environnement dra wou eng Reunioun hei um 1. Stack stattfonnt huet mat engem Premier Conseiller de Gouvernement, wou eng Diskussioun stattfonnt huet, wat wier da wann Dir géift eng méi enk Zesummenaarbecht zwëschent der Schoul an der Maison Relais am Kader vum Dossier Lenkeschléi hei pousséieren. Ech muss ganz éierlech gestoen, ech sinn zwar elo iwwer 20 Joer am Gemengesecteur aktiv an ech probéieren iwwerall eng Hand mat unzepake wou ech kann, awer deen Dossier war fir eis nei, dee war fir d Gemeng nei, déi Aart a Weis fir ze schaffe war nei, mir hunn am Fong misse bei 0 ufänken. A mir hunn am Fong missen, well et och keng Base légale gëtt, mir souzen dës Woch nach an engem Ministère wou d Vertrieder vun zwee Ministèren, nämlech dee vum Intérieur an dee vun Educatioun nationale mat um Dësch souzen an eis leider Gottes keng explizit Äntwerte konnten doriwwer ginn ausser, dass se gesot hunn, dass se de Projet wëlle vollwäerteg ënnerstëtzen, wat dann elo den Detail vun de Subventionéierungen ubelaangt. Dat ass mol deen ee Punkt. Mir sinn also hei op en Dossier eragaange wou mir probéiert hunn eis eng Methodologie ze ginn. An esou wéi mir och dës Woch am Ministère da gesot hunn, wann d Kand Prioritéit huet, dann hu mir hei probéiert anescht virzegoen, mir hunn hei probéiert fir hei net d Gebai an de Vierdergrond ze setzen, mee fir d Prioritéite folgendermoossen ze setzen, 1. Ekologie, 2. Organisatioun an de Fonctionnement an 3. Gebai. An et ass an där Reiefolleg wou iwwert déi lescht zwee Joer geschafft gouf, et hunn 16 Réunioune stattfonnt vum Aarbechtsgrupp, eng Reunioun vun engem Aarbechtsgrupp - ech hu meng Mataarbechterin Tania Bongert niewent mir setzen, hat ka villäicht eng Erklärung dozou gi wann Dir wëllt - mä esou Reunioune vu sou engem Aarbechtsgrupp wou Maison Relais, Schoul, d Elteren, d Gemeng, d Servicer alleguerte mat implizéiert sinn, wou déi all mat un den Dësch kommen, esou Reunioune musse mat organiséiert ginn, déi musse geplangt ginn, preparéiert ginn, dat geet net vun haut op muar, mir kréie keng 16 Réuniounen an 3 Méint duerch. Mir géifen dat gäre maachen, mee dat funktionéiert net, dofir dauert dat. Dertëschent si Vakanzen, dertëschent si Feierdeeg, an dëst an dat, dat war e Prozess, an do waren souwuel de Buergermeeschter wéi och d Schäffe hei permanent mat aktiv am Boot an d Resultat vun deem Prozess huet gemaach dass par rapport zu der éischter Käschteschätzung, déi 2015 opgestallt gouf an déi gemaach gouf opgrond vun enger legaler Basis, déi gemaach gouf opgrond vu Kanner, opgrond vun Terrainen, opgrond vu Capacitéiten, wou mir awer net genee woussten, wou mir da wäerte lande mat dem pedagogesche Konzept, a mir där Organisatioun a mat dem Fonctionnement, dat ass zu dem Zäitpunkt net bekannt gewiescht, dat war bekannt eréischt ab Mee-Juni dëses Joers, wou d Planungsaarbechten esou wäit virgedriwwe waren, dass mir konnte soen, mir hunn elo souvill Quadratmeter, mir hunn esou vill Quadratmeter reservéiert fir de Beräich vun der Schoul a vun der Maison Relais, sachant que dass dat - an dat soen ech direkt vir ewech -, dass dat och optiméiert Quadratmeter sinn, well dat wat mir nämlech virdru virleien haten, dat waren éischt Pläng wou mir gesot hate, komm mir kucken elo mol wéi kënne mir dat doten nach optiméieren ouni dass mir eppes um pedagogesche Konzept wäerten änneren. Dat heescht, do hu mir fir d eicht d Organisatioun pédagogique an duerno d Ekonomie, an dem Sënn dass mir gesot hunn, an dat war och eis Aufgab als Externer, déi awer trotzdem de Volet économique a budgétaire vun der Gemeng sollen och mat kucken, wéi kënne mir Ekonomie hei mat an d Spill bréngen ouni dass mir eppes un der Organisatioun a Fonctionnement wäerten änneren? Dat erkläert villäicht firwat dass mir haut bei engem Budget sinn, wou ech och nach well bemierken dass Differenz par rapport zu dem wat virdru genannt gouf doranner sinn, 1 Milliounen Euro un 1,1 Milliounen Euro Bauniewekäschten. Déi Bauniewekäschten, dat sinn déi ominéis Honorairë vun deenen ëmmer erëm geschwat gëtt, an do si mir kohärent mam Rescht vun der Prozedur. Am Géigesätz zu 95% oder bal méi Projeten déi hei am Land am Gemengesecteur gemaach gi wou déi Honorairen och ëmmer nëmmen Devise sinn, handelt et sech hei ëm Honorairen, déi gedeckelt sinn, déi maximal gedeckelt sinn, a wou sämtlech Honorairen vun deem éischten Dag u bis zum Ofschloss, also bis zu dem definitiven Dekont och mat integréiert sinn, dat ass eng vun de Léieren, déi aus dem Projet Hartmann och gezu goufen.

39 RAPPORT 39 An an deenen zousätzleche Budgeten déi genannt goufe beim Hartmann, villäicht och eng Remarque vu menger Säit aus, do ass e Chiffer genannt gi vun Euro, ech fille mech an der Responsabilitéit fir dorop eng Äntwert drop ze ginn. Der Gemeng war et fräigestallt, wéi de Projet Hartmann definéiert gouf, fir ze soen, dat ass genee deen Artikel deen virdrun zitéiert gouf am Cahier de charges, si wëll sech am Kader vum Suivi vum Chantier begleede loossen, Jo oder Neen. Dat war eng Dier, déi opgemaach gouf, an déi eréischt zu deem Zäitpunkt, wou de Projet um lafe war an der Exekutiounsphas, wou d Gemeng gesot huet, mir wëllen dat effektiv. A well mir nach wie Vor der Meenung sinn, dass d Gemeng soll als Bauhär d Fräiheet hunn, fir kennen am Kader vun der Exekutioun sech begleeden ze loossen, Jo oder Neen, hu mir den Artikel och am Cahier de charges stoe gelooss. Dat ass e weidere Punkt. Da wat elo d Käschteschätzung ubelaangt. Ech dierf erënneren, dass niewent der Tatsaach, dass mir versicht hu fir wierklech e Maximum vun Uspréch, Fuerderungen, Objektiver vun engem pedagogeschen Aarbechtsgrupp ze considéréieren, dass et zënter 2017 hei zu Lëtzebuerg e Klimapakt gëtt, dass déi Lëtzebuerger Regierung Klimaobjektiver ënnerschriwwen huet fir 2030, an dass et zënter 2017 och eng ganz Partie Ufuerderunge gëtt wat ëffentlech Gebaier ubelaangt. Déi waren 2015 da jo och nach net voll ëmpfänglech bekannt. Dat geet vun energeteschen Ufuerderungen, dat geet iwwert dat wat virdru genannt gouf Regenrückhaltung - an esou weider an esou fort, bis Solarpanelen déi maachen dass en Dossier an der Zäit wat d Budgeten ubelaangt evoluéiert, mee fir genee déi Evolutioun elo ze stoppen, hu mir der Gemeng recommandéiert an dat war en concertatioun mat den zoustännege Servicer, den technesche Servicer, sou wéi och dem Schäfferot an dem Buergermeeschter, hu mir gesot majo da komm mir ginn op de Wee vum Hartmann, mir léieren aus de Feeler aus der Vergaangenheet, all Mënsch mécht Feeler a wann hei bannen ee sëtzt, dee keng mécht, da soll en sech mellen. A fir de Rescht hu mir gesot, mir kucken dass mir de Budget deckelen an zwar op zwou Aart a Weisen, enger säits wat d Baukäschten ugeet, wat d Bauniewekäschten ubelaangt an dass mir drëttens, an dat ass dat wat ugeschwat gouf, och déi zousätzlech Augmentatioune während der Bauzäit eraushuelen. Wat elo d Prozedure selwer ubelaangt, oder wat Decisioune vum Schäfferot ubelaangt, sou gesäit de Prinzip vum Dialog vir, dass de Gemengerot de Prinzip décidéiert, dass de Gemengerot eng Décisioun hellt iwwert de Budget, Prix maximal non-révisable an drëttens iwwert de Cahier de charges, dat ass dat wat haut virläit. Wuel wëssend, dass den Avantage vun der Prozedur doranner besteet, dass domat den Dossier net zou ass. Mir ginn ebe just op de Wee vun engem Dialog fir de beschten Dossier kennen ze fannen, de wirtschaftlechen Dossier an deen Dossier deen den op déi beschtméiglech Aart a Weis den Ufuerderungen an Uspréch vum Aarbechtsgrupp an de Leit déi matgeschafft hunn, an déi d ailleurs och an Zukunft nach mat wäerte schaffen, wäerte Rechnung droen. Ech kenne keng - an ech hunn zënter 1998 ugefange mat Procédure- negociéen hei ze schaffen, zu engem Zäitpunkt wou nach keen dovunner geschwat huet a wou mir ganz ganz komesch gekuckt goufen, wéi mir dat gemaach hunn - ech hunn nach keng Prozedur gesinn, déi enger Gemeng méi eng grouss Garantie gëtt, respektiv Assurance gëtt, dass et hannendrun net zu Iwwerraschunge kënnt. Mir hunn elo ee Joer Zäit, graff ee Joer Zäit, fir am Kader vun engem Dialog mat Entreprise-générallen, déi mir da wäerte fir d éischt preselektionéieren. Firwat dräi bis fënnef? Wa mir sechs Dossiere kréien an et sinn der fënnef gutt, dann hale mir der fënnef. Wa mir der Iwwerzeegung sinn, et huet kee wäert mat engem véierten oder fënnefte Kandidat ze diskutéieren, da behale mir der 3. Dat sinn Argumenter, déi musse mir mam Schäfferot zesummen diskutéieren a wann de Schäfferot der Meenung ass gitt op de Maximum vun 5, ma da gi mir op de Maximum vun 5, ech ka just soen dass wa mir den Dialogue compétitif uginn a wa mir Entreprisegénérallen op sou e Cahier de charges vun iwwer 500 Säiten äntwere loossen, mat hirem Bureau d études, mat hiren Architekten, mat hiren Ingenieuren, mat hiren ech weess net wat nach alles, da sinn déi Leit béis amgaangen ze schaffe fir iwwerhaapt kënnen eng éischt Offer ofzeginn.

40 RAPPORT 40 A wa mir fënnef Bureaue beoptrage fir an en Dialog ze goen, fir iwwert e Projet vun Milliounen Euro, da musse mir eis just bewosst sinn, dass 4 oder 5 Entreprise-generallen hei parallel un dem Dossier hei schaffen. Also hu mir villäicht all Intérêt dorunner aus Grënn vun der Fairness, fir déi Leit ze préselectionéieren, déi just fir eis a Fro kommen, oder wou mir menge sécher ze sinn, mir géife valabel Offere kréien. Dat ass de Grond firwat dass mir eis déi Latitude do loosse vun 3-5 Dossieren. Dann nach e Saz zu deene virdrun erwähnten Ausbauméiglechkeeten, respektiv firwat gi mir elo net direkt op déi voll Kapazitéit? Ech hunn och eng Kéier Economie studéiert, dat ass schonns laang hir. Mir wëssen, wéivill Kanner dass de Moment op der Lenkeschléi sinn. Déi Kanner ginn haut och schonns a Schoulen. Déi Kanner sinn a Schoulen, wou duerno wäert, wann d Konstruktioun vun der Lenkeschléi fäerdeg ass, Kapazitéiten erëm fräi ginn. Zousätzlech sinn eng ganz Partie vu Konstruktiounen, déi wäerten elo realiséiert ginn. Ech mengen, hei banne weess all Mënsch dass wa mir eng Baugenehmegung erstellen, a wann da bis ugefange gëtt mat bauen, éier mir Eefamilljenhaiser, ech denke ee Joer brauche mir bis mir fäerdeg si mat der Konstruktioun. Dat heescht, éischtens emol fir déi ca Kanner aus dem gesamte Quartier, déi de Moment schonns an de Schoule sinn, mengen ech brauche mir eis keng Gedanken ze maache kuerzfristeg. Fir déi weider Kanner, déi bäikommen, do loosse mir mol d Bauentreprise bauen, bis déi alleguerte fäerdeg sinn, an ech denken da brauch et effektiv - an et ass dat wat mir mam Schäfferot diskutéiert hunn - wahrscheinlech eng Phase vun 1-2 Joer Iwwergangsléisungen am Quartier selwer oder enzwousch anescht, mee dat ass eng Organisatioun, déi muss elo ufänken, dass déi elo geplangt gëtt, respektiv dass déi en place gesat gëtt. An dann ass et esou, wat mir gemengt hu mat de Service-techniquen zesummen, der Gemeng zur Verfügung ze stellen, an enger éischter Phase, dat ass e Gebai, bei deenen déi Basisfunktionalitéiten, d Energieversuergung, d Parkplazen, d Technik, d Lüftung, d Spillplazen etc., dass dat prioritär alles zur Verfügung steet, an dass déi Säll a Raim zur Verfügung gestallt ginn, déi zu deem Zäitpunkt wäerten erfuerderlech sinn, wou mer mengen, dass se wäerten erfuerderlech sinn. An eréischt dann, wa mir mierken 2021, 2022, hoppla, et geet net duer, a mir gesinn ep- pes kommen, da kann een an eng Planung goe vun enger Ausbaustuf, déi mir allerdéngs haut schonns virgesinn hunn. Dat ass mol dat wat ech dozou wollt soen. Dann, par rapport zu deenen - ech sprangen e bëssen hin an hir wann Dir erlaabt well déi Punkte waren alleguerte relativ schëtzeg hei komm - da wat elo déi Bewäertungskritären ubelaangt vun deem Dialogue compétitif, ech mengen am Cahier de charges sinn se opgelëscht, déi kann ee gären noliesen, dat ass e bësse mühsam déi ganz Lecture vun deene Kritären. Ech ka just soen, éischtens, déi Kritäre sinn ugepasst gi par rapport zum Hartmann, opgrond vun Erfahrungswärter aus aneren Dossieren, dat heiten ass e wichtege Projet, mee net den Eenzegen, dee mir op déi Aart a Weis maachen, an d Erfahrung léiert eis och mat der Zäit, dass mir vläit der Qualitéit méi eng grouss Ponderatioun ginn, wéi just dem Präis, well wa mir eis nämlech beim Präis eens sinn, dass et de maximale Präis ass, dann hu mir op deem eng gewësse Latitude, mee dat wat eis awer am Kader vun engem Bildungshaus wichteg ass, dat ass d Qualitéit vun dem Bildungshaus. An déi fuerdere mir nämlech am Kader vum Cahier de charges och an. Do sinn eng ganz Partie vun Aspekter, wat Reim ubelaangt, wat Funktionalitéiten ubelaangt, mir hu Raum fir Raum, mir hunn déi eenzel Positiounen, déi eenzel Elementer, d Technik asw., do si qualitativ Standarden an Normen definéiert ginn. Fir déi Norme kënne bescht méiglechst ze bewäerten, gi mir déi eng méi eng héich Ponderatioun am Kader vun der Evaluatioun. Et ass eng Équipe vun Techniker, Architekten, vu Leit déi aus dem Fach sinn, déi wäerten déi verschidden Dossieren dann och bewäerten an evaluéieren a mam Schäfferot zesummen diskutéieren. D Prozedur gesäit fir, dass e Huis Clos stattfënnt. Firwat? Well mir leider Gottes e grousse Feeler géife maache wa mir Saache géifen diskutéieren, déi am Kader vun enger Prozedur nach ze diskutéiere sinn, an déi dann net definitiv festgehale ginn. Dat ass e Punkt op deen ech well opmierksam maachen, an ee Grond, ee vun de wichtegste Grënn firwat dass et beim Hartmann zu engem Problem komm ass, kann ech als Leidtragende gären hei soen, dat ass dass Saachen diskutéiert a kommunizéiert goufe mat Entreprise-generallen, déi net hätten dierfen oder sollen diskutéiert ginn.

41 RAPPORT 41 Ech ginn net an den Detail eran, mee ech mengen, dass déi Aart a Weis wéi mir et elo maachen, dat ass d Resultat aus den Erfahrungen aus dem leschte Joer, et ass ouni Weideres méiglech fir op déi Kritären eng Kéier am Detail anzegoe fir déi am Detail ze erkläre fir déi Konversatiounen ze erklären. Mir mengen, dass et méi wichteg ass, der Qualitéit Prioritéiten ze gi wéi dem Präis, an dat erkläert firwat mir en concertatioun mam Service Technique vun der Gemeng dat och esou gemaach hunn. Fir de Recht weess ech net, bei de Subsiden hu mir déi Ausso kritt, mir hunn e gudden Argumentaire mat dem Ministère zesummen diskutéiert fir ze kucken, dass dat och kann optiméiert ginn. Ee Ministère ass virdrun net genannt ginn, dat ass de Sportsministère, mat deem ass schonns geschwat ginn, an de Sportsministère wäert och nach kontaktéiert ginn am Kader vun net nëmmen der Sportshal mee och vun de Bewegungsraim, an de Sportsministèrë ënnerstëtzt zënter e puer Joer eng Initiativ, déi heescht Gesond iessen a gesond bewegen an et ass eis am Ministère drop higewise ginn, dass et Sënn géif maache fir mam Sportsministère iwwert Bewegungsraim ze schwätzen. Bon, ech hunn elo net alles ugeschwat, ech mengen de Kai wollt nach eppes soe par rapport zu der Technik. Kai Achterberg (MC Management Consultants): In Bezug auf die Technik wurde sofort angesprochen, dass eine Fotovoltaikanlage vorgesehen wird, aber wir haben sie auch komplett im Lastenheft drin. Also, es wird eine Fotovoltaikanlage installiert. Dann, bezüglich der Hackschnitzelheizung, es wird eine eingebaut, die beliefert wird von einem Minikompost, das ist gemeinsam mit dem Service Technique abgestimmt worden. Dann, ein wichtiger Punkt, die Barrierefreiheit, Kellergeschoss. Diesen Punkt haben wir auch explizit mit dem Service Technique besprochen. Der Raum, der vorgesehen ist, ist während der außerbetrieblichen Zeiten der Schule auch für die Vereine, wenn die Notwendigkeit besteht, diesen zu nutzen. Das heißt, die ganze Schule hat ein Zutrittskontrollsystem über Badge-Systeme und derjenige der diesen Aufzug nutze müsste, oder der Bedarf besteht, kriegt diesen freigeschaltet. Im Brandfall ist es wie in vielen anderen Häusern, aus dem Keller gibt es nie eine Rampe, selten, denn da ist es so dass auch hier Vorgespräche mit der Feuerwehr stattfinden, mit Herrn Conter, und da hieß es, im Brandfall benötigt ein Rollstuhlfahrer Hilfe, so oder so, das heißt, er wird die Treppe hochgetragen. Frank Leuschen (MC Management Consultants): Sou, ech mengen d Tanja kann nach e puer Erklärunge ginn, et ass déi Fro gestallt ginn iwwert d Nasszellen am Atelier a Restaurant an d Fënsteren. Tanja Bongartz (MC Management Consultants): Zum Nässeatelier als Erstes, das ist gedacht, dass die Kinder diesen vergrößerten Sanitärbereich auch für Aktivitäten nutzen können, nämlich einmal Spiele mit Wasser, oder Kennenlernen, zum Beispiel, ein Bötchen schwimmt auf dem Wasser, das geht nicht unter, mehr so in die Richtung Experimentieren und Forschen, besonders für die ganz Kleinen, die ihre ersten Erfahrungen machen können. Auch das Wasser aufstauen und kucken, was passiert, wenn es überläuft, deswegen sind da auch die Bodenabläufe mitten im Raum geplant. Gleichzeitig kann hier aber auch der Bastelunterricht stattfinden, denn wenn wirklich mal mit Farbe gearbeitet werden soll, dann ist dieser Raum besonders gut geeignet, weil man ihn danach mit einem Schlauch abspritzen kann, sodass da auch viel danebengehen kann, weil es eben kleine Kinder sind. Das wäre das Nassatelier. Bei den Restaurantbereichen, beziehungsweise bei der Kapazität an Sitzplätzen, da ist es so, dass in den Restaurants für die ganz Kleinen, also des Precoce, der sich im ersten Stock befindet und des Prescolaire, der seinen Essraum im Erdgeschoss hat, die Plätze so vorgesehen sind, dass die Kinder alle in einem Raum essen können. Und bei den Cycle 2-4 Kindern, da ist es so gedacht, dass die nach dem Büffetsystem essen, das heißt, die essen in mehreren Schichten, das ist kein Schichtsystem aber der Übergang ist fließend. Die Kinder können dann so lange essen, wie sie möchten aber wenn sie fertig sind, können sie aufstehen und dann geben sie den Platz für ein anderes Kind wieder frei. Im Durchschnitt rechnet man für die Kinder aus dem Cycle 2-4 mit ca. 20 Minuten Essenszeit, das ist

42 RAPPORT 42 großzügig gerechnet, das würde bedeuten, dass in der Mittagsstunde in 4 oder 4,5 Schichten gegessen werden könnte, hier wurde aber nur mit 3 Schichten gerechnet. Da ist also genügend Zeit eingerechnet, so dass auch weit über die 20 Minuten von jedem Kind gegessen werden kann. Kai Achterberg (MC Management Consultants): Es war noch ein Punkt, die Fenster, also es ist auch hier in Zusammenarbeit mit der Gemeinde und dem Service Technique gesprochen worden, dass wir auf den Weg von Alufenster gehen, auch von der Robustheit her, Holzinnenrahmen sind sehr sensibel, das heißt von Beschädigungen, Stoßstellen usw. und aus dem Grund wurden Alufenster vorgezogen. Dan Biancalana (LSAP Buergermeeschter): Da soen ech Iech Merci fir déi doten Erklärungen zu de Froe vun de Kollegen aus dem Gemengerot. Ech wëll einfach mol generell appréciéieren, dass Dir de Projet a senger Ausriichtung gutt fannt, quitte, dass hei iwwert Bänke verschidden Nuancë komm sinn. Et mierkt een awer och, dass d Wale méi no kommen, an dass dann och wierklech Derapagë kommen. Et ass eng Première am Fong, dass d CSV zweemol Direktiven un d Press gëtt, c est du jamais vu, an ech mengen et ass eng gewëssen Hygiène politique, déi een hei an dësem Kader soll währen, mee dat hutt Dir net gemaach, ceci als Remarque par rapport zu Ärer Interventioun. Hei si mir op de Wee gaangen, dass mir en informelle Gemengerot aberuff hunn, esoubal de Projet fäerdeg war, dat hu mir also net Hals iwwer Kapp gemaach mee wéi de Projet fäerdeg war, hu mer en informelle Gemengerot aberuff, wat net obligatoresch war, mee et war eis wichteg deen anzeberuffe fir Iech d Ausriichtung vum Projet ze ginn, deen natierlech eng gewësse Komplexitéit huet. Ech verstinn och déi Remarquen, déi ronderëm den Dësch gemaach ginn, dass et e voluminéisen Dossier ass, mee et ass en Dossier mat enger gewësser Komplexitéit, dofir hu mir jo grad den Dialogue compétitif rausgewielt, well den Dialogue compétitif eis d Méiglechkeet gëtt, ebe bei komplexen Dossieren an hei si mir bei engem komplexen Dossier wéi beim Hartmann, deen dote Wee anzeschloen an dee komplexen Dossier bréngt mat sech, dass een am Virfeld sech ganz vill Gedanke muss maachen, a wéi den Dossier och prett war, hu mir legal Delaie virgesinn an Iech den Dossier zoukomme gelooss. Meng Kolleege sinn op puer Punkten agaangen. Ech wëll einfach soen, de Quartier Lenkeschléi, dat gesäit ee jo, deen entwéckelt sech weider, mee en entwéckelt sech jo a Phasen an an Etappen, an et entwéckelt sech net alles an enger Kéier, an net all Stot huet Kanner, sou dass mir bei deem Wee, dee mir hei aschloen - a mir diskutéiere jo herno och nach driwwer am Kader vun der Schoulorganisatioun - dass mir Auswäichméiglechkeete virgesinn, respektiv awer och iwwer transitoresch Phase ganz kloer nodenke wann et wierklech en Enkpass sollt ginn. Nach muss ee soen, et ass e Quartier deen sech graduell entwéckelt, an déi Erfahrung hu mir och schonns bei anere Quartiere gemaach an de Bob Claude ass kloer drop agaangen an och do sinn Auswäichméiglechkeete fonnt ginn, an et huet optimal geklappt. Déi Suerg, déi och ausgedréckt gëtt mam Recrutement vum Personal, mir hunn hei och e Règlement d occupation des postes, an do ass natierlech dee Wee dee mir mussen zesumme goen an der Schoulkommissioun, an och am Gemengerot, engersäits deen ëmzeänneren, well dee baséiert jo natierlech hei op d Anciennetéit, mee dass ee par rapport zu dem heite Projet sech kloer schonns virstelle kann engersäits deene Leit, déi sech heiran investéiert hunn, an den Aarbechtsgrupp, dass een deenen eng Prioritéit gëtt, awer och all aneren Enseignant dee sech wierklech mat dem Konzept identifizéiert, och d Méiglechkeet gëtt, an deem doten Haus Schoul ze halen, respektiv eng edukativ Aarbecht ze leeschten. Dat sinn déi zwee Kritären, déi e soll ganz kloer afléisse loossen an do musse mir eng Adaptatioun maachen zu dem dote Reglement, well et wier kontraproduktiv wann dat dote Reglement och hei géif tel quel applizéiert ginn, do sinn nämlech eng ganz Rei Leit, déi an dem Aarbechtsgrupp sinn, dat sinn nach ganz jonk Enseignanten, déi géife villäicht do op der Streck bleiwen an dat wier schued fir den Invest, deen se gemaach hunn. Mee ech mengen, do wäert am nächste Gemengerot déi Charge op deen duer kommen sou wéi awer och, dat muss een hei soen, och wa mir haut hei de Projet stëmmen, d Aarbecht vum Aarbechtsgrupp geet nach weider,

43 RAPPORT 43 well d Iddi ass jo wann d Schoul bis steet an och opgeet, dass dat Konzept kloer kann an d Realitéit ëmgesat ginn an elo ass déi konzeptuell pedagogesch Aarbecht gemaach ginn an elo heescht et déi nach konkret graduell organiséieren an och deementspriechend ëmzesetzen, well d Idee ass net, dass déi Diskussioun weider gefouert gëtt wann d Schoul bis op ass, d Idee ass, dass während der Verhandlungsphas mir d'zäit notze fir konkret mam Aarbechtsgrupp weider ze schaffen. Op d VergabeKritäre si mir agaangen, déi si méi etofféiert ginn, do gi mir eis aner Moyenne, wat net onwichteg ass. Dann déi generell Remarque déi ech well gi par rapport zum Gebai dat behënnertegerecht ass, dat musse mir maachen, et ass en ëffentlecht Gebai, an do musse mir alleguerten déi doten Dispositioune respektéieren, sou wéi och déi Diskussioune ronderëm d Sécherheet a mir wäerte jo och gesinn, am Kader vum Dialogue compétitif, wéi déi verschidden Entreprise-générallen dat dote léisen, wéi si dat architektonesch wëllen ëmsetzen. Ech verstinn hei och deen Appel, méi Abléck an den Dossier ze kréien, dass een och méi suivéiere kann, wéi ee Projet zeréckbehale gëtt. Am Dialogue compétitif, deen ass normalerweis am Huis clos, et muss een also de Spagat maachen zwëschent engersäits kee prozedurale Feeler hei maachen an de Gemengerot à sa juste valeur informéieren. Ech verstinn engersäits déi Demande, well et wëll ee wësse wéi déi Prozedur geet, nach ass et um Schäfferot, déi Verhandlungen ze féieren. Et muss ee kucken, wéi ee Moment opportun ass fir dass och de Huis clos gewahrt gëtt a gewahrt bleift, fir déi doten Diskussioun ze féieren, deem wëll ech mech awer net verschléissen, nach muss een an déi richteg Formule fanne wou een dat dote ka maachen, also säitens vun hei déi Dier net zoumaachen. Par rapport zu deene Remarquen, déi komm sinn zum Budget. Et ass richteg, dass par rapport zum PPF muss adaptéiert ginn. Dass deen heite Projet gewuess ass well mir méi op d Qualitéit setzen a well mir och dat Konzept virleien hunn. Nach ass gesot, mir hunn hei de maximale Budget, mir hunn d Subventiounen, déi mir vum Staat kréien a mir kommen hei awer, dat krute mir ganz kloer zougeséchert, net méi schlecht ewech wéi wa mir géifen eng Schoul an eng Maison Relais niewendru bauen, respektiv mat enger Sportshal. Pour mémoire, bei de Maison Relais do kritt een Euro pro Chaise, maximal gedeckelt op 50%. Wann ee Schoulraim baut, do ass 40-45% vun de Klassesäll vum Ministère de l Intérieur an en Turnsall fir Schoulsport, do kann et bis zu 50% ginn. Dat sinn déi dräi Kritären, déi spillen a mir wäerten net méi schlecht ewech komme wéi déi wa mir géifen niewentenee plangen. Hei ass natierlech d Schwieregkeet, dass mir eng ganz aner Approche maachen an och do ass Neiland fir d Minstère well dat wat ech Iech hei soen, dat sinn déi Kritären déi och reglementaresch virgesi sinn an hei betriede mir Neiland, souwuel op der Gemengesäit mam Projet wéi awer och op nationaler Ebene an dofir ass et e Referenzprojet, well deemno wat hei d Gemeng kritt vu Subsiden, spillt dat och fir eng Rei aner Projeten, well et sinn och eng Rei aner Gemengen déi sécher interesséiert sinn, esou Konzepter wéi dat heiten ëmzesetzen. Et freet mech awer och ze héieren, dass d CSV sech Gedanke mécht ëm de Budget, seet awer pauschal nach mir die Sintflut. Dir hutt jo am Kont héieren, budgetär sti mir gutt do, an et ass net de Mérite vun der CSV Diddeleng well si huet ni de Budget mat gedroen a matgestëmmt, dat wëll ech awer hei ganz kloer präziséieren, mee natierlech droe mir deen heite Projet och an engem budgetäre Kader, et ass iwwer en Emprunt a mir hunn och nach Reserven an och deen heite Projet wäerte mir gutt haushaltspolitesch duerchféieren, sou dass de Gemengebudget net zevill belaascht gëtt, sécherlech belaascht, mee net zevill, sou dass mir keen Handlungsspillraum méi hunn. Voilà, ech mengen ech wier op déi verschidde méi politesch, niewent deenen technesche Froen, op déi Dir agaange sidd, agaange. Dann nach eng Fro vum Här Thill, dass en de Wonsch, äussert dass och Wunnengsbauprojeten iwwert den Dialogue compétitif lafen. Natierlech, wa Wunnengsbauprojeten ëmgesat gi wou e Private Promoteur ass, dee brauch natierlech hei dat net ze berücksichtege well dat fält net an de Marché public-raum, mir sinn net am Marché public-gesetz an als Promoteur, also als Pouvoir adjudicateur, als Gemeng, kënne mir dorop zeréckgräifen, dat brauch e

44 RAPPORT 44 Privaten net, an et ass natierlech an deem Sënn ze envisagéieren, wann ee Projeten an där doten Envergure mécht, natierlech muss een ëmmer bedenken, dass eng gewësse Komplexitéit ass, déi een am Wunnengsbau manner huet wéi wann een elo hei eng Schoul baut, mee et ass eng Iwwerleeung déi ee féiere kann, wann een de Präis deckele wëll um Niveau vum Wunnengsbau. Et ass och virdrun ugeklongen, dat hei gëtt keng Ganzdaagsschoul mee eng Schoul wou déi normal Schoulrhytmen déi mir elo hunn och bleiwen. Voilà, ech mengen, ech wier op alles agaangen. Villäicht nach, Madame Goergen, déi Lerninhalter, ja, dat ass den Aarbechtsgrupp dee weider dorunner wäert schaffen, dofir ass et gutt, wann een hei den Avantage huet iwwer déi Approche souwuel Enseignant wéi och educatiivt Personal ze hunn déi dat kënne mat weider ausschaffen. Voilà, hunn ech eppes vergiess? Michèle Kayser-Wengler (CSV): Jo, ech hat gefrot ob et net sënnvoll wier, e Schoulpresident awer iergendwann ze nominéieren deen dat kéint begleeden, dat wier eng Fro, an ech hat deen och am informelle Gemengerot gefrot, gëtt dat och eng 7. Schoul oder gëtt se anektéiert un de Brill oder esou? Well d Waldschoul gehéiert jo zum Brill, dat war nach eng Kéier eng Fro, déi hat ech hei vergiess ze erwänen. An dann, den Här Leuschen huet gesot gehat, an 1-2 Joer muss een eng Iwwergangsléisung plangen: Hutt Dir do eng Vue, wéi mir dat kéinte maachen? An da wollt ech soen, ech verstinn, dass de Ministère sech zeréckhält mat de kloere Finanzementer, mee mir hu jo awer zu Mäertert dee selwechte Projet, do war och e Projet, oder ass dat anescht opgebaut ginn? Do ass jo och d Maison Relais an d Schoul, oder waren dat zwee eenzel Gebaier wou einfach Synergië geschaf ginn ass, kann een dat villäicht herno nach erkläre well soss wäre mir net déi alleréischt. An da wollt ech nach zu der Remarque vum Budget soen, Dir wësst genau firwat mir de Budget net oder net ëmmer matstëmmen, mee Dir wësst awer och, dass d CSV all Invest an d Schoulen an an d Maison Relais ëmmer zu 100% matgedroen huet, dat wëll ech och nach soen. Merci. Dan Biancalana (LSAP Buergermeeschter): Merci, da géif de Frank Leuschen nach op e puer Punkten agoen an da géif ech nach op e puer Punkten agoen. Frank Leuschen (MC Management Consultants): Ech wollt am Fong just op den ee Punkt agoen zu de Subsiden a par rapport zu anere Projeten am Land. Mir hu verzweiwelt versicht iwwer déi lescht Joere fir kloer Aussoen ze kréie par rapport zu de Subventionéiere vun dem Dossier. Mir hu leider Gottes hei am Land nach ëmmer keng konkret Base légale, mir hunn nach ëmmer eng kloer Trennung zwëschent Subventionéierunge vu Chaisen a Klassesäll op där anerer Säit. Wuel wëssend, dass de Ministère selwer allerdéngs déi ganz Demarche hei mat Dokumenter promovéiert an sou wéi et dës Woch am Ministère ugeklongen ass, dat heiten ass am Fong eng Diskussioun, déi zwëschent der Gemeng an deene zwee zoustännege Ministère muss gefouert gi fir eng Léisung ze fannen, bis eng propper Base légale dann do ass. A mir hu ganz gutt den Dossier esou preparéiert an deem Sënn, dass mir kënne voll emfänglech fir all Quadratmeter, deen an dem Gebai elo do geplangt ass, noweisen, wat do zu der Schoul bezéiungsweis zu der Kannerbetreiung zielt a wat net. A mir sinn trotzdem bei engem Gebai elo geland, wat nach wie vor, an dat gouf an deem informelle Gemengerot schonns ugeschwat, wat Synergië proposéiert. Fir elo aner Gemengen unzeschwätzen, dat misst et jo am Fong geholl schonns ginn, eis gouf nach eng Kéier konfirméiert, dass d Gemeng Diddeleng féierend ass. Wat déi ganz Demarche ugeet, op allefall an der Ëmsetzung, wat d Ëmsetzung vun der Démarche ubelaangt, do ass den Dossier hei féierend am ganze Land an d Gemeng mécht hei zwou Innovatiounen oder innovativ Demarchen an engem Projet, dat eent ass d Synergie zwëschent der Schoul an der Maison Relais an dat zweet ass d Prozedur vum Dialogue compétitif, dat heescht hei sinn am Fong geholl zwou innovativ Demarchen am Kader vun engem Projet. Voilà. Dan Biancalana (LSAP Buergermeeschter): Ech ginn och op e puer Punkten an, déi d Madame Kayser gesot huet. Also wat mir maachen, déi heiten Diskussioun gëtt weider gefouert mat den zwee Ministèren an soubal och de Montant bekannt ass och vun der

45 RAPPORT 45 Subventioun, soll de Gemengerot iwwer dee Montant informéiert ginn, dass jiddereen da weess wou mir an deem Kader dru sinn. Bei der Phase transitoire, wéi gesot, mir schwätze jo iwwert d Organisation scolaire, do hu mir Auswäichméiglechkeete fonnt a wann effektiv dat net sollt duergoen, mir wëssen et gi flott Containerinfrastrukturen, op déi een zeréckgräife ka wann et en Enkpass sollt ginn. Déi aner Fro par rapport zum Schoulpresident a siwent Schoul, dat solle mir zesumme weider diskutéieren souwuel an der Schoulkommissioun wéi awer och an dem Aarbechtsgrupp, well et ass jo och an där Schoul e Schoulpresident wéi awer och een um Niveau Maison Relais, et ass jo am Fong bicéphal wou d Struktur wäert sinn. Et mierkt een och am Kader vum Aarbechtsgrupp, dass den een oder aneren sech erausschielt an interesséiert ass, dat ze iwwerhuelen. Et soll een dat och weider ënnerstëtzen, mee et wier ze fréi fir dat ze maachen, an dat sollt dann och zesumme mat deenen anere Schoulen diskutéiert ginn well mir hunn och do zwëschent de Schoulpresidenten en demokratescht Verhältnes, mat der Schoulkommissioun wou décidéiert ginn ass, wéi eng Schoul setze mir wouhin, an dat fléisst an deen dote Prozess mat eran. Da géif ech proposéieren, dass mir zum Vote iwwerginn. Wien ass mat deem Projet hei averstanen? Dat ass unanime. Da soen ech Iech villmools Merci fir d Diskussioun, ech soen dem Frank, dem Kai an dem Tanja och Merci, dass se hei ware fir d Erläuterungen an ech géif proposéieren, dass mir weiderfueren a villäicht, well de Gilbert Loos, eise Receveur, nach aner professio nell Engagementer huet, dass mir de Restanten an de Kont vum Office social virhuelen, wann de Gemengerot domat averstanen ass, an dann normal weiderfueren Approbatioun vum Restantenetat vum Joer 2016 Dan Biancalana (LSAP Buergermeeschter): Da géife mir op de Restantenetat iwwer goen, d Recetten, d Clôture vum Joer 2016, doriwwer muss de Gemengerot och wéi all Joer befannen. Ech wëll hei soen, dass mir am Restantenetat en Total hu vun ,49 Euro, dat ass den Total vum Restante vum Joer 2016, dat baséiert op de provisoresche Kont vum Joer 2016, dee mir elo och aschécken an de Ministère de l Intérieur, an eng Dé- charge proposéiert eis hei de Receveur eng Zomm vun ,22 Euro, sou, dass an der Reprise provisoire ,27 Euro bleiwen an d Iddi ass, de Gemengerot ze froen, dass en eis d Méiglechkeet gëtt, d Autorisatioun gëtt, dass de Receveur déi doten Zomm weider poursuivéiere kann. Et kann een op alle Fall hei soen, dass am Fong mat der Décharge de Restanten ëm Euro erof geet. Mir si wäit ënnert dem Restante vum Joer 2007, dat waren 1,4 Milliounen Euro. Wat awer - an do hu mir och schonns Diskussioune gefouert am Kader vum aktuelle Restantenetat - wat do awer sech erausschielt, mir hunn déi Diskussioun och schonns gefouert zwëschent eisem Service des Structures d accueil, an och eiser Recette, dass am Fong de Restantenetat ronderëm eis Structures d accueil an d Luucht geet, an, dass och iwwert deen dote Kader iwwert eng Collaboration renforcée tëschent deenen zwee Servicer zesumme mam Office social gekuckt gëtt, wéi mir do verschidde Leit kennen ënnert d Äerem gräifen, well do erbrénge mir als Gemeng eng gewëssen Déngschtleeschtung a mir mierken, dass an e puer Situatioune ganz héich Beträg an der Kräit stinn, vis-à-vis vun der Gemeng, sou, dass ee kann dovunner ausgoen, dass do méi finanziell a sozial Problemer sinn, an déi musse mir méi hardi ebe sozial ugoe fir eng Planung mat deene Leit ze maache fir, dass se do och hire Recettë kënnen nogoen, an, dass se och do kënnen e Plan de remboursement opstellen. Wéi gesot, generell kann een awer och soen, dass mir weider hei am Restante poursuivéieren, do hale mir d Lat weider héich. Mir hunn 357 Ordonnancede-paiementen, 106 Dossiere si beim Dierwiechter, 35 Saisie-arrêten hu mir, de Service schafft hei op Héich toure vis-à-vis vun deene Leit. Mir wëssen awer, dass dat heiten ëmmer laangwiereg Prozedure sinn, déi iwwert d Friddensgericht lafen, also wéi gesot, et ass eng méiséileg Aarbecht och iwwert déi geriichtlech Prozedure fir déi Suen anzedreiwen, si ass awer néideg, dofir maache mir déi Poursuitë bei deene Leit déi sech net mellen, an déi Leit déi sech mellen, do probéiere mir e Plan d apurement ze maachen iwwert d Recette mam Office social zesummen. Dat ass dat wat ech wollt soe par rapport zu dem Restante vun dësem Joer, geet also weider erof mat e bësse méi enger alarmant Statistik par rapport zu de Maison Relais, mee do sinn am Fong 2, respektiv 3 Servicer hannendru fir och déi Situatioun an de Grëff

46 RAPPORT 46 ze kréien. Dat ass dat wat ech wollt zum Restante vum Joer 2016 soen. An d Diskussioun ass op. Michèle Kayser-Wengler (CSV): Ja Merci, kennt Iech all nach drun erënneren, den Här Bodry huet ëmmer dovunner gedreemt, dass mir de Restantenetat ënnert déi Millioun géifen drécken, mee ech mengen dat kënne mir eis ofschminken an dat ass och schued, mee mir ware jo awer alleguerten hei um Dësch averstanen, dass mir méi eng stramm Prozedure sollen adoptéiere fir deene Schëldner e bëssen op d Féiss ze trëppelen an et gouf extra Personal agestallt, den Här Buergermeeschter huet d Ziffere genannt vun deenen Dossieren, déi verfollegt ginn, an ech muss soen, dass mir do och nach weiderhin ëmmer dohannert stinn, dass wann ee seng Scholden net bezilt bei der Gemeng, dass dat dann net soll einfach ofgehaakt ginn, mee, dass een do soll dohannert sinn. Wat natierlech mir och allerhand fonnt hunn, dat war och ganz kloer dat éischt, wat eis direkt opgefall ass, dass d Fraisë vun de Maison Relaisen net kënne beglach ginn, a mir hunn dat selwecht och beim Budget am Office social, dass bei deenen och Leit kommen, déi hir Structure d accueil an och hir privat Crèchen- Rechnungen net kënne bezuelen. Dat ass en alarmant Zeechen, dat heescht, dat weist eis, dass d Aarmut och virun allem d Kanner trefft, an do wësse mir genee, dass dat oft Famille-monoparentalle sinn, Leit mat engem ganz nidderegen Ankommes, Working poor ass den Terminus, an do sinn och d Kanner ëmmer betraff, an ech huele jo och un, wann ee kuckt, och déi aner Taxen, déi net beglach sinn, ech huelen un, dass do och oft déi selwecht Famillje betraff sinn, déi och net deene Paiementer kënnen nogoe well se et einfach och net kënnen. Mir hunn e performanten Office Social, do hu mir och ëmmer all Invest mat gestemmt, dat war der CSV ëmmer ganz wichteg a ganz kloer, mir wëssen och, dass dat Personal gutt schafft, mir hunn elo nach méi en étoffeierten Ofkommes mam Service Surendettement schaffe mir zesummen. Ech denken, dass ee muss déi Leit oft bei der Hand huelen an hinne weise wéi een et ka besser maache well déi Leit si jo och traureg an onglécklech an déi Kanner sinn traureg an onglécklech an ech menge mir mussen einfach eis Politik, dass mir kee fale loossen, dass mir net nëmme mat Saisien op d Pai strofen, mee, dass mir hinnen och eng Léisung ubidden, wéi si hir Situatioun an och hire weidere Procedere kënne verbesseren. Wéi gesot, et ass schued, dass mir mussen dee Restantenetat aschreiwen an eise Budget, mee ech denken, méi kënne mir bal net maache fir deem entgéint ze wierken, a mir stëmmen dat da mat an hoffen, dass mir d nächst Joer, virun allem wat Fraisë vun net bezuelte Rechnungen, Maison Relais, sinn, villäicht erof geet. Et soll jo och elo 20 gratis Stonnen all Kand kréien, d sozial Kritäre vun dem Chèque-service, huet et geheescht, déi ginn och revidéiert, villäicht hëlleft dat de Familljen, d Enner zesummen ze kréien, an dann hunn se och vläit erëm e bësse méi Sue fir déi aner Taxen ze bezuelen, dat ass jo och ëmmer sou en Cercle vicieux dat Ganzt. Merci. Romaine Goergen (Déi Gréng): Merci. Also wéi all Joer si mir mam Restantenetat befaasst a mir stelle fest, dass de Betrag wéi déi läscht Joere schonns, och dëst Joer erëm erofgaangen ass. Säit 2013 kënnen d Leit der Gemeng net méi souvill schëlleg bleiwe well d Kollektivantenn an de Gas un aner Firmae bezuelt ginn. Zum Deel schleefe mir awer Altlasten, déi mam Gasverkaf zesummenhänken, nach mat virun. Mir kéinten also soen den Trend no ënne geet weider an dat ass gutt. Wann een awer méi genee kuckt, da mierkt een, dass zwar nach ëmmer iwwer Euro Restante vu virdrun ofgedroe ginn, awer dass dëst Joer bal déi selwecht Zomm rëm bäikomm ass als neie Restanten an zwar méi wéi dat Joer virdrun. Elo maachen d Offalltaxe bei wäitem dee gréissten Deel aus vun de Beträg, duerno d Waasser, d Kanaltaxe a méi wäit hannendrun d Maison Relais an d Grondsteier, wéi schonns erwänt. Ech man et ganz kuerz, mir ënnerstëtzen de Schäfferot an de Receveur vun hire Beméiunge fir dës Gelder fir d Gemeng anzedreiwen, mir ënnerstëtzen se awer och an hire Beméiunge fir de Leit, déi Problemer hunn, entgéint ze kommen, fir mat hinnen ze verhandelen, dass se déi Zomme kënnen ofstotteren, besonnesch bei Leit, déi net dofir kennen, dass se an där Situatioun sinn.

47 RAPPORT 47 Mir hoffen awer och, dass d Situatioun sech nach an deenen nächste Jore ka verbesseren. Merci. Josiane Ries Di Bartolomeo (LSAP): Merci, ech gesinn, dass mir hei alleguerten zimlech op enger Wellelängt leien, ech muss awer och soen, mir wäerte wuel ni ënnert déi Millioun kommen, dat sinn Illusiounen, mä pour cause, ech muss awer soen, dass de Receveur, de Gilbert Loos, sech extrem vill Méi gëtt, an net direkt den décken Hummer eraushëlt, wann emol esou Rechnungen net bezuelt ginn. Et ass jo och dramatesch, wann d Kanner dovunner betraff sinn, effektiv, hie gëtt sech vill Méi. Normalerweis maachen d Leit och de Wee op den Office social, mee et sinn der awer dann ëmmer erëm, déi dat net wëlle maachen, deenen een dann net hëllefe kann, wéi gesot et kann een d Kanner och net doheem da loossen et muss een dann op aner Moyenen zeréckgräifen, wat awer schued ass. D Madame Goergen sëtzt och am Office social an si selwer weess wéivill Aarbecht do geleescht gëtt, fir esou Leit, déi an esou Situatioune sinn, wéi Monoparentauxen oder iwwerhaapt wann se a schwierege Situatioune sinn ze hëllefen, dat heescht et ass net nëmme fir d éischt Gemeng, déi do e bësse Sputt léisst an de Leit hëlleft, mee si ginn och nach duerno vum Office social begleet. Dan Biancalana (LSAP Buergermeeschter): Merci, dass mir iwwert d breet Band déi Diskussioun konnte féieren. Gilbert Loos, wëlls Du nach op e puer Punkten agoen oder Stellung huelen? Gilbert Loos (Receveur communal): Neen, ech wollt just soen, dass mir nach een décke Poste vun Euro vum Objectif Plein Emploi dra stoen hunn, sou dass mir u sech op 1,1 Millioun wären an dass dat Ziel, wat ech mir gesat hunn, et ass mäin Ziel, net dem Här Bodry säint, mee mäin Ziel, dat ass doudsécher, ënnert d Millioun souwisou ze kommen. An ech soen nach eng Kéier Merci. Dan Biancalana (LSAP Buergermeeschter): Voilà, Merci och dem Gilbert Loos, et ass nach bëssen Aarbecht déi virun der Dier steet, mee op der anerer Säit, Ziler huet een ëmmer virun Aen, an och hei wäerte mir dat weider poursuivéiere mat de sozialen Aspekter. Da géif ech proposéieren, dass mir ofstëmmen. Wien ass mam Restanten averstanen? Dat ass unanime. Merci. Méi kann een net maache wann een et net erof gedréckt kritt, et ass elo net, dass ee sollt soen et ass an der Rei, bezuelt net méi mee wéi gesot et probéiert een dat Ganzt ze zéien. Merci. Joseph Thill (Déi Lénk): Merci Här Buergermeeschter, am Numm vun déi Lenk wollt ech soen, dass mir d Approche vun der Gemeng hei deelen, also ze probéieren, déi Suen anzedreiwe mee ënnert soziale Bléckpunkten, also fir deene Leit, déi wierklech an Aarmutproblemer sinn, fir deenen och sozial ze hëllefen. Ech soen Iech Merci.

48 RAPPORT OFFICE SOCIAL APPRO- BATIOUN VUM DEKONT 2016 Dan Biancalana (LSAP Buergermeeschter): An da gi mir weider, iwwersprangen e puer Punkten an da gi mir op den Office social, an do hu mir dann den Dekont vum Joer 2016, an do geet de René Manderscheid drop an. René Manderscheid (LSAP Schäffen): Merci, do kann ech mech ganz kuerz faassen, Där wësst, dass dat heiten en administrativen Akt fir de Gemengerot ass, vu dass deen heite Punkt jo am Office social mol fir d éischt den 20. Juni diskutéiert ginn ass, an do ass dat och unanime sou ugeholl ginn, deen Dekont deen Dir hei virleien hutt. Dee Kont hei 2016 dat ass déi Konventioun mifa-gemeng wou jidderee 50% vun de Fraisë wäert huelen, dat ass eng Konventioun vu verschidde Konventiounen, déi am ganze Kader vum Budget vum Office social virgesi sinn, an Dir gesitt wat do stoung, mat dem Montant vun der Konventioun, deen se au départ hat a wat en herno un Depensen erausgaangen ass, do bewegt sech alles am grénge Beräich, sou, dass do keng Iwwerraschungen op eis duerkomm sinn. Wéi gesot, hei ass en administrativen Akt, dee mir als Gemeng solle maachen an dann deementspriechend de Feu vert gi fir den Dekont 2016 fir den Office social. Merci. Dan Biancalana (LSAP Buergermeeschter): Merci dem René Manderscheid. Remarquen dozou? Nee? Kënne mir dann iwwert deen Dekont hei ofstëmmen? Ass dat unanime? Merci Approbatioun vun der Konventioun de collaboration pour le projet de logements pour famille monoparentale à Dudelange Dan Biancalana (LSAP Buergermeeschter): Da géife mir weiderfueren an da komme mir op deen ursprénglechen Ordre du jour zeréck an do hu mir eng Konventioun virleien, déi schreift sech an d Kontinunitéit a vun deem Projet, dee mir hei am leschte Gemengerot gestëmmt hunn, wou mir gutt Euro gestëmmt hate fir déi véier Portierswunnenge vum Kennedy- Stadium ëmzebaue fir do och e Projet ze maache fir Famille-monoparentallen. Dat ass eng Konventioun, déi mir och am Projet Perspectives hunn, dat ass eng Konventioun zwëschen der Croix Rouge an der Gemeng Diddeleng an dem Office social, wou mir am Fong zwou Unitéite schafen an der fréierer Conciergeswunneng vum Kennedy-Stadion, déi mir zur Verfügung stellen an zwar der Croix Rouge am Kader vum Service Perspectives an do ass d Population-cible entweder jonk Fraen, déi schwanger sinn, respektiv e Kand kritt hunn an an enger Situation monoparentale sinn an déi tëschent 18 a 27 Joer hunn, a wou natierlech och eng Prise en charge virläit vum ONE. Mir froen natierlech der Croix Rouge e Loyer vun 1200 Euro de Mount an si maachen d Sous-locatioun weider am Kader vun hirem Projet Perspectives un déi betraffe Leit. D Charges locatives sinn hei an dem Loyer mensuel dran. Et ass e bëssen déi selwecht Konventioun déi opgebaut ass, déi mir am Projet Perspectives hate mat de Chambres meublées an der Tattebuerger Strooss, de Critère d admission ass fir den Office National de l Enfance, dass do e Suivi gemaach gëtt, respektiv den Accord deen ee muss hunn an d Iddi ass natierlech och, dass hei d Croix Rouge e Projet de vie mécht mat deene jon-

49 RAPPORT 49 ken Dammen an hire Kanner an där prekärer Situatioun an där se sinn, an där Détresse psychosociale. Prioritéit gi mir och Jonken aus der Gemeng Diddeleng an natierlech ass eng Zesummenaarbecht mam Office social. Et ass och virgesinn, dass een sech regelméisseg gesäit fir och kënnen de Bilan ze zéien, dat ass e Comité d évaluation, deen sech ëmmer zesumme gesäit a wou ëmmer verschidden Acteure kënnen erbäi gezu gi wann e bësse méi spezifesch Froen sech stellen. Dat ass e bëssen d Ausrichtung an awer och d Spezifizitéit, dass natierlech erfahrungsgemiess d Croix Rouge och am Kader vum Suivi mat der ALLUP- SE zesumme schafft mat der ALLUPSE-BEBE, et kann een awer hei nach an der Diskussioun ronderëm déi heite Konventioun e klengen Ajout maachen, dass ee seet d ALLUPSE et/ou Service Baby+, oder et ganz eraus léisst, mee op alle Fall kann een déi zwou Optiounen huelen, well de Service Baby+ hei ass, et ass déi eng oder déi aner Richtung, mä vu, dass mir schonns eng Konventioun mat der Initiativ Liewensufank hu kann een dat mat eran huelen oder et léisst een et ganz eraus. Och d Croix Rouge, déi sinn och oppe fir alles, mir kënnen och op déi Optioun goen, dass mir et eraus loossen. Also, wéi gesot, just dat nach als Diskussiounsustouss hei. Dat zum Contenu vun der Konventioun. D Diskussioun ass op. Jean-Paul Gangler (CSV): Ech hätt just eng Fro: Ob Dir mir kéint méi erkläre wat déi Prise en charge éducative am Artikel 4 ass. Kréien do déi Leit gehollef wann se an enger Léier sinn, wa jo, vu wiem, e puer Detailer just, dass ee weess wat dat ass. Michèle Kayser-Wengler (CSV): Ja Merci, also d CSV ass absolut d accord mat där Konventioun, et besteet e Besoin an, dat ass keen Zweiwel an dass mer d Croix Rouge mat hirem Service Perspectives als Partner hunn, dat hu mir elo schonns an e puer Projete gemaach, dat ass sécher méi sënnvoll wéi wann een hin an hir spréngt, eng Kéier deen een oder eng Kéier deen anere mécht, dat muss ech och eng Kéier hei ënnersträichen, dass ech dat gutt fannen. Wat d Population cible ubelaangt ass oft villäicht ze soen, dass den Alter vun deene jonke Mammen an deene jonken Dammen déi enceinte si fixéiert ass op Joer, dat heescht et gi keng Mineuren hei opgeholl, do ginn et aner Strukturen déi méi spezialiséiert sinn, dat ass och villäicht eppes wat eng Kéier soll ënnerstrach ginn. Och gutt fanne mir, dass mir prioritär jonk Familljen oder jonk Mamme mat hire Kanner hei aus Diddeleng huelen. Ech hunn et e bësse mam Artikel 6, do kann ee villäicht e bësselchen dat anescht formuléieren. Et mécht mech e bësse stutzeg, deen zweete Punkt sont admissibles tous les jeunes adultes remplissant les conditions suivantes, do steet dann motivé à changer leurs situation de vie afin d acquérir une autonomie, une stabilité leur permettant de mener une vie Indépendante. Villäicht ass dat Wuert motivé à changer leur situation e bëssen haart, ech géif soen à stabiliser oder améliorer, well et ass jo elo sou, déi jonk Damme kommen heihinner, si hu jo nun emol e Kand, gi villäicht nach an d Schoul. Ech géif soen stabiliser oder améliorer ass dach besser wéi changer, si kënne jo näischt méi réckgängeg maachen. Dat ass villäicht e bësse schlecht gewielt. Dat ass just eng Suggestioun. Dann, wou ech mir och Froe stellen, do steet dann als weider Konditioun fir dass se admissible sinn, disposant des compétences parentales nécessaires à l éducation de leur enfant. Wie kontrolléiert dat? Wie seet dat elo? Wien evaluéiert dat? Dat ass och vläit nach eng Fro, oder huele mir prioritär d Dammen op, déi schonns zum Beispill schonn eng Surveillance vum SCAS hunn, oder sinn do scho Kritäre vu vir era gesot, wéi déi Begleedung ass? Dat ass villäicht och nach eppes, wat ee ka kloer maachen. An dann och, wat sécher gutt ass, dat ass, dass déi Konditioun, dass se musse kollaboréiere mat den Intervenanten an do fannen ech et och gutt, dass de Service Perspectives an awer och eisen Office social dra steet, well dann hunn déi och eng Méiglechkeet do awer täteg ze ginn. Dann, am Punkt 7 les chambres en co-location, do steet och keng Durée drann. Wéi ass et dann elo zum Beispill wa mir soen, ech hunn och a menger Clientèle Clienten, déi sinn dann awer op enger Dixième, Onzième, wéi laang kënnen déi Meedercher da mat hire Kanner zum Beispill heibleiwen? Do ännert sech jo näischt un hirer finanzieller Situatioun an deenen nächste Joeren, a mir si jo alleguerte frou wann se en Ofschloss maachen. Et ass ëmmer dat wat ech och als Kannerdokter

50 RAPPORT 50 deene jonke Mamme soen, egal wat geschitt, maach deng Schoul fäerdeg. Wéi laang dierfen déi Leit elo bei eis zum Beispill an esou enger Wunneng bleiwen? Da war ugeschwat ginn, dass si en étroite collaboration avec des services d aide et de soutien aux familles, notamment avec le service ALUPSE-BÉBÉ sinn. Ech muss awer dozou soen, ALUPSE-BÉBÉ ass en sou e super spezialiséierte Service, déi hunn och eng Konventioun och mam Ministère déi hunn eng Konventioun mat de Maternitéen an déi schaffen op engem absolut anere Level wéi de Baby+. Dofir fannen ech grad gutt, dass mir d ALUPSE-BÉBÉ dra gesat hunn, well déi kréie schonns oft an der Schwangerschaft vun de Gynäkologe matgedeelt, dass do esou e jonkt Meedchen oder eng Damm, déi e Kand kritt, ass, bezéiungsweis aus de Maternitéen, déi ginn den éischte Kontakt direkt an d Maternité maachen, do sinn alleguerten d Hievammen am ganze Land gebrieft, dofir ass de Service ALUPSE-BÉBÉ, dat ass e Modelservice, där gëtt et nach net a ville Länner a virun allem well mir esou e klengt Land sinn, hunn déi en Accès op alleguerten déi Mammen, déi jonk sinn an e Puppelche kréien. Dofir fannen ech grad, dass mir déi Servicer, déi géif ech éischter ganz alleng dra stoe loossen, well Baby+, déi maachen am Fong eng Begleedung wa keng Problemer sinn, mee dat heite sinn oft problematesch Situatiounen an do ass dat heite wierklech e spezialiséierte Service. Mir hu jo och aner Intervenante wéi Famille plus, Family first dat ass eng Suggestioun well ech fannen dat gutt, dass dat sou ass. Soss hat ech näischt, déi aner Saache si kloer, also wéi gesot mir sti voll a ganz hannert dëser Konventioun. Merci. Colette Kutten (Déi Gréng): Merci Här Buergermeeschter. Also, ech faasse mech kuerz well et huet kee Wäert, déi selwecht Froen ze stellen ewéi d Madame Kayser. Mir begréissen natierlech och déi Initiativ hei, mir fannen, dass et eng wichteg Saach ass an et ass och sou, dass den Encadrement vun der Croix Rouge gemaach gëtt, dat ass de gudde Wee, an déi hunn den néidegen Know how, an dat fënnt och eis Zoustëmmung. Ech hätt elo spontan gesot, amplaz vun der Alupse de Baby+, well déi jo och d Situatioun hei um Terrain kennen. Natierlech denken ech, dass d Madame Kayser do méi en Know how huet, ech ginn zou, ech kann dat net sou richteg aschätzen. Et soll déi Solutioun gewielt ginn, déi wierklech am ugepassten ass, an als Fro niewent der Durée, wollt ech nach froen: Et sinn zwou Famillje jo dann, déi kënnen an deem Haus do wunnen? Déi heiten Initiative ass dofir ganz begréissenswäert, ech wollt awer soen, dass och nach en aneren Zilgrupp villäicht fir eng nächst Initiativ kéint an d A gefaasst ginn an zwar déi Fraen, déi aus dem Fraenhaus kommen, déi sinn an der Regel monoparental an déi hunn och immens vill Problemer um Marché fir eng Wunneng ze fannen. Also, bei der nächster Geleeënheet, wou d Gemeng sech da wëllt engagéieren, géife mir dofir plädéiere fir déi dann och an d A ze faassen. Merci. Josiane Ries Di Bartolomeo (LSAP): Merci, wéi gesot hei ass absolut kee Frang zevill dee mir investéieren, hei kënnen zwee jonk Meedercher an enger Wunneng wunnen, wou betreit gi vun der Croix Rouge, vum Service Perspectives. Dee Service Perspectives, do sëtze lauter kompetent Leit dran, déi probéieren déi jonk Meedercher, ob een do elo seet stabiliséieren oder motivéieren, déi begleeden déi, an et geet jo och dorëms, déi Meedercher nëmmen temporaire an där Struktur ze halen. Mir hunn nëmmen zwou Strukturen, do probéiert een dann, déi op e Wee ze brénge wou se da schaffe kënnen, wou se mat hirem Kand eens ginn, wou se selwer mol rëm Sue verdéngen, dofir soll dat jo och nëmmen temporär begrenzt sinn. Also, och dat wann se en Apprentissage maachen, do ginn se begleet, et ass e wichtege Facteur, dass déi begleet ginn. Wat nach dobäi kennt, den Office social ass natierlech och ëmmer informéiert. Iwwert alles, dat kann d Madame Goergen och bestätegen, wann esou Saachen och emol sinn, sou Dossieren, mir ginn ëmmer als Verwaltungsrot ëmmer informéiert. Wie gëtt do rausgesicht, firwat gëtt en erausgesicht, de Projet de vie schenkt mir normal ze sinn, fir se erëm eng Kéier an en normaalt Liewen zeréckzekréien, mir kënnen se jo net andauernd an där Struktur loossen a soen, mir betreien Iech bis Dir 40 Joer hutt an da gitt Dir eens.

51 Ein Projekt der Gemeinde Düdelingen in Zusammenarbeit mit der Initiativ Liewens ufank a.s.b.l. RAPPORT 51 Wat Baby+ betrëfft, den Här Spina geet nach wahrscheinlech selwer drop an, si sinn awer genee déi, déi wëssen, wat fir leit schwanger sinn a wéi eng Leit, si komme jo awer an d Menagen eran a si gesi jo awer, wéi eng Leit Schwieregkeeten hunn. Dofir fannen ech Baby+, et si ganz vill Jonker wou si opfänken, och esou, ouni, dass se an deem Haus do sinn. Si gesi wierklech d Problemer, dofir fannen ech Baby+ gutt, do sëtze ganz kompetent Leit. Fir de Rescht, mir ënnerstëtzen dat, mir kënnen do net soen, dat ass e Frang zevill ausginn, dat belaascht eise Budget. Et ass eng gutt Initiativ, ech hoffen och, dass mir weider esou Saache maachen a wéi gesot, vun der LSAP aus, mir ënnerstëtzen dee Projet. Joseph Thill (Déi Lénk): Merci, ech wollt trotzdem drun erënneren, dass wann den Aarmutsrisiko 2015 am Land am Duerchschnëtt 16% war, dee vun de Famille-monoparentalle bei 46% louch, also quasi dräimol esou héich. An deem Sënn huet de Projet als Haus a Begleedung duerch d Croix Rouge eis voll Ënnerstëtzung, mir wieren och dankbar fir weider Initiativen an deem Sënn hei op Gemengenniveau, desto méi wou jo den Text vun der Konventioun erlaabt, de Leit hei vun Diddeleng, de Famille-monoparentalle vun Diddeleng eng Prioritéit ze ginn. D Madame Kayser huet zwou Froe gestallt, déi eis och interesséieren, nämlech eng iwwert d Kritären an déi aner iwwert d Durée. Ech hätt wierklech nach eng ganz kleng Detailfro, dat ass den Alter, dee virgesinn ass, also déi ënnescht Limit vun 18 Joer, dat liicht mir an, firwat dass déi do steet. Gëtt et iergendeng Begrënnung fir den Alter vun 27 Joer oder wien huet déi festgeluegt. Ass et Jeune? Wéi gesot, ech wollt just d Fro stellen, eng reng technesch Fro, déi deet eiser Ënnerstëtzung zum Projet an zu der Konventioun awer keen Ofbroch an natierlech ënnerstëtze mir dee Projet an déi Konventioun sou wéi se eis hei virgeluegt ass. Ech soen Iech Merci. Dan Biancalana (LSAP Buergermeeschter): Merci fir Är Ënnerstëtzung par rapport zu deem heiten neie Projet, dee mir maache mat der Croix rouge zesummen. Ech géif op verschidde Punkten agoen. Et huet ugefange mam Alter, hei sinn d Kritäre vum ONE, déi spillen, dat heescht et ass eng Prise en charge et gëtt alles vum ONE validéiert, dofir sinn am Fong déi Alterskritären hei dran. Et si jeunes adultes, déi hei concernéiert sinn. Par rapport zu der Fro vum Här Gangler mat der Prise en charge éducative, hei ass de klassesche Prinzip vum Service Perspectives, du hues ëmmer ee vum edukative Personal deen eemol an der Woch Kontakt hellt, do gëtt dann e Suivi gemaach, déi Leit wunne jo engersäits autonom awer net ganz autonom do geet e ganze Programm mat hinne gemaach am Kader par rapport zu der Prise en charge an dat ass gekoppelt mat der Durée. Dat heescht, normalerweis ass et mat dem Projet Perspectives maximal 36 Méint wou déi Leit am Suivi sinn a wou da mat hinnen zesumme verschidden Démarchë gemaach gi wou se an hirer weiderer Autonomie ënnerstëtzt ginn, well d Iddi ass jo net, dass se permanent an där Wunneng sinn, d Iddi ass einfach, dass se autonom um normale Marché eng Aarbecht fannen, respektiv eng Wunneng fannen an awer während enger gewëssener Zäit ganz kloer hei ënnerstëtzt ginn. D Evaluatioun, déi maachen d Servicer dann ebe selwer, do zéien se dann déi Servicer mat bäi déi se halt brauchen, am sozialen an am edukative Beräich an do kann och sécherlech de SCAS een Acteur si vu ganz villen. Par rapport zu der Propos op der Säit 3 Motiver à changer : Hei ass déi selwecht Dispositioun eriwwer geholl gi wéi mir an där anerer Konventioun haten. Mir hunn awer kee Problem mat Motiver à améliorer, dat kann ee sécherlech drasetzen, dat changéiert fundamental net vill well d Essenz ass déi, dass eng Motivatioun muss do sinn, un hirem Projet de vie ze schaffen. Changer améliorer, ech hu kee Problem domat, wann een et wëll drasetzen, ech mengen och, dass d Croix Rouge domat kee Problem huet. Par rapport zum Service Baby+, de Loris Spina geet duerno nach villäicht drop an, ech mengen awer, dass ee villäicht den Artikel 7.1 a senger Teneur kann esou loossen an, dass ee ka bäifügen, le Service Baby+ peut aussi étre sollicité. Peut, dat heescht dat bleift fakultativ, et muss net, et kann awer wann de Besoin ass, et huet een déi Fakultéit et ze maachen, ech fannen awer, dass och de Lien, kitt, dass et net sou spezialiséiert ass wéi d ALLUPSE-BEBE, obwuel se awer och mol a Si-

52 RAPPORT 52 tuatiounen intervenéiere wou problematesch sinn, do kann ee sécher méi driwwer soen, géif ech proposéieren, dass een et sou mécht, mee, dass et fakultativ bleift. Dat heescht, et ass net eng Obligatioun. Dat ass dat wat ech wollt bäifügen an ech ginn dem Loris Spina d Wuert. Loris Spina (LSAP - Schäffen): Merci, effektiv fannen ech gutt, dass mir déi Rajoute do maache well - erënnere mer drun -, dass de Service Baby+ ëmmer vu multiple Risikofacteure schwätzt mat de Familljen déi se dann effektiv betreie well déi Familljen, déi eben déi Risikofacteuren net hunn déi sinn am Prinzip gutt encadréiert. Déi hunn eng ganz Rei vu Problematiken déi se net opweisen dofir brauchen se och net op de Service Baby+ zeréckzegräifen. Dat sinn ënnert anerem natierlech en nidderegt Akommes, Immigratiounshannergrond, feelend familiär Ënnerstëtzung, feelend familiäert Netz, an awer och eng psychesch Belaaschtung an e ganz grousse Risikofacteur ass déi ongënschteg Wunnsituatioun an dat si Kritären, déi ganz gutt compatibel si mat där Clientèle déi hei an där heiter Konventioun ugeschwat sinn an dat si jo och ganz oft jonk Meedercher déi allengerzéiend sinn, sou, dass mir déi Rajoute hei sollte maachen, dass zumindest eng Kooperatioun mam Baby+ soll stattfannen a si ass fakultativ. hale Baby+ fir Energie fir déi Leit déi doheem bleiwe mee, ech hu kee Problem dat elo do eranzesetzen, mee et ass just eng Iwwerleeung, ech gesinn déi méi esou, dass mir déi an déi Famillje schécken, déi sur place nach an hirer Wunneng sinn oder déi schonns eng Wunneng hunn. Hei ass jo och geduecht fir jonk Meedercher, déi doheem erausfléie well d Mammen se net wëllen oder d Elteren se net wëllen oder kënnen ophuelen, dat ass jo och eng komplett aner Populatioun, déi och wierklech grouss Problemer hunn an dofir sinn déi Leit vum Service Perspectives jo och optimal ausgesicht. Dat war just als Klammer elo dozou. Merci. Dan Biancalana (LSAP Buergermeeschter): Also, als Informatioun, d Croix Rouge war mat där fakultativer Approche averstanen. Si huet kee Problem domat. Michèle Kayser-Wengler (CSV): Wéi geet dat da mat hirer Schoul? Dan Biancalana (LSAP Buergermeeschter): Dat heite si jo Adulten, den Apprentissage pour adultes, zum Beispill. Dat kann d Croix Rouge flexibel da kucken, en fonction vun. 36 Méint hat ech jo gesot. Et si 36 Méint. Michèle Kayser-Wengler (CSV): Ech erlabe mir, nach eppes dozou ze soen, well et huet kee Wäert, dass ee 25 Intervenanten op déi Familljen hetzt, dat muss een och soen. Ech gesinn am Baby+, dass déi eng gutt Aarbecht maachen, mee, dass déi villäicht fir déi Famillen hir Energie, well si si jo och net zu vill, dat sinn net vill Leit déi hei zu Diddeleng de Baby+ Projet maachen, dass mir déi hale fir déi Leit, déi doheem an hirem Doheem bleiwen an hei hu mir se, wann se elo bis hei sinn da ginn se éischtens vum Service Parentalité ënnerstëtzt. Ech mengen, hei war et esou geduecht wéi d Konventioun vun der Croix Rouge ausgeschafft ginn ass, déi jo schonns mat ALLUPSE-BEBE schafft, well déi detectéieren se jo schonns immens frei. Baby+ geet jo réischt no 6-8 Woche bei d Famill. Jo, wann se se gesot kréien, da mussen se dat awer och vun engem Externe gesot kréien, an ech denken, komm mir Michèle Kayser-Wengler (CSV): A wann se hiren Ofschloss dann nach net hätten? Dan Biancalana (LSAP Buergermeeschter): Da ka jo nach ëmmer d Croix Rouge kucken, wéi se dat maachen, wann se mierken, dass sie motivéiert sin dann. Kënne mir dann elo villäicht ofstëmmen? Mat deenen zwou Modifikatiounen also engersäits changer ëmwandelen an améliorer. Op där anerer Säit soe mir le Service Baby+ peut être sollicité, déi fakultativ Approche als Ajout. Ass de Gemengerot domat averstanen? Dat ass unanime. Merci.

53 RAPPORT Approbatioun vun engem notarielle Verkaftsakt mat de Konsorte Seca Dan Biancalana (LSAP Buergermeeschter): Da fuere mir weider, da komme mir op e puer Akten, engersäits en Acte notarié mat de Konsorte Seca, dat ass engersäits den Här Klein an d Madame Seca, wéi och den Här Schaul an d Madame Seca, d Schwëster, mat der Gemeng Diddeleng. Do geet et Op Rellent, do ass eng Parzell mat 31,45 Ar, déi mir kafen zum Präis vun Euro, also Euro den Ar, dat sinn ëmmer déi Präisser, déi mir froen och an där dote Géigend. Mir hate schonns eemol esou Situatiounen a mir maachen dat am But vun enger Utilité publique am Kader vun enger Extensioun vun der Infrastructure sportive vum Stade Aloyse Meyer an dat muss hei vum Gemengerot gutt geheescht ginn. Dir hutt de Procès-verbal d expertise, den Aushang dee war, an och den Auszuch vun der Strëpp, ëm déi et hei geet. Dat zu deem doten Akt, sinn dozou Froen oder Remarquen? Kënne mir doriwwer ofstëmmen? Ass de Gemengerot mat dem Kaf averstanen? Dat ass unanime. Merci Approbatioun vun engem gratis Oftriedungsakt mat der Koppel Eco-Rastoder 4.5. Approbatioun vun engem gratis Oftriedungsakt mat der Nationaler Gesondheetskees Dan Biancalana (LSAP Buergermeeschter): Da komme mir op zwou Cessiounen, gratis Cessiounen, déi eng ass mam Här Eco a mat der Madame Rastoder, do geet et an der Rue Aloyse Kayser ëm zwee Zentiar an een Zentiar, an dat ganzt fléisst an an d Voirie publique. Dat sinn ebe privat Parzellen, déi an d Voirie publique iwwerfléissen an déi zweet Cession gratuite ass mat der Gesondheetskees hei bei der Gemeng, do ass dee selwechte Prinzip bei der Place de l Hôtel de Ville do sinn 28 Zentiar an dat geet och gratis an d Voirie publique iwwer. Ass och de Gemengerot mat deenen zwou gratis Cessiounen averstanen? Jo? Dat ass unanime. Merci villmools Approbatioun vun der Konventioun mam Staat Lëtzebuerg betreffend d Bereetstelle vu Sportsinfrastrukture vum Centre sportif René Hartmann fir de Lycée Nic Biever zu Diddeleng Dan Biancalana (LSAP Buergermeeschter): Da komme mir zu enger Konventioun zwëschent der Gemeng Diddeleng an dem Lëtzebuerger Staat a virun allem mam Educatiounsministère, an do geet et ëm d Konventioun wat d Bereetstelle vum Centre sportif René Hartmann ugeet un de Staat, den Éducatiounsministère, fir de Lycée Nic Biever hei zu Diddeleng, an net de Lycée Technique Nic Biever, wéi een am Artikel 1 gesäit, dat war nach déi al Denominatioun. Wat stelle mir zur Verfügung? Engersäits déi zoue Schwämm, déi oppe Schwämm, déi 2 Sportshalen, den Dojo-Raum, déi zwee multifunkional Säll, déi mir hunn, de Kletterraum an de Muskulatiounsraum vum CAD-Power mat alleguerten den Installatiounen déi een do dra befënnt, déi stelle mir dem Lycée zur Verfügung, sou wéi dat all déi Joeren do virdrun de Fall war, just maache mir hei eng nei Konventioun mat hinnen, well jo de Centre sportif René Hartmann nei ass, an do nei Lokalitéiten zur Verfügung stellen, an dat sinn d Besoine fir de Lycée an déi verschidde Schoulklassen an hirem Alldag, an sou wéi mir se dann och de Schoulen aus dem Fondamental zur Verfügung stellen, en fonction vun der Organisatioun. Natierlech ass et esou, dass an dem heite Kader par rapport zu de Fraisen, déi mir hinne froen, dat op zwee Voleten opgebaut ass, engersäits wat d Schwämm ugeet, do kréie mir bezuelt de Coût par Visiteur aus der ganzer Iwwerleeung eraus, dass wat méi Leit d Schwämm notze wat déi ganz Opbereedungsphas vum Waasser a vun der Hygiène effektiv méi grouss ass, an am Fong déi aner Sportsinfrastrukturen ausserhalb vun der Schwämm ass e Coût horaire well iwwert deen dote Wee natierlech och d Hall genotzt gëtt Dat heescht, mir froen engersäits e Loyer annuel, dee baséiert sech op 36 Wochen, dat sinn déi 36 Wochen, wou Schoulbetrib ass, dat ass deen ee Volet an deen anere Volet, dat ass d Fraisen, un deenen och de Staat partizipéiert, wat eis Personalfraisen ugeet, mir hu jo Portieren do schaffen, dann alles wat Waasserconsommatioun, Chauffage, Elektrizitéit, Nettoyage, alles wat den Entretien ass, och do mussen se sech dru bedeelegen an da gëtt dat iwwert dee Wee opgeschlësselt.

54 RAPPORT 54 Am Artikel 5 hu mir dra geschriwwen, dass d Schüler de Règlement d ordre interne musse respektéieren a wa Vandalismus soll gemaach ginn, dass dat vum Staat rembourséiert gëtt, nodeems alles etableiert gouf. Dann ass et och esou, dass am Artikel 6, do ass e Comité de gestion deen agesat gëtt mat 6 Memberen, dat si Vertrieder vun der Gemeng Diddeleng an och 3 Vertrieder vum Staat a mir gesinn eis op d mannst eemol am Joer fir dann de Bilan ze maachen, an dat am Juli, also op d mannst eemol, mä et kann een sech och méi gesinn en fonction vun de Besoinen. Déi Konventioun hei trëtt den 1. Januar 2017 a Kraaft, mir hunn awer eng Disposition transitoire dragesat, wou mir engersäits ausgi wat mir 2016 kritt hunn, dat ass deen Total vun ,47 Euro, dat ass dee ganze Loyer, respektiv den Décompte annuel, deen do agefloss ass, dat sinn déi 2 Elementer wat fir d Joer bezuelt gouf. Dann déi ,84 Euro, dat ass dat wat bezuelt ginn ass vum November- Dezember Da bleift nach minus déi Euro an dat sinn Avancen, déi mir kritt hu vum Staat par rapport zu de Funktionementskäschten, et bleiwen also nach , 31 Euro, déi nach ausbezuelt musse gi vum Staat, mä am Fong dat wat de Referenzwäert ass, och fir déi nächst Joeren, dat sinn déi ,47 Euro. Dat ass dat zu de Fraisen a mir hunn hei eng Konventioun vun enger Period vu gutt 20 Joer an natierlech kann se no deenen 20 Joer fir successiv Periode vun 3 Joer erneiert ginn. Dat zu der Konventioun, zum Contenu an de Loris Spina wëll nach e puer Saachen derbäifügen. Loris Spina (LSAP Schäffen): Merci, ech wollt just nach ergänzen, dass et vum Grondprinzip dat selwecht ass, wat mir schonns als Konventioun mam Lycée ënnerschriwwen haten, mir hunn eben elo hei an deem neie Gebai d Méiglechkeet, déi eenzel Funktiounsfraisë méi detailléiert erauszeschaffen, dat heescht, mir kënnen elo hei pro Raum, pro Schwämm, pro Lieu, dee genotzt gëtt vum Lycée, detectéiere wat dat wierklech kascht huet an opgrond vun den Avancen oder vun de konkrete Chifferen, déi d Lycéen do genotzt hunn, respektiv am Dekont, a voller Transparenz erausschielen, wéivill de Lycée eis kascht huet an dat kréie mir och rembourséiert an dofir ass och den Ënnerscheed ge- maach ginn zwëschent der Hal, den Halen, do ass et effektiv egal op 15, 20 oder 25 Schüler do duerch lafen, d Heizkäschten oder den Nettoyage oder de Personalopwand ass dee selwechte vun eis aus als Gemeng. Par contre, an der Schwämm gëtt et ëm all eenzelne Visiteur deen d Schwämm besicht, do sinn d Waasseropbereedungskäschten, déi variéiere je nodeems wéivill Leit do duerchlafen, dofir gëtt do deen Ënnerscheed gemaach, mee soss ass et awer näischt neies par rapport zu der aler Konventioun. Michèle Kayser-Wengler (CSV): Merci Här Buergermeeschter. Also, säit November 2015 hu mir den neie Centre Hartmann, mat enger neier Schwämm, mat enger neier Hal an sou weider, an deen huet eis jo 27 Milliounen Euro kascht, de Staat huet d Halschent bezuelt an d CSV huet ëmmer do gewarnt virun de Folgekäschte well dat ass jo am Fong dat wat elo och déi Diddelenger Leit musse bezuele wat als Entretienskäschten déi nächst Joer op eis duer kënnt a mir hunn an deene leschte Budgetsdiskussiounen ëmmer nees gefrot eis kloer en Dekont ze ginn, wéi héich sinn dann elo d Frais de fonctionement vum Centre Hartmann, a mir hunn awer bis elo nach näischt héiere mee Gott säi Dank hu mir elo eng Konventioun mam Staat ofgeschloss, wou och verlaangt gëtt, genee opzeschlësselen, wéi héich d Frais de fonctionnement sinn, d Personal, de Waasserverbrauch, d Heizungfraisen, d Elektresch, den Nettoyage, d Sportsmaterial a wéivill den Entretien courant ass. Da kënnt Dir eis jo och elo soen, wat kascht dann elo de Centre Hartmann pro Joer an zweetens kann een dann differenzéieren? Wéi ass d Differenz, wat kascht d Schwämm eis a wat kascht d Sportshal. Dir hutt elo grad gesot gehat, wat méi Leit an d Schwämm ginn, wat se méi deier gëtt, wat d Waasser muss opbereet ginn an esou weider. Dat wäert Dir jo ausgerechent hunn, do wier et interessant, dat ze wëssen. Well et soll jo och en Décompte annuel gemaach ginn, deen och sécher ganz detailléiert ass, an ech weess, dass de Staat do wierklech näischt bezilt wann net en detailléierten Dekont dobäi ass an ech bedaueren extrem, dass mir deen net hei virgeluegt kritt hunn als Gemengerot. Dat wier och alt erëm en Zeeche vun Transparenz gewiescht, mee bon.

55 RAPPORT 55 Well, dass eppes muss nobezuelt ginn, oder soe mir mol esou, et ass ëmmer gesot ginn am Ufank, 1 Millioun Euro kascht de Centre Hartmann eis pro Joer. Dat war deemools gesot ginn, wéi den Neibau gemaach ginn ass, am Dialogue compétitif do hat den Här Leuschen deemools eng Presentatioun, do huet e gesot, dat wat deier gëtt sinn net déi 26 Milliounen Euro, déi s de hues fir ze bauen, mee wat deier gëtt, ass den Entretien, do muss ee mat 1 1,2 Milliounen Euro pro Joer rechnen. Do ass meng Fro un Iech, mat wéivill musse mir dann do rechnen? Well, ech rappeléiere just, dass mir am Budget fir 2016, just als Beispill, d Électrizitéit fir d Piscine am Budget mat Euro ugesat haten an do hu mir scho missen nostëmme beim ordinäre Budget rectifié, bei der Modifikatioun hu mir Euro missten nostëmmen. Dann, Dir hutt elo grad gesot, de Lycée huet eis eng Avance gi fir d Joer 2016 vu Euro, nee pardon, Euro, dat ass eng hallef Millioun, an déi mussen elo nach eng Kéier Euro nobezuelen, dat kënnt mir awer vill vir, also ech huelen un, Dir hat déi Euro Avance, dat war da fir ee Joer, Dir hutt awer elo gesot, ee Joer huet awer elo Euro kascht. Dat ass jo awer eng enorm Hausse, entweder louche mir bei de Berechnunge falsch oder gitt eis mol eng Erklärung firwat do déi grouss Differenz ass an, wéi gesot, mir erwaarden eis, dass mir de komplette finanziellen Dekont och kréien. Voilà, mir sinn also mat där Konventioun selbstverständlech averstanen, mir fannen et och gutt, dass eis Sportshal an eis Piscine och vum Lycée benotzt gëtt, mir bedaueren awer och weider hin, dass net vill Plagehorairë fir de Grand public sinn, dass een dat och owes nach kéint méi laang ophalen, mee dat hu mir jo hei och schonns e puermol gesot, dat wëssen d Leit och dobaussen, mee dat ass jo hei och net Thema, an dofir wéi gesot, gitt eis nach vläit déi puer Erklärungen, firwat et awer elo amplaz dass de Lycée nëmme Euro wéi et virgesi war, elo muss Euro bezuele pro Joer a wéivill mir musse bezuelen. Merci. Josiane Ries Di Bartolomeo (LSAP): Merci, ech hu just eng Fro: Déi Salle de musculation, dat ass jo CAD-Power, wéi gëtt déi gehandhaabt, do gehéieren d Apparater eis net oder wéi geet dat? De Sall gehéiert eis, mee wéi gëtt dat geregelt mat den Apparater? Colette Kutten (Déi Gréng): Och nëmmen eng kleng Fro: Wie sinn eis Vertrieder an der Kommissioun vun dem Centre Hartmann? Dan Biancalana (LSAP Buergermeeschter): Da ginn ech elo op déi verschidde Punkten an. Also, als Präzisioun, déi Euro, dat war einfach eng Avance, déi de Staat eis ginn huet well mir jo nach kee Referenzjoer haten, dat hu mir awer elo 2017, mir wësse wat dat Ganzt eis kascht huet, wat de Lycée eis Kascht fir d Joer 2016 an do si mir bei ,47 Euro, dat wier de Referenzwärt fir déi nächst Joeren, well mer e vollt Joer kënne mir schöpfen, et ass net esou, dass hei falsch gerechent ginn ass, ech fanne souguer, dass et gutt gerechent ass, a mir kréie Sue méi, dat misst jo hei an de Bänken appréciéiert ginn, dass mir méi Sue kréien, well hei ass jo eng Avance, kee Referenzjoer war do, dat hu mer a mir kréien Euro, wéi gesot an d Referenzjoer hu mir. Wann een awer elo kuckt, dat ass richteg, dass wann ee kuckt, fir dat doten ze rechnen, do waren effektiv Diskussioune mam Ministère, wou gekuckt ginn ass, wat ass den Notzungsgrad vun der Hal, wat ass den Notzungsgrad vun der Piscine, an do kënnt een am Fong op Käschten, déi netto ëm déi Euro si fir dee ganzen Hartmann. Do ass alles dran, do ass natierlech den Elektresch dran, do ass de Personal dran, d Assurancen, alles wat ee ka maachen, well mer hei no enger Comptabilité analytique fueren, hei sinn och nach d Amortissementer dran, an natierlech geet dat erof well mer jo Ofschreiwunge maachen. Mir maachen hei eng Comptabilité analytique wou herno wäert erof goen, an hei si mir net am klassesche System vun engem klassesche Gemengebudget, hei ginn och Ofschreiwunge gemaach, hei fënnt een alles dran erëm wat do gehandhaabt gëtt, dat heescht vu Frais-postauxen, Personal, Charges personnelles, alles gëtt opgelëscht, well et ass dat wat wichteg ass fir de Centre sportif René Hartmann. Dat zu de Frais-de-fonctionnementen. Dann nach d Vertrieder, normalerweis ass dat e Vertrieder vum Schäfferot, respektiv de Comptabel, deen dobäi ass, fir iwwert dat ze kucke wann déi Konte gemaach ginn.

56 RAPPORT 56 Loris Spina (LSAP Schäffen): Ech wollt dann nach dat eent oder anert dobäi fügen, well d Schwämm jo net dozou gehéiert, wëll ech dann och nach eng Kéier erwänen, dass mir trotzdem méi Stonne fir de Public, fir eis Bierger, zur Verfügung stellen, wat d Schwämm unbelangt, ouni déi Coursen déi ugebuede ginn, mee dat ass jo net Thema wéi d Madame Kayser sot, dofir hunn ech dat elo nach eng Kéier präziséiert. Ech wollt awer och nach eng Kéier op d Fro vun der Madame Di Bartolomeo agoe wat den CAD-Power ubelaangt, also dat ass eng ASBL, wou ee Member ka ginn an sech dann do, wann een dat kotiséiert, dierf eragoen an d Apparater benotzen. D Apparater gehéieren der ASBL, déi hunn si och mat hire Sue kaf, mir als Gemeng stellen hinne Raimlechkeeten zur Verfügung, dorops hin hunn si sech engagéiert, engersäits, dass de Lycée och dierf déi Raimlechkeeten a Geräter notzen. Och do hate mir eng Entrevue mat hinnen zesummen, a wéi enger Form dat dierf genotzt ginn, well dat war an der Vergaangenheet ëmmer ganz evident, dat heescht et ass zäitlech limitéiert, et muss och ëmmer en Encadrant dobäi sinn, respektiv e Sportsprof, wann d Schüler d Geräter benotzen an d Zuel ass gedeckelt ginn, sou dass déi normal Membere vum CAD Power och kënnen hirem Sport nogoen. An natierlech, eis Veräiner déi sollen och kënnen zu engem ganz gënschtege Präis mat hire Membere de Sall notze fir d Virbereedungen op hir Competitiounen. Dat ass am Fong geholl wéi den CAD-Power funktionéiert. Merci. Michèle Kayser-Wengler (CSV): Ech hunn nach nach eng Zousatzfro, also eng, déi net beäntwert gouf. Ech hat gefrot, ob een dat da kann oplëschten, ech hunn awer elo misse schlécke bei 2,8 Milliounen Euro Fraisë fir dee ganzen Hartmann. Ob een dat dann och kann oplëschte wat dann elo d Schwämm kascht a wat d Sportshale kaschten an ech hat gefrot wéivill de Lycée pro Schüler bezilt, well do steet jo Coût par visiteur an der Schwämm. Dan Biancalana (LSAP Buergermeeschter): Also, de Coût par visiteur, dee Schlëssel, deen hei geholl gëtt, dat si ronn 16 Euro, déi do gefrot ginn, an de Lycée huet ronn Visiteure wat d Schwämm ugeet. Esou ass de Schlëssel, dat gëtt ëmmer estiméiert vu Joer zu Joer och en fonction vun der Population sco- laire. Dofir sinn dann och déi Comités de gestion wichteg, wou ee seet, mir hunn esouvill Schüler, esouvill Notzungen, an da gëtt dat gerechent. Michèle Kayser-Wengler (CSV): Et wier villäicht flott wa mir do eng Kéier transparent den Dossier kéinte kucken. Merci. Dan Biancalana (LSAP Buergermeeschter): Voilà, da komme mir zu der Ofstëmmung zu dëser Konventioun, wien ass domat averstanen? Dat ass unanime. Merci Approbatioun vun der Konventioun mat dem Logements ministère iwwer de Subventionnement vun de Sozialwunnengen Da komme mir zu der nächster Konventioun, déi mir mam Logementsministère hunn, dat sinn d Subventioune fir déi 2 Wunnengen déi mir Am Duerf kaf hunn, an do kréie mir am Fong vun de Wunnengen an der A-Klass Euro mat der TVA. Dat sinn déi Wunnengen, déi mir kafen an do och fir déi Suen ze kréien, musse mir hei déi Konventioun an de Gemengerot ginn, nach muss ech soen, dass mir jo déi heiten Acquisitioune gemaach hu mat 17% TVA, déi spillen. Voilà, dat zu der Konventioun Am Duerf. Michèle Kayser-Wengler (CSV): Merci, jo och dozou, Dir braucht net ze blosen, et ass e groussen Dossier, dofir schwätze mir jo iwwert all Punkt an dat dauert dann eben. Wat ech wollt soen, et ass jo elo sou mat deene Logements subventionnés, dat ass jo eng Verpflichtung, wann een eppes baut da muss een 10% Logement subventionné maachen. Am Duerf sinn 100 Wunneenheeten, da sinn 10 Wunnenge subventionéierte Logement. D Prozedure ass jo esou, de Promoteur, dee sicht Propriétairë fir an déi Wunneng um fräie Marché, duerno kann d Gemeng während 12 Méint e Virkafsrecht geltend maachen, a mir hu vun dem Virkafsrecht profitéiert fir 2 Wunnengen ze kafen an elo ass meng Fro: Wat ass mat deenen aneren 8 Wunnengen, well et ass jo esou, wa mir déi net als Sozialwunnenge kafen, dat heescht wann de Promoteur se net als Sozialwunneng lass gëtt, da kann en se als normal Wunneng verkafen.

57 RAPPORT 57 Mir froen dat, well mir hu grad erëm gesinn, och an den Depensen an hei an do, an dem Restantenetat, dass awer e grousse Bedarf ass fir Sozialwunnengen ze schafen a mir haten och deemools gefrot firwat hëlt d Gemeng net méi Sozialwunnengen am Duerf. Déi selwecht Fro ass och fir op Lenkeschléi, en plus, mir hu jo gesinn, mir ginn zu 75% subventionéiert vum Staat, de Besoin ass grouss, mir hunn am Office social Leit, déi sech och kéinten ëm déi Leit këmmeren, déi géifen an déi Sozialwunnengen eragoen oder iwwer de Projet Perspectives oder Profamila oder sou weider. Dat war wéi gesot eng Fro, firwat mir net méi Wunnengen op deene Sitë kafen. Oder ass eppes geplangt oder hutt Dir do en Dialog mat dem Promoteur opgeholl? Wat ech awer ganz witzeg fannen, elo kennt hei mol e bëssen eppes Lustiges eranner, am Artikel 6 do steet sou léif dans tous les documents et diffusions destinées à la communication au public an esou weider la commune s engage a réproduire le logo du Ministère du Logement à côté du sien, accompagné de la mention avec le soutien financier de. Heiansdo huet een d Impressioun, wann een sou Verëffentlechunge gesäit vun eiser Staat Diddeleng, da vergësst den Schäfferot dat heiansdo, dass Saache mat finanzéiert gi vum Ministère, oder dass et e private Projet ass, fannen ech ganz lusteg, dass se dat hei dra geschriwwen hunn. Merci. Joseph Thill (Déi Lénk): Ech faasse mech kuerz, mir hunn déi selwecht Fro wéi déi, déi d Madame Kayser elo grad gestallt huet. Merci. Josiane Ries Di Bartolomeo (LSAP): Also, ech äntweren net op déi Fro, dat kann de Buergermeeschter maachen. Ech muss nach soen, mir hunn do 2 Wunnenge kaf a Madame Kayser, Dir sidd déi ganzen Zäiten amgaangen ze soen Passt op mam Budget, nach wann esou Leit an sou en Appartement gesat ginn, déi ginn net einfach fräi lafe gelooss, déi kréien eng Betreiung, déi hunn e Projet de vie, déi kréien e Suivi gemaach, dat kascht alles Personal, si mir dann och bereet 100 Wunnengen ze kafen an dann ze soen et war net néideg well et kee Personal gëtt, gëtt de Budget dat hir? Ok, iwwerhaapt, bei der Schoul? Ah Ok, tipptopp, Merci. Dan Biancalana (LSAP Buergermeeschter): Gutt, éier elo hei eng allgemeng Diskussioun ufänkt, komme mir nach an de Kader zeréck. Huet nach een eng Stellungnahm ze huelen? Colette Kutten (Déi Gréng): Deene Froen schléissen ech mech och un, déi Froe sinn och aus eiser Siicht wichteg, déi d Madame Kayser scho gestallt huet. Ech wollt och nach froen, wéi eng Kategorie Leit komme fir dës Wunnengen a Fro? A wat ass d Héicht vum Loyer? Dan Biancalana (LSAP Buergermeeschter): Also, Dir wësst jo, dass dat heiten e Package ass dee mir dem Office social zur Verfügung gestallt hunn an dem Verwaltungsrot vum Office social, an den Office social och hei dat heite mat geréiert, et ass keen neie Moment, dat heescht déi heite sinn an dem Package vun de Wunnengen, déi si ganz kloer géréieren. Dofir si mir hei an enger Situatioun, hei gëtt ëmmer e Loyer gefrot well mir hei Raim hu mat 2 Schlofkummeren, respektiv mat enger Salle de bain, do leie mer zwëschent 500 an 700 Euro, déi gefrot gi fir déi Leit, déi dohinner kommen. Hei ass eng Fro, déi net den Diddelenger Gemengerot alleng regele kann, mee déi um nationale Plang muss geregelt ginn, well mir hei an der Situatioun si vun deenen 10%, déi e private Promoteur regelt, wou sécherlech d Gemeng Wunnenge ka kafen, wat mir jo och maachen, mee de Logementsministère affichéiert ëmmer 75% och wann et de facto ni 75% sinn, déi mir kréien. Ech wëll hei soen, de Subsid dee mir hei kréien, dat sinn 58% an net 75% well et maximal gedeckelt ass, dat heescht wa mir hei méi Wunnenge géife kafen, géif et d Gemeng méi kaschten a mir géifen net dofir méi Subsid kréien. An dat ass generell de Problem, deen national geléist muss ginn. Wann natierlech de Promoteur Publique baut, dee baut aneschters wéi effektiv e private Promoteur mat anere Präisser, dofir, dat wat ëmmer affichéiert gëtt vum Ministère, an och erzielt gëtt, 75% dat ass net ëmmer richteg, well et effektiv och gedeckelt ass,. Den eenzegen Ënnerscheed, dee mir hei hunn, respektiv zu Lenkeschléi, do hu mir selwer an d Konventioun dra geschriwwen dass mir e Virkafsrecht hunn als Gemeng wat hei net de Fall ass, dat heescht.

58 RAPPORT 58 Dofir hu mir op Lenkeschléi der 2 och schonns kaf, respektiv sinn do Zuelen en fonction vun der Weiderentwécklung vum Projet op Lenkeschléi fir dass mir dat weider konsequent duerchzéien, well mir do e Virkafsrecht hunn, wat hei automatesch net ass. Mee dat heite si Situatiounen, wou d Gemeng Diddeleng net alleng ass, wou och schonns um nationale Plang, an anere gemengen d Situatioun sech gestallt huet, dass een déi 10% net lass gëtt, an dass dann dat op den nationale Marché kennt, respektiv awer och hei Leit an der Situatioun sinn, dass se net vun de Banken deen néidege Prêt kréie fir de subventionéierte Wunnengsbau. Mee bon, komme mir zeréck an de Kader vun der Konventioun, hei geet et dorëms, dass mir iwwert déi Konventioun Sue vum Staat kréien an dat an der Héicht vun Euro. Michèle Kayser-Wengler (CSV): Entschëllegt, ech hat awer nogefrot, wéivill Wunnenge sinn dann nach net verkaf vun deenen 10 Wunnengen, déi mussen als Sozialwunnenge verkaf ginn. Dan Biancalana (LSAP Buergermeeschter): Et sinn der zwou oder dräi verkaf ginn an déi aner sinn an der Locatioun well se dann zeréck falen. Dat ass jo déi Klausel. tion op deenen 10% dat sinn am ganzen 20 Wunnengen, op déi hu mir e Virkafsrecht, dat heescht, mir ginn do fir d éischt gefrot. Da géife mir zur Ofstëmmung vun där Konventioun kommen. Wien ass domat averstanen? Merci, dat ass unanime, déi ginn dann och an d Gemengekees Approbatioun vum Contrat de bail mat dem Portier vun der Schoul Brill Dan Biancalana (LSAP Buergermeeschter): Da fuere mir weider an da komme mir op de Contrat de bail an der Schoul Brill. Do geet et ëm de Contrat de bail zwëschent der Gemeng Diddeleng an dem Här Ferreira, deen neie Concierge ass an der Schoul Brill. Do ass eng Dengschtwunneng, an déi stelle mir zur Verfügung, fir eng vun deenen, wann net déi gréisste Schoul, déi mir hei zu Diddeleng hunn. Wéi gesot, et ass en Appartement an der Schoul selwer an de Contrat de bail fänkt den 1. Juli 2017 un, bis den 30. Juni 2018 da geet e weider vu Joer zu Joer, 551, 25 Euro froe mir him do als Loyer mat enger Adaptatioun all 3 Joer. Dat ass zu dem dote Contrat de bail wat deen dote Loyer ugeet. Michèle Kayser-Wengler (CSV): Kënne mir dann net awer nach nohake well ech denken, dass vun alle Bänken awer erkannt gouf, dass do e grousse Besoin ass, a wa mir nëmmen 58% kréien, dat ass jo awer en Invest, dee mir musse maachen, wann ee kuckt wéivill Leit a schlechte Situatioune sinn, mir mussen awer do méi aggressiv virgoen, fannen ech. Dan Biancalana (LSAP Buergermeeschter): Also, mir hu jo den Droit de préemption, dee mir spille loosse bei Lenkeschléi, hei ass den Delai vis a vis vun der Gemeng wou se konnt zougräifen, deen ass eriwwer, do hate mir Diskussioun driwwer, et war konventionell festgehale ginn. Deen ass eriwwer, dofir hu mir aus deem geléiert dofir hu mir am Kader vu Lenkeschléi dra geschriwwen, dass mir en Droit de préemption hunn. Op deem Ganzen, ech weess net méi genee wéivill et der sinn, mee mir hunn op alle Fall en Droit de préemp- Michèle Kayser-Wengler (CSV): Merci Här Buergermeeschter. Mir hu gesinn, mir hunn elo iwwert dat neit Bildungshaus op Lenkeschléi geschwat, do ass och keng Portjerswunneng virgesinn, mir bauen de Stade Kennedy ëm a Sozialwunnengen, an de Lycéen ass och keng Conciergeswunneng méi firgesinn, déi ginn ofgeschaaft. Dofir ass meng Fro: Ass dat nach zeitgemäss? Ech well elo net déi Persoun iergendwéi attackéieren, mee et ass einfach, ass et nach zäitgeméiss dass mir e Portier an eng Schoul setzen? Et ass jo och sou, dass eist Personal mobil ass, d Botzpersonal, d Portiere si mobil, meng Fro ass nämlech: Wéi eng Job description kritt ee mat op de Wee wann ee Portjer ass an enger Schoul an et wunnt een do? Muss een da Schnéi schëppen, muss ee streeën? Ech hunn héieren, dass dat net ëmmer esou eendeiteg ass. Ech schwätzen elo guer net vun dem Här hei gellt, guer net. Wéi eng kleng Reparature muss ee maachen, wéi eng

59 RAPPORT 59 Disponibilitéit muss de Portier hunn, dee jo awer fir en absolut moderate Loyer do sëtzt, an de Vakanzen? An dann, wéi gesot, wéi gëtt et an anere Schoule geregelt? Wou kee Portier ass, wéi leeft dat do mat der Portiersaarbecht? Dat ass jo awer eppes wat Leit dobausse gäre géife wëssen. Merci. Dan Biancalana (LSAP Buergermeeschter): De Prinzip ass hei keen anere wéi soss wou mir bei grousse Schoulen och ëmmer e Portier hunn, dee bei ville Saache sollicitéiert gëtt, vum edukative Personal an och vun de Maison Relais wann eng dobäi ass am Alldag fir engersäits generell Aarbechten an der Schoul, am Gebai selwer, fir administrativ Aarbechten, en huet och Kontakt mat eise Regiebetriber, wa Saache musse gefléckt ginn, wann extern Firme komme vu baussen, mécht hie Koordinatiounsaarbecht sur place, hie muss och mueres an owes seng Ronngäng maachen, hie muss och kucken dass alles propper bleift, also et ass schonns a gréissere Schoulen, wou mir Portierswunnengen hunn, vu Wichtegkeet, dass een eng Persoun op der Plaz huet. An ech mengen dass dat heiten eng grouss Schoul ass, an dass mir do sollten e Portier hunn. Do wou mir keen hunn, do hu mir ëmmer eng Brigade mobile, also vu Conciergen, déi a méi klenge Gebaier higinn, an do d Fléckaarbechte maachen, respektiv kucke wann do Saachen ze maache sinn, wéi zum Beispill d Schoul Balzeng oder am Quartier Italien, do hu mir sou eng mobil Equipe. Sidd Dir mat deem Contrat de bail averstanen? Dat ass unanime. Merci dem Gemengerot dofir Approbatioun vum Devis fir d Erneierung vun der Waasserzoubréngerleitung vum Drénkwaasserreservoir op der Weich Approbatioun vum Spezialkredit fir d Erneierung vun der Waasserzoubréngerleitung vum Drénkwaasserreservoir op der Weich musse frësch maache well wéi mir op der Weich d Waassernummere frësch gemaach hunn, huet sech erausgestallt wéi mir déi Leitung ausser Kraaft gesat hunn, dass d Bannensäit raschteg ass, dat kann zu Verkeimunge féieren an d Qualitéit vum Drénkwaasser beeinträchtegen an dofir ass hei och d Propos vun eise Servicer, dat frësch ze maachen. Da kënne mir dat erëm a Betrib huelen, wat net onwichteg ass, vu dass mir wëssen, dass ee vun deene wichtegen Drénkwaasserbehälter hei an Diddeleng ass, mir hunn hei eng al Leitung aus Goss, déi muss ersat ginn, a mir hu jo ëmmer hei Saachen, déi mir ersetzen duerch Polyethylen, dat heescht fir och eng besser Qualitéit ze bidden, an dofir musse mir hei en Devis an e Crédit spécial an der Héicht vun Euro vum Gemengerot stëmme loossen. Jean-Paul Gangler (CSV): Ech hu just eng Fro: Do ass jo natierlech den hygieneschen Aspekt, wéi ass et mam Verloscht? Ass do och e Problem, dass Waasser verluer geet? Dan Biancalana (LSAP Buergermeeschter): Nee hei ass et reng aus Hygiènes- a Qualitéitsgrënn, dass mir dat maachen. Ass de Gemengerot domat averstanen? Dat ass unanime, Merci Verdeele vun ausseruerdentleche Subsiden Dan Biancalana (LSAP Buergermeeschter): Da komme mir zu de Subside-extraordinairen, dat sinn der zwee Stéck, engersäits fir d Association nationale des victimes de la route, déi kréien 150 Euro, an d Gëlle Joeren - Amicale fir eeler Leit krit fir hiren 30. Anniversaire 250 Euro. Ass de Gemengerot mat deene Subside-extraordinairen averstanen? Dat ass unanime, Merci. Dan Biancalana (LSAP Buergermeeschter): Da komme mir zu engem Devis an engem Crédit spécial vun Euro, dat ass op der Weich wou mir am Fong fir Euro d Haaptzoubréngerleitung

60 RAPPORT Approbatioun vun Dekonten Dan Biancalana (LSAP Buergermeeschter): Da fuere mer weider a mir ginn op d Dekonten. Dat ass en Dekont vun der Étude générale d assainissement, déi mer hu misse maachen, dofir hu mir den Dekont, mir haten Euro ageschriwwen, et huet eis Euro kascht, et ass eng Analys iwwer de gesamte Kanal hei zu Diddeleng, an iwwert den Dekont, wann dat gutt geheescht gëtt, maache mir och de Wee fräi vun engem Subsid, dee mir vum Staat kréien an der Héicht vun ,95 Euro. Dat fir den Dekont, deen hei virläit, ass de Gemengerot domat? Dat ass unanime. Merci Approbatioun vun der Konventioun mam Ministère de l Économie, Technoport S.A. an dem GIE Luxinnovation iwer d Gestioun vum Innovation Hub Diddeleng Approbatioun vun der Konventioun mam Ministère de l Économie iwwer d Prise en charge vun der Renovatioun vun engem Deel vum Gebai op 100, route de Volmerange fir d Installatioun vum Innovation Hub Diddeleng Approbatioun vum Contrat de bail mat dem Fonds pour le Développement du Logement et de l'habitat iwwer d Locatioun vun engem Deel vum Gebai op 100, route de Volmerange fir d Installatioun vum Innovation Hub Diddeleng déi 5 Punkte beieneen huelen, an och presentéieren. Dee Projet, dee mir hei hunn, ass e wichtege Projet fir d Stad Diddeleng, well et eng Première fir dës Stad ass, well et e Pilotprojet ass, dee mir hei aginn, a well et och e Projet ass, deen e Sprangbriet, respektiv e Virreider ass fir d Start-upen, deen sech herno mëttela längerfristeg wäerten op Neischmelz etabléieren. Dir wësst, dass mir am Kader vum Plan Directeur Neischmelz de Laminoir virgesinn hu fir Start-upen do unzesidelen an iwwert deen heite Projet droe mir och dozou bäi, dass awer och schonns an enger provisorescher an transitorescher Phas Notzung ka stattfannen op Neischmelz iwwert Aktivitéiten, déi innovative Charakter hunn, an droen natierlech och zu enger weiderer Identitéit zum Projet Neischmelz ganz kloer bäi. Deen heite Projet, dee mir ëmsetzen, dee setze mir net als Gemeng Stad Diddeleng alleng ëm, mee mat 3 strategeschen, wichtege Partner, engersäits de Wirtschaftsministère, engersäits Luxinnovation an engersäits den Technoport, also wierklech Partner, déi och deen néidegen Know how hu fir eis an deem dote Prozess ze begleeden, an deem Innovation Hub Diddeleng, dee mir wëllen usidelen. Historesch gesinn hunn déi Diskussiounen ufanks 2016 ugefangen, wéi dat Gebai, dat mir beim Fonds du logement elo lounen, dat am Fong historesch gesinn dat läscht administratiivt Gebai ass hei zu Diddeleng vum LDD, wou 2005 d Dieren zougemaach hunn, dat bei der franséischer Grenz ass, vis-à-vis vun der Total Tankstell, wou een Deel vun dem Gebai de Fonds du logement enger Sociétéit verlount Approbatioun vum Devis estimatif fir d technescht d Instandsetze vum Gebai op 100, route de Volmerange zu Diddeleng fir d Installatioun vum Innovation Hub Diddeleng Approbatioun vum Crédit spécial fir d technescht d Instandsetze vum Gebai op 100, route de Volmerange zu Diddeleng fir d Installatioun vum Innovation Hub Diddeleng Dan Biancalana (LSAP Buergermeeschter): Da géif ech proposéieren, dass mir weiderfuere mat dem Innovation Hub Diddeleng. Do hu mir eng ganz Rei Konventiounen, Kreditter an och e Contrat de bail virleien, ech géif och Deen aneren Deel vum Gebai ass eidel an et ass deen, wou hei am Spill ass, et ass dat deen Deel wou mir hei loune fir déi Virreiderroll vun de Start-upe vun Neischmelz hei kënnen ze maachen. Mir lounen hei 527 Quadratmeter, dovunner si gutt 338 Quadratmeter fir Bureausfläch virgesinn, wou dann de Fonds du logement eis dat zur Verfügung stellt iwwert e Contrat de bail. Deemools hate mir Diskussioune mat der Arcelor, mä wéi do am Summer den Deal gemaach gouf vun der aktueller Regierung mat Arcelor ronderëm deen neie Sëtz vun Arcelor, do ass och déi dote Fläch an de Besëtz komm vum Fonds du logement an do hate

61 RAPPORT 61 mir de Fonds du logement als Promoteur public, dee fir eis an d Diskussioun mat era getrueden ass, fir déi Locatioun kënnen ze maachen a parallel hu mir mat Luxinnovation an och mat Technoport d Diskussioune weider gefouert, wat effektiv d Konzept, respektiv d Animatioun vun deem dote Projet ugeet. Dat heescht, Dir hutt engersäits hei e Contrat de bail virleie mam Fonds du logement, ech géif dee mol vläit fir d éischt huelen, wou si eis dat dote Gebai verlounen, déi 527 Quadratmeter, déi sinn um éischte Stack vun deem Gebai mat 20 Parkflächen am Gebai selwer, um éischten Etage a mir kréien déi gelount, a mir hunn d Méiglechkeet sou wéi et an dem Contrat de bail steet, dass mir d Sous-locatioun kënne maachen als Stad Diddeleng un déi Start-upen. Et ass natierlech esou, dass mir déi Sous-locatioun hei am Contrat de bail dra stoen hunn, an dass mir och iwwert deen dote Wee e Loyer hei gefrot kréien, deen an der Héicht ass vun Euro de mount, mat Chargë vun 507 Euro de Mount an de Contrat de bail leeft ab dem 1. Juli un. Mir brauchen awer réischt den 1. Januar 2018 den éischte Loyer ze bezuelen, well an der Tëschenzäit déi néideg Modernisatiounsaarbechte gemaach ginn an deem dote Gebai, respektiv awer och déi néideg Zäit genotzt gëtt fir Prospektioun ze maache vu Start-upen, obwuel schonns verschidde Start-upen ugeklappt hu fir dohinner kënnen ze kommen, well deen heite Projet sech awer schonns iergendwéi rëm geschwat huet iwwert d Luxinnovation an den Technoport, well déi hir Expertise an hiren Know how hei mat afléisse loossen. Dat zum Contrat de bail, deen eis mam Fonds du logement hei verbënnt, deen natierlech och e Partner war fir deen heite Projet mat eis ëmzesetze well och si Développeur um Site sinn, a mir och alleguerten hei der Meenung sinn, dass ee scho soll um Site selwer eng héich Aktivitéit hunn. Dann hu mir déi Konventioun hei zwëschent dem Wirtschaftsministère an der Stad Diddeleng. Et ass esou, dass estiméiert gouf, dass fir den Deel en Invest muss getätegt ginn, vun Euro TTC fir dat Gebai weider ze moderniséiere a fit ze maache fir Start-upen, an dat och kënne weider ze verlounen, mat dem ganze Package, deen een deenen Entreprisë gëtt. Et muss een also en Invest getätegt gi vun Euro, an am Kader vun där heite Konventioun ass de Wirtschaftsministère bereet, Euro ze iwwerhuelen, sou dass am Fong just nach 20% vu Fraisen un der Gemeng Diddeleng bleiwen. Dat ass par rapport zu deem dote Volet, mir mussen natierlech prefinanzéieren, schécken d Rechnungen eran a ginn herno zu 80 % do iwwerholl. Wat natierlech hei d Critères d éligibilté si vun deene Start-upen, déi hei op Diddeleng kommen, dat sinn 2 Voleten an dat sinn engersäits déi Start-upen, déi ënnert 2 Joer hunn, dat heescht, déi sech nei kreéieren, déi hei zu Lëtzebuerg kreéiert ginn, an déi däerfen also och an der Sous-locatioun maximal 5 Joer bleiwen. A mir hunn och déi Start-upen, och do ass e Besoin, dass déi heite Struktur eng Structure relais oder eng Maison Relais ass fir déi Start-upen, déi méi al wéi 2 Joer sinn, an éier se wierklech ganz eegestänneg kënne funktionéieren, an an enger transitorescher Phas hei op Diddeleng géife kommen. Also, mir decken iwwert deen heite Wee 2 Voleten of vis-à-vis vun deenen dote Startupen an et ass geplangt, dass hei sou wéi et ausgesäit Bureaue fir Start-upe kënnen amenagéiert ginn, déi sech dann hei zu Diddeleng kënnen nidderloossen. Dann ass den 3. Deel natierlech hei dee Crédit spécial, an deen Devis estimatif, dee mir hei dem Gemengerot ënnerbreeden, vun deenen Euro, déi mir stemme musse loosse fir déi Modernisatiounsaarbechte kënnen ze maachen. Dann ass natierlech deen anere Volet, an dat ass d Konventioun zwëschent der Stad Diddeleng an dem Luxinnovation an dem Technoport, wat net onwichteg ass, wou engersäits d Luxinnovation an den Technoport iwwert hir Expertise den direkte Kontakt mat de Start-upen hunn, engersäits déi sech hei kreéiere well och do direkt de priviléegiéerte e Kontakt hunn iwwer de Wirtschaftsministère, respektiv awer och den Technoport Kontakt huet mat de Start-upen déi deelweis schonns hir Preuvë gemaach hunn, aus dem Technoport eraus ginn, an natierlech fir den Innovation Hub do eis engersäits probéieren ënnert d Ärem ze gräife well se dee Kontakt do hunn, respektiv awer och sech bereet erklären, iwwert déi dote Konventioun natierlech eng Selektioun ze maache vun den Entreprisen, vun de Start-upen, mir als Stad Diddeleng awer schlussendlech dat lescht Wuert hunn, wéi eng Entreprisen op Diddeleng kommen, dat heescht, mir kucken dat mat hinne partnerschaftlech.

62 RAPPORT 62 Si bekëmmeren sech awer och ëm d Animatioun, dat heescht et ass e Conseiller Start-up, deen awer och op der Plaz ass, mindestens 1/2 halwen Dag d Woch deen och déi Start-upe begleet an och beréit an hirer Begleedung, an hirer Orientatioun hei zu Diddeleng. Dann ass de ganze Volet ronderëm d Kommunikatioun, ronderëm den Innovation Hub Diddeleng, deen si maache mat der Gemeng zesummen. Wat mir era bruecht hunn als wichtege Kritär, dass déi Start-upe fir se och un Diddeleng ze bannen, engersäits déi Journée Porte Ouverte solle maachen, dass d Leit och kënnen dohinner goen an en Dialog, en Échange kënne maache mat de Start-upe wat se och do maache well mir an engem innovative Beräich sinn. D Iddi ass och, dass mir oppe si vis a vis vun deene Start-upen déi sech hei usidelen awer och Start-upe wëllen hunn, déi am Beräich vun den Eko-Technologien aktiv sinn, well och Neischmelz en Eko-Quartier gëtt, also och do de Lien schonns maachen an den Terrain preparéieren, an awer och Synergië solle stattfannen tëschent deene Start-upe mat de Schoulen, sief dat mam Fondamental, sief dat awer och mat de Lycéeën, dass och do si en Abléck kréien iwwert déi Innovatioun, déi an deene Start-upe stattfënnt, wat se och kreéieren. An deen aneren Deel, dass solle Synergië kënne stattfannen zwëschent de Start-upen an de Gemengebetriber a béid Richtungen ass dat net onwichteg, a mat den Entreprisen déi um Diddelenger Territoire täteg sinn. Déi heite Conventioun ass en vigueur ab deem Moment, wou se hei gutt geheescht gëtt, bis den 31. Dezember 2019 a kann dann natierlech vu Joer zu Joer weidergefouert ginn. Ech mengen, dat hei also ganz kloer d Innovatioun am Vierdergrond steet, an iwwert deen heite Projet, iwwert d Innovatioun och nei Aarbechtsplaze kreéiert ginn an och eng ganz Rei Synergien, an awer och Tëschennotzunge kënne stattfannen an och eng preparativ Phas ka stattfanne fir de Laminoir am Kader vum Projet Neischmelz. Et ass e Projet, wou mir op eiser Säit ganz wichteg Acteuren hunn, ganz strategesch methodologesch Acteuren, déi eis do begleeden an och hei nei Weiche setzen an der Stad Diddeleng wat d Innovatioun ugeet. Dat als Erklärung zu dem Gesamtprojet, et sinn eng ganz Rei Bausteng, déi zesumme komme fir de Projet hei op Orbit ze setzen nodeems hei de Gemengerot eis gréng Luucht gëtt, fir dass mir dat kënnen zesumme fir Diddeleng ëmsetzen. Voilà, dat zu den Erklärungen iwwer en Innovation Hub Diddeleng an d Diskussioun ass op. Jean-Paul Gangler (CSV): Merci, wann een Iech héiert schwätzen, dann ass alles super verständlech fir Iech an et schéngt alles gutt duerchduecht ze sinn. Ech fannen dat gutt, ech muss awer elo éierlech soen, ech hunn e klenge Problem well ech net richteg gesi wat do leeft. Et kann een elo soen, ech informéiere mech net genuch ronderëm, ech hu mech mol informéiert wat am Technoport leeft, do sinn och schonns där Start-upen, a mir fannen et natierlech gutt, dass jonk Betriber déi eng super Iddi hunn, déi eng flott Maschinn entwéckelen, dass déi eng Platz kréien, wou si sech kënnen usidelen. Mir fannen et wichteg, dass dat am Hibléck op eisen Nullemissiounsterritoire op der Neischmelz gemaach gëtt, mee ech froe mech: Wat maachen déi Leit? Dir sot, si kréien e Support, wat kréien se? Oder si kréien e Bureau, wat maachen se mat deem Bureau? Oder, huele mir un, do ass een dee wëllt eng Maschinne baue fir aus Piff Waasser ze maachen, kritt deen eng Hal wou deen déi Maschinn kann zesummebauen? Kritt deen nach weider logistesch Méiglechkeeten, oder bleift et hei just bei engem Bureau? Wat maachen se an deem Bureau, weisen se wat si maachen, loossen se Leit dohinner kommen, schwätzen se mat anere Start-upe fir sech zesummenzedoen, loossen se d Gemengevertrieder komme fir ze erklären, wat si kënnen? Ech wéisst am Fong gären, wat do d Méiglechkeete si vun deene Start-upen. Bleift et bei engem Bureau oder kréien se eppes méi Komplexes do gebueden? An dann ass déi Saach mam Loyer: Mir bezuelen do déi an eppes Euro. Ass dat esou geduecht, dass d Gemeng deen alleng bezilt oder geet d Gemeng herno bei déi zwee aner Partner, Technoport a Luxinnovation, an deelt de Loyer mat deenen oder bleift et op der Box vun der Diddelenger Gemeng?

63 RAPPORT 63 Da sot Dir, d Stad Diddeleng mécht schlussendlech déi Selektioun vun deenen Dossieren. Op wat fir Kritären? Dir loosst Iech da berode vun Technoport a Luxinnovation, wat fir eng Betriber wieren interessant fir unzesidelen, mee op wéi enge Kritäre maacht Dir Är Selektioun? An zum Beispill, Technoport ass jo schonns zu Belval, si hunn natierlech dee grousse Virdeel, sinn no bei der Uni, dat hu mir hei net, mee do si schonn elo Betriber ageschriwwen, déi schonns drop funktionéieren, déi gesäit ee bei hinnen um Site. Ass et fir esou e Betrib och méiglech, dass deen elo zum Beispill wann e mengt, en hätt méi mat Neischmelz ze dinn, och kann heihinner kommen, oder sinn déi Betriber doduerch, dass se schonns bei Technoport waren, blockéiert, sou dass se net méi dierfen op eng nei Platz wéi zum Beispill eisen Innovation Hub kommen? An da mat der Finanzéierung: De Loyer, op wie gëtt deen opgedeelt? A virdrun hat Dir eppes gesot vun Euro. Do hunn ech elo net richteg verstanen, well ech hat gemengt, et wieren 80% vun deenen Euro, déi mir vum Ministère géife kréien, dat heescht Euro. Et sinn 80%. Ech hat eppes vun Euro héieren, dat gouf da falsch verstanen, dat ass dann och kloer. An nach eng Detailfro: Wann ech richteg verstanen hunn, ass dat doten een Deel vun dem ganzen Areal wat net verseucht ass, also déi Problematik ausser Uecht ass. Mee meng gréisste Fro ass einfach, well ech mat dem Englesch a mat deem Villen, wat hei als selbstverständlech higestallt gëtt, net richteg weess: Wat maachen déi Leit do, wat kréien se fir Méiglechkeeten, wéi kënnen se hir Firma etabléieren oder ass et just nëmmen eng Visitëkaart, eng Schaufënster vun hirem Betrib, déi se do kënnen opmaachen? Wann Dir mir dat vläit e bëssen erläutere kéint. Merci. Colette Kutten (Déi Gréng): Merci, mir fannen déi Iddi vum Innovation Hub eng gutt Iddi. Et ass eng gutt Initiativ well se erlaabt ze testen, ob de künftege Standuert Neischmelz och schonns elo fir esou innovativ Betriber interessant ka sinn. An et ass och sécherlech nëtzlech, dass d Gemeng dat heiten net wëllt am Alleingang duerchzéien an sech do kompetent Partner sicht. Och wann d Gemeng Déifferdéng hire 1535 Creative Hub an Alleinregie gemaach huet, do war dat och en anere Creneau, wou et méi einfach war eng Iwwersiicht iwwert déi Betriber ze kréien, wéi dat elo bei den technologesche Betriber de Fall ass. Mir fannen et och sënnvoll, dass Diddeleng sech wëll en eegene Profil ginn, an sech a sengem Hub vun anere Projeten differenzéiert. Als Perspektive kéint ee jo am Hibléck op de bestehenden CNA an hoffentlech déi realisabel Filmstudioe mol u Medien an audiovisuell Technologien denken an awer och u Start-upen am Beräich Mediecontenu a peripher Entreprisë vum Filmbusiness. Dat kéint eng Optioun fir den Diddelenger Standuert sinn, natierlech souwäit ass et jo och nach net. Dofir fanne mir et gutt, dass d Gemeng mat den erfuerene Partner Luxinnovation an Technoport déi virleiend Konventioun ageet, déi jo och finanziell fir d Gemeng net schlecht ausgesäit, well se am Endeffekt nëmmen 20% vun deenen Euro muss bezuelen. Déi Gréng stinn also voll hannert dëser Konventioun a ginn hiren Accord dozou. Gläichzäiteg plädéiere mir fir d Iwwergangsnotzung vun enger Hal am Beräich vun der Kreativwirtschaft, tëschent Konscht, Handwierk an Aarbechtsinsertioun. Dass dofir en Interessi besteet, ass jo déi lescht Woch an engem Biergerforum an dem Hall Fonducq erauskomm. Et gëtt e staarken Interessi vun der lokaler kreativer Zeen, anscheinend och vun der Gemeng an den Anrainer, dass während den Amenagementsaarbechte vun Neischmelz en Areal zur Verfügung steet fir un der Schnëttstell vu Konscht, Handwierk, sozialem Begéinungsuert tëschent deenen zwee Quartieren en Open Space bestoen ze loossen. Hei kéint iwwer déi nächst 3 oder 5 Joer den Usaz vum Kollectiv D weider évoluéieren. Den Hall Fonducq bitt sech natierlech un, well et den eenzegen ass deen eng Kommodo Autorisatioun huet, a fir dass déi Hal ganzjährlech genotzt ka ginn, misste liicht Infrastrukturaarbechte gemaach ginn, zum Beispill gehëtzte Containeren, wou déi Kreativ an awer och aner Leit kéinten och ausserhalb de Summerméint schaffen.

64 RAPPORT 64 Also vill Iddie sinn eben am Biergerforum op d Tapéit komm; dofir wier et gutt wa géigeniwwer der Hardware-Technologie och d Software vun der artistescher a sozialer Kreativitéit net géif ze kuerz kommen an der Gemeng, an déi zwee Volete parallel kéinten entwéckelt ginn. Nach villäicht 2 oder 3 Froen zu de Konventiounen. Engersäits, bei der Konventioun mam Ministère, do ass op der Säit 2 vun Entreprises locales rieds. Wat ass mat Entreprises locales gemengt? Dann, wéi grouss sollen d Raimlechkeete sinn, déi de Start-upen an der Regel zur Verfügung gestallt ginn? A wéi héich soll de Loyer sinn, fir deen se solle verlount ginn? An dann nach eng lescht Fro: Huet d Gemeng vir, eng Persoun anzestelle fir déi opgelëschten Aufgaben hei, déi jo och net esou minimal sinn, kënnen an Ugrëff ze huelen? Merci. Joseph Thill (Déi Lénk): Merci Här Buergermeeschter. Wat d Approche ubelaangt, déi ënnerstëtze mir voll a ganz. Et ass kloer, dass een nach net weess wéi eng Firma genau dohinner kommen, wann een awer gesäit wéi e Succès déi Initativ 1535 zu Déifferdéng an den Technoport um Belval schonn hat, dann ass et duerchaus ubruecht, e Risiko anzegoen an esou eng Struktur mol ze schafen. Wann een d Struktur net huet, da kënnen och keng Leit kommen an dofir géife mir déi heiten Approche voll ënnerstëtzen, desto méi dass jo eng Zesummenaarbecht mat Partner besteet, déi eng Experienz hunn, also Luxinnovation an Technoport. Wéi gesot, eis voll Ënnerstëtzung fir déi Approche. Ech hunn dann eng méi eng kleng Fro, déi awer net nëmmen anekdotesch ass: Mir hate schonns éineschter e Loyer vun 551 Euro de mount, also net 500 oder 600, hei hu mir erëm e Loyer vun Euro de Mount genau. Ech hu keen arithmetesche Bezuch zu der Fläch kënne feststellen, et kéint ee jo soen 4 oder 5 Euro de Quadratmeter, sou eppes hunn ech net fonnt. Dofir firwat mengen ech, dass meng Fro net nëmmen anekdotesch ass, ech géif hoffen, an ech denken, d Gemengeresponsabelen och, de Schäfferot och, hofft, dass dat heiten en éischte Schratt ass, an dass sou Saachen nach kënnen an Zukunft, wann dat heiten Erfolleg huet, weider kënnen ausgebaut ginn, oder sech weider entwéckelen. Dofir ass et villäicht net ganz onnëtz, ze wëssen, wéi een op deen heite Loyer komm ass, well dat eng Grondlag, e Prezedenzfall ass a setzt eng Basis fir Zukunft. Dofir hunn ech mir och erlaabt déi Fro ze stellen, wéi de Loyer zustane komm ass, a wéi en un déi Start-upe weidergi gëtt oder net weidergi gëtt. Ech soe Merci. Josiane Ries Di Bartolomeo (LSAP): Merci, ech mengen elo nodeems ech puer Virriedner hat, gëtt et relativ schwéier vu dass mir et all appréciéieren, wat do geschitt. Natierlech, mir lounen dat elo, dat kascht zwar Loyerskäschten a mir renovéiere mee do kréie mer jo 80% rembourséiert. Et ass en Invest an nei Aarbechtsplaze gi geschaf. Wat mir opgefall ass an dem Ganzen, mir schwätzen ëmmer vu Start-up, Start-up, ech sinn du mol gëschter higaangen an hunn nogeliest, wat Start-up eigentlech effektiv bedeit. Den Här Gangler huet sech jo do och e bësse méi schwéier gedoen. Et ass am Fong esou, dass, also wann ech et richteg verstanen hunn, Dir kënnt jo elo hei eng Kéier erklären, et gi keng Saache produzéiert, et sinn Iddien, déi entstinn, mee et gi keng Saache produzéiert. Et ass elo net esou, ech maachen eng Firma op, ech bauen elo en Dësch. Et ass am Fong net elo e Schräiner, dat ass keng Start-up Firma - Dir rectifizéiert mech wann dat falsch sollt sinn. Ech kann nëmme begréissen, datt hei déi Bureaue gemaach ginn, zur Verfügung gestallt ginn. Wat ganz flott ass a wat och ganz wichteg ass, dat huet een och déi lescht Woch an deem Workshop do gesinn, Neischmelz, dat heescht de Quartier fänkt un ze liewen, mam Atelier D, mat deene Start-upen, déi do elo do solle kommen, de Quartier kritt awer e Liewen, an et ass flott, dat ze gesinn an och, datt do esou Saachen entstinn. Méi kann ech dozou net soen. Merci. Dan Biancalana (LSAP Buergermeeschter): Merci, ech si frou das iwwer d breet Band de Projet hei Zoustëmmung fënnt.

65 RAPPORT 65 Et ass effektiv méi en innovativen Touche, nei Aarbechtsplazen, déi kreéiert ginn, an drëttens hu mir iwwer déi läscht Joere jo gemeinsam probéiert transitoresch Aménagement um Site ze hunn. Dat huet mat der Passerell ugefangen, mat där mir déi Quartiere Schmelz an Italie matenee verbonnen hunn, et ass am Hall ukomm mam Atelier D, deen do ass, wou och Biergerbedeelegungsworkshope stattfannen, wou déi Software, déi d Madame Kutten ugeschnidden huet, och eng Iddi ass fir 2022 do den Hall Fondouq mat eranzehuelen, et ass eis Struktur ronderëm d Demandeurs de protection internationale, déi och do ass, an elo dat heiten, dee leschte Bébé ass an den Innovation Hub Diddeleng. Dat heescht d Iddi ass schonns, dass mir do Bureauen amenagéiere vu 5- maximal 10 Quadratmeter, well Start-upe sinn ëmmer 3-6 Leit maximum, et si jo ëmmer kleng Entitéiten déi do sinn, a si sinn am Fong ganz kreativ - mir sinn hei an der Kreativwirtschaft - mä déi am Fong Produiten entwéckelen. Dat heescht, et ass sécherlech virgesinn, dass am Kader vun Neischmelz och Ateliere solle kënne gemaach ginn, mee hei fänke mir mol kleng un. Dat Ganzt ass sécherlech ausbaufäeg, mee hei fänke mir mat Bureauen un, wou de kreative Volet ronderëm Neischmelz an och driwwer eraus ka getätegt ginn. Dofir gi mir och hei en anere Profil fir de Projet, mir ginn en anere Créneau, well en och soll komplementär schaffen an dee Créneau, dee mir hunn ass de Site Neischmelz an déi ganz Iddien, déi kënne ronderëm entwéckelt ginn. Et ass also e ganz wichtegen a propice Moment, dee mir eis hei gi fir de Projet hei op d Weeër ze setzen. Wat d Selektioun ugeet, ass et sécherlech d Luxinnovation mam Technoport zesummen, déi eis déi Start-upe proposéieren, Start-upen déi sech nei kreéiert hunn oder aus dem Technoport mussen eraus goe well do kënnen déi Start-upe jo net éiweg bleiwen, och do mussen se eraus goen a kucke fir iergendwou e Loyer ze bezuele fir sech kënnen nidderzesidelen. Dat hei ass e bëssen eng Tëschenetapp, déi gewielt gëtt éier se komplett dobaussen op fräiem Fouss sinn. Also och hei e flotten Input fir d Stad Diddeleng an dee Site brauch net weider sanéiert ze ginn, well elo schonns eng Entreprise drop ass, dat heescht do ass de Problem manner gestallt wéi op anere Plazen. Zousätzlecht Personal brauche mir hei net anzestellen als Gemeng, dat war jo och eng Fro. Wéi ass dee Loyer zustane komm? Et muss ee soen, dass dat heiten - wann ee rechent, si mir bei 5,3 Euro de Quadratmeter, dee gefrot gëtt, an dat war eng Verhandlungsbasis, déi mir mam Fonds de Logement haten, well deen hat de Loyer méi héich ugesat, wéi mir awer gesot hunn, an de Loyer hei festgesat gouf vum Verwaltungsrot, vum neie Verwaltungsrot vum Fonds du logement, well mir ganz argumentativ virgaange sinn, och par rapport zum Invest, dee mir hei tätege fir dat Gebai ze moderniséieren, wou dann 80% vum Wiertschaftsministère iwwerholl ginn. An d Iddi ass awer och hei, ech wëll dat och net virenthale well ech do et och schonns sot, déi Präisser déi hei circuléieren, mir wäerte maximal 15 Euro de Quadratmeter froen, deene Start-upen, déi nei kreéiert sinn, an déi Start-upen, déi aus dem Technoport erauskommen, deene wäerten 20 Euro de Quadratmeter gefrot ginn, dat sinn déi Präisser, déi haut en vigueur sinn, déi um Marché sinn an och do hu mir eis vu Luxinnovation an och vum Technoport begleede gelooss. Dat sinn am Fong déi gängeg Präisser, déi ee maximal freet fir esou Start-upen unzeginn, a Verschiddener hu schonns Wand kritt vum Projet an déi hu schonns ugeklappt an déi hu mir missen an d Waardeschläif setzen, well mir gesot hunn, mir hunn nach e puer Étappen ze huelen éier et ka weidergoen. Voilà, ech hunn hei probéiert op déi verschidde Punkten a Froen anzegoen. Déi lokal Firmen, well et am Kader vun der Konventioun vum Ministère ass, dat si lokal Firmen, déi éischter hei zu Lëtzebuerg gegrënnt ginn, et sinn net onbedéngt Diddelenger. Wann awer hei natierlech eng Diddelenger Firma sech grënnt, tant mieux, mee et ass net nëmme lokal, natierlech soll et e lokalen Entourage kréien, mee et si Start-upen, déi sech um Lëtzebuerger Territoire kreéieren.

66 RAPPORT 66 Joseph Thill (Déi Lénk): Ech hunn do villäicht net richteg opgepasst, Dir hat geschwat vun Bureauen an do an Ärer Interventioun hutt Dir dobäi gefügt, maximal 10 Quadratmeter pro Start-up, da kéim een op 140 Quadratmeter an et sinn der awer 527. Hunn ech do eppes net richteg matkritt? Merci. Dan Biancalana (LSAP Buergermeeschter): Also, ganz fixéiert an der Bureausfläch si mir nach net, ech hunn dat einfach als Indikatioun ginn. Natierlech kuckt een dat och ëmmer en fonction vun de Besoinen, mir hunn hei 527 Quadratmeter, mir hu ronn 330 Quadratmeter fir Bureausfläch, wou een sech kann eng gewësse Flexibilitéit, och herno an der Modernisatioun wa mir en Invest maachen, wäerte mir dat esou maachen, dass déi Bureausfläch fräi amovibel ass, dass een sech ëmmer kann adaptéieren an net alles zoumaache wéi dat bei der klassescher Bureausfläch, an de Rescht sinn Espace-communen, mir deelen eis dat Gebai mat enger anerer Firma, do ass eng Entrée, do sinn Espacecommunen, wéi gesot, dat ass e bëssen d Iwwerleeung, et war als Indikatioun mee mir verbauen eis näischt. Jean-Paul Gangler (CSV): Nach eng Fro zur Dauer, déi ass jo festgesat op 5 Joer, dat heescht, da muss esou eng Firma raus aus deem Haus. Huele mer mol un, dat ass eng Firma, déi preparéiert sech fir herno Technologien ze produzéieren déi an Neischmelz Uwennung fannen. Rechne mir dann domat, dass Neischmelz elo a 5 Joer 2022 fäerdeg ass, dass déi direkt kéinten enchaînéieren, zum Beispill op eng aner Platz goe fir en Atelier an Neischmelz ze kréien an dann ze produzéiere wat fir Neischmelz produzéiert soll ginn, oder riskéieren déi dann awer nach op eng aner Tëschenetapp mussen ze goen, bis et souwäit ass wou se hiren Know how kënnen ëmsetzen? dass mir eng Impulsioun ginn oder se ënnerstëtzen, also an der Tëschephas, mee d Iddi ass schonns, dass se herno da kënnen op aner Plaze goen, mee mir ginn hinnen d Méiglechkeet awer maximal 5 Joer sech hei zu Diddeleng ze bannen. An d Iddi ass jo schonns dass wann et herno en fonction vun der Entwécklung vun Neischmelz, mir se kënnen eriwwer huelen, wou se sech do kënnen etabléieren. Dofir wollte mir och do de Link maachen, dat wäert sécher mat Verschiddener de Fall sinn, en fonction vun der Evolutioun vun der Start-up, dat wësse mir elo de Moment nach net. Voila, da géife mir zum Vote iwwergoen. Wien ass mat souwuel mat deene Konventioune mam Wiertschaftsministère, wéi och dem Devis an dem Crédit Special wéi awer och dem Contrat de bail mam Fonds du logement, wien ass mat deenen Dokumenter averstanen? Dat ass unanime. Da géif ech dem Gemengerot Merci soen, dass mir deen dote Projet kënnen hei ëmsetzen a sécherlech, wann déi éischt wäerten erakommen, da wäerte mir eis do erëmgesinn, da kënne mir d Gebai zesumme kucke goen, wann et moderniséiert gouf an och déi éischt Start-Upen, wann se sech konnten do nidderloossen. Dan Biancalana (LSAP Buergermeeschter): Hei spillt dee selwechte Prinzip wéi op anere Plazen, et ass eng maximal Durée vu 5 Joer well d Essenz selwer vun engem Innovation Hub oder vun engem Incubateur ass jo, dass du solls kënne pushen an hëllefen, oder hinnen eng Tëschenetappe ginn, mee iergendwann eng Kéier sollen se och autonom funktionéieren an sech kënnen etabléieren a weider eng Expansioun maachen, weider par rapport zu hirem Produit sech weider entwéckele weider Leit kënnen astellen. Hei ass éischter d Iddi,

67 RAPPORT APPROBATIOUN VUM PRO- JET D AMÉNAGEMENT PARTI- CULIER AM BRILL Dan Biancalana (LSAP Buergermeeschter): Da géife mir weiderfueren an op den Aménagement communal iwwergoen an do hu mir de PAP am Brill, dee mir hei virleien hunn, dee mir an de Ministère de l Intérieur geschéckt hunn, respektiv wou awer och d Cellule vum Intérieur hiren Avis ofginn huet an ech gi kuerz drop an, wat de Projet hei beinhalt. Et geet ëm déi ganz Logementer déi mir am Brill fanne vun der Dominique Lang bis bei d Henr Bessemer Strooss. Et ass esou, dass am Numm vum Fonds du logement mir deen heite Projet erageschéckt hunn. Mir hunn als Schäfferot den Avis ofginn den 7. Juli, mir hunn am Fong den 9. September 2016 am Numm vum Fonds du logement de Ministère de l Intérieur domat befaasst, a mir hunn den Avis kritt den 7 Dezember 2016, also hunn se hei déi dräi Méint genotzt fir en Avis kënnen ofzeginn. Mir hu parallel eng Enquête publique gemaach, mir hu weider keng Objektioune kritt wat deen dote Projet ugeet, an natierlech huet den Architektebureau vum Fonds du Logement, deen dee Projet hei ausgeschafft huet, nach eng Rei Adaptatioune gemaach fir dass e prett ass fir hei kënnen an de Gemengerot ze goen. Wat ass am Fong d Essenz vun dem heite PAP? Et geet hei am Fong drëm, op engem Terrain vu 497 Ar, wou am Fong 135 Lote sinn, dat heescht 111 Maison unifamiliales a 24 Dependancen, fir em déi kënnen ze revaloriséiere, dass do kënnen Aarbechte gemaach gi fir dëse Quartier - et ass an enger Zone à préserver, et ass en historesche Quartier vun der Stad Diddeleng - kënne weider en valeur ze setzen, wëssend, dass 1980 schonn éischt Modernisatiounsaarbechte gemaach goufen. Hei geet et dorëms, dass ëm déi Haiser vum Typ A, dass do engersäits d Trapenhaus kann nei gemaach gi mat engem Annex Local Poubelles an och fir Vëloen, dass déi Haiser vum Typ B, dass do hannen Annexe kënne gemaach ginn, Verrièren, respektiv, dass déi Maison en bande bei der Porte du Brill, dass do eng Rénovation énergétique gemaach gëtt. Dat sinn déi dräi Elementer, déi mir hei fannen an do ware schonns och an der Vergaangenheet vum Fonds du logement eng Rei Demandë komm fir dat ze renovéieren. Déi konnten awer ni gutt geheescht gi well d Recullen net respektéiert goufen, notamment bei deenen Haiser, wou d Cage escalier frësch gemaach gëtt, dat sinn am Fong Haiser, wou Infiltratioune waren, oder dee Block, dat Trapenhaus hat Infiltratiounen, déi baufälleg waren, an do konnte mir ni eng Baugenehmegung ausstellen, well déi Limiten net konnte respektéiert ginn. An do hu mir gesot, mam Fonds du Logement zesummen, da gitt op de Wee vun engem PAP, da kënne mir och punktuell zum PAG derogéieren, well mir an enger Zone à préserver sinn, well et awer eng Bausubstanz ass, déi an den 80er Jore renovéiert gouf, mee déi awer baufälleg ass well Infiltratioune sinn an Dir hutt jo gesinn am Kader och vum Avis vun der Cellule, dass se ganz kloer gesot hunn, de PAP derogéiert zum PAG mee dat ass OK well mir hei op de Wee gi fir de Quartier weider ze valoriséieren an och dat gutt geheescht hunn. Si hunn zwar och am Kader vun der Partie graphique gesot, dass verschidde Quotë mussen agefouert ginn, dat hu mir hei am Avis festgehalen, mir hunn och an

68 RAPPORT 68 der Partie écrite verschidden Artiklen ewech geholl, sou wéi si dat och proposéiert hunn, a mir hunn awer och festgehalen, well mir eben hei am Kader vun der Renovatioun an engem bestehende Quartier sinn, Dir wësst am Kader vun engem PAP ass d Cessioun vum ëffentleche Raum, dat sinn 25% a wann en iwwer 25% ass, da ka jo natierlech de Promoteur froen, dass d Gemeng en indemniséiert, mee hei si mir an engem bestehende Quartier an do ass iwwer d Cession vum Espace public, dat si Parkplazen, dat sinn ëffentlech Flächen, do si mir bei 35,7% déi besti jo schonns am Quartier Brill. An do ware mir eis eens, dass mir dat och sou handhabe wéi dat de Moment de Fall ass, do gëtt et keng Indemnitéit well dat Realitéit ass a wat hei am Virdergrond steet, ass, dass am Fong de Quartier Brill, wat en historesche Quartier ass, deen zu der ADN vun der Stad Diddeleng gehéiert, dee mat der ARBED staark verbonnen ass, well déi den Optrag ginn hat, dat ze bauen, dass dat am Fong am Vierdergrond steet, dass mir iwwer déi heiten Derogatioune vum PAP iwwert de PAG hei am Fong dem Fonds d Méiglechkeete gi fir déi Renovatioune virzehuelen, deen Ausbau hanne virzehuele fir dass dee Projet ka realiséiert ginn an et ass dat, wat d Essenz ass vun deem heite PAP, an dee kënnt deene Leit entgéint, déi an deem Quartier wunnen an déi néideg Renovatiounsaarbechte musse virhuelen an och iwwer dee Wee weider d Qualitéit an deem dote Quartier gewahrt ka ginn, respektiv verbessert ka ginn, wann déi Renovatiounsaarbechte kënne weider an Usproch geholl ginn. Dat zu den Erklärungen zu der Renovatioun, zum Quartier an och d Essenz vun dësem PAP. D Diskussioun ass op. Jean-Paul Gangler (CSV): Merci, ech hunn eng Fro: Et gesäit ee jo bei deem Dossier bei de Fotoen, dass do schonns verschidden Haiser sinn, déi déi Ännerunge gemaach hunn. Elo froen ech mech waren dat der déi d Chance haten, dass se hanne méi Terrain haten an si konnten do am normale Recul schaffen, oder sinn do och Fäll, déi dat illegal ouni Autorisatioun gemaach hunn? Romaine Goergen (Déi Gréng): Merci, ech wollt eigentlech eis Iwwerleeungen dozou zum beschte ginn. Dee PAP Brill, dee mir hei virleien hunn, dee gesäit fir, dass am Quartier Brill d Leit eng Rei Verännerungen un hiren Haiser kënne maachen, déi schonns méi laang erwënscht sinn. Wa mech net alles täuscht - do leien ech mam Här Gangler op enger Linn - da si schonns heiansdo Verännerunge geschitt, déi op der Limite waren, wa mer et mol esou wëllen ausdrécken. Et kann also nëmme gutt sinn, wann elo e Kader gesat gëtt fir Erweiderungen a Renovatioune vun Haiser a wann d Leit och kënne berode ginn doranner, an dat Ganzt sech awer an engem gewësse Kader ofspillt. Dëse Quartier Brill ass jo eenzegaarteg well déi al Schmelzer Haiser erhale gi sinn, an hir speziell Architektur geschützt ginn ass. Den historesche Quartier ass als Zone à préserver klasséiert. Et kann awer zimlech ustrengend sinn an dësen Haiser mat deenen alen Zille-Fassaden ze wunnen. Obschonns et mir leet deet, dass déi Fassade kënne mat dem neie PAP iwwerdeckt ginn, mussen awer och hei d Leit d Méiglechkeet kënne kréie fir hir Fassad ze renovéieren. Dobäi ass et awer wichteg, dass d Faarf vun de Fassade reglementéiert gëtt an net zevill vum Originaltoun ofwäicht. Wat déi Haiser, déi zwëschent dës al Briller Haiser gebaut gi sinn, betrëfft, si mer d accord, dass Verännerunge kënne virgeholl ginn, déi et de Bewunner erlabt, Zëmmeren oder Wantergäert bäizefügen. Dann awer eng Remarque, déi mir wichteg ass. Et steet e kuerze Saz am PAP zu de Beem. Déi sollen erhale bleiwen soulaang se net krank sinn, oder soss sollen se ersat ginn. Et hu schonn e puer grouss Platanen op der zentraler Parkplaz missen ewechgeholl ginn, an ech hunn eng Kéier nogekuckt, si sinn net ersat ginn. Gëtt dat nach nogeholl? Et ass op der Parkplaz an déi eng Platane sinn ëmgefall an déi aner ware geféierlech fir d Haiser. Do gesäit et mir sou aus wéi wann net onbedéngt virgesi wier fir di Beem ze ersetzen. An dann, wat déi grouss Lannen op der zentraler Plaz op der Spillplaz betrëfft, sou hoffe mir, dass déi nach laang do stoe bleiwen, well ouni déi Beem géif de Brill awer och vill vu sengem Charme verléieren. Also, dee Saz deen do an deem PAP steet, ass eis absolut wichteg a mir hoffen, dass en och deen néidege Poids kritt. Mir sinn awer insgesamt d accord mam PAP. Merci.

69 RAPPORT 69 Brit Schlussnuss (LSAP): Merci. Op dëser Plaz wollt ech wéi meng Virriedner soen, dass mir dee Projet natierlech begréissen. Ech fannen, et ass op eng ganz nohalteg Aart a Weis fäerdeg bruecht ginn, de Leit eng gewëssen Egalitéit an de Quartier ze bréngen, well eben duerch déi Reculsgeschichten net all Mënsch konnt renovéieren a wat ech perséinlech ganz flott fannen ass, dass mir déi Angscht aus dem Quartier à préserver eraushuelen an och deene Leit, déi an esou engem Quartier liewen, erméiglechen, innovativ weider ze liewen, sou wéi schonns hei gesot gouf, a konstruktiv do renovéieren ouni dass mir eis erëmfannen an engem Wildwuchs an ech begréissen, dass soumat déi Planungssécherheet fir déi Renovatiounen an Amelioratiounen, gi ginn an engem legale Kader, dee mir dann haut hei schafen. Merci. se krank sinn, do hu mir eng Prozedur, wou mir dat iwwert eise Fierschter ufroen, respektiv vum Ëmweltministère gréng Luucht kréie fir dat ze maachen, an si decidéieren ob mir se ersetze mussen oder net, an da gëtt natierlech gekuckt ob mir se do ersetzen. Et kann een se jo och op enger anerer Plaz ersetzen, dat hu mir jo och dunn all kéiers gemaach beim Stroossebau, wou mir nei Beem setzen, wou mir dann dat probéieren iwwert deen dote Wee ze équilibréieren, mä de Moment ass net virgesi fir direkt en Agrëff an de Bambestand ze maachen, dat awer och nach als Informatioun zum PAP. Voilà, kënne mir ofstëmmen, wat dëse PAP ugeet? Ass de Gemengerot domat averstanen? Dat ass unanime. Da soen ech Iech villmools Merci well dat kënnt den Awunner zegutt, déi do wunnen an dat sinn der ganz vill. Dan Biancalana (LSAP Buergermeeschter): Merci, sinn nach nach weider Stellungnahmen? Dat ass net de Fall, da ginn ech op déi verschidde Punkten an. Also, et ass esou, dass bei deenen Haiser, wou et hanne méiglech war, eng Annex ze maachen, do goufen sou Referenzprojeten ausgeschafft, déi fannt Dir och an Ärem Dossier, an de Joren 2005 vum Claudine Kell, Architektin, dat waren e bësse Referenzvuë vun Annexen, déi ee konnt maachen, a wa Leit un d Gemeng erugetruede sinn, an et war méiglech hinnen eng Baugenehmegung ze gi fir en Ausbau, hu mir ëmmer dat ginn als Referenz. Natierlech sinn awer och vill Leit komm, wou Recullen net respektéiert waren an do huet missen e PAP gemaach ginn. Dofir gi mir op dee Wee fir et einfach ze geneemegen, do wou et méiglech war hu mir et ginn, do wou et net méiglech war, hu mir missen e Refus ginn, sou wéi een dat op deenen heite Projete gesäit, dass jo och d Dispositioune gespillt hunn. Wann d Leit eng Entrée gemaach hu vu 6 Meter oder 2 mol 3 Meter, huet dat och an dem Quartier gegëllt. Dat par rapport zu de Recullen. Wat elo d Beem ugeet, ass et jo hei a priori net virgesinn, dass hei Beem ewechgeholl ginn. Dee Passus ass dran, well jo och duerch deen heite PAP huet et jo keen Impakt op déi Beem, déi am Moment elo do stinn. Dat heescht, och do gi just Beem ewechgeholl wann se effektiv eng Gefor si well se op Haiser kënne falen, mussen zeréck geschnidde ginn, respektiv wann

70 RAPPORT UNTERRECHT AM FONDA- MENTAL 6.1. Approbatioun vun der provisorescher Schoulorganisation fir d Schouljoer 2017/ Bilane vun de Plans de réussite scolaire a Perspektive vun de Plans de développement de l établissement scolaire Dan Biancalana (LSAP Buergermeeschter): An da gi mir weider op déi provisoresch Schoulorganisatioun, ech begréissen hei den Erni Ferrari aus eisem Schoulservice, deen dozou gestouss ass. Fir déi provisoresch Schoulorganisatioun vum Joer 2017/2018 hat Dir eng ganz Rei Dokumenter virleien, och mat de Rapporte vun der Schoulkommissioun, déi zweemol getagt hunn, engersäits de 26. Abrëll an awer och den 12. Juni, virun allem wéinst de PRSen an de Perspektive wéinst de PDS en, d Schoulkommissioun, respektiv d Inspekteren hunn all Kéier en Avis positiv ofginn. Ech wëll awer och vun dëser Plaz aus vun der Geleeënheet profitéiere fir hei souwuel dem Erni Ferrari wéi och dem Comité d école mat hire Presidenten an all den Enseignanten, déi am Comité sinn an och ronderëm, Merci ze soe fir hir Viraarbecht, déi se geleescht hu ronderëm dës Schoulorganisatioun, wou och ausschlaggebend ass d Circulaire ministerielle, déi all Joer kënnt, mee och eng Schoulorganisatioun, déi sech e bëssen an engem neie Kader befënnt well och um nationale Plang nei Dispositiffe getraff goufen, engersäits déi nei Regionaldirektiounen déi entstinn. Wat Diddeleng betrëfft, sinn Diddeleng, Kayl a Rëmeleng an engem Réseau zesummen, et ass en neie Cours, Vie et Société (VISO), deen agefouert gëtt am Fondamental nodeems en am Lycée agefouert gouf an et sinn natierlech och engersäits Bilane vun de PRSen an och Perspektive vum Plan de développement scolaire, deen haut guttzeheeschen ass, wou och weider geschafft gëtt. Einfach a verschiddenen Zich, wéi gesäit d Schoulorganisation aus? Et ass esou, dass mir laut den Dokumenter, déi mir virleien hunn, ronn 122 Klassen hunn a momentan si mir op Kanner, déi ageschriwwe sinn. Wéi mer an der Schoulkommissioun waren, do ware mir nach op also dat doten huet weider evoluéiert, et wäert och nach weider evoluéiere bis déi definitiv Schoulorganisatioun déi am Hierscht vum Gemengerot den Aval kritt. Et schielt sech eraus mee dat ass jo och historesch bedéngt, de Brill ass déi gréisste Schoul mat 390 Kanner, déi do sinn, a 6 Schoulen opgedeelt, 12 Gebaier an et ass esou, eis Schoulpopulatioun, déi variéiert en fonction vun de Quartieren déi mir hunn, vu dass mir Quartiersschoulen hunn, ech kann awer och global soen, vu dass an eiser Schoulpopulatioun ronn 49% Schülerinne sinn an 51% Schüler, am Cycle 1 Moyen hu mir 47% Net-Lëtzebuerger an 53% Lëtzebuerger an am Cycle 2-4 sinn 47% Net-Lëtzebuerger an 53% Lëtzebuerger, dat vun der Populatioun hir, fir Iech den Iwwerbléck ze ginn. An der aktueller Situatioun ass et esou, dass mir Stonnen am Contingent hunn, hors Contingent sinn dat 184 Stonnen, natierlech am Contingent all Joer ginn 116 Stonnen ewech, déi 170 Stonne ginn och ewechgeholl vun der Educatioun morale et sociale, mee déi gi bäigefügt an de Contingent eben iwwer de System Vie et Société, dat sinn 12 Stonnen, déi mir

71 RAPPORT 71 bäikréien als Décharge fir de PDS, 6 mol 2 Stonnen, sou ass am Fong dat Ganzt fir dëst Joer och opgestallt gi vun eise Servicer. Dann einfach e puer Variatioune par rapport zu de Schoulgebaier. Do hu mer jo verschidde Cyclen. Mam Precoce ugefangen, do kann ee soen, dass mir gutt 212 Courrieren erausgeschéckt hunn, ronn 142 Inscriptiounen hunn, dat heescht 67% vun de Kanner sinn am Precoce ageschriwwen, mir hunn also do eng ganz stabel Approche. Dat ass och ganz positiv, 67% déi dann och staatlech erzu ginn, an och dee Volet Maison Relais, dee mir hunn, deen ass voll ausgebucht, dat heescht, och dat huet nach weider Succès. Generell kann ee soen, wat de Cycle1 ugeet, ginn d Zuele vun de Kanner liicht erof, wat de Cycle 2-4 ugeet, dee geet liicht erop, dat sinn déi Variatiounen, déi generell stattfannen. Wann een awer elo nach e bësse méi an déi verschidde Cyclen andaucht, do hu mir awer am Cycle 1 zwou Klasse méi iwwert dat ganzt verdeelt an d Moyenne am Préscolaire, dat si 15 Kanner pro Klass, dat geet liicht erof. Mir wëssen awer, dass am Deich, Gaffelt a Strutzbierg, do sinn am Fong all kéiers eng C1. Klass méi, wou mir awer och am Brill eng C1 Klass manner hunn, dofir geet awer och am Brill den Appui méi erop, dat gëtt doduerch ausbalancéiert, am Cycle 2-4 hu mir zwou Klasse méi an d Moyenne läit do bei 15,8 Schüler pro Klass. Wou och eng Klass méi ass, dat ass zu Butschebuerg, dofir geet e contrepartie den Appui e bësse méi erof, dat heescht méi kleng Unitéiten awer an der Gaffelt gëtt och eng Klass méi, a generell am Brill, um Deich an um Ribeschpont geet den Appui erop. Eng Schoul, wou mir vill effektiv hunn, mir hu virdrun och schonns driwwer geschwat, dat ass de Brill, do ass eng Schoul, déi ganz staark och sollicitéiert gëtt. Wat déi verschidde Schoulgebaier ugeet, och am Kader Bestanddeel vun der Diskussioun och an der Schoulkommissioun, dat ass den Deich dee mat engem neie Projet an nei Initiativen, de Projet CASE, Centre Apprentissage socio-émotionnel, wou Kanner mat Verhalensopfällegkeeten encadréiert ginn, wou probéiert gëtt, déi opzefänken, ze encadréieren an ze ënnerstëtzen, wou probéiert gëtt Krisesituatiounen ze entschäerfen, wou sozial Kompetenze gestäerkt ginn, also wou och hei Personal ganz aktiv ass, och déi Initiativ ronderëm deen neie Schoulgaart, deen ausgebaut gouf an natierlech och d Native Speakers, déi och do sinn. Awer och am Cycle 1 déi Cours intégrés, déi vun der portugisescher Ambassade ugebuede ginn, a wou och den Eveil aux sciences stattfënnt, also eng Rei flott Initiativen, déi do stattfonnt hunn. Generell muss een awer och soen, wat eis Schoulorganisatioun ugeet, dass och eis SIS, déi fréier SIS, ganz vill sollicitéiert gouf, ronn 200 Dossieren hunn se dat lescht Schouljoer traitéiert, also och do ganz aktiv sinn. Eng weider Schoul, wou och héich Effektiver sinn, ass de Ribeschpont, am C1, Kanner, awer am C2-4, 19 Kanner, do si méi héich Effektiver dëst Joer do ze verbuchen. Wat dëst Joer och méi nei wäert sinn an dëser Schoulorganisatioun, viraussiichtlech um Strutzbierg, eis Classe étatique ronderëm d Demandeurs de protection internationale, déi soll normalerweis opgeléist ginn, eng Rei Schüler ginn an de Lycée an anerer si schonns integréiert am reguläre Schoulbetrib an d Iddi awer och vun der Klass ass, wann se opgeléist gëtt, dass déi Kanner an de Cycle 2.1 an de Cycle 2.2 weider integréiert ginn, fir och do der Integratioun e weidere Stellewäert ze ginn an, dass och ee Raum, deen herno ka recuperéiert gi fir aner Aarbechten, mir kommen herno drop zeréck am Kader vum PDS. Schwammen, C2- C4 all zweet Woch an C1 och all zweet Woch. Am Precoce ginn d Kanner op de Strutzbierg, an d Diskussioun déi mir och gefouert, hunn, Ressort scolaire Lenkeschléi hu mir opgedeelt, Brill a Strutzbierg fir déi Kanner, déi elo fir d éischt do an d Schoul ginn. An der provisorescher Schoulorganisatioun, ech erspueren Iech Detailer, ass och festgehale wéini d Pause sinn, wat d Surveillancë sinn an deene verschiddene Schoulgebaier, a wéi all Joer pénktlech zu der Rentrée generell eng Iwwersiicht ginn, iwwert eis Schoulkommissioun, wéi eis Schoulorganisatioun wäert stattfannen. Wat een nach soe kann, Projeten, déi nach amgaange sinn, dat ass och den Ausbau vun der Schoul Gaffelt, viraussiichtlech si mir do am Timing, dat soll fir

72 RAPPORT 72 Dann, Ribeschpont, do ass de Bilan PRS gewiescht, dass et wichteg ass Kulturen ze entdecken, dass besser soll eng Kommunikatioun stattfannen awer och am Bottem Up Prinzip, dass och eng besser Zesummenaarbecht zwëschent Schoul a Maison Relais soll kënne stattfannen, dass méi Concertatioun soll stattfannen, och an Zukunft, dat och cycle-iwwergräd Rentrée kënnen opgoen, a wat och nach ass, wou een herno nach kann drop agoen, dat ass och déi Zesummenaarbecht mam PEP, mat de Maison Relais, wo och déi Agent-regionauxe kommen, a mir generell am Kader vum PEP ganz engagéiert Léierpersonal, awer och fir d Maison Relais kënne Rechnung droen. Wat och mat Virsiicht ze suivéieren ass, well dat awer och en neien Dispositif dëst Joer ass, net nëmme fir Diddeleng mee och national, dat, dass deem integrative Facteur nach méi Rechnung gedroe gëtt, och de Kanner mat Besoin-spécifiquen, well neit Léierpersonal fir Kanner mat Besoin-spécifiquë recrutéiert gëtt, déi och detachéiert ginn an déi verschidde Schoulen, an och natierlech an der Commission d inclusioun täteg wäerte sinn, d Commission d inclusion déi jo d Commission scolaire ersetzt, wou och en individualiséierte Plang ausgeschafft gëtt fir d Prise en charge, also och do generell en neie Moment, deen op eis duer kënnt, an och kucken, wéi deen och an déi Schoulorganisatioun generell hei am Land, awer méi spezifesch och hei an Diddeleng gräift, kucken also wéi een Impakt, dass dat huet, a da wäerte mir sécherlech och an deenen nächste Schoulkommissiounen iwwert den Impakt vun dësen neien Dispositiffe wierklech um Niveau vun der Schoulkommunautéit, schwätzen. Dat zu der Ausriichtung vun der provisorescher Schoulorganisatioun dëst Joer. Ech géif awer och profitéiere fir zu der gläicher Zäit awer och kënnen eng global Diskussioun driwwer feieren, an och de Vote maachen, well et awer eng Partie intégrante ass, eriwwer goen op de Bilan vum Plan de réussite scolaire , awer och déi Perspektive vum Plan de développement scolaire vun , wou mir och an der Schoulkommissioun driwwer diskutéiert hunn, a wat op alle Fall ganz flott ass an der Ausschaffung vun dëse PDSen, de Bilan PRS respektiv PDS, do gesäit ee ganz kloer an deene sechs Schoulen an och op déi 3 Joer, wou déi PDSen ausgeschafft goufe vun de Presidenten a vum Comité d école, dass engersäits mir d Spezifizitéiten erëm fannen an deene PDSe vun deene jeeweilege Gebaier, wou se anescht gelagert sinn, op verschiddene Plazen awer och Ähnlechkeeten erëm fannen an ech wäert probéieren, op déi eenzel anzegoen, awer Gemeinsamkeeten, déi een erëmfënnt, déi iwwergräifend awer sinn, an et ass och dat wat awer och gutt ass, engersäits de Bottom up Prinzip, deen hei applizéiert gouf vun deene verschiddene Comité-d écolen an der Ausschaffung vum PDS. Et ass awer och e Bestriewen no enger gudder Ambiance an der Communauté scolaire well et och wichteg ass fir d Kand a fir déi Leit, déi do schaffen. Et ass awer och dat verstäerkt Zesummeschaffen tëschent der Schoul an der Maison Relais an et ass och deen ausdréckleche Wonsch, méi verstäerkt d Eltere mat eranzehuelen. Et sinn dräi Elementer, déi een awer an deene verschiddene Bilane vun de PRSen awer och an de Perspektive vun de PDSen hei ganz kloer erëm fënnt, a wat jo och flott ass, dass Dir haut d Autonomie vun de Schoule verstitt, wann se hir Schwéierpunkte setzen an der Analyse vun der Schoul, vun de Konzepter déi se sech gäre wëlle ginn, awer och vun der Diskussioun vun den Objektiver, déi si wëllen hei maachen. Et ass esou, dass déi verschidde Bilanen, respektiv Perspektiven den Aval krute vun der Schoulkommissioun, och den Aval kritt hu vum Schoulinspektor. D Iddi ass, dass mir déi haut hei guttheeschen, dass mir déi era schécken un de ministère respektiv un d Regionaldirektioun an dann eben herno déi definitiv hei guttgeheescht ginn. Dat ass par rapport zu der Prozedur wéi et hei leeft. Villäicht awer en Abléck an déi verschidde Bilane vun de PRSen, respektiv PDSen. Ech fänken einfach mat Butschebuerg un. Hinnen ass et op alle Fall wichteg, dass een differenzéiert Schaffen an der Schoul un den Dag geluecht gëtt an dofir ginn eng ganz Rei Formatiounen an deem Kader gemaach mam Personal. A wat och fir si wichteg ass, ass eben déi Collaboratioun ze verstäerke mat de Maison Relais an och mat dem Personal zesummen, an dass dat och hei am PDS Nidderschrëft fënnt, dass méi den Échange proposéiert gëtt tëschent deene verschiddene Professionellen, well si och der Meenung sinn, dass doduerch och d Kanner besser kënne dovunner profitéieren, wann déi Professionell zesumme schaffen.

73 RAPPORT 73 ifend, an dass natierlech, och wa Cycle-iwwergräifend Aktivitéite gemaach ginn, dass och déi Leit sech am PDS erëmfannen an och an deem Kader verstäerkt dat probéieren ëmzesetzen, zesummen als schoulesch Communautéit. Dann den Deich, deen natierlech och den Accent gesat huet op de Projet CASE, awer och op déi nei Technologien an Informatiounen. Natierlech Sproochefërderung awer och Weiderschaffe mat deenen dräi Native speakers, de Schoulgaart och ausbauen, d Psychomotricitéit, e ganz wichtege Bestanddeel an deem dote PDS, d Verbesserung vun de Sproochen, Entwécklung, dat sinn am Fong Valeuren, déi hinnen um Häerz leien an dem autonome Schaffen, dat se sech ginn. Dann, de Brill, huet och den Accent op sozial Kompetenze gesat, Sprooch a Liesfërderung an de Fokus gesat awer och vun de Kanner awer och déi eng Verhalenproblematik, dat awer och probéieren ze faassen, respektiv mat der CIS probéieren dat ze entschäerfen, dat sinn déi Suergen, déi si hunn, zemools wann se grouss Klasseneffektiver hunn, dann ass hinnen déi Rausfuerderung nach méi grouss, an et ass dat wat se an der nächster Zäit méi an Ugrëff huele wëllen. Dann de Strutzbierg, do ass dee gréissten Challenge laut och dem Léierpersonal, an dem Comité d école, dat ass d Verhale vun de Kanner, well och do eng heterogen Schülerpositioun ass mat Kanner à besoins spécifiques, an do geet et och drëm. D Liesfërderung auszebauen, d Eltere méi mat anzebannen an de Prozess, eng besser Kommunikatioun an och e Sall ausweisen, wou een och eng Bibliothéik kann hunn an och wierklech eng Ulafstell ass fir souwuel d Eltere wéi och fir d Kanner, dat läit hinnen um Häerz, an et fënnt ee méi am Detail am PDS erëm. Dann d Schoul Gaffelt, dat wat hinne wichteg war, ass och am Bilan vum PRS, dat heescht gemeinsam Bewäertungsrasteren ausschaffe, eenheetlech Richtlinnen hunn an deene verschiddene Cyclen, fir och gemeinsam kënnen ze bewäerten, an och natierlech Prozeduren ze hunn, un déi jiddereen sech hält. Wat awer och fir si wichteg ass am Kader vun de Perspektive vum PDS, dat ass den Ëmgang mat den neie Medien. Et ass awer och de Management vu méi Krisesituatiounen, déi sech undroen, wéi kann ech do besser reagéieren, awer och den Ëmgang mat verhalenopfällege Kanner. Dat ass eng Suerg, déi een ëm- mer méi erëm fënnt an eise Schoulgebaier an och do wëllen sech déi verschidden Enseignanten zesumme mat de Maison Relais déi néideg Utile ginn, fir deem kënnen esou gutt wéi méiglech entgéintzewierken. Ech hunn einfach déi verschidden Highlights erausgeholl, am Kader vun de PDSe kéint een nach aner Akzenter setzen, mee dat géif hei de Kader sprengen. Dat hei ass einfach eng Iwwersiicht, déi weist datt Gemeinsamkeeten an deene PDSe gi si mat verschiddene lokale Spezifizitéiten. Et ass och dat, wat flott ass wann ee Quartiersschoulen huet, iwwer déi Schoulautonomie, déi een huet, dass een déi verschidden Akzenter setze kann. Ech beloossen et dobäi am Kader vun der Presentatioun vun der provisorescher Schoulorganisatioun an elo ass et un deene verschidde Vertrieder, hei Stellung dozou ze huelen. Merci. Michèle Kayser-Wengler (CSV): Merci, ech stelle just fest, dass mir spéit u sinn, laut Circulaire hätt déi Propose schonns den 1. Juli am Ministère misse sinn, steet hei am Circulaire vum Minister, déi hätt scho misse votéiert sinn. Et wier villäicht net schlecht gewiescht, Enn Mee e Gemengerot ze maache mat der Schoulorganisatioun, dann hätte mir haut keng sou eng Marathonsitzung, do hätt ee kënnen abannen d Nominatioun vum Museksschouldirekter a vlaït och de Projet Lenkeschléi hätt ee kënne méi in extenso virbereede mee bon. Da wëll ech och am Numm vun der CSV dem Erni Ferrari a senger ganzer Mannschaft Merci soe fir déi flott an déi detailléiert Presentatioun. Natierlech och mäi Merci un eis Comité-d écolen, un eis Schoulpresidenten an un alleguerten d Enseignanten. Et dierf een awer net vergiessen, och eisem Inspekter, dem Marco Suman, Merci ze soen, deen an de leschte Joere responsabel war fir déi Diddelenger Schoulen. Mir hunn un him ëmmer appreciéiert, dass en an der Schoulkommissiounssëtzung ëmmer Versteesdemech hat fir d Spezifizitéit vun den Diddelenger Schoulen, versicht huet, dat Bescht fir Diddeleng eraus ze schloen. Un dëser Plaz villmools Merci fir säi groussen Asaz a mir wënschen him Bonne chance bei senger neier

74 RAPPORT 74 Tâche, wéi hat e gesot iergendwou am Oste vum Land. Sou an dann elo gëtt alles anescht, den Här Buergermeeschter sot et schonns. Diddeleng gëtt elo an en neien Distrikt agefügt, dat heescht, mir sinn net méi mat Monnerech zesumme wéi et bis elo war mee elo gehéiere mir zu Kayl, Rëmeleng, Téiteng, en neien Distrikt, wou Kanner dra sinn, a mir kréien och en neien net méi Inspekter mee en Directeur régional mat 2-4 Adjointen an do ass villäicht d Fro net oninteressant ob mir schonns wësse wien dat gëtt, an op déi nominéiert sinn a kréie mir dann elo 2 oder 4 Adjointen an eisem Distrikt? Ech hunn d Circulaire vum Éducationsminister mat Befriemen an heiansdo och mat Kapprëssele geliest. Eng gewësse Skepsis sief erlaabt well do gëtt eng Verbesserung op alle Pläng promovéiert, zum Beispill déi regional Direktioun soll eng besser Visibilitéit den Acteure ginn, den Elteren, de Schüler. An eisen Aen ass awer d Visibilitéit um Terrain an de Kontakt Elteren-Enseignanten, Schüler-Enseignanten, Enseignant- Président d école, Comité d école, dat sinn déi wichteg Relatiounen an déi sinn no beim Kand an déi sollen och do bleiwen an och no beim Quartier an den Här Buergermeeschter sot et grad, och an de Pläng vun de Schoulen, de Plan de Développement, do steet dat och ëmmer dran, dass vill Wäert geluecht gëtt op den Dialog um Terrain, an där Achs Elteren, Schüler, Enseignant. An ech denken net, dass et eng Verbesserung gëtt wa mir méi e groussen Apparatchik maachen an net genuch um Terrain bei de Leit investéieren. Ech erkläre mech: Zum Beispill ginn 20 Instituteurs spécialisés en développement scolaire, dat sinn IDSen, recrutéiert an déi si bei der Rentrée schonn operationell, déi sinn zoustänneg fir d ganzt Land, si ënnerstinn dem SCRIPT an da steet hei esou léif an der Circulaire Si hëllefen de Schoule bei der Analys vun der Situatioun an der Schoul a bei der Elaboratioun vum PDS. Also, bis elo hunn eis 6 Schoulen dat ganz gutt alleng fäerdeg bruecht an déi sinn um Terrain, an déi wësse vu wat se schwätzen. Ech hoffen, dass déi 20 Instituteurs spécialisés en développement scolaire eis gutt funktionéierend Schoul, Direkteren a Comitéen net zevill bremsen. Um Terrain bei de Kanner, do steet elo näischt wat déi Leit elo aktiv do kënnen hëllefen. Wat mir brauchen, an dat gouf och ënnerstrach vun alle Schoulen, dat si Leit mat Erfahrung, mat enger spezifescher Ausbildung, déi an eise Schoulen direkt kënnen intervenéieren, bei de Lernschwäche-Problemer, zum Beispill Discalculie, Dyslexie an Dyspraxie, awer wéi gesot och, bei Problemer mat verhalensopfällege Kanner, a fir dës Problemer ze léisen, do geet de Ministère elo op de Wee fir 150 Instituteurs spécialisés iwwer 4 Joer ze recrutéieren an déi solle lokal hëllefen a regional, da gëtt den Apparatchik nach e bësse méi obgebauscht. Regional gëtt niewent der SIS déi berühmten ESEPP gegrënnt, dat ass eng Équipe de soutien des élèves à besoins éducatifs particuliers ou spécifiques. Wou ech de Kapp gerëselt hunn, wat awer do hei dra steet, also ech weess net op déi Leit, déi dat ausschaffen, ni op den Terrain ginn, déi Leit déi sollen dofir suergen une intervention rapide et cohérente autour de l enfant, aussi bien à l école que dans la structure éducative an si organiséieren dann une première intervention en situation de crise et ils effectuent un premier diagnostic». Dat heescht, wann dann e Kand, wéi mir de Fall alt emol hunn, komplett austickt an enger Klass, da kommen si an dann assuréieren si eng première intervention en situation de crise. Ech géif dat gär gesinn, wann dann 150 Instituteurs spécialisés, déi fir d ganzt Land zoustänneg sinn, sollen da rapid an enger Situation de crise reagéieren. Dat fannen ech e bësse blauäugeg, muss ech ganz éierlech soen. An amplaz dass d Prozeduren an d Diagnostiken, wéi mir ëmmer soen, op dem Terrain ugepaakt ginn, mat Orthophonisten, Logopäden, speziell forméiert Léierpersonal, dat géif et beschleunegen, awer amplaz deem gëtt einfach en Apparatchik driwwer gesat. Nieft den Dys-Problemer an de Léierschwächen ass e grousse Problem an de Schoulen, d Augmentatioun vun verhalensopfällege Kanner, d Schoulmeeschtere soen et, d CIS huet et gesot gehat, bei deenen 200 Dossieren, déi si hunn, sinn der ganz vill, déi eng komplex Problematik hunn a Verhalensopfällegkeet ass meeschtens bei deene komplexe Kanner ëmmer dobäi. Nom Diagnostic deen dann duerch déi berühmte Cellule da soll gemaach ginn, an der schneller Interventioun, da kënnt dann, wann d Kand Chance huet an en

75 RAPPORT 75 Diagnostic do ass, no engem kloeren Diagnostic ass da festgestallt ginn, dat Kand ass verhalensopfälleg, dann hu mir elo e Centre pour le développement socioémotionnel pour les Enfants à troubles de comportement geschaf, wou déi Kanner mat deene Problemer dann opgefaange ginn. Et ass awer onkloer wéivill där Centrë kréie mir, wouhinner kommen se, wéivill Plazen hu mir. Gleeft mir et ass schonns net einfach an enger CIS en Diagnostic op e Kand ze maachen, sur place, wann s de an der Gemeng bass, an ech hunn d Angscht, dass hei Kanner hänke gelooss ginn, ee Joer, villäicht souguer zwee Joer, bis dann een sech deene Kanner unhëlt a wat einfach feelt ass d Hëllef um Terrain fir de Schüler, fir de Schoulmeeschteren, fir der Klass, fir den Elteren direkt ze hëllefen. A fir déi gefillte 50. Kéier soen ech elo hei, am Numm vun der CSV, komm mir als Gemengerot, mir schafen 2-3 sënnvoll Posten, en Orthophonist, e Psychomotricien, well, Dir hutt gesot mir hunn e Sall am Deich fir d Psychomotricité mee Dir wësst och genau, dass déi eng Psychomotricienne dat nächst Joer net méi hei ass. Also komm mir schafe Posten déi sënnvoll sinn, villäicht och nach 3-4 Éducateuren oder Sozialpädagogen, déi fir eis Diddelenger Kanner do sinn, an der Schoul, an der Maison Relais, fir hinnen hei ze hëllefen, hir schoulesch Defiziter opzefänken, fir d Verhalensproblematik duerch e méi individualiséiert Prise en charge an der Klass an an der Maison Relais ze hëllefen, besser eens ze ginn, sech besser an hir Klass a besser an hir Grupp anzefügen. Dat hei ass sécher keen Diddelenger-spezifesche Problem, mee komm mir bidden eng Diddeleng-spezifesch Léisung un, dat wier eppes, dat géife mir mat 300% ënnerschreiwen, dat sinn dräi Éducateuren, Sozialpädagogen, een Orthophonist, ee Psychomotricien, dat si 5 Posten, wann ech kucken, am grousse ganze wéivill Posten an deene leschte Joere kreéiert goufen, dat heite si 5 sënnvoll Posten, dat kënnt an dee selwechte Kader wéi Assistant social fir an den Office social. Eis Leit zu Diddeleng brauchen dat, eis Schoulmeeschtere jäitzen ëm Hëllef, a mir loossen se hänken an dat fannen ech einfach schued. Mir hunn d Chance, eng Maison Relais als kommunal Maison Relais ze féieren, mir hunn déi net outgesourct, do ware mir eis alleguerten eens, dat fanne mir och alleguerte gutt. Mir hunn e komunale schoulmedezinesche Service, do si mir och bal déi eenzeg am Land déi dat nach hunn. Och dëse Service gëtt ëmmer ënnerstëtzt bei der Kreatioun vu Posten, wann se et néideg hunn, an do kéinte mir zum Beispill och déi Posten déi ech elo proposéiert hunn afléisse loossen, well d Gesondheet vun eise Schoulkanner, betrëfft net nëmmen de Kierper mee och de Geescht an d Séil. Mens sana in corpore sano, dat ass nun eemol sou, dat ass e Ganzt. Et ka jo och net sinn, dass mir eis Kanner an d Schoulmeeschteren alleng loosse mat de Problemer. Et kann och net sinn, dass Appuisstonnen déi geduecht si fir punktuell, individuell Léierdefiziter opzeschaffen, dass d Kanner aus de Klassen erausgeholl ginn, dass mat deenen Appuisstonne Schundluder gedriwwe gëtt. Dat ass elo béis gesot, mee et ass awer esou. Mir detournéieren den Appuisten hir Tâche andeems mir déi Enseignanten huelen als Krisemanager. Déi ginn oft geholl fir schwiereg Kanner aus enger Klass erauszehuelen, fir, dass déi aner Kanner a Rou den Unterrecht kënne suivéieren. Dat ass jo gutt, dass se dat maachen, mee et ass net den Sënn vun engem Appui, mir brauchen aner Intervenanten. Dir hutt gesot, um Deich hu mir e spezialiséierten Intervenant, deen déi Ausbildung huet fir mat verhalensopfällege Kanner ze schaffen, de Projet CASE, Centre d Apprentissage socio-émotionnel um Deich. Dat kléngt immens gutt, dat ass och immens gutt, mee mir hunn een eenzege männchen, een eenzegen Enseignant, dee mir fräigestallt hu fir dee Projet do ze maachen. Do gëtt ganz vill gemaach, mir brauchen awer méi wéi een, mir brauchen a méi Schoulen een, net nëmmen um Deich, net nëmmen do ginn et verhalensopfälleg Kanner. Wann s de herno kucks am PRS, all Schoul sot dat, dat ass einfach e reelle Problem, souwuel an de Schoule wéi och an de Maison Relais, do musse mir eppes maachen. Wat den Här Bierlair mécht mat de Kanner, dat ass zum Beispill hien hëlt se aus de Klassen eraus, an hien definéiert seng Aarbecht och, fir verhalensopfälleg Kanner opzefänken, ze encadréieren an ze ënnerstëtzen. Et sinn net nëmmen déi, déi den Unterrecht stéieren,

76 RAPPORT 76 et sinn och Kanner déi an enger Détresse sinn, ech schwätzen elo och vun eise Refugiéskanner. Déi hunn och eng Détresse, déi sinn och verhalensopfälleg, well déi einfach e Passé hunn, deen net évident ass. Och déi Kanner kënne mol austicken, kënne mol einfach depriméiert do sëtzen, och ëm déi këmmert hien sech. Hie wëllt Krisesituatiounen entschäerfen, Sozial Kompetenze vun de Kanner ginn opgebaut, an e mécht eng präventiv Aarbecht andeems en um sozial emotionalen Niveau och mat der Klass schafft. Dat ass en immens flotte Projet, mee dat geet net duer, dass mir ee Männchen hunn, deen dat mécht. Dofir, mir brauche méi Intervenante mat Spezialformatiounen an e waarmen, waarmen, waarmen Appel, also et sinn elo Wale geschwënn, wa mir elo géife soen, hei mir kreéieren do nach e Posten, ech mengen dat géif eis alleguerte gutt zu Gesiicht schloen, an ech soen dat doten elo schonns zënter ech hei setzen, zënter 2000 ech weess net wéivill, ech soen all Joer dat selwecht an et geschitt guer näischt, an do sinn ech e bëssen traureg. Da kommen ech zum Punkt Vie et Société. Den Här Buergermeeschter sot schonns, d Elteren hunn elo net méi de Choix zwëschent Reliouns- an Education morales-unterrecht an ech soen och op dëser Plaz och mol eng Kéier de Reliounsenseignante Merci, déi joerelaang e faarwege Reliounsunterrecht hei zu Diddeleng ofgehal hunn, a wann Dir de Kanner hir Reliounscourse suivéiert hutt, da konnt Dir feststellen dass ganz vill vun deem geplangte Programm och schonn an de leschte Joeren de Kanner méi no bruecht ginn ass. Ech hunn eng konkret Fro: Wéivill Kanner haten sech hei zu Diddeleng d lescht Joer nach an de Reliounsunterrecht ageschriwwen? An eis Par huet sech jo och nei opgestallt an sech eng nei Plattform gi fir d Kateches ausserschoulesch de Kanner méi nozebréngen, a meng Fro ass awer och: Wéivill Reliounsenseignanten hate mir zu Diddeleng, déi jo elo vun der Reform betraff sinn, a wéivill vun hinne sinn an de Pool des remplaçants eriwwer geholl ginn? Ass dat iwwerhaapt schonns gemaach ginn, a wéivill hunn der déi nei Formatioun fir Vieso-Enseignant gemaach, a kommen dann erëm zeréck op Diddeleng? aire-éducatifen ze kreéiere mat deene Reliounsenseignanten, déi keng Première hunn, an do sollen der dann och de Gemengen affektéiert ginn, et ass jo nach e Projet de loi, et ass jo nach net konkret dat Ganzt mee kënne mir do schonns froen, wéivill brauche mir där? Well dat wieren zum Beispill och esou Posten, déi kënnt Dir asetzen, zum Beispill als Kriseninterventionisten, mee d Fro ass: Wéivill där Männercher gëtt et, wéivill kommen der a Fro a wéivill kritt Diddeleng der? An ech denken ëmmer, wa mir ëmmer nëmmen heesche gi fir e Poste dei de ministère, wou déi Leit all am Pool si fir d ganzt Land, da komme mir schlecht ewech an d Zäit leeft eis fort. D Problemer ginn all Joers méi grouss, mir musse vill éischter upaken déi ganz Saach. Dann ass och meng Fro, ech hat gefrot wéivill Religiounsschoulmeechteren hunn d Formation fir Vieso-Enseignement gemaach a wéivill Enseignantë vun der Education morale et sociale hunn déi Formation gemaach? Et ass kee Geheimnis, dass d CSV bedauert, dass de Leit de Choix geholl gouf, ob se hiert Kand an de Reliouns- oder Moralsunterrecht schécken, mee et ass virun allem wat mir net gutt fannen, dass de Reliounsenseignanten, dat muss een och mol soen, duerch dës Reform hir professionell Situatioun zerstéiert gouf, an se forcéiert goufen sech berufflech nei ze orientéieren, och hir finanziell Planung an sou weider, dat ass alles iwwert e Koup geworf ginn, dat ass net einfach. A wann dat an engem anere Secteur geschitt wier, dann hätt ech d Gedäisch vun de Gewerkschafte gären héieren an och vum Grand public dobaussen. Hei huet sech dat alles an engem limitéierte Kader gehalen, mee ech wollt awer och soen, Respekt deene Leit, déi awer op de Wee gaange sinn, zousätzlech Formatioune gemaach hunn, an déi eben noutgedrongen no vir kucken, an net de Kapp hänke loossen. Wéi gesot, zweeschneideg ass déi ganz Geschicht souwisou, och déi ganz Approche vun der Politik, wann ee kuckt, zum Beispill de Pilgerdag gouf ofgeschaft, mir nennen et net méi Relioun mee Vieso, mee d Vakanzen heeschen awer nach Chrëschtvakanz, Allerhellgevakanz, Ouschtervakanz, Christi Himmelfahrtsdaag, deen hate mir och nach net. Dann ass jo och ugeduecht ginn, eng Reserv un Auxili-

77 RAPPORT 77 Dan Biancalana (LSAP Buergermeeschter): Madame Kayser, mir schwätzen hei iwwer d Schoulorganisatioun zu Diddeleng, dëst ass keng national Tribün, déi doten Diskussioun hunn Är Leit op der nationaler Tribün gefouert. Ech hunn hei als Buergermeeschter jo och net d Diskussioun gehalen, wat alles gutt Beneficë vun deem neie Gesetz sinn, ech hale mech hei reng un d Schoulorganisatioun vun Diddeleng, maacht Dir dat och wann ech gelift. Direkt! Michèle Kayser-Wengler (CSV): Jo, ech maachen dat direkt. Dat ass kee Problem. Sou, da komme mir weider an der Circulaire, well dat waren och nach eng Kéier 119 Säiten, déi mir missten duerchkucke fir haut, gell, fir haut. Also, da komme mir op de Punkt Education plurilingue, wéi se soll am Deich agefouert ginn, déi soll och weider gefouert ginn am Cycle 1, wat och hei ganz echt ass, do steet dann och sou léif, et ass alles e bësseleche wäit vum Terrain fannen ech. Hei steet dann Le Luxemburgeois restera la langue la plus importante indispensable à la socialisation et à l intégration des enfants, dat ënnerschreiwe mir mat 100%. An da kënnt awer L inititation au français s y ajoutera naturellement, tout comme la valorisation des langues parlées en famille. Also, wann an der Schoulkommissioun d Sitzunge sidd an Dir héiert wat eis Enseignantë soen, an der Praxis gesäit dat ganz anescht aus. Den Haaptproblem ass - an dat ass net nëmmen an den Diddelenger Schoulen sou, mee och do gouf et awer ënnerstrach dass d Sproochkompetenz vu ville Kanner en enormen Defizit huet, virun allem och an der Mammesprooch, an dat ass alarmant an erschreckend. Mir hu flott Projeten zu Diddeleng, den Här Buergermeeschter hat deen zum Beispill vergiess, vun der Madame Mara Flammang, déi esou e Babbelgrupp organiséiert, wou se mat deene Klengen aus der Spillschoul sech zesummesetzt fir Lëtzebuergesch ze babbelen, dat immens flott ass, a wou d Kanner immens gutt Fortschrëtter man. Mir hunn de Projet Native Speaker um Deich, wat och en Immens flotte Projet ass, mee och hei ass vill ze dinn, an do nach eng Kéier mäin Appel, Logopäd, Orthophonist, kee Muttwëll. Och d Promotioun vun der Precoce-Offer ass wichteg fir d Sprooch ze förderen, dat war jo och initialement d Ursach firwat e Precoce agefouert gouf, fir de Kanner hei zu lëtzebuergesch d Sprooch méi frei méi nozebréngen. Voilà, well et ass och sou, wann s de d Sprooch déi geschwat gëtt, net verstees, grad bei klenge Kanner, an du kanns dech net matdeelen, da bass de frustréiert, da gëss de rosen, aggressiv an dat féiert och oft zu enger Verhalensopfällegkeet, dat ass einfach e Fakt, an dat dierf een net vernoléissegen an dofir fannen ech et gutt, dass mir zu Diddeleng op de Wee ginn, wierklech de Precoce ze promovéieren. Dir wësst, dass mir dat och gepriedegt hu vum 1. Dag wou ech hei sëtzen, dass mir do misste matgoen, dat hu mir och gemaach. Mir sinn elo bei 67% vun Dräijäregen, déi hei an de Precoce ginn, dat ass eng ganz gutt Chiffer, an Dir kennt och meng Approche, dass ee méi misst intervenéieren, dass mir Plazen opmaache fir d Kanner an d Kantinnen ze bréngen. Eis Maison Relais Precoce-Struktur ass voll, 5 Kanner sinn ofgewise ginn, aus verschiddenen Ursaachen, an ech denken, d CSV wäert sech och nach weider dofir asetzen, dass all Precoce- Kand, wann et wëll, eng Kantinsplaz ka kréien, wat och vum Ministère gewënscht ass, well do steet och, eng enk Vernetzung Maison Relais-Precoce ass erwënscht. Wéi gesot, dat ass net nëmmen alles der CSV hir Iddi wat ech hei soen, mee dat kënnt och vum Minister. Voilà, iwwerhaapt soll eng allgemeng besser Vernetzung vu Maison Relais a Crèchë gewënscht ginn, och dat ass ëmmer gesot ginn an et soll och, wat ech ganz interessant fannen hei, eng Plateforme locale geschaf ginn, fir den Échange ze verbesseren, net nëmmen tëschent Schoul a Maison Relais, mee och mat de Crèchen. Dat, denken ech, ass och en absolute Besoin hei zu Diddeleng. Mir hu ganz vill privat Crèchen, an ech denken, dass een sech do och muss op en Dësch setzen a vill Problemer, déi sinn, uschwätzen. Déi Kanner ginn an d Crèchen, well déi dann och do e Mëttesdësch an en Encadrement ugebuede kréien, mee wann een heiansdo gesäit, wéi déi Crèchen d Kanner bei d Schoule siche kommen, a wéi se déi an deen Auto knätschen an da mat 100 kmh, oder net grad, awer mat iwwerhéi-

78 RAPPORT 78 jer Vitesse laanscht Schoule fueren, ech mengen sou eng Plateforme locale, mir haten dat och schonn eng Kéier ugeklongen, dass een dat villäicht soll eng Kéier an Ugrëff huelen. Ech kommen dann zu de PRSen an zu de Projete fir déi nächst Joeren. Bilan PRS: Den Här Buergermeeschter huet scho villes uklénge gelooss, e flotte Projet ass och zum Beispill zu Butschebuerg, do hate mir och nach Erklärung kritt, do gëtt et sou e Legotechnik-Atelier. Wat och immens flott ass, Ribeschpont mam Buch wat se rausbruecht hunn, Native Speaker hate mir schonns gesot, Theaterprojet, Brill, an sou weider. Wat virun allem awer ukléngt, dat ass, dass d Schoulen eng besser Vernetzung wëlle vun der Schoul an der Maison Relais. Ech wëll do och just drop hiweisen, dass mir dat och net bewosst war, dass vill edukativ Projeten an awer och Komportementsreglementer oder sou weider, déi d Schoulen ausschaffen, sinn se frou wann d Maison Relais och op déi selwecht Schinn geet. Dat ass och an de meeschte Fäll de Fall, mee zum Beispill ass et awer e Mëssstand, dass d Kanner vum Ribeschpont - dat gouf och extra gesot - dass déi Kanner op dräi verschidde Maison Relais opgedeelt ginn an, an dass dann do déi Kohärenz, déi Vernetzung net ëmmer sou optimal ass zwëschent der Schoul an der Maison Relais an obwuel vill Saachen an de Projete vun dat Maison Relais tipptopp lafen, schéngt do nach eng Verbesserung vum Dialog zwëschent Schoul a Maison Relais wënschenswäert ze sinn. Wat jo och gutt ass, dat gesäit een, dass do Dialog gefouert gëtt, an an Zukunft ee well do viru goen op déi Schinn. Ech erlabe mir awer och hei op dëser Plaz - et huet zwar och elo net heimat ze dinn, mee ech fannen et ass en Uleies - dem Romain Zuang, am Numm vun der CSV, villmools Merci soe fir säin onermiddlechen Asaz als Responsabele vun de Maison Relais. De Romain Zuang geet an d Pensioun, an hien huet de Maison Relais vun ufank un, jo hie war am Fong Gebuertshelfer, kann ee soen, d Endstehung an d Entwécklung vun der Maison Relais huet hie koordinéiert an ech soen him an eisem Numm villmools Merci fir säin oppent Ouer, an och säin Open mind fir déi ganz Maison Relais weiderzeféieren. Och perséinlech soen ech him Merci, well och ëmmer wann ech eng Famill hat, wou d Kanner hu missen d urgence ënnerbruecht ginn, da war ëmmer en oppent Ouer do, och him dofir nach eng Kéier villmools Merci. Da kommen ech awer zu de Projeten, oder soe mir emol sou wou den Uleies vun de Schoulen ass: Mir sinn dann elo bei Perspectives des plans de développement. Ech hunn elo schonns virdru gesot gehat: Verhalensopfälleg Kanner, dee Problem ass reell, eis Propos ass, Sozialpädagogen an de Schoulen opzehuelen. Ech mengen, déi aner Demanden, wéi zum Beispill Bibliothéiksraim um Strutzbierg schafen, ech denken dat ass jo machbar, zum Beispill kéint ee Wee sinn, dass mir Computersäll déi mir net méi brauchen, wa mir op méi innovativ Technologië ginn - wat och eng Demande vun de Schoulmeeschteren ass - wa mir op dee Wee ginn, da maache mir eis do Reim fräi a mir plädéieren och, genee wéi d Schoulmeeschteren dat gären hätten, en Ausbau vu WIFI an alle Schoulen, Reseauen, well do happert et och oft wann se wëlle mat den I-Pads schaffen. Diddeleng huet vill ze bidden, all eege Schoul ass eng Quartiersschoul an huet hir eegen Nues, hir eegen Dynamik an hiren eegene Charme. Déi sechs Schoule kommunizéieren extrem gutt zesummen. Een hëlleft deem anere fir dass mat de wéinege Stonnen, déi Diddeleng am ganzen ze gutt huet, en optimalen Unterrecht méiglech ass, fir dass all Kand optimal betreit gëtt. D CSV lueft wéi all Joer dësen Zesummenhalt, an eise Respekt gëllt de Presidenten, de Comité-d écolen an de Schoulen, all Aarbechtsgrupp, all Enseignant, dee mat mécht, a mir kënnen nëmme soe maacht weider esou, mir wäerten eis dofir asetzen, dass Dir gehollef kritt, dass Dir en optimale Kader kritt, dass Dir Personal esou opgestockt kritt wéi Dir et braucht, dass all Schoul ka weider hir Projete realiséieren. Bravo nach eng Kéier, Merci un all Schoul vun Diddeleng an d CSV stëmmt natierlech dës Schoulorganisatioun mat. Merci. Colette Kutten (Déi Gréng): Merci Här Buergermeeschter. Merci och un all Leit, déi bei der Ausaarbechtung vun der Schoulorganisatioun an awer och d ganzt Joer

79 RAPPORT 79 Wat déi Cyclen 1-4 ugeet, fanne mir et positiv, dass d Méiglechkeet besteet fir déi eenzel Schoulen, dass si d Kanner esou verdeelen, wéi et hire Besoinen entsprécht. Si hunn d Méiglechkeet, Klasseneffektiver erofzesetzen duerch d Schafung vun enger zousätzlecher Klass. Dat bedeit natierlech dann, dass se manner Stonnen Appui zur Verfügung hunn, an ëmgedréint. Mir sinn awer der Meenung, dass dës Flexibilitéit eng gutt Saach ass, an den Enseignanten erlaabt, déi Deen charge waren, den Här Ferrari un éischter Plaz, deen och ëmmer fir Froen zur Verfügung steet, alle Schoulcomitéen an Enseignanten an och dem Här Suman, mat deem eng gutt Zesummenaarbecht méiglech war. Fir d nächst Schouljoer stinn am Enseignement fondamental grouss Changementer un, déi mat groussen Erausfuerderunge fir all d Leit um Terrain verbonne sinn. D Ofschafe vun de klassesche Schoulinspekteren, déi duerch 15 Direction-de-regionen ersat ginn, ass Neiland an et brauch bestëmmt eng Zäit, éier déi nei Équipen arrodéiert sinn. En Avantage vun där Neierung ass deen, dass d Elteren an Zukunft e kloeren Uspriechpartner hunn, dee fir alles wat mat der Schoul zesummenhänkt, zoustänneg ass. Doriwwer eraus wäert d Praxis da weisen ob déi nei Struktur hire komplexen Aufgabe ka gerecht ginn. Eng weider grouss Erausfuerderung ass d Inklusioun vun de sougenannten Élèves à besoins éducatifs particuliers ou spécifiques, woubäi ech muss soen, dass ech net genee weess, wat déi Termen do alles ëmfaassen. Mee insgesamt si jo awer net nëmme verhalensopfälleg Kanner gemengt, mee virun allem och déi Kanner mat anere Behënnerungen; dës Mesure ass schonn längst iwwerfälleg an d Ëmsetzung gëtt elo endlech der Fuerderung vun enger Schoul fir all Kanner gerecht. Dës Ëmsetzung ass allerdéngs net einfach, och wann et an Zukunft dann eng kompetent Berodung an Ënnerstëtzung um Terrain soll ginn. Iwwer de genauen Oflaf ass jo anscheinend och net vill bekannt, wat och net zur Berouegung bäidréit. Bon, allerdéngs, wat vun der Madame Kayser zu de verhalensopfällege Kanner gesot ginn ass, deelen ech d Analyse vum Ist-Zoustand, dee wierklech schwiereg ass fir all Leit um Terrain, ech denken awer net, dass mir herno kënnen all Klass hir eegen extra Spezialisten a Spezialistinnen zur Säit stellen. Mir sinn der Meenung, dass vill méi frei muss ugesat ginn, éier d Kanner an de Precoce an an d Schoul kommen, fir do Hëllefsstrukturen ze schafen am Sënn vum Baby+ an Eltereschoul, also, dass do am Virfeld méi Efforte musse gemaach ginn, fir dass net schonn wichteg Zäit versträicht, éier ka wierklech eppes ënnerholl ginn. Wéi dat soll ausgesinn, ech mengen dat ass eppes wat muss zesummen mat alle Leit um Terrain verhandelt ginn. Eng aner Neierung ass d Aféierung vum Fach Vie et Société de, e gemeinsamen Unterrecht fir all d Kanner, déi virdrun an der Relioun oder an der Morale waren. Wat d Organisatioun ubelaangt, ass dat jo op alle Fall eng Erliichterung. Doriwwer eraus fanne mir et awer positiv, dass dat gemeinsamt Fach agefouert gëtt an, dass Kanner net méi no Reliounen a Weltanschauungen opgespléckt ginn. Souwäit zum allgemenge Kader. Wat d Schoulorganisatioun zu Diddeleng ugeet, schéngt et keng gréisser Problemer ze ginn. D Zuel vun de Schoulkanner huet zougeholl. De Schoulraum, deen zur Vefügung steet - an der Gaffelt ass jo och ausgebaut ginn -, geet fir de Moment nach duer. De Quartier Am Duerf schéngt haaptsächlech vu Leit bewunnt ze sinn, déi keng schoulflichteg Kanner hunn. Am neie Quartier Lenkeschléi ginn et bis elo just anscheinend 2 schoulflichteg Kanner, an als Iwwergang bis dass déi nei Schoul fäerdeg ass, kënnen d Kanner op d Schoule ronderëm, de Brill, d Waldschoul, an de Strutzbierg verdeelt ginn. A wann eng Iwwergangsléisung gebraucht gëtt, dann ass bei Bedarf eng ze schafen, doriwwer hu mir genuch de Moien diskutéiert, dat wëll ech net weider ausféieren. Wat de Precoce ubelaangt, sou ass et net einfach, d Angebot an d Nofro an deene verschiddene Quartieren openeen ofzestëmmen. Fir de Grupp Precoce + Maison Relais ass d Nofro besonnesch grouss, wat jo och novollzéibar ass, well et fir beruffstäteg Eltere keng aner Alternativ gëtt. An dësem Beräich misst eiser Meenung no d Angebot nach weider ausgebaut ginn.

80 RAPPORT 80 cisiounen ze huelen déi fir hir Schüler a Schülerinnen déi bescht sinn. Natierlech kann ee fannen, dass de Stonnecontingent ze niddereg ass, mee déi bestehend Problemer sinn net op ze héich Klasseneffektiver zeréckzeféieren, eiser Meenung no. Eng besser Mixitéit an alle Schoule géing vill verbessere mee vu dass kee wëll op Quartiersschoule verzichten, wat jo och total novollzéibar ass, ass eng besser Duerchmëschung zumindest kuerzfristeg net méiglech. Eng aner Léisung besteet doran, nei Weeër ze goen, wéi dat zum Beispill den Deich mécht. Hei sinn Native Speakers fir Däitsch, Franséisch a Portugisesch am Asaz fir d Kanner beim Apprentissage vu Friemsproochen ze ënnerstëtzen. En plus leeft d nächst Joer de Projet CASE un, en Encadrement fir verhaalensproblematesch Kanner. Mir sinn der Meenung, dass konkret Projeten déi de Besoine vun der Schoul ugepasst sinn, méi sënnvoll si wéi eng allgemeng Erhéijung vum Contingent. D CIS huet während dem Schouljoer 2015/16 circa 200 Dossieren traitéiert an si verfügt net iwwer déi néideg Ressourcë fir all dëse Kanner ze hëllefen. Mee villäicht ass jo am Kader vun der Inklusioun allgemeng méi Méiglechkeet fir déi Kanner ze ënnerstëtzen. Doriwwer eraus géif et awer och Sënn maachen, dass déi eenzel Schoulen hire Plan de développement scolaire esou ausriichten, dass si kënnen déi Problemer ugoen, déi an hirer Schoul am gravéierenste sinn, am beschte Fall och finanziell a logistesch Ënnerstëtzung dofir kënnen deblockéieren. Et ginn awer net nëmme Problemer. Positiv wollt ech ervirhiewen, dass d Kanner vun den Demandeurs et bénéficiaires de protection internationale keng extra Klass méi besichen, mee an déi regulär Klasse vum Primaire a Post-primaire agefouert ginn, dat war och schonns d lescht Schouljoer fir 8 Kanner de Fall. E weidere positive Punkt ass de Pedibus, deen um Deich funktionéiert an ze verdanken ass dat engagéierten Elteren déi net lamentéieren, mee d Saach an d Hand geholl hunn. Vill Kanner ginn elo a Gruppen an d Schoul an all Dag sinn et Autoe manner, déi bei den Deich fueren. Hoffentlech huelen aner Schoulen sech dorunner e Beispill. Da wollt ech zum Schluss och nach op de Plan d Encadrement périscolaire agoen. De PEP, wéi en an der Ofkierzung heescht, funktionéiert weider wéi d lescht Joer an dat schéngt och gutt ze lafe well d Zesummenaarbecht zwëschent de Schoulen an de Maison Relais zu Diddeleng angeblech gutt klappt. E Pilier ass d Hausaufgabenhëllef, déi an de Maison Relais ugebuede gëtt, an dat nom selwechte Schema, wéi se an de Schoule stattfënnt. Weiderhi kënnen d Kanner aus de Maison Relais u sportlechen a kënschtlereschen Aktivitéiten deel huelen, dat ass eppes wat eis besonnesch um Häerz louch, an nach ëmmer läit, well et wier schued, wann si net an de Genoss vun dem Angebot géife kommen, wat et zu Diddeleng gëtt. Dat ass alles eréischt méiglech ginn duerch d Institutionaliséierung vum PEP duerch den Éducatiounsministère, an dat fannen ech eng gutt Saach, déi en do fäerdeg bruecht huet. Doduerch ass Drock an de Gemengen entstanen an si hunn Efforte gemaach, esou, dass et dunn op eemol méiglech war, Aktivitéiten ze organiséieren, déi virdrun als onméiglech erkläert gi waren. Dat gëllt besonnesch zu Diddeleng fir Zesummenaarbecht mat der Museksschoul, déi d nächst Schouljoer anscheinend weider ausgebaut gëtt. Dëst Joer schonns huet de Gemengebus déi interesséiert Kanner aus de Maison Relais an d Museksschoul gefouert. A positiv ass och, dass de Personnel éducatif sech drëm këmmert, dass d Kanner kënnen an d Sportsveräiner goen aus der Emgéigend, oder eventuell vun aneren Elteren matgeholl ginn. Grad sou wichteg ass och d Zesummenaarbecht mat der LASEP, déi sécher nach méi e breede Spektrum vu Kanner usprécht. An dass eng Artistin d Personal vun de Maison Relais ënnerstëtzt fir dass d Kanner sech och kënne kënschtleresch betätegen, dat fënnt eis voll Zoustëmmung. Da wollt ech och nach op de Plan de réussite scolaire agoen. Mir haten an der leschter Schoulkommissioun d Geleeënheet, mat de Schoulpresidenten a -presidentinnen oder aneren Zoustännegen iwwer d Plans de

81 RAPPORT 81 réussite scolaire déi zwëschent 2014 an duerch gefouert goufen, ze diskutéieren. Am Virfeld hate mir déi schrëftlech Bilane virleien, déi Dir och hat, an opgrond vun deene Bilanen huet all Schoul formuléiert wat si well zeréck behale fir de kommende Plan de développement scolaire. Insgesamt war ech ganz beandrockt vun deem wat si opzeweisen haten, a wéi et hinne gelongen ass, wichteg Theme gemeinsam ze erschaffen. Bei 3 Schoule stoung d Entwécklung vun der Sproochkompetenz am Virdergrond, sécher eng vun den Haaptschwachstellen an eise Schoulen. Dat ass zum Deel op ganz flott Manéieren duerchgefouert ginn, zum Beispill engem externe Publikum eppes virstellen, Asaz vun Native Speaker, Liesnuechten, en Atelier mat Auteuren, fir der e puer ze nennen. Eng Schoul hat sech d Bannendifferenzéierung an de Klassen ausgesicht. Et ass nämlech wichteg, dass all Schüler a Schülerinnen Aufgaben ugebuede kréien, déi hirem Niveau entsprieche, fir dass keen sech ënner- oder iwwerfuerdert spiert. Et ass guer net einfach dat als eenzelen Enseignant hinzekréien, als Schoulprojet dofir eng gutt Initiativ. Eng aner Schoul huet gemeinsam Unterrechtsmaterialien a Bewäertungsraster ausgeschafft, déi fir all Klasse verbindlech waren. Sou weess all Kand, wat et erwaart, well all Enseignant huet dat selwecht Konzept an och déi nämlech Bewäertungen; déi changéieren also net all Joer an et huet een net Chance oder Pech, jee nodeems bei wéi een Enseignant ee kënnt. Ech fannen dat wierklech eppes immens Nëtzleches a Flottes. E weidere flotte Schwéierpunkt vun enger Schoul war et, ënnerschiddlech Kulturen ze entdecke fir Gemeinsamkeeten ze schafen. Also fir d Zesummeliewe wierklech eng wichteg Saach. Dës Theme sinn an der Regel Klassen a Cycle-iwwergräifend behandelt ginn; a ville Fäll hunn d Enseignantë vun der Schoul als Ausgangspunkt eng Formatioun gemaach op där si dann opgebaut hunn, an si hunn all ervirgehuewen, dass Zesummenaarbecht zwëschent den Enseignanten an de Schoulklima sech duerch déi Aktivitéite verbessert huet. An de meeschte Fäll ass och déi gutt Zesummenaarbecht a gutt Kommunikatioun mat de Maison Relais erfirgehuewe ginn. E puer Schwieregkeete waren zum Beispill de Wiessel vu Schoulpersonal oder eben och d Schwiiregkeet, all Leit mat anzebannen. Mee insgesamt huet ee richteg Loscht kritt, matzemaachen. Ech war dofir ganz erstaunt wéi ech nodréiglech am Journal vun enger Gewerkschaft gelies hunn, dass de Plan de réussite scolaire just nëmmen eng administrativ Cougenade wier, déi näischt géif bréngen an et wier besser wann déi Unterrechtsstonnen de Kanner zegutt géife kommen. Dat ass et sech awer e bëssen einfach gemaach. D Zesummeschaffen zwëschent den Enseignanten opgrond vun engem Konzept an Ziiler, déi een erreeche wëllt, ass wichteg a kënnt de Kanner zegutt. Wa jiddereen a sengem Eck wurschtelt, dann ass dat villäicht bequem fir deen Eenzelen awer net efficace, a wann een dann déi Zitater liest, déi do an deem Bulletin zitéiert ginn, do kann een sech awer just nach un de Kapp gräifen. Voilà dat war eng kleng Klammer. Elo soll jo de Plan de réussite scolaire ëmgewandelt ginn an de Plan de développement scolaire, an dësen ass och konzipéiert als Evaluatiounsinstrument. Dat ass natierlech fir vill Enseignanten e rout Duch, et freet een sech just firwat. Allerdéngs dierf et net sinn, dass den administrativen Opwand allze grouss ass, dat ass eng Hürde, déi dierf net spillen. Wann dat sollt de Fall sinn, ech denken, da muss een do nobesseren. An eise Schoulen zu Diddeleng ass jiddefalls eng gutt Viraarbecht gemaach ginn. A 5 vu 6 Schoule wëllen se jo op deem opbauen, wat se bis elo ausgeschafft hunn, a methodesch a strategesch hunn si och vill bäigeléiert, wéi aus hire Bilanen ervir gaangen ass, an ech si ganz sécher, dass si bei der Evaluatioun zimlech gutt wäerten ofschneiden. Déi Gréng approuvéieren op jiddefall d Bilanen an och déi Perspektiven an insgesamt si mir och mat der Schoulorganisatioun d accord. Merci. Dan Biancalana (LSAP Buergermeeschter): Merci, Madame Kutten, fir Är Aschätzung zu der ganzer Schoulorganisatioun, ech ginn d Wuert da weider un de Jos Thill.

82 RAPPORT 82 Joseph Thill (Déi Lénk): Merci Här Buergermeeschter. Ech hat d lescht Joer fir déi Lenk eng Motioun presentéiert fir op nationalem Niveau ee méi héije Schoulstonnen-Contigent ze froen. D Begrënnung vun där Motioun deemools war, dass d Zukunft vun eisem Land op engem gudde Schoulwiese berout, wou all Kand, och déi aus sozial méi schwaache Familljen, eng fair Chance kritt, dat Potential dat an him stécht méiglechst gutt ze entwéckelen. Déi Motioun ass d lescht Joer net ugeholl ginn, desto méi frou sinn ech awer dëst Joer, dass de Contigent vu Schoulstonne fir Diddeleng - wann och aus ganz anere Grënn - ëm 132 Stéck, dat sinn ëmmerhin 3,5%, also eng zimlech substantiell Hausse, erhéicht gi sinn. An dee Projet, dee mir virleien hunn, setzt déi Schoulstonnen och gutt a produktiv an. Also, mir vun déi Lénk sinn erfreet festzestellen, dass d Regierung vun hirem ufanks Slogan Mat manner maache mer mei ofgeréckelt ass, an deen eigentlech selwer net méi gleeft. Well d Regierung schéngt selwer elo zur Iwwerzeegung ze kommen, dass ee fir méi erauszekréien, sech och méi Moye muss ginn. Also, den Här Meisch huet jo zum Beispill da versprach, 150 nei Instituteur-spécialiséen anzestellen ausserdeem e ganze Koup Éducateursposten ze schafen. Wou a wéi déi supplementar Leit agesat ginn, dat ass eng aner Fro, mee jiddefalls si mir frou festzestellen, dass d Regierung dann elo d Kéier kritt huet a mir hoffen, dass se op deem richtege Wee, sech méi Moyennen ze gi fir zu Resultater ze kommen, och viru fiert. Et ass ganz kloer, dass eng grouss Rausfuerderung fir eis Schoulen am ganze Land an och hei zu Diddeleng déi steigend Zuel vu Kanner ass déi Doheem als Haaptsproch net Lëtzebuergesch schwätzen. Dat sinn nach 15% méi Kanner wéi déi 50% auslännesch Kanner, déi mir souwisou schonns am Schoulsystem hunn. Mir sinn der Meenung, dass déi vill Auslänner fir eist Land eng Beräicherung an eng Chance si fir eng oppen, eng multikulturell an eng innovativ Gesellschaft. Mee et ass awer kloer, dass déi Zuel vun Net-Lëtzebuerger an d Zuel vun deene verschiddenen Nationalitéiten, déi och nach wiisst, dass dat allerdéngs eng substantiell Rausfuerderung fir eise Schoulsystem ass. An dofir begréisse mir et och ausdrécklech, dass et dem Här Ferrari a senge Servicer gelongen ass eng Schoulorganisatioun opzestellen, bei där d Moyenne vun de Klasseneffektiver am Préscolaire an am Primaire ongeféier bei Schüler pro Klass läit, a mir stëmmen dann och fir dëse Projet vu Schoulorganisatioun. An all deene Leit déi mat Asaz a motivatioun, sief et am Enseignement oder an der Organisatioun, respektiv an allen aneren Tâchen, souwuel an de Maison Relais wéi an de Schoule schaffen, eisen oprichtege Merci fir hiren Asaz. Ech hätt dann eng Rei méi punktuell Remarquen. Wéi schonns gesot, soen ech dem Här Erni Ferrari a senger Equipe Merci fir d Opstellung vun der Schoulorganisatioun a fir déi detailléiert Ënnerlagen, déi mir all kéiers kréien an och fir d Rapporten iwwert d Sëtzunge vun der Schoulkommissioun. Mir bedaueren et awer sou wéi d lescht Joer, dass an der Schoulkommissioun net all d Parteie vertruede sinn a mir géife gären deem zukënftege Gemengerot mat op de Wee ginn, dass wann een och d Schoulkommissioun esou zesummesetzt wéi d Regele vum Gesetz et virschreiwen, deene Parteien, déi dann net an där Kommissioun vertruede sinn, awer e Statut als Observateur, also ouni Stëmmrecht an ouni Jetons de présence sollt zougestoen. Menger Meenung no ass dat am Sënn vun enger demokratescher Partizipatioun an et hëlleft och, d Aarbecht vum Gemengerot ze verbesseren. Ech schléisse mech dann och deene zwou Virriednerinnen un, bei hirem Merci fir den Här Romain Zuang fir säin Asaz beim Opbau vun de Maison Relais hei zu Diddeleng a mir wënschen eng gutt Pensioun. Mir begréissen dann och déi vill innovativ Weeër, déi hei a villen Diddelenger Schoule gaange ginn. Zum Beispill an der Schoul Deich, ënnert anerem beim Enseignement vum Däitschen a vum Portugiseschen. Just eng kleng Fro: Am Rapport vun der Schoulkommissioun vum leschte 26. Abrëll war rieds vun deem Projet CASE, also Centre d apprentissage socio-émotionnel, deen Dir och schonns ugeschwat hutt, an do stoung am Rapport iwwert de Projet géif eng Annex bäileien. Ech weess net ob ech déi net gesinn hunn, soss géif ech froen déi awer och nach geschéckt ze kréien. Et géif mech interesséieren.

83 RAPPORT 83 D Schoul Deich déi ass och Virreiderin beim Projet Pedibus, mat vill Erfolleg wéi mir frou sinn ze liesen. Dofir eng weider Fro: Ass op deem Gebitt, also um Gebitt vum séchere Schoulwee am leschte Joer och bei anere Schoulen nach eppes geschitt? Et war jo och mol d Iddi geäussert ginn, wa keng Elteren sech géifen zesummen doen, fir sou e Projet, kéint een op verschiddene Plazen e séchere Schoulwee - wéi dat an anere Gemengen och schonns ass - virzeechnen, dofir och do eng Fro ob de Schäfferot do eng Initiativ wëlles huet. Positiv gesi mir dann och déi gutt Zesummenaarbecht zwëschent eise Schoulen an aneren Institutiounen, dat ass wierklech gutt, an dat soll esou weider geféiert ginn. Mat aneren Institutioune mengen ech hei d Maison Relais, grad esou wéi d Museksschoul oder d Lasep. Dann hätt ech eng Fro iwwert de CIS, d Commission d inclusion scolaire, wou am Rapport vun der Schoulkommissioun vum leschten 29. Mäerz steet, ech zitéieren: Malheureusement, la Commission d inclusion scolaire ne dispose pas des ressources nécessaires pour pouvoir aider tous ces enfants. Dofir da meng Fro: Wéi geet et dann elo weider? Déi Kanner, déi och e Besoin hunn, déi kënne jo net einfach sou sëtze gelooss ginn. Da kommen ech bei d DPI an d BPI, also d Demandeurs a Bénéficiaires de Protection internationale, do hate mir d lescht Joer bei der Diskussioun bei der Schoulorganisatioun festgehalen, dass fir déi Kanner d Gemeng géif e Supplément vu Schoulstonne beim Ministère géif ufroen. Do wollt ech froen, wat aus där Demande ginn ass, a wéi et sech dëst Joer verhält op eventuell och dëst Joer eng Demande gemaach gëtt. Dann hunn ech eigentlech just nach e leschte Punkt. Wéi gesot, dat ass awer kee Punkt vu menger Partei, et ass e Punkt, deen ass reng perséinlech a ganz subjektiv. Mir hunn, wéi ech am Landwirtschaftsministère geschafft hunn, och esou e Plan de développement rural opgestallt all 5 Joer, am System vun der Planwirtschaft, ganz vill Aarbecht, ech weess awer net ob mer ëmmer selwer gegleeft hunn, wat do an deem Plang stoung. An dofir fannen ech, wéi gesot, dat ass wierklech elo eng subjektiv Fro, wann ech gesinn, wat eis virgeluecht gëtt bei deem Plan de réussite scolaire a bei deem Plan de développement scolaire fir d Zukunft, dat gesäit sech zimlech administrativ un an et ass bestëmmt vill Aarbecht fir et zesummenzestellen an ech froe mech perséinlech, ob d Schoulpersonal och dat selwecht géif maache wann se net missten déi administrativ Formulairen do ausfëllen. Dat ass meng Fro. Ech loosse mech gär vum Här Ferrari enges Bessere beléiere mee ech wollt awer d Fro stellen. Wéi gesot, et si vill positiv Saachen an deem Projet vun der Schoulorganisatioun a mir wäerten och fir dee stëmmen. Ech soen Iech Merci. Bob Claude (LSAP): Merci. A 5 Minutten ass et Auer, da schellt et fir d lescht fir dëst Joer fir d Kanner an eise Schoulen. Da stinn zwar déi zwou flottste Schoulstonne virun hinnen, déi hate mir och fréier ëmmer gären, an dann um Auer ass d Schouljoer endgülteg eriwwer. Ech kommen awer elo op dat nächst Schouljoer. Net ewéi gewinnt, Mëtt Juni, mee eréischt ee Mount méi spéit diskutéiere mir haut iwwer déi provisoresch Versioun 2017/2018 vun der Organisatioun vun der Grondschoul. Et ass och sielen, dass mir virdrun dräi Schoulkommissiounssitzungen haten. Dobäi bidden eis och dëst Joer excellent Rapporten eng wichteg Ënnerlag. E grousse Merci geet un den Erni Ferrari, Auteur vun dëse Rapporten. Hien ass ewéi de roude Wäin, wat méi al wat besser. An allen dräi Sitzunge waren och déi sechs Schoulpresidenten dobäi a si konnten de Kommissiounsmembere wichteg Informatioune vermëttelen. Beim Opstelle vun enger Schoulorganisatioun geet et haaptsächlech ëm d Verdeelung vun den ageschriwwene Kanner op déi verschidde Klassen an d Besetzung vun alle Schoulposte mat Léierpersonal. Dobäi muss een awer op verschidde Saache Récksiicht huelen. D Kanner vun enger Famill sollen an dat selwecht Schoulgebai goen. Op Wonsch vun den Eltere ginn dann och eng Rei Diddelenger Kanner net do an d Schoul, wou se wunnen, mee do wou se bei engem Familljemember oder enger Drëttpersoun versuergt ginn, oder do wou en Elterendeel seng Aarbecht huet. Da kommen nach eng kleng Zuel vu Kanner aus dem benoperte Grenzgebitt dobäi.

84 RAPPORT 84 Am Laf vun der grousser Vakanz wäerten dann och nach eng Rei Schüler dobäi kommen. Dat bréngt mat sech, dass trotz enger ganz valabeler Gesamtmoyenne, Schüler pro Klass, dëst Joer an de Cyclen 2-4 verschidde Klasse méi wéi 19 Schüler hunn, souguer 3 Klassen 23 oder 24 Schüler. Et ass de Verdéngscht vun deene 6 Schoulpresidenten, dass si sech no Ofsprooch mat deene respektive Schoulcomitéen eens ginn, d Appuisstonnen no folgendem Prinzip ze verdeelen. Schoulen déi op eng Klasseverdueblung verzichten, kréien eng méi grouss Zuel vun Appuisstonnen. Ëmgedréint ass och gefuer, eng Schoul, an där Klasse verduebelt ginn a kleng Effektiver doduerch hunn, kréie manner Appuisstonnen. Net erfreelech ass et, dass mat der enger oder anerer Ausnam a kengem Schoulgebai vun Diddeleng eidel Schoulsäll zur Verfügung stinn. Gespaant kann ee sinn, ob mat der Fäerdegstellung vun der neier Schoul Lenkeschléi ëm 2020 d Situatioun, besonnesch um Strutzbierg, verbessert gëtt. Wichteg, well batter néideg, bleiwen déi verschidden Hëllefsmoossname fir d Kanner. D Zuel vun den Appuisstonnen ass vu 459 op 508 eropgaangen, d Zuel vun de Stonnen hors contingent fir de Cours d Appui wäert wuel bei 69 bleiwen. Dës Kanner, déi sougenannte Primo-arrivants, dëst Schouljoer sinn et der 33, sinn an normale Klassen ageschriwwen a ginn op der Plaz vun 3 Enseignanten ënnerstëtzt. Niewent der wichteger Hëllefstellung vun der Équipe multiprofessionelle sinn d Initiative vun de Schoulen Deich mat hirem Projet CASE an d Interventioune vu sougenannten Native Speaker an de Klassen. Erwäne soll een, dass um Deich eng 150 portugisesch Schüler vun 2 Enseignanten an hirer Mammesprooch an der Spillschoul ënnerstëtzt an an de Cyclen 2-4 an den Niewefächer ënnerriicht ginn. Déi 19 Stonne Cours d Intégration bleiwen erhalen. Fir d Ersetze vum Léierpersonal, déi vum Schouldéngscht assuréiert ginn, sollen och dëst Joer 138 Stonnen zur Verfügung stoen. Souzesoen historesch ass et, dass ab der Rentrée d Coursë vun der Education morale et sociale duerch d Fach Vie et Société ersat ginn. D Classe étatique fir d DPIs-Kanner funktionéiert net méi um Strutzbierg. annerhallwem Joer ginn déi Kanner an normal Klassen um Strutzbierg an um Deich verdeelt. Wéi déi Joere virdru kënnen d Schoulkanner an hiert Léierpersonal op déi materiell a logistesch Ënnerstëtzung vun eisem Gemengenservice zielen. Begréissenswäert ass d Initiativ vun der Schoul Deich, an hir Elterevertriedung mat der Aféierung vum Pedibus. Dobäi hunn awer och d Presidentinne vun der Familljen- a vun der Sécherheetskommissioun, d Josiane di Bartolomeo-Ries an d Brit Schlussnuss, wichteg Impulser ginn. D Kanner kommen op virgezeechente Weeër a Gruppen an d Schoul. Domat sinn eng Rei Autoe virun de Schoule verschwonnen. Interessant wier et, ze wëssen ob et an anere Schoulen och esou eng Initiativ gëtt. Och wann et nach net offiziell ass, well ech e grousse Merci dem Schoulinspekter Marco Suman soen, dee während 7 Joer duerch säin Asaz, seng Zevirkommenheet a Frëndlechkeet beim Léierpersonal, Elteren a Kanner a beschter Erënnerung wäert bleiwen. Him wënschen ech och vun dëser Säit alles Gutts a sengem neie Ressort. An den Annexe vum Dokument vun der Schoulorganisatioun fënnt een dee sougenannte PEP. Grouss Changementer par rapport zum virege Joer ginn et net, ewéi zum Beispill funktionéiere vun der Hausaufgaben Hëllef, d Kollaboratioun mat der LASEP an Art à l Ecole, an déi excellent Collaboratioun mat der regionaler Museksschoul. Sou geet den Eveil musical an den MR selwer ugebueden, an MR-Kanner aus de Cyclen 2 an 3 kënnen sech an der Museksschoul aschreiwen. De Schoulbus vun der Gemeng assuréiert den Transport fir déi Kanner. Interessant ass och, dass d Maison Relais-Kanner dënschdes an donneschdes mëttes an d Schwämm vum Centre sportif Hartmann schwamme kënne goen. A propos Maison Relais a Structures d acceuil, och vu menger Säit e grousse Merci dem Romain Zuang, dee vun der éischter Stonn un sech ëm déi Maison Relais gekëmmert huet, an him wënschen ech elo schonns eng gutt Pensioun.

85 RAPPORT 85 Gemeinsamt Notze vu Schoulsäll, Bibliothéiken, Informatikssäll an Turnsäll ass eng Selbstverständlechkeet ginn. Schoulfester gi gemeinsam organiséiert a verschidde Schoulprojete ginn an de Maison Relais ugebueden. Domat wier ech an dem Sënn fäerdeg mat menger Interventioun. D LSAP-Fraktioun stëmmt dës provisoresch Schoulorganisatioun. Ech fueren awer direkt weider fir iwwert PRSen a PDSe ganz kuerz anzegoen. An der Schoulkommissiounssëtzung vum 12. Juni hunn déi 6 Schoulpresidenten hiert Synthese-Dokument mat der Bilanz PRS, an de Perspektive PRS respektiv PDS virgestallt. An deenen duerchaus intressanten Dokumenter, déi ofwiesselnd a franséischer, däitscher a lëtzebuergescher Sprooch verfaasst sinn, ginn am éischten Deel d Ëmsetzung vun Ziler vum PRS beschriwwen. Dat wat gutt war an dat wat och manner gutt funktionéiert huet, gëtt festgehalen. Da ginn et Entwécklungen, d Organisatioun an d Bedeelegung beschriwwen. Bei de Perspektive vun der Ausschaffung ginn engersäits folgend Aussoe gemaach: dat kënne mir, dat hu mir erreecht, dat hale mir bäi, an anerersäits, dat wëlle mir änneren, an dës Richtung wëlle mir eis weiderentwéckelen. Alles an allem, ob PRS oder PDS, duerch d Verwierklechung vun hiren Ziler verbesseren sech déi verschidde Schoulen op organisatoreschem, pedagogeschem an ënnermënschlechem Plang. De Schoulinspekter huet säin Accord ginn zu dësen Dokumenter, d LSAP-Fraktioun gëtt hire selbstverständlech och. Dan Biancalana (LSAP Buergermeeschter): Merci dem Bob Claude fir seng Interventioun an da ginn ech d Wuert un den Erni Ferrari fir op e puer Punkten anzegoen. Erni Ferrari (Responsabele vum Service de l Enseignement): Merci Här Buergermeeschter, léif Dammen an Häre vum Schäffen- a Gemengerot. Mat der Schoulorganisatioun si mir elo effektiv e bësse méi spéit un ewéi déi Joere virdrun. Et ass awer elo esou gewiescht, dass vill Entscheedunge vum Ministère nach ausstoungen am Mee, Entscheedunge, déi mir awer déi Joere virdru schonns ëmmer fréizäiteg kannt hunn, sou dass et och guer net kloer war ob mir da fir de Mee - Enn Mee war jo dee leschte Gemengerot - ob mir dee Moment wierklech all Informatioune gehat hätte fir do d Schoulorganisatioun mat eranzehuelen. PRS a PDS hätte mir am Mee souwisou net kënne mat duerchhuele well do stungen nach vill Froen op, dat ass alles réischt an deene leschte Woche vun de Schoulpresidente mam Inspekter a mam Ministère finaliséiert gin, sou dass mir dee Punkt haut souwisou awer nach hätte misse behandelen. D Schoulorganisatioun ass elo awer net nëmmen eng Aarbecht vum Schoulservice, do hunn d Presidentinnen an d Presidenten och ganz vill Zäit investéiert an sech dru bedeelegt fir déi op d Been ze setzen. Bei eis gëtt u sech nëmmen nach schlussendlech d Synthese gemaach fir déi eenzel Klassen an d Schüleropdeelungen finaliséieren ze kënnen. Si hunn u sech schonns am Abrëll gekuckt, wat eis vu Schülerzuelen an deenen eenzele Klassen an Cyclen erwaart, an si hunn eben an de Schoulen, an de Comitéen an herno ënnertenee gekuckt, wat et do fir Méiglechkeete gëtt mam Contingent, dee mir vum Ministère kréien, wéivill Klassen si mat wéi engen Effektiver a wéi enge Moyennen maachen kënnen. Normalerweis ginn et an dëser Phase vill Schwankunge bei den Effektiver fir dat nächst Schouljoer. Wann ech aktuell nach eng Kéier wëll déi Zuele vergläiche mat deenen déi mir am Abrëll haten, ginn et awer praktesch kaum Ännerungen, gesamt gesi jiddefalls net. Ee Moment sinn d Zuelen erof gaangen, mee an der Lescht sinn se erëm an d Luucht gaange well elo awer Kanner vun anere Gemenge bäikomm sinn, sou dass mir trotzdem de Moment op deem Chiffer bleiwen, deen am Abrëll och schonns virgesi war. Den eenzege Bemol bei der ganzer Saach ass, grad do wou mir scho vill Kanner haten, dat woussten d Schoulen jo och, leider sinn grad do dann awer elo nach Kanner bäikomm. Do wëll ech nëmme vu verschiddene Klassen am Ribeschpont schwätzen, déi schonns bei 20 waren, wou dann elo nach Kanner bäi geplënnert sinn. Am Cycle 1 vum Ribeschpont waren nëmmen Kanner virgesin, do si mir awer elo mëttlerweil op 15 an der Moyenne, also sinn och do déi perfekt Effektiver elo awer schonns e bësse geklommen.

86 RAPPORT 86 Och am Brill am Cycle 3.2, wou se schonns héich Effektiver vun 23 virgesinn haten, sinn se momentan bei 24 Kanner ukomm. Mee wéi gesot, am grousse Ganzen ass et zu Diddeleng bei deenen Effektiver bliwwe déi och virgesi waren. Contigent, do hu mir jo dëst Joer e Koup Stonne méi kritt. De Ministère huet och virun 2 Wochen nach eng Kéier 20 Stonnen nogeschoss, well si hunn effektiv dëst Joer fir d éischt wéi versprach am Juni deen aktuelle Stand gekuckt. A well et eng positiv Entwécklung mat de Schülerzuelen gouf, hunn se nach Stonne nogeschoss, sou dass d Presidenten och déi op déi eenzel Schoulen verdeelen konnten. Déi ugefroten 138 Remplaçantsstonnen hu mir alleguerte kritt, allerdéngs hu mir beim Cours d accueil vun deenen 3 Posten, déi mir bis elo haten, 1 Poste manner accordéiert kritt well an deene leschte Joeren net méi esouvill Schüler aus anere Länner, déi de Cours d Accueil zegutt hunn, hei zu Diddeleng bäikomm sinn. Sollten d Flüchtlingskanner, DPIs- a BPIs-Kanner, de 15. September definitiv bei eis ageschriwwe bleiwen, da kréie mir do trotzdem awer nach eng Kéier Stonnen vum Ministère no fir déi ze encadréieren. Mir mussen awer de September ofwaarden, dat hunn si um Ministère sou decidéiert. Net optimal fir eis, mee déi hätte mir normalerweis och nach zegutt. D lescht Joer hate mir och eng Demande gemaach fir nach eng Kéier Stonnen nozekréien, do hat de Ministère jo och gesot, mir kucken am September wéivill Schüler Dir dann nach effektiv hutt. Schlussendlech hu mir och fir déi 5 DPIs-Kanner, déi dunn am Cycle 1 ageschriwwe waren nach eng Kéier 10 Stonne vum Ministère nokritt gehat. Den 1. Oktober war dann déi zousätzlech Persoun och agestallt fir do auszehëllefen. Am Précoce huet och lo net souvill geännert säit Abrëll. Et war elo just virdru gesot ginn, et wäre vill Kanner refuséiert gi fir déi Précoce-Klassen mat Maison Relais, déi mir hunn. Effektiv sinn do 5 Kandidaturen net zeréckbehale gi fir déi Klassen well noutwenneg Dokumenter gefeelt hunn, wéi zum Beispill d Certificats de travail, dass d Elteren zu zwee schaffen. Vun deene 5 kënnen elo 3 Kanner momentan awer alternativ ee vun den A-, B- oder E- Gruppe kréien. Zwee vun deenen, déi net acceptéiert goufen, hunn hir Demande elo mol effektiv zeréckgezunn an eng aner Alternativ gesicht. Et ass natierlech schued fir déi 2 Kanner do, dass déi elo net bei eis integréiert ginn. Et muss een awer och wëssen, dass de Ministère elo net ouni Weideres eng zousätzlech Precoce-Klass accordéiert. Et muss ee jo ëmmer opwéise kennen, dass wierklech genuch Kanner fir eng zousätzlech Klass do sinn. Wéi d lescht Joer och, wann ee ka soen, mir hu méi wéi 10 Kanner pro Hallefdaag oder pro Plage, da kritt een och vum Ministère d Klass accordéiert. Éischter kritt een déi Autorisatioun net, an eben an deem Fall si mir elo net, an dohier géif esou eng Demande fir eng zousätzlech Klass net accordéiert ginn, zu dësem Zäitpunkt jiddefalls net. Wat elo natierlech déi nei Gesetzer betrëfft wann Direktioune kommen, do ginn et elo vill Changementer, et circuléieren och Nimm, déi awer nach net offiziell sinn, sou dass mir effektiv nach net wësse wien den Direkter gëtt. Mir kennen déi eenzel Nimm, wou elo Enseignanten als Instituteur fortgaange si fir d enfants à besoins spécifiques als zukünfteg IEBS ze betreien, mee et stinn nach vill Nimm op an et huet kee Wäert, dass ech elo hei vill spekuléiere wat, wou, wéivill Leit kommen. Dat läit um Ministère fir elo déi nächst Wochen d Equippen zesummenzesetzen. Natierlech hoffen ech, dass dat elo sou schnell wéi méiglech iwwert d Bühn geet, fir d Kanner a fir d Enseignanten och. Mä schlussendlech hu mir do guer keen Afloss, mir hunn eng gutt 100 Gemengen am Land, an do muss all Gemeng dann elo ofwaarde wat dann vun Decisioune getraff gëtt. Da war och d Fro mat de Reliounsenseignanten. Momentan sinn et der 10 hei an Diddeleng. Vun deenen 10 weess ech elo mol vun 3, dass se d Formatioun gemaach hu fir och d nächst Joer dierfe Schoulcoursen ze halen, an déi hun och bei mir nogefrot an sech bei mir gemellt. Déi missten och momentan an der Prozedur si fir eng Affektatioun op e Posten d nächst Joer zu Diddeleng unzefroen. Déi Nimm vun den Enseignanten fir déi aktuell vakant Posten gi mir awer alleguerten réischt den 24. Juli vum Ministère gewuer. Mir hunn nach 20 Posten, déi opstinn, do musse mir dann eben och nach Gedold hun. Et kann och sinn, dass sech déi Prozedur bis den 28. Juli hinzitt, heescht also, dass mir am Standby musse bleiwe fir déi Nimm gewuer ze ginn an fir se och herno

87 RAPPORT 87 un d Presidente weiderzeginn, fir dass si hir Schoulorganisatioun ofschléissen kënnen. Fir d éischt gi mol déi nei Stagiäre-Instituteuren affektéiert, déi sech en rang utile klasséieren. Hei sinn d Poste schonns virdefinéiert, déi si kënne kréien. Vieso (vie et société), dat ass e renge Vieso-Posten, deen ass och esou ausgeschriwwe ginn. Do kann nëmmen een Enseignant sech drop mellen, deen déi Formation huet. Dann hu mir awer och nach eng Rei Posten, wou och Vieso mat dran ka sinn, souwéi Appui, Niewefächer, villäicht och eenzel Haaptfächer. Wann do elo ee géif kommen a misst sou e Posten huelen obschonns e seng Vieso-Formatioun net huet, da muss en e Kick-off normalerweis direkt am Ufank vum éischten Trimester matmaache fir dat Fach dierfen ze halen. Wéi gesot, betreff d Reliounsenseignante, do musse mir eben ofwaarden, wéi de Ministère déi Leit klasséiert, a wéi se sech kënnen op Diddeleng zeréck wielen, dat dauert elo nach bësse bis mir dat alles wëssen. Et war och nach d Fro, wéivill Kanner an der Relioun ageschriwwe waren. Mir haten dëst Joer nach 61% vun de Kanner, déi am Reliounscours ageschriwwe waren, also e Minus vu +/- 4% par rapport zum leschte Joer. Huet dat elo domat ze dinn, dass de Reliounscours souwisou elo ofgeschaaft gëtt, dat ass schwéier ze definéieren. Wou ech am Service ugefangen hunn, do ware mir nach gutt bei 75%, déi am Reliounscours ageschriwwe waren, u sech ass de Prozentsaz vu Joer zu Joer ëm 1% gefall. Da kommen ech villäicht nach eng Kéier op de Projet CASE vum Deich zeréck, fir kuerz Präzisioune ze ginn. Den Deich huet dee Projet jo intern ausgeschafft, si hunn dofir och een bestëmmten Enseignant ugefrot, dee schonns esou geschafft huet, fir dee kënnen op direktem Wee affektéiert ze kréien, sou wéi d Reglement, dat mir hei zu Diddeleng fir d Affektatiounen vun den Enseignanten hunn, et och als Méiglechkeet virgesäit. Jidderee war domat averstanen, Inspekter wéi Schoulcomitéeën och, sou dass déi Persoun konnt dohinner goen. Déi Persoun schafft awer ausschliisslech mat deene Stonnen, déi d Schoul Deich kritt huet, sou wéi d Opdeelung ënnert de Presidente et virgesin hat. Et ass net esou, dass do en extra Poste kreéiert ginn ass. Souwisou, an deem neie Plan de développement scolaire muss dat jo och mat afléissen, wéi d Kanner mat Besoins spécifiques ou particuliers solle betreit ginn. Déi Betreiung geet normalerweis iwwert den instituteur pour enfants à besoins spécifiques (IEBS), deen extra dofir virgesinn ass. An dofir ass och virgesinn, dass eben d Organisatioun vun daerer Betreiung an den PDSe vun deenen eenzele Schoule soll festgehale ginn. Déi aktuell Plans de développement scolaire si jo nëmmen eng Perspektiv, esou wéi se momentan festgehalen sinn. Am Laf vum 2. Trimester sollen se definitiv festgehale ginn an kommen dee Moment nach eng Kéier an de Gemengerot. Et war och d Fro opgestallt ginn, ob dat e Sënn ergëtt e PDS oder PRS opzestellen? Wéi ech ugefangen hunn, waren nach all d Schoule fir sech an all Enseignant fir sech, et kann ee soen, déi Zäit hate mer méi Eenzelkämpfer wéi momentan. Elo mat deenen neie Gesetzer säit 2009 gesäit een ëmmer méi, dass an all Cycle méi zesumme geschafft gëtt an an all Schoul ginn gemeinsam Projete gemaach. Reng nëmme wann ech gesinn, wat vu Material bestallt gëtt, ob dat elo Bicher sinn oder Computer, dat schwankt vu Schoul zu Schoul, do huet all Schoul hir egen Prioritéiten. Do muss ech awer soen, dass dat den Schoulen eppes bréngt, och wann dat natierlech herno administrativ muss festgehale ginn, dat kascht Aarbechtszäit, mee dofir huet de Ministère jo och Dechargë virgesi fir déi Leit. Ech gesinn et vu mir aus positiv well an där Zäit wou ech ugefangen hunn, do war et - einfach nëmme fir vum Budget ze schwätzen, ob dat elo en Ausfluch war oder soss eppes - do war pro Enseignant e bestëmmten Montant virgesinn, an déi eng hunn et benotzt, déi aner hunn et net benotzt, oder hätte léiwer méi benotzt. Mëttlerweil sinn se um Punkt, datt wann deen een säi Budget net brauch, da kritt deen aneren en eben. Och wann dat elo net an de Budgetsdiskussioune sou festgehalen ass, d Schoule kréien dann un sech hiren Deel vun de Budgeten, den si dann fräi innerhalb de Cyclë verwalten kënnen. Besonnesch de Budget vun der Sortie pédagogique, wou mir laang Zäit ëmmer nëmmen een Drëttel oder ee Véierel vum Budget haten, dee pro Joer benotzt gouf, do komme mir awer elo trotzdem op Zuelen erun, déi bal bei 100% leien, well se ebe méi zesumme kucken,

88 RAPPORT 88 wéi se de Budget optimal asetzen a benotze kënnen. Vun do hir gesinn ech dat als eng positiv Entwécklung. Da kënnt och elo déi Saach mat der Bibliothéik um Strutzbierg. Jo, si hunn do e klenge Sall. Et war awer och rieds fir dee Sall, wou elo de Computersall ass, ob een deen net soll fräimaache fir eng Bibliothéik. Dat ass do awer erëm fale gelooss ginn, an lo ass dat Thema erëm opgegraff ginn. Vun der Gemeng aus soll dat keen Thema sinn, do muss d Schoul sech eens gi wéi se dee Sall an Zukunft benotzen wëllen an eis dat matdeelen. Da kucke mir fir déi noutwenneg Ännerungen ze maachen. WIFI gëtt elo och méi gefrot an der Lescht, vu dass de Ministère och d lescht Joer nei Applikatiounen zur Verfügung gestallt huet fir d Schoulen, fir d Enseignanten. Dir kënnt Iech drun erënneren, dass ufanks vun den 2000er Joeren och schonns vu WIFI an de Schoule geschwat gouf, mee do war awer deemools d Begeeschterung net immens grouss wéinst der Strahlebelaaschtung. Dat war deemools esou an do ass och jorelaang kee méi op dat Thema zeréckkomm. Elo si mir amgaangen, an de Schoule Miessungen ze maachen, wou a wéi et mam WIFI kéint klappen. Den Deich huet jo schonns säit e puer Joer vill mat Tabletten a mat WIFI ze dinn. Dat huet och e puer Joer gedauert bis dat gutt funktionéiert huet. An si hunn och mat der Uni zesumme geschafft, fir ze testen, wéi déi Applikatiounen och gutt kënnen agesat ginn, fir dass se herno optimal vun de Schüler benotzt ginn. Do hunn si jo dann um Deich Pionéieraarbecht geleescht an dat sinn déi Erfahrungen, vun deenen déi nächst Schoule wäerte profitéiere, fir et reibungslos kënnen ëmzesetzen. Pedibus, vun anere Schoulen hunn ech net héieren, ob se dat wëllen. Dat ass de Schoulen iwwerlooss, ob se dat wëlle maachen. Och nach e Luef un eis Enseignantë wat d LASEP betrëfft. Mir hunn effektiv ëmmer 6-9 Enseignanten, déi sech hei engagéiere fir d LASEP-Coursen ze halen. Bei anere Gemenge sinn se op 0, déi mussen op extern Leit zeréckgräifen. Mir hunn momentan zu Diddeleng, wann ech mech gutt erënneren, 8 Enseignante plus een Externen, dat ass e gudde Bilan an e gudden Asaz vun eisen Enseignanten. Dan Biancalana (LSAP Buergermeeschter): Merci Erni Ferrari, ganz am Detail hues de op all d Froe geäntwert, wat mir villes erliichtert, well ech kann do an deem Kader just soen, niewent deene ganzen Initiativen, déi an deene verschiddene Schoulgebaier lafen, mir sinn hei op déi verschidden agaange wat e Gesamtbild gëtt iwwert déi verschidden Initiativen, wat jo och weist, dass eng gewëssen Dynamik ass. Wat och ganz gutt ass, dat ass, dass mir elo hei an der Situatioun sinn, mat neien Dispositifen, déi agesat ginn, wou och fir Diddeleng eppes Neies ass, an, dass ee vun elo muss suivéieren zesumme mat dem neie Regionaldirekter, deen affektéiert gëtt, mat deene Ressourcen, déi do affektéiert ginn, mat deenen IEBSen, mat dem Schoulpersonal dat do kënnt, dat soll intervenéieren, wat dat fir en Impakt huet. Dat muss een no am A hunn, an dat muss een och zesummen an enger Schoulkommissioun weider thematiséieren, do hu mir natierlech och mat dem President vun de Schoulcomitéen an och mam Comité d Ecole déi néideg Leit déi kënnen d Echoe ginn, wéi d Entwécklung um Terrain ass, a wann dat net zu eiser Satisfactioun ass, soll een dat der neier Regionaldirektioun matdeele fir dass déi néideg Moossname kënne geholl gi fir d Schoulorganisatioun hei an Diddeleng. Dat ass emol déi éischt Remarque, an dann déi zweet Remarque: Et ass richteg, dass mir iwwert den Delai si vum 3. Juli, mee Dir hutt sécherlech d Rapporte vun anere Gemenge geliest, et ass eng Situatioun wou Diddeleng net alleng ass. Wou mir déi leschten Informatioune kritt hunn, do waren och aner Gemengen, dat heescht, vum 3. Juli u waren eng ganz Rei aner Schoulorganisatiounen, déi gestëmmt goufen, sou dass dat heiten net sou dramatesch ass. Dëst wollt ech nach kuerz soen. Den Erni Ferrari hat schonns ganz vill ofgegraast, dovunner nach eng Kéier Merci, dass de hei waars, Merci fir deng Interventiounen, Merci fir d Diskussioun an da géif ech elo proposéieren, dass mir en bloc ofstëmmen esouwuel d Schoulorganisatioun wéi och. Ah, et gëtt nach eng Präzisioun zum Pedibus?

89 RAPPORT 89 Josiane Di Bartolomeo-Ries LSAP): Jo, ech äntwere ganz kuerz, et sinn net alleng ech, dat un deem Projet sëtzt, mir haten effektiv déi Demande um Deich, wou d Eltere gesot hunn, si géifen de Pedibus begleeden, mir hunn de Projet op d Bee gestallt, mat Punkten, wou se sech treffen, an do sollt dann ëmmer en Elterendeel dobäi sinn. Wéi de Projet ugelaf ass a mir hunn eis Schëlter gesat, do war et awer op eemol esou, dass deen een Elterendeel geplënnert war, deen anere war hei, an do hu mir awer gesot, mir loossen de Projet net falen, mir loossen dat doten esou oder esou lafen. D Léierpersonal ass mat de Kanner aus de Klassen den Trajet ëmmer ofgetrëppelt, an du sote mir, mir schafen e séchere Schoulwee. Et ass ze verstoen, mee et ass eng staatlech Kommissioun, déi och vu staatleche Vertrieder, respektiv vu Psychologen a Pädagogen zesummegesat ass a wou och d Schoule mat dobäi sinn. Déi Annex mam CASE, dat ass kee Problem, dat kënne mir noschécken. Et ass e flotte Projet, deen op 2 Säiten erkläert ass, also fir déi wou et net hunn, do schécke mir et, keen Thema. Da stëmme mir of: Wien ass mat der provisorescher Schoulorganisatioun a mat dem Bilan PDS an der Perspektiv PRS averstanen? Dat ass uanime. Merci. Dat heescht, dee Park, deen elo erop geet, deen elo frësch gemaach gëtt, dee bréngt d Kanner sécher an de Schoulhaff eran, an et ass am Fong méi symbolesch, dee Projet soll och weiderlafen, awer ëmmer an Zesummenaarbecht mam Séchere Schoulwee, well effektiv, et ass ëmmer gutt gemengt mat den Elteren, mee am Endeffekt, wann et drëms geet, oder mir loossen et elo de Méinden ulafen, da waren d Elteren awer op eemol do. Et ass ëmmer dodru wou et scheitert a mir wollten et awer net scheitere loossen. Dat heescht, fir all Schoul, déi wëll, setze mir Treffpunkter an do kann da symbolesch kënnen d Kanner zesummen an d Schoul. Souvill zum Pedibus. Méi ass et net. Joseph Thill (Déi Lénk): Ganz kuerz meng zwou Froen: Wéi gesot, am Rapport vun der Schoulkommissioun war rieds vun enger Annex iwwert de CASE, kéinte mir déi kréien, wann ech gelift? An déi aner Fro, dat war deen anere Rapport wou iwwert d Commission d inclusion scolaire stoung Malheureusement, la Commission ne dispose pas des ressources nécessaires pour pourvoir aider tous ces enfants, wéi et sech domat géif verhalen. Dan Biancalana (LSAP Buergermeeschter): Also, dat mat der CIS oder déi nei Commission d inclusion, déi ass jo attachéiert un d Regionaldirektioun, et ass am Kader vun der Allocatioun vu Ressourcen ze kucken, wat do detachéiert gëtt fir déi Commissioun a wat do vu Ressourcë mobiliséiert ginn. Dat ass an deem neie Gesetz, kritt och eng nei Affektatioun, dat heescht, et ass an deem Sënn ze kucken, wéi dat do leeft.

90 RAPPORT REGIONAL MUSEKS- CHOUL - APPROBATIOUN VUN DER PROVISORESCHER SCHOULORGANISATIOUN FIR D SCHOULJOER 2017/2018 Dan Biancalana (LSAP Buergermeeschter): Vun enger Schoulorganisation an déi aner: D Museksschoul. D Claudia Dall Agnol huet d Wuert. Claudia Dall Agnol (LSAP Schäffin): Mir hunn déi provisoresch Organisatioun vun der Museksschoul virleie fir d Schouljoer 17-18, déi gouf den arrêtéiert, dat ass all Joer ongeféier ëm déi selwecht Zäit, d lescht Joer war et den 28.6 an déi gouf och de leschte Méinden an der Iwwerwaachungskommissioun ugeholl. Déi Chifferen, dat wësst Dir, dat sote meng Virgänger ëmmer an dat soen ech och all kéiers, dat sinn ëmmer nëmme Momentopnamen an déi kënnen 5 Minutten nodeems eise Secrétaire administratif déi arrêtéiert huet, kënnen déi schonns erëm anescht sinn, a bis zu der Rentrée wäerten déi och nach schwanken. Mir sinn awer per Gesetz dru gehalen, eng provisoresch Schoulorganisatioun ze stëmmen. Ech wäert mech also just kënnen op déi Chiffere baséieren, déi provisoresch sinn, an och de Verglach maache mat deene leschte provisoresche Schoulorganisatiounen, well anescht hätt et jo kee Wäert, déi definitiv ze maachen. D Unzuel vun de Schüler bleift konstant, en Ënnerscheed sinn d Zuele vun de Coursen, déi duerch e verbessert Aschreiwe méi no un der Realitéit leien an och duerch d Ensemble Aarbecht, déi ganz aktiv ass, dat ass besonnesch bei de Sträicher, déi soumat och hir Friichten dréit. De Modell deen Dir all Joer kritt fir déi provisoresch Schoulorganisatioun, dat ass meeschtens ëmmer nëmmen 1 Blat an déi ass och all Joer d selwecht opgebaut, allerdéngs si mir dëst Joer e bësse méi wäit gaangen, a mir hunn alleguerten, dat gesitt Dir elo, déi Classe à cours individuell opgezielt, fir, dass et e bësse méi detailléiert ass, et ass keng exakt Wëssenschaft, an dat kann och zu dem Zäitpunkt, wou se arrêtéiert gëtt, net sinn, well soss kéinte mir direkt eng Définitiv stemmen. Fir Iech ze illustréieren, hei steet nach Nombre d élèves 966, gëschter Owend sot den Direkter bei der Diplomiwwerrechung, dass mir gëschter op 1003 waren, de Moie kënnen dat der 1004 oder nëmme méi 1000 sinn, wéi gesot, et ass eng provisoresch Museksschoulorganisatioun, mir sinn awer gehalen, déi ze stemmen, an dofir musse mir dat dann och elo maachen. Dan Biancalana (LSAP Buergermeeschter): Merci Claudia Dall Agnol fir déi Präzisiounen. Hutt Dir Remarquen dozou? Michèle Kayser-Wengler (CSV): Ech wollt just nach eng Kéier ënnersträichen, dass déi Museksschoulorganisatioun och e bëssen ënnert Gekeims zustane komm ass, well jo och nach am Suspens steet, dass mir en neie Museksschouldirekeor haut wielen, an och do nach eng Kéier den Appel, ech hu schonns gesot, mir hätten net dierfen sou laang waarde fir en neie Gemengerot, mir sinn elo sechs an eng hallef Stonn hei, mir sinn um Punkt 33 vun 69 a mir hätte missen onbedéngt e Gemengerot éischter maachen, dann hätt déi Schoul hei schonns

91 RAPPORT 91 en Direkter, da hätt en bonne connaissance de cause d Organisatioun vun der Museksschoul kënnen iwwert d Bühn goe well haut den Owend gëtt den Direkter nominéiert, an da muss deen aarme Mann oder Fra an der Vakanz kucke, wéi hien oder si dat soll iwwert d Bühn kréien. Dat ass eppes wat e bësse verschleeft ginn ass an hätt missen anescht gehandhaabt ginn. Soss mat der Schoulorganisatioun si mir d accord. Merci. Also, mir ass kee Problem bekannt bei der Organisatioun, zumindest vun de Coursen. Dan Biancalana (LSAP Buergermeeschter): Merci och dozou, da komme mir zur Ofstëmmung: Wien ass mat där provisorescher Organisatioun averstanen? Dat ass unanime. Merci. Claudia Dall Agnol (LSAP Schäffin): Den Direkter, dat ass herno am Huis clos, ech ginn herno och nach eng Kéier op den Timing zeréck, mee wa mir deen aktuellen Direkter eréischt Enn Mee hei konnten demissionéieren an duerno hu missen eng Annonce maachen an eng Ausschreiwung, an déi Leit gesinn an hinnen och Zäit ginn, da kënne mir dat net alles an enger Woch maachen. Iwweregens huet d Sekretariat net gewiesselt, den aktuellen Direkter ass nach do, et gëtt och e Sousdirekter an déi hunn déi provisoresch Organisatioun opgestallt, an et huet keen och nëmmen iergendee Wuert gesot, dass se dat hu missen ënner Gekeims opstellen, well dat doten ass deen Job, deen si all Joer maachen an deen Direkter, deen en charge ass, dee muss dat och bis zu sengem leschten Dag maachen. Do huet hien en Aarbechtskontrakt mat der Diddelenger Gemeng an do ass och absolut kee Problem, dovunner konnt Dir Iech jo och gëschter Owend iwwerzeegen, dass dee gëschter Owend och do war, genee sou wéi och de Rescht vu sengem Sekretariat a vu senger Direktioun, sou dass ech net de Problem gesinn an ech hat gesot, d lescht Joer ass déi provisoresch Schoulorganisatioun den 28.6 arrêtéiert ginn, dëst Joer de 27.6 sou, dass dat ëmmer ongeféier ëm déi nämlecht Zäit ass. OUNEN - NOMINATIOUN VUN ENGEM MEMBER VUN DER 9. BERODUNGSKOMMISSI- IWWERWAACHUNGSKOMMIS- SIOUN VUN DER REGIONALER MUSEKSSCHOUL Dan Biancalana (LSAP Buergermeeschter): Da komme mir weider op d konsultativ Kommissiounen, et geet ëm d Nominatioun an der Iwwerwaachungskommissioun vun der Museksschoul. Claudia Dall Agnol (LSAP Schäffin): Jo dat ass ganz kuerz. Dir wësst, dass mir e Quintolet hunn, do sinn déi 5 Museken dran, d Fanfare Hënchereng, Näerzeng, Fenneng, d Forge du Sud vun Diddeleng, d Harmonie municipale vun Diddeleng, d Harmonie municipale vu Réiser an d Harmonie municipale vu Beetebuerg, déi setzen sech ëmmer d accord à tour de rôle fir all Joer den 1. Juli een an d Iwwerwaachungs-kommissioun ze nennen. Dat war

92 RAPPORT 92 bis elo d Madame Nadja Mersch-Diels vun der Fanfare Hënchereng, där mir e grousse Merci soen, an si sinn sech eens ginn, dass dat elo de Paul Klein soll sinn, vun der Harmonie municipale Beetebuerg, an dofir huet och de President vun der Harmonie municipale Beetebuerg, de Laurent Zeimet, eis e Bréif geschriwwe fir dass mir dat kënnen haut esou festhalen. Dan Biancalana (LSAP Buergermeeschter): Ass de Gemengerot domat averstanen? Dat ass unanime. Da fuere mir weider, mir hunn Designatiounen vu Memberen an de Pool des remplaçants, et ass e Courrier, deen d CSV eis geschéckt huet an déi Leit, déi concernéiert sinn, dat sinn d Nancy Back-Kelsen, d Monique Biren- Kettel, d Carole Koster-Pasqualini an de Marvin Divo. Ass de Gemengerot domat averstanen? Och dat ass unanime, Merci. 10. GEMEINSAM VUN DER SÜDREGIOUN KULTURELL STRATEGIE ADOPTÉIERT Dan Biancalana (LSAP Buergermeeschter): Da fuere mir weider op de Punkt 10, dat ass d Strategie, déi d Südregioun sech gëtt um kulturelle Plang, an déi kirzlech am PRO-SUD diskutéiert gouf, an do ginn ech dem Loris Spina d Wuert. Loris Spina (LSAP - Schäffen): Merci, hei ass dann eng Intentioun, wou de PRO-SUD lancéiert huet fir déi 11 Südgemengen ze concertéieren, respektiv fir do eng gemeinsam Initiativ ze huelen, an eng Declaratioun, déi och ënnert anerem d Kandidatur vun der Escher Gemeng an d Südregioun soll ënnerstëtze fir Kulturhaaptstad am Joer 2022 ze ginn. Firwat ass et wichteg, esou eppes ze maachen? Dir gesitt et hei och virleien, ech wëll drun erënneren, dass mir als Diddelenger och un deem Workshop Deel geholl hunn, deen de PRO-SUD aberuff hat, do waren niewent dem President vum PRO-SUD eise Buergermeeschter, do waren deemno zwee Vertrieder vum Schäfferot, déi waren an deem Workshop dobäi an och eis Leit, déi am Kulturservice täteg sinn, sou das mir do aktiv drun deelgeholl hunn, an och eisen Diddelenger Stempel konnten deem Ganze mat op de Wee ginn. Wichteg ass et, dass een sech eng Strategie gëtt fir engersäits kënnen d Südregion op der Kulturlandschaft ze festegen, fir awer och nohalteg Akzenter ze ginn, an et sollt och eng gemeinsam Approche sinn, souzesoen e roude Fuedem, deen duerch déi ganz Regioun soll goen, wat Kultur ubelaangt, ouni dass awer déi eenzel lokal Gemengen an déi eenzel lokal Kulturschaffend hir Identitéit sollte verléieren. Et geet hei dorëms fir Synergien ze maachen, engersäits si mir jo op engem gemeinsamen Territoire wat de Süde vun eisem Lëtzebuerger Land ass, an déi verschidde Pilieren, déi mir eis do erausginn hunn, sinn ënnert a anerem déi aktiv Participatioun vun den eenzele Matbierger, déi Leit déi do wunnen, mat deene Leit déi do aktiv sinn, dat ass eis wichteg, also d Zivilgesellschafte sollen eis do net ze kuerz kommen, awer och déi staatlech Acteuren, déi um Terrain täteg sinn, sollen do mat abezu ginn.

93 RAPPORT 93 Et ass wéi gesot eng gemeinsam, eng concertéiert Approche vun de Südregiounen an dat am Sënn vun der Kandidatur awer och onofhängeg dovun ass dat heiten en Aarbechtsdokument, dat déi Kulturschaffend sollen an Zukunft notze fir hir konzeptuell Approche, déi se an hirem Beräich hunn an der Kultur, fir domat nach méi konzeptuell ëmzegoen, wann et dorëms geet, d Kultur ëmzesetzen. Wat sinn nach weider Pilieren? Natierlech, d DNA, déi eis matenee verbënnt, dat ass de Patrimoine industriel, dat ass eppes, wat mer hei an der Regioun gemeinsam hunn, wou déi ganz Geschicht an déi ganz Entwécklung vun der Regioun mat erakënnt, déi sozial Inklusioun, verbonne mat der Kultur ass eis ganz, ganz wichteg, awer och de Wee opmaache fir nei Weeër ze goen, dat heescht, Innovatioun soll net ze kuerz kommen, respektiv well d Uni och e groussen a wichtegen Acteur ass, soll en Transfert vum Wëssen do stattfannen an och saïn Impakt fannen, an dat Ganzt natierlech ouni Planification urbaine an Ekonomie net ze vernoléissegen, well dat wäert och en Impakt hu wat déi ganz urban Gestaltung vun eiser Regioun ugeet. Also, engersäits geet et dorëms, eis Identitéit ze stäerken, d Synergien nach weider auszebauen an domadder hin eis alleguerten en Aarbechtsinstrument ze gi fir kënnen an der Kultur nach méi konzeptuell fir d Leit a fir d Liewensqualitéit vun de Leit nach méi kënnen ervirzebréngen. Dofir wier ech frou wa mer dat géingen ënnerstëtze well et ass eng wichteg Initiativ, déi de PRO-SUD do hellt am Numm vun eiser all hei am Süden. Merci. Dan Biancalana (LSAP Buergermeeschter): Merci dem Loris Spina an d Diskussioun ass op. Jean-Paul Friedrich (CSV): Just eng kleng Fro. Et ass am Fong elo esou, mir gesinn elo, dass de PR-SUD sech elo domat beschäftegt, dat ass ganz gutt, mir ënnerstëtzen och ganz kloer, dass d Kultur vun de Gemenge, respektiv de PRO-SUD och domat agebonnen ass. Et ass just, déi grouss Fro ass, wéini kréie mer konkret eng Kéier gesot, ongeféier wat sech dann an deenen eenzelne Gemenge, ausser elo dass Esch eben 2022 d Kulturhaaptstad ass. Wéini ass konkret, esou Iddien, déi dann op den Dësch kommen, wou gesot gëtt, dat ass dat, wat elo dobäi erauskomm ass. Wéini kën- ne mer ongeféier domat rechnen, dass mer dorop eng Äntwert kréien. Dat ass just eng Timing-Fro, wéini dass do punktuell Iddi kommen. Mä de System, datt do jidderee mat agebonne gëtt, dat ass natierlech positiv ze bewäerten. Colette Kutten (Déi Gréng): Ech woll eigentlech keng Fro stellen, mä e puer Sätz dozou soen. Also, nodeems et am Ufank jo ausgesinn huet wéi wann d Kulturhaaptstad 2022 virun allem eng Escher Affäir géing bleiwen an déi aner Gemengen éischter als Dekor géingé funktionéieren, huet den europäesche Jury dann elo den Dicks gesat an de Projet op méi eng regional Schinn bruecht. Déi nei Equipe vun Esch 2022 ass duerch de Minett gezunn an huet déi allermeeschte Gemengen och iwwerzeegt kritt, aktiv an der Kulturhaapstad matzemaachen. An nëmmen duerch regiounsiwwergräifend Projeten och mat allen oder e puer Gemengen zesumme kann 2022 de Charakter vu lokaler Kierchtuermpolitik lass ginn an och iwwerregional an international Resonanz kréien. Wann et dann och zum ugeduechte Statut vu enger Man and Biosphere -Regioun vun der Unesco 2022 sollt kommen, da kann eis Regioun, déi jo un natierlechen an industriekulturelle Räichtümer net aarm ass, och op déi europäesch Landkaart vun attraktiven touristeschen Destinatioune gesat ginn. Mir mengen, dass déi Kollaboratioun tëschent de Gemengen 2022 ähnlech soll verlafe wéi 2007 an der Groussregioun tëschent de Regiounen, nom Motto Solidaritéit an der Konkurrenz, Konkurrenz an der Solidaritéit. Dat bedeit, datt et engersäits vill gemengeniwwergräifend Projete muss ginn, wou d Gemengen un engem Strang zéien an sech gemeinsam favorabel no baussen duerstelle kënnen. Dat verhënnert awer net, datt all Gemeng hir eege Ressourcen a Spezifitéiten notzt fir sech och selwer ze presentéiere mat hire kulturellen awer och natierlechen Atouten.

94 RAPPORT 94 An Diddeleng ass hei gutt opgestallt, Kulturzentrum opderschmelz, Museksschoul, Centre d Art, Centre de documentation sur les migrations humaines, déi vill Festivalen, CNA mam Waassertuerm an net zulescht eng kreativ Künstler- a Veräinszeen. An et kann een och drun erënneren, dass Diddeleng 2007 schonn déi gréissten Ausstellung Retour de Babel vum Kulturjoer opzeweisen hat an deeselwechten Areal am Quartier Neischmelz a ronderëm de Waassertuerm wäert och 2022 Potential bidde fir aussergewéinlech Projeten. Mä zeréck zur regionaler Kollaboratioun. Hei muss den Impuls vun der Koordinatioun vun 2022 och um Terrain opgeholl ginn an do ass de Syndikat PRO-SUD eigentlech am beschten dofir gëeegent; et ass erfreelech, datt no engem Seminaire vum PRO-SUD zu Belval de President vum Syndikat, eise Buergermeeschter, d Initiativ geholl huet fir dësen Text alle Gemengeréit vum Syndikat ze ënnerbreede fir datt de Jury vun der Kulturhaaptstad 2022 weess, datt d Regioun och geschlossen hannert dem Projet steet. Mir mengen, dass dësen Text zu dësem Zäitpunkt eng zolitt Grondlag ass fir d Partizipatioun och vun eiser Gemeng um Projet Wann de Jury da säi Verdikt am November geschwat huet, da kann ee jo nach dat Klenggedréckt ugoen an den Detail vun enger Kollaboratioun gemeinsam erschaffen, déi hoffentlech erfollegräich an nohalteg wäert sinn. Merci. den Dossier muss areechen, soss kann ee guer net an de Pott komme fir iwwerhaapt erausgewielt ze ginn als Kulturhaaptstad an et war vun Ufank u kloer, datt déi eenzel Gemengen och hire Rôle do ze spillen hunn an dass et nëmme méiglech ass wa mer geschlossen als Regioun Esch do ënnerstëtze fir datt herno och jiddwereen a sengen eenzelne Gemengen dovu ka profitéieren. Mir als Gemeng Diddeleng hunn de Virdeel, datt mer scho säit laangem konzeptuell un d Kulturen eruginn, sou datt mer hei dee ganzen Dossier net mussen nei erfanne mä déi Saachen opschaffen an opschreiwen, wéi et den Dossier vun der Kandidatur verlaangt an Dir wësst et jo, den Hall Fondouq, dee gëtt jo schonn esou beluecht am Moment, et ass den D-Kollektiv deen do dran ass an déi Kontinuitéit, déi mer do och mat deene wëllen erreechen ass och zum Beispill ee Punkt an deem Dossier, sou datt mer och gudder Deng sinn, datt mir als Diddeleng eis wäerten do erëmfannen. Merci. Dan Biancalana (LSAP Buergermeeschter): Merci Loris Spina fir déi dote Präzisiounen. wa keng Froen a remarquë méi ze maache sinn, géif ech proposéieren, datt mir zur Ofstëmmung komme vun der Déclaration d intention, déi am Comité eestëmmeg ugeholl gouf, wat och ganz gutt ass. Wien ass domat averstanen? Dat ass unanime. Merci. Da gi mer weider a komme bei zwee Syndikater, als éischten den TICE an dann de SIDOR. Loris Spina (LSAP - Schäffen): Merci fir déi verschidden Interventiounen. Wat den Timing ubelaangt, do huet d Madame Kutten drop higewisen, et ass jo esou datt d Kandidatur vun 2022 vun Esch aus gemaach gëtt an déi déi eenzel Stied a Regioune ugeschwat an esou au fur et à mesure wéi déi eenzel Projeten erakommen, gëtt dat jo nach analyséiert an da gëtt dat zu engem eenzelnen Dokument verschafft an dann eréischt kann een domat an d Ëffentlechkeet goen an da wäert natierlech och eis Gemeng hei, esoubal mer prett sinn, informéiert ginn. Et ass effektiv esou, datt et wichteg ass, erauszehiewen, datt et eng Regioun ass, déi hei den Dossier erareecht- Den Dossier muss am Numm vun enger Gemeng als Kandidatur eragereecht ginn, dat ass net méiglech als Regioun soss wier et vu vireran eng Regioun gewiescht, mä et ass esou, datt eng Gemeng

95 RAPPORT APPROBATIOUN VUN DEN NEIE STATUTE VUM TICE Claudia Dall Agnol (LSAP Schäffin): D Iddi fir d Statute vum TICE ze ännere koum virun allem op fir eventuell nei Gemengen ze erméiglechen, oder fir hinne virun allem ze vereinfachen, och Member vun deem Syndikat kënnen ze ginn. Dofir mussen déi finanziell Begebenheete méi flexibel gi fir datt eben eng nei Gemeng, déi wéilt dobäi kommen, keen esou e grousse finanziellen Impakt misst opbrénge fir iwwerhaapt kënne Member ze ginn, mä wann ee Member gëtt, just Mat-Propriétaire géing gi vun dem Bien mobilier an immobilier vun deem Datum un, wou s de Member gëss, an net méi, dass de misst e Rachat maachen. Eng aner Iddi war awer och déi vun enger besserer Representatioun vun de Membergemengen ze kréien, virun allem am Bureau vum TICE. Et soll vun all Gemeng een Delegéierten am Bureau vum Syndikat sëtzen. Well mer dat awer net kënnen an déi Statuten aschreiwen, well de Ministère de l Intérieur net domat d accord wier, engagéieren d Membergemengen eben sech schrëftlech an enger Konventioun, dat ze respektéieren. Wat de Comité ubelaangt, do gëtt et een Delegéierten ab enger ganzer Tranche vun 3,5% vun der Populatioun aus der Gemeng an et steet och elo kloer dran, datt wann een ënnert dee Seuil géing falen, datt een dann trotzdem e Minimum vun engem Delegéierten am Comité zegutt hätt. Déi Statutenännerung, also déi nei Statuten, wéi se dann elo hei leien, sinn och unanime vum Comité vum TICE ugeholl ginn, dat war de 6. Abrëll, an Dir hutt och de Rapport virleien, wou Dir dat konnt noliesen. Michèle Kayser-Wengler (CSV): Merci Här Buergermeeschter. Wéi ech déi heiten Ënnerlage kritt hunn, duecht ech, wat ass da lass mam Schäfferot? Oder huet d Diskussioun am leschte Gemengerot, wou d Initiativ vun deene Lénken ausgaangen ass fir méi d Transparenz wat an de Syndikater geschitt, huet déi Friichte gedroen? Op jiddwer Fall ware mer dann awer frou, dass mer d Dokumenter kritt hunn, et ass wahrscheinlech jo just nëmmen esou well mer hei eppes musse stëmmen, mä bon, ech sinn awer optimistesch, dass dat vläit och elo weiderhin esou bleift. E Schimmer vun Transparenz um Horizont, do si mer ganz frou, also hu mer och nach zweemol 16 Säite, 32 Säiten, duerchgeknat an eis do eis Gedanke gemaach. D Madame Dall Agnol huet ët scho gesot gehat, et ass virun allem drëm gaange fir de potentiell neie Kandidaten et méi liicht ze maache fir derbäizekommen, ech hunn héieren, Monnerech haten eng Diskussioun an déi sinn dunn net mat drageklommen. Ass dat heiten dann elo esou genehm, datt si awer elo vläit mat eraklammen an de Projet, dat ass just eng Fro, ass do Intérêt? Ech sinn och frou, datt een iwwerhaapt mol en Abléck kritt an déi finanziell Situatioun vum Syndikat, herno ass et déi selwecht Situatioun jo och mam SIDOR. Dat ass flott, da gesäit een och, wéi d Participation financière ass, wéi eis Valeur nette am Syndikat ass, dat ass awer net onintressant. Mir hunn awer do en Immobilier vu 5 Milliounen Euro, deen awer der Gemeng Diddeleng gehéiert an dat ass jo net näischt. An ech stellen awer dann an dësem Zesummenhang eng Fro, déi ech och scho bei de Budgetsdiskussioune gestallt hunn a wou ech keng Äntwert drop kritt hunn: Eis Frais d exploitation vun Diddeleng, déi sinn iwwer déi lescht Jore geklommen, 2015 waren se 1,4 Millioune Euro, 2016 waren se 1,52 Milliounen Euro an elo fir

96 RAPPORT sinn se op 1,53 Milliounen Euro eropgeklommen. Ass déi Steigerung haaptsächlech duerch Personalfraisë bedéngt - wat ech jo unhuelen - oder ass do en neie Moment? An ass do och fixéiert, dass all Joer muss eppes derbäikommen oder gëtt dat no engem Dekont gemaach, dass da gesot gëtt, esouvill Frais d exploitation, esouvill Part musst Dir bezuelen? Ass dat och ganz transparent? Dat ass just eng Fro déi ech hätt. Da musst Dir mir nach erklären, wat ass en Agent de ravitaillement? Dat steet an deenen zwee Rapporten esou als supposé connu, mä ech ka mer guer näischt dodrënner virstellen. Dann, wat elo d Besetzung vum Bureau a vum Comité ubelaangt, dat ass e bësse komesch, hei sinn 9 Gemengen dran an si maachen da pro 5700 Awunner gëtt en Délégué gestëmmt a wann ech kucken, bei der SIDO, do ass et nëmmen 1 op Awunner. Wat soll een dovunner halen, well et gëtt jo doduerch méi deier. Wann s de méi Delegéierten hues, muss de méi Jetone bezuelen. Dat war elo witzeg, wéi mer elo déi Rapporte kritt hunn, huet ee gesinn, do war an enger Sitzung keen Diddelenger do an an enger anerer Sitzung war just 1 vun deenen 2 Déléguéen do. Wa mer dann 3 hunn, dann ass jo vläit och ëmmer een, deen Zäit huet fir dohinner ze goen. Dofir ass dat dann net esou schlecht. Et sief awer mol gefrot firwat hei awer trotzdem 23 Leit an de Comité komme bei 9 Gemengen, dat ass jo awer zimlech üppeg? An da sinn awer och nach 2 Projetsfroen, do ass elo hei näischt aus de Rapporten erauskomm. Wat awer och vläit intressant ass, et huet ëmmer geheescht, mir kréien déi kleng City-Bussen, wéi ass et domat? Do konnt een hei aus de Rapporten näischt driwwer liesen, et ass just d Fro firwat mir déi Rapporte kritt hunn, da muss een dat jo awer och eng Kéier... Dan Biancalana (LSAP Buergermeeschter): Et geet hei ëm d Statuten... Michèle Kayser-Wengler (CSV): Jo, Jo, Nä, mir kruten awer och déi Rapporte geschéckt... Dan Biancalana (LSAP Buergermeeschter): Soss kënne mir jo och eng Diskussioun opmaachen iwwer dee ganzen TICE. Also, hei geet et nëmmen ëm d Statuten. Michèle Kayser-Wengler (CSV): Jo, da froen ech nach just, et steet och dran, ebe mat de Finanzen, dat ass awer elo eppes trotzdem wat interessant ass. Do steet, et ass e Compromis de vente tëschent dem TICE an dem CHEM ënnerschriwwe gin, do ass awer just d Fro, ëm wat geet et do? Dat war nach eng Detailfro, déi ech hat. Et wier awer vläit gutt wann een effektiv eng Kéier géif iwwer d Syndikater schwätzen, mir hunn dat jo scho méi oft gefrot. Ech hat gemengt, dat hei wier esou geduecht. Wa mer schonn d Rapporte kréien, dann däerfe mer och driwwer schwätzen. Merci. Dan Biancalana (LSAP Buergermeeschter): Sinn nach weider Stellungnahmen. Dat ass net de Fall, da kann d Claudia Dall Agnol nach op verschidde Punkten agoen an da kann ech och nach eppes dozou soen. Claudia Dall Agnol (LSAP Schäffin): D Chiffere stounge jo net derbäi well et hei ëm d Statute geet. Wann do eng konkret Fro ass, da kann een dat gär nofroen. Momentan ass zu Monnerech déi Diskussioun ofgeschloss, ob si sech elo nach eng Kéier dozou entschléissen, mam TICE Bäitrëttsdiskussiounen ze féieren, dat entzitt sech menger Kenntnis, dat muss een dee Moment de Schäfferot vu Monnerech froen, mä momentan ass dat net de Fall. De Ravitailleur: Wann ech dat richteg an Erënnerung hunn, ass dat deen, deen tankt. Dat ass dat, wat ech derzou bäizedroen hätt. Michèle Kayser-Wengler (CSV): A wéi ass dat mam CHEM? Dan Biancalana (LSAP Buergermeeschter): Mam CHEM, do geet et ëm en Terrain, deen den CHEM brauch an deen dem TICE gehéiert, fir d Südspidol. Just einfach nach eng Kéier als Präzisioun par rapport zu den ale Statuten, neie Statuten. Dofir sinn dës Statute méi präzis wann en neie Partner wëllt an d Boot klamme beim TICE. Laut deenen ale Statuten hunn déi zwee sech missen zesummesetzen an en Accord fannen, hei hu mer den Avantage, d Kapital ass fixéiert an

97 RAPPORT 97 d Conditioune vun der Stee si kloer wann ee gär wëllt mat eraklammen, dat war virdru méi schwiereg. Claudia Dall Agnol (LSAP Schäffin): Nach eppes zu Monnerech: Also, Monnerech gëtt relativ gutt desservéiert vun den RGTR-Linnen an ech huelen un, datt dat och matgespillt huet bei där Decisioun, net nëmmen de Käschtepunkt, méi wéi gesot, dofir musst Dir de Schäfferot vu Monnerech froen. Dan Biancalana (LSAP Buergermeeschter): Ass de Gemengerot mat där Statutenännerung vum TICE averstanen? Dat ass unanime, Merci. 12. APPROBATIOUN VUN DEN ÄNNERUNGEN AN DE STATUTE VUM SIDOR A mir fuere bei de SIDOR weider an ech ginn dofir dem René Manderscheid d Wuert. éierte pro Gemeng duer gaang ass, respektiv, wann een en zweete wollt kréien, huet ee misse vun deene Awunner der plus 1 hu fir kënnen deen zweete bäizekréien an dorops hin ass dann eng Diskussioun am SI- DOR entstanen an am leschte Comité, deem vum 3. Juli, ass dann och unanime festgehale ginn, dass d Statuten onbedengt misste geännert ginn, fir datt een ab Awunner plus 1 dann en zweeten Delegéierte kritt. Dat bedeit fir Diddeleng konkret, dass mär dann ab der nächste Kéier dann 2 delegéierten zegutt hunn amplaz 1. Fir eis ass dat da positiv, mä et ass awer scho gesot ginn, an dat ass och meng perséinlech Meenung, mir schafen awer an deem Syndikat éischter e Waasserkapp wéi dass et nëtzlech ass. Wann ee bedenkt, dass d Stad Lëtzebuerg da vu 6 op 8 geet, dat ass trotzdem iwwerproportionéiert par rapport zum But. Mä, wéi gesot d Propos läit um Dësch: Awunner 1 an ab Awunner een 2, sou gesäit dann déi nächst Delegatioun aus. Jean-Paul Gangler (CSV): Merci, do steet elo fir d Durée an deem neien Text, et wier eng Durée indéterminée. Heescht dat, datt een do guer net méi liicht eraus kënnt aus deem Syndikat oder heescht dat, dat de Syndikat à durée indéterminée besteet? René Manderscheid (LSAP Schäffen): Merci, ech hale mech ganz kuerz. Mir hate virun e puer Méint hei schonn am Gemengerot d Statute vum SIDOR geännert an opgrond vun den Diskussiounen och an deenen anere Gemengeréit hunn e puer Gemengen Appetit kritt a sech d Fro gestallt, firwat soll dat dann esou si mat den delegéierten, dass gréisser Gemenge grad esouvill Delegéierter hu wéi ganz kleng Gemengen an dat heescht am Kloertext jo dann esou, dass Awunner 1 Deleg- Dan Biancalana (LSAP Buergermeeschter): A durée indéterminée heescht, datt de Syndikat à dure indéterminée funktionéiert. Wann elo en Datum dran ass mat enger Date butoir, da muss natierlech zu deem Zäitpunkt, da muss de Comité befannen, ob e weider leeft, d Syndikat oder net. Well déi meescht Syndikater sinn à dure indéterminée.

98 RAPPORT 98 Michèle Kayser-Wengler (CSV): Ech hunn nach just eng Fro, dat heescht, ech hat nämlech verstanen, wéi wa mer och de Prinzip vum Pollueur-Payeur, datt dat och eréischt an dës Statuten erakomm ass. René Manderscheid (LSAP Schäffen): Dat hei ass reng den Artikel 7. d Delegéierten an d Nominatioun vun den Delegéierten, soss näischt. Soss ass alles fäerdeg. Michèle Kayser-Wengler (CSV): Ah, soss war schonns alles, et ass gutt. Merci. Jos Thill (Déi Lénk): Merci Här Buergermeeschter, just zwee Sätz. Well mer bei TICE a SIDOR sinn, wollt ech effektiv dem Schäfferot Merci soen, dass déi Motioun, déi mer virbruecht haten an déi de Gemengerot och zeréck behalen huet iwwer déi verschidden Invitatioune fir d Sëtzunge vun de Comitée vun de Syndicats intercommunaux ze verëffentlechen, datt dat an der Tëschenzäit geschitt ass an datt déi elo um Site vun der Gemeng stinn. Dofir Merci. Mäin zweete Saz: Ech fannen déi Ännerung vun de Statute vum SIDOR net sënnvoll. Also, ech géif mengen, d Stad Lëtzebuerg wier scho mat 6 Delegéierte gutt bedéngt. Mir stëmmen do dergéint. Dan Biancalana (LSAP Buergermeeschter): An der Essenz hutt Dir net Onrecht Här Thill, nach ass et jo esou, dass eng Statutenännerung unanime vun de Gemengeréit guttgeheescht ginn. Dat heiten ass unanime vum Comité vum SIDOR gutt geheescht ginn an et ass och wichteg, dass sech och hei eng Majoritéit derhannert stellt fir dass dann och déi aner Gemengen op de Wee kënne goe fir eng Statutenännerung ze maachen. Dat hei ass jo schonn eng Konsequenz vun engem éischte Worf, deen net vun all Gemeng guttgeheescht gouf. René Manderscheid (LSAP Schäffen): Do war am Prinzip eng Gemeng, déi wollt mat den Delegéierten eppes Neis, dat war d Gemeng Péiteng, déi hunn an hirem Gemengerot déi Statuten net approuvéiert an dorops hin ass alles da hifälleg ginn a fir deenen dann awer trotzdem d Méiglechkeet ze ginn, d accord ze sinn, hunn se dann eben hei deen Deal gemaach mat den Delegéierten. Mir mussen alleguerten unanime déi Ännerung stëmmen, soss bleift et bei deenen ale Statuten. Dan Biancalana (LSAP Buergermeeschter): Kënne mer elo iwwer dës zukënfteg Statuten ofstëmmen. Wien ass mat där Statutenännerung vum TICE averstanen? Dat ass d Stëmme vun LSAP, CSV, Déi Gréng an ADR. Wien ass net domat averstanen? Dat ass Déi Lénk. Merci. 13. PERSONALFROEN Kreatioun vun engem Gemengebeamteposten an der Carrière vum Assistant social Dan Biancalana (LSAP Buergermeeschter): Da fuere mer weider, mir kommen nach zu zwee Punkten, déi an der Séance publique sinn, dat Eent ass d Kreatioun vun engem Fonctionnaire communal mam Statut vum Assistant social, dat Ganzt hei wéi Dir et kënnt an der Deliberatioun erausliesen, baséiert op enger Demande vun enger Employée communale, déi schonn hei ass -mir hunn herno och d Diskussioun am Huis clos déi am

99 RAPPORT 99 Service local de l Emploi ass an déi eng Demande gemaach huet fir de Statut ze kréien als Fonctionnaire communal an der Carrière vum Assistant social, 40 Stonnen d Woch, à dure indéterminée, a wann dat heiten hei guttgeheescht gëtt, heescht dat dann och fir déi Persoun, respektiv fir déi Persoun, déi deen heite Poste kritt, dass natierlech e Stage ass vun 2 Joer, dass si en Exame muss maachen an an den INAP goen, halt alles, wat néideg ass wann een an der Carrière ass vum Fonctionnaire. Dat zu den Erklärungen, wat deen heite Posten ugeet. Michèle Kayser-Wengler (CSV): Merci Här Buergermeeschter, ech huelen un, dat hei war dee Posten, do hate mer am Ufank esou ee gemeinsame Posten Éducateur Assistant social kreéieren an dunn hu mer deen ëmgemodelt an den Assistant social an elo schafe mer en neie Posten. Déi üblech Fro vun eis: Schafe mer deen heite Posten dann of, well soss hu mer jo awer erëm e Posten, dee fräi ass fir en Employé communal an dat fanne mir net gutt. Soss nach weider Remarquen? Neen? Ass de Gemengerot mat där Kreatioun hei averstanen? Dat ass unanime. Merci Allocatioun vun enger Indemnitéit fir d Beamten, déi mat der Preparatioun an der Organisatioun vun de Gemengewale vum 8. Oktober 2017 beoptraagt sinn Dan Biancalana (LSAP Buergermeeschter): Da kënnt nach e leschte Punkt an der Séance publique, dat ass fir d Gemengewalen, déi virun der Dier stinn. Dir wësst, datt mer do Beamten hunn, déi sech zousätzlech domat befaassen aus dem Bureau de la Populatioun, respektiv aus dem Gemengesekretariat a vu dass dat eng Surcharge ass vun der Aarbecht wéi bei alle Walen, kréien natierlech och déi Leit eng Indemnitéit fir déi Aarbechten ze maachen. Hei geet et dann ëm d Gemengewale vum 8. Oktober Ass de Gemengerot domat averstanen? Dat ass unanime. Merci. Dan Biancalana (LSAP Buergermeeschter): Merci, gin et nach weider Stellungnahmen? Also, bei där éischter Remarque leit Dir richteg, dat war dee Moment d Richtung an natierlech, wann deen heite neie Poste schaaft, kann een deen heiten effektiv ofschafe mä dat mécht dann natierlech de Gemengerot. Dat ass elo hei net um Ordre du jour, da muss Dir dat op deen nächste Gemengerot huele fir datt een dat da virun Aen hätt. 14. FROEN UN DE BUERGER- MEESCHTER AN DE SCHÄF- FEROT Ufank vum Huis-clos

100