JONA 2014 Bitsika MINISITERAN NY FITANTANAMBOLA SY NY TETIBOLA Gazetim-baovao mivoaka isam-bolana - n 0045 - Jona 2014 RAZAFINTSALAMA Ihanta Sahondra Directeur de la Solde et des Pensions Asam-panjakana manakaiky ny vahoaka P. 2 DGD Tetik'ady hanatsarana fampidiranketra sy haban-tseranana P. 6-7
EDITO ASAM-PANJAKANA MANAKAIKY VAHOAKA MFB VAOVAO FIARAHA-MIASA BAD / MADAGASIKARA Inona no antony nametrahana ny fitsinjaram-pitondrana (Sampandraharaham-paritra) momba ny karama sy fisotroan-dronono? Anisan ny fanamby napetraky ny mpitondra Fanjakàna nifanesy ny momba ny paikady ho amin ny fampandrosoana eto amin ny firenena ny fametrahana ny fitsinjaram-pitondrana (déconcentration). Mifanindran-dàlana amin izay, dia efa feno roapolo taona ny nametrahana ny Sampandraharahamparitra momba ny karama sy fisotroan-dronono teo anivon ny Faritany (province), ary amin izao fotoana izao dia efa tafapetraka koa io Sampandraharaham-paritra io manerana ny faritra 22 eto amin ny Nosy. Nokendrena manokana ity taona ity ho fankalazana izany, ary hisy ny varavarana misokatra mandritra ny fotoampankalazana rehetra sy lohabary an-dasy. Izany no natao mba hampahafantarana ny mpanjifa mikasika ny zony sy ny fomba fanao rehetra amin ny fikirakirana ny karama sy ny fisotroan-dronono. Tsapa mantsy fa misy ny olana ara-pifandraisana teo amin ny Mpiasam-panjakana sy ny mpisotro ronono any amin ny Faritra raha hikarakara ny karama sy fisotroan-dronono izy ireo. Anisan ny olana mahatonga izany ny elanelana misy eo aminy sy ny Sampandraharaha miandraikitra ny antontan-taratasiny. Izany toe-javatra izany dia miteraka fitarazohana eo amin ny fikarakarana ny antontan-taratasy sy fahaverezanjo, satria tsy mahafantatra ny zony ny mpiasa na ny mpisotro ronono amin ny ankapobeny. Eo ihany koa ny fandaniam-bola amin ny fivezivezena noho ny faharatsian ny làlana, ka manano sarotra ny fifandraisana raha hikarakara ny antontan-taratasiny any amin ny Sampandraharaha izy ireo. Amin izao vaninandro iainantsika izao, dia mivoatra manaraka ny toetr andro ny filàn ny mpanjifa, ka ilaina ny manome fahafahampo azy ireo. Anisan izany ny fametrahana Gazetim-baovao mivoaka isam-bolana - n 0045 - Jona 2014 - pejy 2 ny mangarahara eo amin ny fanatanterahana ny asam-panjakana. Tsy tokony hanao tompon-trano mihono ny vahoaka sy ny mpiasam-panjakana. Inona àry no tombony amin ny fametrahana ny Sampandraharaham-paritra? Manafaingana ny fanatontosana ny asam-panjakana ny fametrahana ny Sampandraharaham-paritra, satria tsy hivezivezy intsony ny mpanjifa fa vita any an-toerana avokoa ny fikarakarana rehetra. Mihatsara ny kalitaon ny asa sy ny fifandraisana, noho izany tsy tokony hisy intsony mpiasa na mpisotro ronono ho very zo na tsy hahafantatra ny tokony hataony. Foana ny elanelana misy eo amin ny Sampandraharaham-paritra sy ny foibem-pitondrana, tsy hisy intsony ny fivezivezen ny antontan-taratasy noho ny fampiasana fitaovana manarapenitra, tahaka ny tambajotrampifandraisana. Izany hoe, tsy ho ela dia ho vita any an-toerana daholo ny asa rehetra mikasika ny karama sy ny fisotroan-dronono. Tsara ho marihina anefa, fa miandalana ny fahaleovantenan ny Sampandraharahamparitra. Raha bangoina fohy ny rehetra voalaza, dia fanomezana fahafahampo ny mpanjifa sy fanatsarana hatrany ny asampanjakana no antony nametrahana ny Sampandraharaham-paritra. RAZAFINTSALAMA Ihanta Sahondra Talen ny Sampandraharaha misahana ny karama sy ny fisotroan-dronono Hahazo fanampiana ara-bola (aide budgétaire) mitentina 37,6 tapitrisa dolara ny Fanjakana Malagasy amin ity taona ity. Manana fahalalahana feno manomboka izao ny fitondram-panjakana malagasy amin ny famerana izay heveriny fa laharam-pahamehana tokony hotanterahina amin ireo tetikasa iarahana amin ny Banky afrikanina momba ny fampandrosoana (BAD). Nivoitra izany nandritra ny varavarana misokatra nokarakarain ny BAD, tafiditra ao anatin ny fankalazana ny faha- 50 taona niorenany, teny amin ny foiben-toerany eny Ankorondrano, ny zoma 2 may 2014 teo. Taorian ny fitsidihana ireo tranoheva dia nitafa tamin ny mpanao gazety ny Profesora RAZAFINDRAVONONA Jean, Minisitry ny Fitantanambola sy ny Tetibola sy Atoa Abdelkrim Bendjebbour, solontena maharitry ny BAD eto Madagasikara. Voalaza tamin izany fa fanampiana ara-bola mitentina 37,6 tapitrisa dolara no omen ny BAD ho antsika. Porofon ny fahamatoran ny fiarahamiasa misy izany. Nosokajian ny BAD ho isan ireo firenena marefo ihany koa i Madagasikara ka mahazo anjara fanampiana manokana mba hiarenany haingana. Raha ny famatsiambola efa nekena ho an i Madagasikara ao anatin ny tahiry afrikanina ho an ny fampandrosoana (FAD) andiany faha-13 dia mitentina 49.45 tapitrisa dolara. Nampiana 69 tapitrisa dolara indray anefa izany ka tafiakatra 128.8 tapitrisa dolara izany izao ny famatsiambola ho azon i Madagasikara, araka ny nohamafisin i Abdelkrim Bendjebbour, Solontena maharitry ny BAD eto amintsika. Ireo Lehiben'ny Andrim-panjakana isan-tsokajiny nanatrika ny varavarana misokatry ny BAD Nanamarika ihany koa anefa ity farany fa mbola misokatra ny famatsiam-bola avy amin ny BAD amin izay tetikasa hafa heverina fa mendrika hotanterahina. Mivonona hanampy ny governemanta malagasy mba ahafahany mahazo famatsiam-bola avy amina mpamatsy vola hafa koa aza ny BAD, ho fanatontosana tetikasa misandrahaka amina lafin-javatra maro, toy ny fanamboaran-dàlana. Eo amin ny fiatrehana ireo loza voajanahary kosa indray dia nanokana vola iray tapitrisa dolara ny BAD ho tantsoroka ho an i Madagasikara mba hiadiana amin ny firongatry ny andiam-balala. Nanomboka tamin ny taona 2009 dia fanampiana vonjy taitra miisa dimy, mitentina dimy tapitrisa dolara no natolotry ny Banky Afrikanina ho an ny Fampandrosoana ho tantsoroka ho an i Madagasikara. Ny 4 aogositra 1963 no nosoniavina ny fifanarahana nananganana ny BAD tany Khartoum Soudan ka firenena 23 no nanao sonia izany. Tamin ny volana aprily 1976 kosa no niditra ho mpikambana teo anivon ity banky ity i Madagasikara. Fanampiana ara-bola miendrika fampindramam-bola, na fanampiana tsy averina na koa sora-bola no omen ny BAD an i Madagasikara. Tao anatin ny 37 taona dia tetikasa 72 no niarahana tamin ny BAD ka mitentina 1 250 tapitrisa dolara ny vola nanatanterahana an izany. Ny 20 febroary 1977 no nankatoavin ny Filankevi-pitantanan ny BAD ny tetikasa voalohany ho an i Madagasikara dia ny fanamboarana ny lalana Bealanana- Antsahabe. Amin izao fotoana izao dia tetikasa miisa fito sy tahiry ho fanomanana tetikasa (PPF) roa, mitentina 158,92 tapitrisa dolara no iarahana amin ny BAD. Nahazo tombony tamin ny fanampiana avy amin ny BAD ihany koa ny sehatra tsy miankina. Anisan izany ny tetikasa Ambatovy izay nahazoana vola 150 tapitrisa dolara sy ny tetikasa Sahanivotry, novatsiana vola mitentina 6 tapitrisa euros. RAHELINIRINA Nicole Ccom Cabinet Gazetim-baovao mivoaka isam-bolana - n 0045 - Jona 2014 - pejy 3
VAOVAO SRSP 20 TAONA NO NISIAN NY SAMPANA MPIKARAKARA KARAMA SY FISOTROAN-DRONONO Tamin ny volana May 1994 no natsangana ny sampanasa miandraikitra ny karama sy ny fisotroandronono. Service Provincial de la Gestion Financière du Personnel de l Etat no niantsoana azy tamin izany izay napetraka teo anivon ny Faritany 5 ankoatran Antananarivo izay hany nanana io sampan asa io teo aloha. NY ASA NATAO SY IREO NIANDRAIKITRA NY SAMPANDRAHARAHA Nisahana ny karama, ny fisotroandronono, ny vonjy ranovaky (secours au décès) ho an ny mpiasam-panjakana rehetra tao anatin ny faritany iray manontolo ireo sampanasa ireo. Vitsy anefa ny mpiasa tao. Raha raisina ohatra ny Faritanin ny Mahajanga teo aloha dia niisa telo ny mpiasan ny Minisiteran ny Fitantanambola niasa tao ka anisan izany ny chef de service. Mpiasa niasa taty amin ny Minisitera Foibe no nalefa nifindra toerana tany Mahajanga tamin ny fotoana nananganana ny Service Provincial de la Gestion Financière du Personnel de l Etat. Nisy fangatahana natao tamin ny sampandraharaha tany an-toerana mba hanampiana ny isan ireo mpiasa. Nanome olona telo ny service provincial du Budget ka anisan ireo Rtoa RAMANANDRAY Hanitriniaina Bodo, RABONORO (efa maty) ary Rtoa RAZAFINTSALAMA Ihanta Sahondra Directeur de la Solde et des Pensions ankehitriny. Ny sampandraharahan ny fampianarana ihany koa dia nanome détachés miisa folo mianadahy, ny Police nanome telo, ny Sampandraharaha misahana ny Tanora sy ny Fanatanjahantena nanome iray ary ny iray farany avy amin ny Population. Raha raisina ohatra ny Faritanin ny Toliara sy Antsiranana dia ny trano iasana no tena nisian ny olana ho an ireo service ireo, satria ny ankabeazany dia mbola niankina tamin ny Service Provincial du Budget. Na ny mpiasa aza tsy afaka nitazona ny fanalahid'ny trano fiasàna raha te-hiverina hiasa ny sabotsy raha toa ka misy asa tsy maintsy tratrarina. Ankehitriny anefa, dia efa voavaha ny olana mahakasika izany. Vahaolana noraisina ny fanofana trano, ny fifampiraharahana teo amin ny services déconcentrés hafa toy ny tany Toliara izay nahazoana ny ao ambany rihana ao amin ny tourisme izay mbola iasan ny SRSP hatramin izao. Raha ny fitaovana enti-miasa kosa dia vitsy no azo tamin ny fananganana ny services ka voatery nindrana tany amin ny service provincial du budget toy ny milina fanoratana, ny latabatra, sns... Raha ny SPGFPE Mahajanga no resahana dia tamin ny taona 2004 vao nahazo solosaina iray avy amin ny DSI. Ny taona 2005 vao niampy ny fitaovana noho ny fanampiana avy amin ny PGDI. Mikasika ny fifandraisana dia nampiasa antso an-tariby no nampiasaina tamin izany. Ny taratasy ifandraisana dia nalefa paositra. Ny antotantaratasy voakirakira kosa dia naterina an-tanàna isam-bolana noho ny habetsahany. Ankehitriny noho ny fandrosoanan ny teknolojian ny fifandraisana dia efa misy ireo fitaovana toy ny flotte, ny mailaka sy ny bassline. NY FOTOANA FIKIRAKIRANA ANTOTANTARATASY Tsiahivina fa faritany iray manontolo no sahanin ny SPGFPE iray tamin izany. Noho ny havitsian ny mpiasa dia naharitra ny fikirakirana antotantaratasy, indrindra teo amin ny fisotroandronono. Taty aoriana, rehefa nitombo ny isan ny mpiasa dia natsangana ny sampandraharaham-paritra izay nanapariahana ireny asa nivangongo teo aloha ireny. Efa mandeha tsara sy ara-potoana ny fikarakarana izany ankehitriny. Raha raisina ohatra ny fisotroandronono dia 3 volana raha ela indrindra ny fe-potoana fikirakirana ny antotantaratasy. Toy izany ihany koa ny fikarakarana ny karama izay raisina ao anatin ny 3 volana ao aorian ny fanaovan-tsonia ny fifanarahan asa voalohany. NY FIOVAN NY ANARANA Services Provinciaux de la Gestion Financière du Personnel de l Etat no niantsoana ireo sampan-draharaha ireo tany am-boalohany. Rehefa natsangana ny Direction Régionale du Budget (DRB) dia novaina ho Service InterRegional de la Solde et des Pensions (SIRSP) ny fiantsoana azy. Nanomboka ny volana Jolay 2011 dia nosokafana ireo Services Régionaux de la Solde et des Pensions (SRSP) miisa 22 eny amin ny Renivohi-paritra rehetra ka naparitaka tany avokoa ny andraikitra tandrify azy ireny. Amin izao fotoana izao dia efa amperinasa avokoa ireo SRSP any amin ny faritra rehetra ary efa mizotra araka ny tokony ho izy ny raharaha rehetra. LALAOARISOA Marie Laurette SRSP Mahajanga Ny mpiasan'ny SRSP nandritra ny Atelier de Normalisation ny volana novambra 2012 (tahirin-tsary) Ireo Lehiben'ny SRSP (tahirin-tsary) Gazetim-baovao mivoaka isam-bolana - n 0045 - Jona 2014 - pejy 4 Gazetim-baovao mivoaka isam-bolana - n 0045 - Jona 2014 - pejy 5
VAOVAO DESB JERY TODIKA MOMBA NY FAMPIHARANA NY TETIBOLA TELOVOLANA VOALOHANY TAONA 2014 Notanterahina ny 30 aprily 2014 teo ny tomban ezaka telovolana voalohany mikasika ny fanatanterahana ny tetibolam-panjakana 2014. Teo ambany fitarihan A n d r i a m a t o a RAZAFINDRAVONONA Jean, Minisitry ny Fitantanambola sy ny Tetibola niaraka tamin ireo tompon andraikitra ambony isantsokajiny teto anivon ny Minisitera ny jery todika izay natao. Fotoana fiomanana sy fanendrena ary fanofanana ireo tompon andraikitra hanatanteraka ny tetibola ny vanimpotoana toy izao ary hita taratra teo amin ireo vokatra azo izany. 37% no tahan ny fanatanterahana ny asa noheverina hotratrarina ny telovolana voalohany no tontosa. 18,12% ny salan'isa ankapobeny teo amin'ny fanatanterahana ny fandaniana ny tetibola ary 87,93% no taha tratra tamin ny vola miditra novinavinaina ho azo tamin ity telovolana ity. Toy izao ny tomban ezaka nisongadina nandritra iny telo volana iny : Nanefa ny trosa ivelany mitentina 28 miliara Ariary ka ny 18 miliara Ariary dia renivola. Voapetraka ihany koa ny biraon ny Tahirim-bolampanjakana hisahana manokana ny fambolena sy ny Fiompiana ary ny Ala ao Tsimbazaza. Nandritra sy tao aorian ireny fotoan ny rivodoza nisesy ireny dia afaka nandray ny andraikitra tandrify azy ny Fanjakana. Nitohy ny fiara-misalahin ny Fanjakana foibe sy ireo mpamatsy vola tamin ny ady amin ny valala. Tantely vokatra avy any Manakara milanja 1 500 000 kg no naondrana ary nisy ny ezaka misahana ny fahasalaman ny biby fiompy hatrany amin ny faritra sy ireo toerana sarodalana (zone reculée). Nohatsaraina ny fitandrovana sy fandraisana antànana ny tsy fanjarian-tsakafo eny anivon ny CSB. Hita fa mbola miverina ireo fomba fiasa manataraiky ny fampiasana ny tetibola. Anisan izany ny fahatarana eo amin ny fanendrena ireo mpiandraikitry ny fanatanterahana ny tetibola isan-tsokajiny. Eo ihany koa ny tsy nahavitana ny BCSE teo aloha izay Gazetim-baovao mivoaka isam-bolana - n 0045 - Jona 2014 - pejy 6 isan ny fepetra ahafahana manao fandaniana. Misy ny tsy fanarahandalàna amin ny fanendrena ireo mpikirakira ny tsenam-panjakana ka notsindrin Andriamatoa Tale Jeneralin ny ARMP fa voararan ny lalàna ny manao subdélégation ny PRMP. Noantitraterin Andriamatoa Minisitry ny Fitantanambola sy ny Tetibola, tamin ny lahateny nataony, ny fanajàna ny fitsipika mifehy ny tetibolam-pandaharana, indrindra ny fanampariahana ny andraikitra toy ny PRMP any amin ny faritra. Ao ihany koa ny fitantanana antsoina hoe gestion axée sur les résultats izay hanatrarana ny ady amin ny fahantrana sy ny fandrosoana maharitra sy inclusif. Ankoatra ny fanatsarana hatrany ny fomba fiasa dia endrika iray hanehoana ny fangaharahana sy ny fanaovana tatitra ny atrikasa toy izao. RAKOTONDRABE Zoly Chef SAIDM/DESB 26 JONA 2014 - Fetim-pirenena malagasy Mirary ny soa sy ny tsara rehetra ho antsika nahatratra ny Fetin ny Fahaleovantena. Ary handroso hatrany anie ny Firenena. VAOVAO CSC FANDRAISAN ANJARAN NY CSC TAMIN NY FAMPISEHOANA MOMBA NY NY FANDRAHARAHANA SY NY ASA Toy ny tamin ny taona lasa dia nandray anjara tamin ny Fampisehoana momba ny fandraharahana sy ny asa (Salon de l Entreprenariat et de l Emploi) ny Filan-kevitra Ambony momba ny Fitanan-kaonty na ny Conseil Supérieur de la Comptabilité (CSC) ny 09 sy 10 may 2014 teo. Izany no natao dia hampahafantarana ny mpandraharaha sy ny mpianatra ary ireo tompon andraikitra eny anivon ny tetik asa sy vondron asa maro misahana ny fampandrosoana ny tontolon ny fandraharahana ny antsoina hoe Système Minimal de Trésorerie (SMT) sy ireo tombotsoa azon ireo mpandraharaha mpikambana ao anatin ny Ivotoerampitantanana Nankatoavina na Centre de Gestion Agréé (CGA). Raha maro dia maro tokoa ireo mpianatra liana tamin ny fitehirizamboky na centre de documentation sy ny tranokalan ny CSC dia tsy vitsy raha oharina tamin ny herin-taona Ny trano hevan'ny CSC ireo mpandraharaha madinika sy tena madinika nanadiady mikasika ny Ivotoeram-pitantanana Nankatoavina (CGA). Natoro azy ireo ny birao misy ny CGA Analamanga ao amin ny Antenimieran ny Indostria sy ny Varotra eto Antananarivo. NY SYSTÈME MINIMAL DE TRÉSORERIE (SMT) Ny SMT dia efa fantantsika ato amin ny Minisitera fa fitanan-kaonty manara-penitra nalaina avy tao amin ny Plan Comptable Général 2005. Ireo mpandraharaha sy mpivarotra manao vola-maty (chiffre d affaires) latsaky ny roanjato tapitrisa ariary (200.000.000 Ar) no mampiasa azy. Fitanan-kaonty tsotra sy mora ampiasana ny SMT kanefa ahafahana mamoaka tsara ny drafitry ny kajim-bola na états financiers. Misy fepetra telo (3) ihorenan io fitanan-kaonty tsotra io : Fitanàna an-tsoratra isan andro ny vola miditra sy vola mivoaka mifanaraka amin ny taratasy fanamarinana toy ny faktiora, rosia izay efa voamarina sy voatahiry; Fanitsiana fanao amin ny fiafaran ny taom-piasana; Fandrafetana ireo drafitry ny kajim-bola (états financiers). FAMELABELARAN-KEVITRA MOMBA NY FITANAN-KAONTY SY NY CGA Nisy famelabelaran-kevitra natao nampitondraina ny foto-kevitra hoe : Ny fitanan-kaonty manarapenitra, antoka ho amin ny fampandrosoana ny orinasa ny sabotsy atoandro. Maro ireo olona tonga nitsidika ny trano heva no tonga niverina, nihaino sy nametraka fanontaniana maro isan-karazany mikasika ny CGA. Teo ihany koa ireo naneho ny faniriany hanaraka fiofanana mikasika ny fampiasana azy io. RAKOTO Patricia Directeur de la Communication et du Suivi des Projets Gazetim-baovao mivoaka isam-bolana - n 0045 - Jona 2014 - pejy 7
VAOVAO DGD ATRIKASA : TETIK ADY HANATSARANA NY FAMPIDIRANA HETRA SY NY HABAN-TSERANANA Araky ny tatitry ny Mpamatsy vola iraisam-pirenena FMI (Fond Monétaire International) dia nihena ny vola miditra tamin ny kitapom-bolam-panjakana tamin ny alalan ny habantseranana tamin iny taona 2013 iny. Niantso ireo mpandraharaha tsy miankina koa ny Faditseranana ary nanamafy ny fiaraha-miasa amin ireo departemanta hafa mba hanamorana ny fandohavany hetra ao anatin ny tetika hampirisihana ny fanondranana entana ataony. Ny Faditseranana koa dia hanamafy sy hanatsara hatrany ny fitaovam-pitsikilovana mba handresen-dahatra ny mety isian ny fifaninanana tsy ara-drariny sy tsy manaradalàna. Natao tao amin ny Hotel Le Louvre Antaninarenina ny 26 ka hatramin ny 28 Martsa 2014 ny atrikasa izay notanterahan ny mpiasan ny Faditseranana, nentina nandinihina izay tetika mety hanatsarana ny fampidiran-ketra ho an ny kitampom-bolampanjakana. Ny Tale jeneraly teo aloha, VOLA- RAZAFINDRAMIANDRA- Ramiandrasoa no nitarika io atrikasa io, izay nanasana ireo Mpiara-miasa tompon andraikitra rehetra avy any amin ny Faritra sy eto Antananarivo. Nanome voninahitra ity atrikasa ity, tamin'ny fanokafana tamin ny fomba ofisialy, ny Minisitry ny Fitantanambola sy Tetibola teo aloha, Andriamatoa RASOLOELISON Lantoniaina sy Ramatoa ANDRIAMBOLOLONA Vonintsalama, Sekretera Jeneralin ny Ministeran ny Fitantanambola sy ny Tetibola ary ireo Mpiaramiasa aminy akaiky, izay nanome tso-drano ny hahatomombana ny atrikasa. Navoatran ny Minisitra ny maha zavadehibe ity atrikasa ity ary hivaingana tokoa ny vokatra mivoaka amin ity fifanakalozan-kevitra lehibe ity. Nizara efatra ny atrikasa : 1.fikaonan-doha nataon ny Tale jeneraly teo aloha sy ireo mpiara-miasa amin ny Faditseranana; 2. fihaonana niarahana tamin ny société Gasynet; 3. fihaonana tamin ny sampandraharaha miadidy ny Hetra; 4. fihaonana tamin ny mpandraharaha tsy miankina. NY FOTOTRY NY DINIKA Na nanao fanavaozana nanomboka tamin ny 2005 aza ny Faditseranana, izay mbola mitohy hatramin izao, dia voaterin ireo laharampahamehana noho ny krizy teto amin ny firenena ka ilàna fanarenana : Ny fampiantoana tamin ny ampahany ny haba avy amin ny solika; Ny fampidirana tao Ny mpitantanan'ny Minisiteran'ny Fitantanambola sy ny Tetibola isan-tsokajinyary ny ao amin'ny Faditseranana tamin'ny atrikasa anatin ny lalàna mifehy ny fitantanam-bola ireo fepetra manokana amin izay entana tsy andohavana haba; Ny mbola fisian ny hosoka sy ny fanondranana tsy ara-dalàna; ny goragora eo amin ny lalàna fototra (cadre institutionnel); Ny fanatsarana ny hairaha amin ny fitaovantserasera ampiasain ny Faditseranana ankehitriny. IREO FEHIN-KEVITRA 1. Misy ireo fehinkevitra nivoaka izay tsy miankina loatra amin ny Faditseranana irery fa eo ireo departemanta na Minisitera hafa izay efa manana ny politikampitantanany amin ny fampidirana entana : Ny entana fampiasa andavan andro (vary, menaka, siramamy, ), dia tokony hahitsy hanana haba mitovy. Ny zezika, ny fanafodim-biby, ny kojakoja ho an ny famokarana angovo azo havaozina, sns indray dia tokony haverina ho tataovana hetra indray afa-tsy ny fanafody izay omena fanampiana manokana na subventions. 2. Misy koa ireo fehinkevitra izay ho tanterahin ny Faditseranana iarahana amin ireo Mpiara-miasa aminy : Ny fanambaran entana diso (vidiny, karazany, fihaviany, habetsahany) izay isian ny fiaraha-miasa matotra kokoa iarahana amin ny orinasa Gasynet : Ny afahana mitrandraka tsara ny BSC (Bordereau de Suivi de Cargaison) ; Ny fampiharana ny andininy faha 23 ao amin ny Code des Douanes Ny sivana tokony hatao amin ny fitsirihina sy fisavana entana mandalo ao amin ny Faditseranana; Ny entana miaraka na groupage dia ilàna ny lisitry ny entana amin ny antsipirihiny ary mitaky fiaraha-miasa akaiky miaraka amin ny Gasynet izany. Ny fampandraisana andraikitra ireo mpiasa manao ny fitsirihina : Ankoatr ireo fepetra ho raisina raha misy tsy fahatomombanana,dia Ny mpandray anjara tamin'ny atrikasa hangatahana eo anivon ny Mpamatsy vola ny hisian ny fampiofanana ho an ny mpiasan ny Faditseranana. Ny orinasa Gasynet koa dia nirotsaka hanampy amin ny fampiofanana izay ataon ny mpiasan ny Faditseranana izay fiofanana manodidina ny fifanakalozana arabarotra iraisam-pirenena ary ny banky. 3. Nivoaka tamin ny fehin-kevitra koa ka mety hampivoatra ny fampidiran-ketra ny amin ny fifandraisana amin ny Fanjakàna mahefa ary ireo mpiara-miombon antoka miankina sy tsy miankina amin ny Fanjakàna : Ny tsy fisalovanana loatra amin ny fitantanana ny mpiasa ao amin ny Faditseranana mikasika ny famindran-toerana na ny fepetra raisina araky ny fitsipika mifehy; Ny fampitoviana lanja ireo minisitera sy ny mpandraharaha tsy miankina eo amin ny haba tokony aloha eo am-pamoahana entana(fandohavana amin ny alàlan ny état bleus); Ny tokony hampandalovana eo amin ny mpitantana ny Faditseranana ny fanapahan-kevitry governemanta mikasika ireo entana tsy ampadohavana haba mba hialàna amin ny fihoaram-pefy. Ny fihaonana tamin ny Sampandraharaha misahana ny Hetra (DGI), izay efa manana ny fifanaraham-piarahamiasa efa hatramin ny ela amin ny Faditseranana, dia nanamafisana indray izany fiaraha-miasa izany amin ny alalan ny fitohizan ny fihofanana ho an ny andaniny sy ankilany eo amin ny NIF ONLINE, ny fifanakalozambaovao amin ny alalan ny SIGFP mombamomba ireo mpandraharaha sy ny mpandoha hetra; ny fiarahana miasa eo amin ny fisavana tokony hatao; ary ny tokony hisian ny fivoriana matetika ifanakalozambaovao sy tatitra. Afa-po tamin ny asa vita tao anatin ny 3 andro ny mpizaika ary ho fanamby napetraka ny fanatanterahana ireo tinapaka tamin izao atrikasa izao. RAKOTONDRAZAKA Hermann Ccom DGD Gazetim-baovao mivoaka isam-bolana - n 0045 - Jona 2014 - pejy 8 Gazetim-baovao mivoaka isam-bolana - n 0045 - Jona 2014 - pejy 9
VAOVAO SRPE TOLIARA FAMPIOFANANA IREO MPANAMARINA NY FITANTANANA NY FITAOVAM-PANJAKANA Anisan ny laharam-pahamehan ny Foibe Fitantanana ny Fananam-panjakana ny fampiofanana ireo mpiasa ao aminy. No tontosaina ny faha-15 sy faha-16 Aprily 2014 teo araka izany ny fanofanana ireo mpanamarina ny fitantanana ny fitaovampanjakana eny anivon ny Service Régional du Patrimoine de l'etat (SRPE) ao Toliara. Nanatrika izany ihany koa ireo Mpitahiry kaontimpitaovana (Dépositaires Comptables) ao amin ny Direction Régionale du Budget (DRB), Service Régional de l'exécution Budgétaire (SREB) sy ny Service Régional de la Solde et des Pensions (SRSP) any an-toerana. Niompana tamin ny fomba fanamarinana ireo antotantaratasy ilaina amin ny fitantanana ny fitaovam-panjakana ny fiofanana. Noantitranterin ny Andriamatoa isany RANDRIAMBOLANIRINA Guy Patrick, Lehiben ny Sampandraharahan ny fitaovam-panjakana sy ANDRIAMIAFARA Dolorès, Mpampiofana eo anivon io sampandraharaha io fa saro-pady sy manan-danja ny asan ireo mpanamarina ka ilana fahamalinana tsara. Miankina amin ny vokatry ny asan izy ireo mantsy ny fahazoana ny quitus ho an ireo Sampandraharaha eny amin ny Minisitera isantsokajiny sy ny Andrimpanjakana samihafa na Ny Delegasiona notarihin'ny Atoa DPE teo aloha tsia mba ahafahan izy ireo mividy entana amin ny taona manaraka ny fanamarinana. Fifampizarana traikefa no nibahana tamin ireo fotoana ireo. Na ny mpiofana na ny mpampiofana dia samy naneho ny fahafahampony avokoa. Nanambara ny ankilany fa nahazo torohevitra mafonja afahany miatrika sy mahomby amin ny asany andavanadro; ny andaniny kosa nahazo toky fa tafita soamantsara ny fampianarana ka hody ventiny tokoa ny rano nantsakaina. ANDRIANARY Onivola Ccom DPE VAOVAO SRPE TOLIARA At o a ANDRIANJAKA Rija, Talen ny Foibe fitantanana ny fananam-panjakana teo aloha ary Ramatoa RASOAZANATODY Alexandrine, Lehiben ny Sampandraharahan ny Tranom-panjakana dia tonga nanatrika ny fandraisana ny trano vaovao tany an-toerana ny 16 Aprily 2014 teo. Tsy tanampolo akory no nentin izy ireo fa dia nitondra izay ho fampitaovana ny trano, ho FIFINDRAN-TOERAN NY SRPE TOLIARA Nafindra ny (Service Régional du Patrimoine de l'etat) SRPE ao Toliara mba ho fanatsarana ny asa sy ny sehatry ny asa. Raha tao Ampasikibo izy taloha, ao Andaboly izy ankehitriny. fanampin izay efa any antoerana. Nandritra izany dia nisy ny tafa sy dinidinika samihafa niarahana tamin ireo mpiara-miasa any an-toerana, ho fanabeazamboho hatrany ny fiaraha-miasa. Ny SRPE ao Toliara, izay notarihin Andriamatoa NDRIANAIMALAZA Tsirimahatfa C. H., dia naneho fisaorana feno an Andriamatoa Talen ny Foibe fitantanana ny fananam-panjakana teo aloha sy ny ekipany noho izy ireo tsy nikely soroka na tamin ny lafiny fampitaovana, na tamin ny lafiny fahalalana Ny birao vaovaon'ny SRPE ao Toliara ho fanohanana ny adidy aman andraikitry ny DPE any an-toerana. RABARIJAONA Fetra Ccom DPE Ny mpiasan'ny SRPE ao Toliara nifampidinika tamin'ny Tale teo aloha Ireo nandray anjara tamin'ny fiofanana Gazetim-baovao mivoaka isam-bolana - n 0045 - Jona 2014 - pejy 10 Nodimandry ny 18 Mai 2014 Itompokovavy RANOROMAMPIANINA Noeline Harisoa, niasa teto amin ny Direction Générale du Budget/ Direction de la Solde et des Pensions/ Service de FILAZANA MANJO la Prévision et du Suivi des Dépenses de la Solde et des Pensions/ Division Personnel Extérieur. Ny 02 Jona 1982 izy no nanomboka niasa teto amin ny Ministeran ny Vola sy ny Tetibola. Gazetim-baovao mivoaka isam-bolana - n 0045 - Jona 2014 - pejy 11
SOSIALY CSC FIKAMBANAN NY MPIARA-MIASA AO AMIN NY CSC Mijoro soa aman-tsara ny Fikambanan ny mpiara-miasa ao amin ny Filan-kevitra Ambony momba ny Fitanan-kaonty na Conseil Supérieur de la Comptabilité eto amin ny Minisiteran ny Fitantanambola sy ny Tetibola. NY BIRAO MPITANTANA Lany nandritra ny fivoriamben ny mpikambana tamin ny 21 martsa 2014 ny birao mpitantana ka ahitana ireto olona manaraka ireto : Filoha : Atoa LALA Jérôme Samuel Mpitambola : Rtoa Johary RANAIVOSOA Mpitantsoratra : Rtoa Mirana RAHARIJAONA Mpanaramaso ny vola : Atoa Heriniaina RAKOTOARISOA Mpanolotsaina : Atoa Rija RATSIMBAZAFY Rtoa Ravomalala RATOMPOHELISOA Atoa Tiana Christian RAZAFINDRAKOTO HETSIKA VOALOHANY Maro ny tarigetra tiana ho tratrarina. Tarigetra tiana ho tratrarina voalohany dia ny hisian ny fifandraisan ny mpiara-miasa bebe kokoa. Manaraka izany dia eo ihany koa ny hifampitsinjovana sy hifanampian ny mpiaramiasa. Ny hetsika voalohany nokarakaraina tamin izany dia ny fitsangatsanganana miaraka amin ny fianakavian ny mpiaramiasa tany amin ny Espace Evasion ny sabotsy 26 Aprily 2014 teo. Izany no natao dia hialàna voly sy hifankahafantarana. Vory lanona ny rehetra ka dia nikorana tokoa moa izany. Ireo ankizy nifampitarika nandeha nilomano. Ireo tanora nilalao daomy, nanao baolina kitra sy basikety. Ny lehibe kosa : nisy ireo mandrotsirotsy ny rehetra tamin ny feon-gitara, nisy ireo nilalao karatra, nilalao kanetibe, ankamantatra ary fanenjika tavoahangy. Nahafinaritra ny fitsangatsanganana ka ny masoandro maty no nampalahelo.ankoatra izany, hiatrehana ny ririnina dia misy opération bodofotsy karakaraina amin izao fotoana. RAKOTO Patricia Directeur de la Communication et du Suivi des Projets SOSIALY SRPE ATSINANANA FITSANGATSANGANA NY MPIASA TAO AMIN NY SRPE ATSINANANA Toy ny fanaon izy ireo isan-taona dia nanatanteraka fitsangatsanganana tamin ny 28 Martsa 2014 ny mpiasa tao amin ny SRPE Atsinanana. Ny tanjon ny fiharahana tamin izany dia didinika ny fanatsarana ny asa sy ny sosialin ny mpiasa rehetra tato amin ny sampandraharahan ny SRPE Atsinanana. Izany moa dia natao tao Mahavelona Foulpointe ka nahavoriana mpiasa teo amin ny 35 teo. Nivoitra tamin izany dinidinika izany moa ny fanajana ny ora fidirana sy fivoahana ny birao, ny fomba fihetsika sy fandraisana ireo mpanjifa, ny fahavitriana sy fahankingana amin ny asa, sns... DAAF Voaresaka tamin izany koa ny tokony fanamafisana ny firaisankina eo amin ny samy mpiasa raha misy zavamanjo, ny tokony anaovana veloma ireo mpiasa nisotro Ny mpiara-miasa ao amin'ny SRPE Atsinanana ronono noho ny soa sy adidy lehibe nataon izy ireo teo amin ny sampandraharaha niasany sy ny firenena malalantsika ity. Notohizana tamin ny koram- FIKAMBANAN NY MPIASA pirahalahiana moa ny fotoana ka ny masoandro nody no nampalahelo. FLECHARD Chef SRPE Atsinanana Najoro ny fikambanan ny mpiasan'ny DAAF. Mutuelle des Agents de la Direction des Affaires Administratives et Financières no anarana entin ny fikambanana. Ireo mpiara-miasa miaraka amin'ny fianakaviana Gazetim-baovao mivoaka isam-bolana - n 0045 - Jona 2014 - pejy 12 Naorina tamin ny fiatombohan ny taona 2014 ny Mutuelle des Agents de la DAAF. Ny mpiasa rehetra ao, izay miisa 170 eo ho eo, no mpikambana ao aminy. FIRAISANKINA - FIFANKATIAVANA FIFANAMPIANA no fotokevitra ijoroan ny fikambana. Imasoana sy kendrena ny fanamafisana ny asa sosialy, sy ny fitambarana ary ny fiaraha-mientan ny mpiaramiasa rehetra. Niezaka ny tsy haka latsakemboka ny fikambanana mba entina hampiodinana azy fa fitadiavam-bola no tanterahina. Anisan izany ny Opération sakafo izay nahitam-pahombiazana ny volana aprily 2014 teo. Ezahina ihany koa ny hanome fahatsiarovana amin ny fetin ny reny sy ny ray ho an ny mpikambana tsirairay. Mbola betsaka ny hetsika Ny mpiara-miasa ao amin'ny DAAF heverina ho tanterahina amin ity taona ity. NIAINAMANANA Mirantsoa Faniry Miasa ao amin ny DAAF Gazetim-baovao mivoaka isam-bolana - n 0045 - Jona 2014 - pejy 13
FANATANJAHANTENA FANATANJAHANTENA ASOIMI Ny sabotsy 05 aprily 2014 teo no fotoampanokafana ofisialy ny lalao ASOIMI ho an ny taona 2014. Tetsy amin ny Lapan ny Fanatanjahantena sy ny Kolotsaina no nanatontosana izany. Nandray anjara tamin izany ny mpanao fanatanjahantenan ny Minisiteran ny Fitantanambola sy ny Tetibola (MFB). Voasolotena avokoa TAOM-PILALAOVANA 2014 Nisokatra tamin ny fomba ofisialy ny taom-pilalaovana 2014 izay iraisan ny Minisitera sy ny Andrim-panjakana. ASOIMI Efa manomboka ny taom-pilalaovana 2014 eo amin ny lalao iraisan ny Minisitera rehetra (ASOIMI), ny 26 Aprily 2014 no nanao ny fifaninanana voalohany ny Ekipa SG FOOTBALL ELITE II, nifanandrina tamin ny Minisiteran ny Varotra, tsy latsa-danja tamin ny taona lasa fa dia nampiondrika sahady ny mpifanadrina tamin ny isa 7 noho ny 2, na dia isan ireo ekipa zandriny indrindra tato amin ny Ministera aza. Isaorana manokana ireo Ampirahalahiana no anatanterahana ny lalao rehetra ireo taranjampanatanjahantena sy ireo departemanta hita eto amin ny MFB. Marihina moa fa ny fifaninana isamparitra no natomboka fa ny lalao nasionaly, SG FOOTBALL - ELITE II 2014 Gazetim-baovao mivoaka isam-bolana - n 0045 - Jona 2014 - pejy 14 izay iraisan ny faritra rehetra manerana an i Madagasikara dia hatao any Toamasina, Faritra Atsinanana, ny volana 24 Septambra ka hatramin'ny 5 Oktobra 2014. Raha tsihiavina dia tany Antsiranana no nanaovana ny lalao nasionaly ny taona 2013. HIANASY Mamisoa Frédérica Ccom SG Nifanandrina tamin ny ekipan ny Minisiteran ny Varotra ny ekipan ny SG Football. lehibe mpiahy izay manome alalana nahafahana nanatanteraka izany lalao izany, ary indrindra ireo Ny mpilalaon'ny SG Football mpilalao, izay miray fo sy saina ka nahafahana nahazo izany vokatra tsara izany. RAKATOARISOA Fanja Nirina Mpitantana SG Football MFB KILEOBA TENNIS AMBONY LATABATRA (PING PONG) Tafatsangana ny kileoba ny tennis ambony latabatry ny Minisiteran ny Fitantanambola sy ny Tetibola eto Antaninarenina. Mivondrana ao avokoa ireo departemanta isan-tsokajin ny Minisitera. Nijoro tamin ny volana Aprily 2014 io kileoba io. Miisa 31 eo ho eo ny mpikambana ao ka ahitana ireo efa matianina sy ireo mianatra milalao. Ny fivoriana natao ny 14 Aprily 2014 dia nametraka fa iray tsy mizarazara sy tsy misaratsaraka isaky ny Sampandraharaha ny kileoba fa anarana tokana an ny Minisitera no nentina nanangana azy. Voasolotena ao avokoa ny departemantan ny Minisiteran ny Fitantanambola sy ny Ireto avy ireo mandrafitra izany : Tetibola. Miisa 31 eo ho eo ny mpikambana. Mizara roa mazava kosa izy ireo ka ao ireo NY BIRAO MITANTANA Ny birao mpitantana manana lisansa. Misy kosa ny mbola tsy manana izany. Filoham-boninahitra : Atoa RAVELOSON Herinirina (DAAF) Filoha : Rtoa RALIMANANA Vololontsoa (DSP) Mpitahiry vola : Atoa RAZAKANTOANINA Walter (DGT) Mpitan-tsoratra voalohany: Rtoa LALA HARISOA Lydie Francine (SG/DRHA) Mpitan-tsoratra faharoa : Rtoa ANDRIAMAHENINA N. Tahiry (DPE) Tompon andraikitry ny serasera : Rtoa HIANASY Mamisoa Frédérica (SG) Tompon andraikitra ara-teknika : Atoa ANDRIAMIHAJA Rakotovao Ratomasy (DPCB) Tompon andraikitry ny fampitaovana : Atoa RAHARIMBOLA Sylvestre (DSP) Mpanolo-tsaina : Dr RAJAOFETRA Thierry (DAAF/CMT) Atoa RAKOTONJANAHARY Mamy Ando (DSI) Rtoa RAMAHALIMBY Annicka Hoby (DGT) Atoa RAKOTOSIMBOLA Nirina Christian (DSP) Atoa RASAMBIMANANA Bosco (DGD) Araka ny lisitra voaray dia ireo tsy manana lisansa no tena maro an isa. Misy ihany koa ireo tsy mbola nandray raketa mihitsy. Marihina anefa fa tsy manavaka velively ny kileoba fa raisina avokoa ireo izay mangetaheta hiditra ho mpikambana. Isaky ny Sabotsy tolakandro manomboka amin ny 2 ora sy sasany ny fanazaran-tena. Misy rahateo ny mpanazatra mandray an-tanàna ireo izay vao miana-mandeha amin ity taranja ity. HIANASY Mamisoa Frédérica Ccom SG Gazetim-baovao mivoaka isam-bolana - n 0045 - Jona 2014 - pejy 15
SAMIHAFA VAVAKA HO ANAO RY FIRENEKO Ry Tompo ô malalanay, Mpihaino vavaka hatrizay Tsy mba takatry ny saina ny halebiazanao lalaina. Masina dia hajaina, tsara Ianao koa andrandraina. Marina ka tantaraina, Avo ianao ka dia hankalazaina. Ry Tompo ô ry Ray Tsitoha, eny hankaiza intsony moa? Sahona sy ny valala, Ianao no mahalala. Ny antony mahatonga izany, tena manota re ny tany. Indro fifonana mangina fa tena anty fahoriana. Ity Nosy maminay, koa mivalo re ry Ray. Koa raiso ny fifonany ary ekeo ny fiankohofany Aminao dia Aminao, ry Ray Mpamaly ny natao. Miaiky izy ka vonjeo, milanao hiasa eo. Izao no vavaka mangina hampitony fahoriana. Koseho re ny fahotany fa efa tany maharary. DELINE Mpiasan ny SGRH Mba hitondray fahafahana fa Aminao no iantorahana. Koa esory sy ongoty ny toetsaina mahabotry. Fa mba rivo-baovao no antenaina hoentinao. Indrisy mantsy Tompo ô, Andriamanitra Ianao. Ilay Mpitandri-panekena, sy mpitondra famonjena. Amin ny asan-tananao, avia re mba hiantrao. Fa ory sy mampahonena ka milanao ny Firenena. Ny Mpitondra re ry Tompo ataovy vonona hanompo. Ireo vahoaka sesehena nanaovanao ny fanekena. Ka handroso Gasikara sy ho tsara fiafarana. Fa ny Mahery re ny ao ka handositra sy lao, ny fahavalom-pirenena. Misaotra Tompo mihaino vavaka fa Ray Ianao ka dia miavaka. Amin ny anaran I Jesoa, ho Nosy afaka tokoa. Gazetim-baovao mivoaka isam-bolana - n 0045 - Jona 2014 - pejy 16 FANTATRAO VE? Ny saina Malagasy dia nankatoavina ampahibemaso ny 21 Oktobra 1958. Ny fanevam-pirenen i Madagasikara dia ny saina telo loko : fotsy, mena, maintso, izay ahitàna efa-joro telo mitovy habe ka ny voalohany izay miloko fotsy dia mitsangana manaraka ny zaran-tsaina, ny roa ambiny, izay mandry kosa, dia mifanao ambony ambany,. Ireo loko telo ireo dia milaza marim-pamantarana iray ihany : Ny mena dia fanevan ny fiandrianam-pirenena, ny tanjaky ny Fanjakana Malagasy ; Ny maintso dia mariky ny fambolena sy fiompiana, ny fahasamihafan ny zava-boary, ary koa ny fanantenana ; Ny fotsy dia milaza fahadiovampo sy ny fijoroan'ny malagasy amin'ny fahamarinana. Bitsika Gazety mivoaka isam-bolana Minisiteran ny Fitantanam-bola sy ny Tetibola BP 61 - Antaninarenina - Antananarivo - MADAGASCAR www.mefb.gov.mg Talen'ny famoahana ANDRIAMBOLOLONA Vonintsalama S. Talen'ny fanoratana HIANASY Mamisoa Frédérica Tonian-dahatsoratra RAMIANDRASOA Rojo Ekipan'ny Bitsika RAKOTONIONY Noro V. Suzy LOKHAT H. Mikaïla RAZAF Miarana RANDRIANARIFIDY Rivolala ANDRIANAVALO Yann Ely RAJAONARIVELO Antsa RAFIANDRANA Tantely ANDRIANARY LALA Onivola ANDRIANANTOANDRO Tiana RANAIVO Mandimby RABARIJAONA Andriamitantsoa Fetra RAKOTONDRAZAKA Hermann RASENDRA Jo Amigo RASOLOARIMANANA Hery (PAO) Natonta : 8000 isa Trano printy : Tranompirintim-pirenena