FOTOPOTOTRY NY FIVORIANA. Natao ny. Talata 10 Febroary Tolak andro. - Fiantombohan ny fivoriana 01

Transcription

1

2 FOTOPOTOTRY NY FIVORIANA Natao ny Talata 10 Febroary 2015 Tolak andro - Fiantombohan ny fivoriana 01 - Famakiana ny Didim-pitsarana laharana faha- 001-HCC/AR Famakiana ny andininy faha-76 ao amin ny Lalàmpanorenana sy ny Didim-panjakana laharana faha Kabary nataon Andriamatoa Filohan ny Antenimierampirenena Fiatoan ny fivoriana. 09

3 1 FIVORIAMBE FILOHA: Andriamatoa RAKOTOMAMONJY Jean Max MPITANTSORATRA: Andriamatoa isany - RAZAFINDRAVELO Hermann - MAHAZOASY Mananjara Freddie Richard FOTOANA: Talata 10 Febroary 2015, tamin ny 4 ora, tolak andro. FANDAHARAM-POTOANA: Lanonam-panokafana ny fotoam-pivoriana tsy ara-potoana faharoan ny Antenimierampirenena, taona Lakolosy Fiantombohan ny fivoriana - Andriamatoa FILOHA Andriamatoa Praiminisitra, Lehiben ny Governemanta; Ramatoa Mediatoran ny Repoblika; Andriamatoa sy Ramatoa isany namana mpiara-mikambana ao amin ny Birao Maharitry ny Antenimierampirenena; Andriamatoa sy Ramatoa isany Minisitra mpikambana ao amin ny Governemanta; Rahalahy sy anabavy Solombavambahoakan i Madagasikara hajaina; Ianareo olo-manan-kaja ambony Sivily sy Miaramila izay manatrika etoana; Ianareo avy amin ny haino aman-jery samihafa; Tompokolahy sy Tompokovavy. Faly miarahaba antsika tonga manatrika izao fotoam-panokafana ny fotoam-pivoriana tsy ara-potoan ny Antenimierampirenena amin ity taona 2015 ity. Ho fampiharana ny andininy faha-9 sy faha-10, andalana faharoa ao amin ny Fitsipika Anatin ny Antenimierampirenena; miangavy anao am-panajana, Andriamatoa Filoha Lefitra, izay manao ny fitanana an-tsoratra hamaky ny Didim-pitsarana laharana faha-001-hcc/ar tamin ny faha 4 Febroary 2015, mikasika ny fangatahana fiverenana indray eto anivon ny Antenimierampirenena.

4 Famakiana ny Didim-pitsarana laharana faha- 001-HCC/AR - Andriamatoa MAHAZOASY Mananjara Freddie Richard Misaotra, Andriamatoa Filoha, nanome ny fitenenana. Arrêt n 001-HCC/AR du 4 février 2015 concernant une demande de réintégration au sein de l Assemblée Nationale La Haute Cour Constitutionnelle ; Vu la Constitution ; Vu l ordonnance n du 18 novembre 2001 portant loi organique relative à la Haute Cour Constitutionnelle ; Vu la loi organique n du 1 er août 2012 relative aux premières élections législatives de la 4 ème République ; Vu l Arrêt n 011-CES/AR du 6 février 2014 de la Cour Electorale Spéciale, portant proclamation des résultats définitifs des élections législatives du 20 décembre 2013 ; Le rapporteur ayant entendu, après en avoir délibéré conformément à la loi ; Sur la forme Considérant que par lettre N 012-AN/P/SG du 28 janvier 2015, reçue le même jour au greffe de la Cour de céans, le Président de l Assemblée Nationale saisit la Haute Cour Constitutionnelle d une demande de réintégration de Madame VAONALAROY Ramahatodisolomanana en qualité de député au sein de l Assemblée Nationale ; Considérant que saisine, effectuée par un Chef d Institution conformément aux dispositions de l article 118 alinéa premier de la Constitution, est régulière et recevable ; Sur le fond Considérant que dans sa demande, Madame RANDRIANARISOA née RAMAHATODISOLOMANANA Vaonalaroy expose que par Arrêt n 11-CES/AR du 6 février 2014, la Cour Electorale Spéciale l a proclamée élue comme Député à l Assemblée Nationale, au titre de la liste «Mpirahalahy Mianala». Que par Décret n du 18 avril 2014, elle a été nommée membre du Gouvernement en qualité de Ministre de l Artisanat, de la Culture et des Patrimoines ; Considérant que l article 71 alinéa 2 de la Constitution dispose que «Le député nommé membre du Gouvernement est suspendu d office de son mandat. Il est remplacé par son suppléant» ; Considérant que Madame RANDRIANARISOA née RAMAHATODISOLOMANANA Vaonalaroy a été nommée Ministre de l Artisanat, de la Culture et des Patrimoines par le décret n du 18 avril 2014 ; que la Haute Cour Constitutionnelle a procédé à la désignation de son remplaçant en la personne de Monsieur RAKOTOMANANA Solonirina Andriambelovololona par l Arrêt n 02-HCC/AR du 30 avril 2014 ;

5 3 Considérant que Madame RANDRIANARISOA née RAMAHATODISOLOMANANA Vaonalaroy a été démise de ses fonctions de Ministre par le Decret n du 25 janvier 2015 ; que cette situation met automatiquement fin à la suspension de son mandat de Député de Madagascar ; qu en conséquence, il est mis fin au mandat du Député suppléant Monsieur RAKOTOMANANA Solonirina Andriambelovololona ; Considérant que «les membres de l Assemblée Nationale sont élus pour cinq ans au suffrage universel direct» d après les dispositions de l article 69 de la Constitution de la quatrième Républqiue de Madagascar ; qu ainsi, le mandat des Députés élus lors des élections législatives du 20 décembre 2013 n est pas encore arrivé à son terme à la date de la demande de Madame RANDRIANARISOA née RAMAHATODISOLOMANANA Vaonalaroy ; Considérant également qu aucun arrêt constantant une démission de Madame RANDRIANARISOA née RAMAHATODISOLOMANANA Vaonalaroy tel que stipulé à l article 18 alinéa 5 de la Loi organique n du 1 er aout 2012, n a été prononcé par la Haute Cour Constitutionnelle ; Que c est donc à bon droit que Madame RANDRIANARISOA née RAMAHATODISOLOMANANA Vaonalaroy a demandé sa réintégration au sein de l Assemblée Nationale en qualité de Député de Madagascar ; qu il échet d y faire droit ; Par ces motifs, ARRETE : Article premier : La suspension du mandat de Députée élue du District de Brickaville de Madame RANDRIANARISOA née RAMAHATODISOLOMANANA Vaonalaroy est levée à la date du présent Arrêt. Elle exerce pleinement son mandat de Député de Madagascar à l Assemblée Nationale ; Article 2 : Le mandat de Député de Monsieur RAKOTOMANANA Solonirina Andriambelovololona s arrête à compter de la date du présent Arrêt. Article 3 : Le présent Arrêt sera publié au Journal officiel de la République et notifié à Monsieur Le Président de l Assemblée Nationale. Ainsi délibéré en audience privée tenue à Antananarivo, le mercredi quatre février l an deux mille quinze à neuf heures, la Haute Cour Constitutionnelle étant composée de : Monsieur RAKOTOARISOA Jean Eric, Président Madame ANDRIANARISOA RAVELOARISOA Fara Alice, Haut Conseiller - Doyen Madame RASAMIMANANA RASOAZANAMANGA Rahelitine, Haut Conseiller Madame RAHARISON RANOROARIFIDY Yvonne Lala Herisoa, Haut Conseiller Monsieur TSABOTO Jacques Adolphe, Haut Conseiller Monsieur RABEHAJA-FILS Edmond, Haut Conseiller Madame RAMIANDRISOA Véronique Jocelyne Danielle, Haut Conseiller Monsieur DAMA ANDRIANARISEDO Retaf Arsène, Haut Conseiller Monsieur ZAFIMIHARY Marcellin, Haut Conseiller

6 4 Et assistée de Maître RALISON Samuel Andriamorasoa, Greffier en Chef. Tapitra, Andriamatoa Filoha. Andriamatoa FILOHA Misaotra anao, Andriamatoa Mpitantsoratra, tamin ny famakiana izay didim-pitsaràna izay. Izao indray isika dia hiroso amin ny votoatin-draharaha. Koa mbola miangavy anao ampanajana hamaky ny andininy faha-76 ao amin ny Lalàmpanorenana sy ny Didim-panjakana laharana faha tamin ny 6 Febroary 2015 izay miantso izao fivoriana tsy arapotoanan ny Antenimierampirenena izao Famakiana ny andininy faha-76 ao amin ny Lalàmpanorenana sy ny Didim-panjakana laharana faha Andriamatoa MAHAZOASY Mananjara Freddie Richard Andininy faha-76 ao amin ny Lalàmpanorenana. Mivory tsy ara-potoana araka ny lahadinika vofaritra ny Antenimierampirenena noho ny fitarihan ny Praiminisitra, na noho ny fangatahan ny antsasa-manilan ny mpikambana ao amin ny Antenimierampirenena araka ny didim-panjakana noraisin ny Filohan ny Repoblika teo amin ny Filankevitry ny Minisitra. Tsy mihoatra ny roa ambin ny folo andro ny faharetan ny fotoam-pivoriana. Na izany aza anefa, raha vantany vao tapitra ny lahadinika izay niantsoana ny Antenimierampirenena, dia faranana amin ny alalan ny didim-panjakana ny fivoriana. Le Président de la République, DECRET N portant convocation du Parlement en session extraordinaire Vu la Constitution, notamment en son article 76 ; Vu le décret n du 14 janvier 2015 portant nomination de Premier Ministre, Chef du Gouvernement ; Vu le décret n du 15 janvier 2015 portant nomination des membres du Gouvernement ; Sur proposition du Premier Ministre, Chef du Gouvernement ; En conseil des Ministres, DECRETE Article premier : En application des dispositions de l article 76 de la Constitution, le Parlement est convoqué en session extraordinaire à partir du mardi 10 février Article 2 : L ordre du jour de la session extraordinaire comprend la présentation par le Premier Ministre de son programme de mise en œuvre de la Politique Générale de l Etat conformément à l article 99 de la Constitution.

7 5 Article 3 : Le Premier Ministre est chargé de l exécution du présent décret qui sera publié au Journal Officiel de la République. Tapitra, Andriamatoa Filoha. Fait à Antananarivo, le 06 février RAJAONARIMAMPIANINA Hery Martial Kabary nataon Andriamatoa Filohan ny Antenimierampirenena - Andriamatoa FILOHA Misaotra anao, Andriamatoa Mpitantsoratra. Andriamatoa Praiminisitra, Lehiben ny Governemanta ; Ramatoa Mediatoran ny Repoblika ; Andriamatoa sy Ramatoa isany namana mpiara-mikambana ao amin ny Birao Maharitry ny Antenimierampirenena; Andriamatoa sy Ramatoa isany Minisitra, mpikambana ao amin ny Governemanta ; Andriamatoa Minisi-panjakana; Andriamatoa sy Ramatoa isany Solombavambahoakan i Madagasikara hajaina isany; Ianareo olo-manan-kaja ambony Sivily sy Miaramila izay manatrika etoana; Ianareo avy amin ny haino aman-jery samihafa; Tompokolahy sy Tompokovavy hajaina; Noho ny teny tsy ifandrombahana ary noho ny adidy tsy ifanosehana dia handahatra manoloana anareo indray ny tenako ankehitriny ho fanokafana amin ny fomba ofisialy izao fotoam-pivoriana tsy ara-potoana niantsoana ny Solombavambahoakan i Madagasikara, manomboka androany izao. Tsy dia malady hofana toa amalon-kely anefa aho na mandeha tsy voizina toa lakan-jejo ary tsy dia kintana mialoha-johary na tehina mialoha andriana, fa mialohan ny tena tafa dia raisiko ho voninahitra ny miarahaba anareo rehetra vory maro, tonga mifanotrona, mifanome haja sy hasina. Na ianareo vahiny manan-kaja nasaina manokana izany na ianareo Solombavambahoaka namana tonga hiatrik asa eto indray. Arak izany dia tsy avahana tahaka ny ketsa ianareo, tsy asiana an-dambany tahaka ny hisatra, tsy hasiana an isany tahaka ny landy fa toloranay ny arahaba miaraka, arak ilay rindran-teny hoe: akory aby e! Ankasitrahana torak izany koa ny fahafoizan-tenanareo. Ny adidy moa sady entana no raharaha nefa efa nekentsika an-tsitrapo ho an ny firenena, ka manamarika izany fahavononana izany izao fifanotronantsika tsy an-kiato izao. Koa dia mankatelina indrindra,

8 6 Tompoko, fa voninahitry ny ato an-trano izao, no sady mahavelom-bolo ny vahoaka any ivelany. Tompokolahy sy Tompokovavy, Ho santatry ny lahateny, tao anatin izay fotoana tsy nihaonana izay dia nisy ihany ny zavabaovao izay tsara ampahafantarina antsika mianakavy. Tsy inona izany fa ny fandraisandramatoa RANDRIANARISOA née RAMAHATODISOLOMANANA Vaonalaroy indray ny toerana maha Solombavambahoaka azy eto amin ny Antenimierampirenena, ho an ny Distrikan i Brickaville. Araka ny fanapahana nataon ny Fitsarana Avo momba ny Lalàmpanorenana laharana 001- HCC/AR tamin ny 4 Febroary Tolorana ny arahaba sy firarian-tsoa hahefa an-tsakany sy an-davany ny andraikitra ankinin ny vahoaka aminy izy ary raisintsika amin ny fitiavana sy fifaliana. Tahaka ny nataonareo teo raha mbola azo averina. Anehoantsika fisaorana feno sy fankasitrahana koa an Andriamatoa RAKOTONIMANANA Solonirina Andriambelovololona izay soloiny toerana ary niantsoroka ny andraikitra nandritra ny herin-taona ary nahavita be tokoa tamin ny asa nankinina taminy. Na tsy eo aza izy dia omentsika tehaka ihany noho ny asa vitany. Izay no santatra fa araka ny didim-panjakana izay novakiana tamintsika teo dia lahadinika amin izao fotoam-pivoriana tsy ara-potoana izao, araka ny andininy faha-99 ao amin ny Lalàmpanorenana ny Fanoloran ny Praiminisitra ny Fandaharan asany ho fanatanterahana ny Politika Ankapoben ny Fanjakana (Présentation par le Premier Ministre de son programme de mise en oeuvre de la Politique Générale de l Etat). Raha miohatra amin ny lahadinika mahazatra atrehin ny Solombavambahoaka amin ny fotoam-pivoriana toy izao ity atrehina ity dia toa ohatran ny fohy raha ny fitanisana azy. Ambara eto anefa fa rambon omby tapaka izy ity, fohy ihany fa henjana. Henjana satria miankina amin izay hambaran Andriamatoa Praiminisitra eto, mahakasika ny Programan asany sy ny famakafakana ary ny fankatoavan ny Solombavambahoaka izany no hampisy fanantenana indray ho an ny vahoaka Malagasy iray manontolo. Vahoaka Malagasy izay efa folaky ny Krizy. Izao indray, valaky ny rivo-doza sy ny tondradrano ary ny faharavana naterany. Ny kere any Atsimo moa mitamberina indray. Koa dia tsorina avy hatrany, fa miandrandra fatratra ny fisintonana azy avy ao amin izany fahasahiranana mangitsokitsoka izany ny vahoaka, Andriamatoa Praiminisitra sy ianareo mpikambana ao amin ny Governemanta.

9 7 Efa voafaritra ny drafi-pirenena momba ny fampandrosoana na ny «Plan National de Développement». Efa voasoritra ihany koa ireo fandaharan asa maro araka ny laharampahamehana nofaritan Andriamatoa Hery RAJAONARIMAMPIANINA, Filohan ny Repoblika ho fanarenana ny Firenena. Adidy mavesatra mipetraka eo an-tsorokao, Andriamatoa Praiministra, miaraka amin ireo mpikambana ao amin ny Governemanta vaovao izay tarihinao no mandrafitra ny lamin asa sy ny fomba enti-manatanteraka ireo fanamby voalazan ny Filoham-pirenena arak izay nampanantenainy ny Vahoaka malagasy. Efa ela niandrasana ny hisian ny vokatra mivaingana hanatsara ny fiainany andavan andro ihany koa ny vahoaka. Jeneraly natao hitari-tafika ianao, Andriamatoa Praiministra ary nametrahan ny Filoham-pirenena ny fitokisany feno. Heveriko fa tonga ny fotoana, ankehitriny tsy maintsy irosoana amin izay amin ny ady vaventy. Hanolotra ny lamin asa amin ny fanatanterahana ny Politika Ankapoben ny fitondram-panjakana ho fampandrosoana ny Firenena eto anatrehan ny Solombavambahoaka ianao. Izany hoe eo anatrehan ny Vahoaka malagasy manontolo. Hihaino anao ny lafy valo ary miandrandra sy manantena vahaolana mahomby amin ireo zava-manahirana maro iainan ny isambaravarana. Manatrika anao ireto Solombavambahoaka ireto. Tsy antsikely fanendahan-koditra akory ireo na antsibe mpanominda, fa mpirahalahy tsy mizara hena-maso na hijery arina an-tava. Olona vonon-kifanohana mandrakariva amin izay hahasoa sy hahatsara ny tany sy ny firenena ireo kanefa tsy maintsy ambara mazava etoana fa tangen-tsara hafatra ka tsy menamaso mitsara, fa ny tombotsoam-bahoaka no lolohavina an-tampon ny loha. Tanam-panefy tsy lalovam-by ireo, tanam-pandrafitra tsy milefitra an-kazo meloka. Firenena iaraha-manana anefa ity Madagasikarantsika ity. Samy raikitra adidy sy manana andraikitra amin ny fanarenana sy fampandrosoana azy araka izay azo atao isika amin izay manandrify antsika avy. Marina fa tsy hahavita fahagagana ianareo; inoana kosa fa hahavita asa goavana sy dingana lehibe ho fanoitran izao olana maro lafy mianjady amin ny Tanindrazantsika izao. Izahay ato amin ny Antenimierampirenena dia tsy mitsahatra ny manao antso avo fa aleo ianareo avela hiasa malalaka. Tsy mety amin izao vanim-potoana misy ny firenena izao ny mbola hanelingelenana anareo amin ny adilahy politika. Ny mifanohitra amin izany aza no tokony hisy, tsy inona izany fa tokony hampiana ianareo, Andriamatoa Praiminisitra. Tokony hanampy ara-kevitra ny mpanao politika; Tokony hanampy ara-bola ny sehatra iraisam-pirenena; Tokony hanampy hisian ny fitoniana ny vahoaka sy ny sehatry ny serasera; Ary tokony hanampy amin izay fahefana eo am-pelan-tànany ny Solombavambahoaka, indrindra ny fanaraha-maso ny asa izay tanterahinareo mba hisian ny fitokisan ny vahoaka amintsika mpitondra. Teny fandrentsika matetika ny hoe asa vadi-drano ny asa-fampandrosona, ka tsy vita raha tsy ifanakonana. Soatoavina Malagasy loatra io teny io ka zovy indray no sahy hitsipaka azy? Mila tanterahina ara-bakiteny anefa izany ary tsara mihintsy aza raha atao fitaovana entimiasa isan andro. Raha tiana tokoa mantsy ny hahazo vokatra tsara dia mila tomombana sy vory avokoa ny fitaovana iatrehana ny asa izay hatao.

10 8 Resy lahatra ankehitriny ny Solombavambahoaka fa tonga ny fotoana hirosoana kokoa amin ny asa ho an ny vahoaka ka ilaina ny fitaovana mifandraika amin izany; andao ary horesahana amin izay - Tabataba - Averiko indray mandeha. Resy lahatra ankehitriny ny Solombavambahoaka fa tonga ny fotoana hirosoana kokoa amin ny asa ho an ny vahoaka ka ilaina ny fitaovana mifandraika amin izany, ka andao ary ho resahina amin izay ny resaka fiara 4x4. Inona tokoa moa no fitaovana hiatrehana ny fidadasikin ny Distrika sahanin izy ireo tsirairay avy? Tsy vitan ny midadasika fotsiny fa mbola olana goavana koa ny tsy fisiana sy faharatsian ny fotodrafitrasa raha ny lalana no resahina. Manana adidy isan andro amin ireo vahoaka mila vonjy sy fanampiana mba hitaterana ireo marary nefa ny ambulance tsy misy ary ny fiaram-panjakana eo an-toerana koa tsy maharaka noho ny fahavitsiany. Mazava ho azy fa ny Solombavambahoaka no ianteheran izy ireo amin izany nefa ny Solombavambahoaka aza mbola taxi-brousse no andehanan ny maro amin izy ireo; sa tsy marina izany? Izany adidy izany dia voamarika sy iainana ihany koa amin ny fanaovana tatitra izay tena tafiditra amin ny anjara asan ny Solombavambahoaka sy ahitany ny olana ifotony. Tena efa leo ireo mpandraharaha any an-toerana sy ireo mpiara-miasa aminy fa efa isan andro loatra, hono, ny Solombavambahoaka, amin ny findramana fiara. Ny haino aman-jery dia efa mivoy isan andro fa nahazo fiara 4x4, hono, ny Solombavambahoaka. Raha ny sariny sy ny endriny aloha dia efa hita sy nandalo teto amin ny Lapa ihany fa hatreto, malaza tsy ihinanana toa vilian-tsahona, mbola tsy azo akory ilay izy fa ny resaka no betsaka. Marina fa mandalo fahasahiranana ny Firenena anefa ny andraikitry ny Solombavambahoaka koa tsy maintsy tanterahina an-tsakany sy an-davany. Mihevitra izahay fa matoa izy io resahin ny serasera isan andro sy ny vahoaka maro dia mifanandrify sy mifanentana amin ny asa sahanina sy ny toerana misy eto amin ny Firenena. Ny toerana maha olom-boafidy mantsy dia miteraka andraikitra. Na izany aza dia tsy miandry toloram-potsiny koa ny Solombavambahoaka na miomana ny handray maimaimpoana fa vonona ny handray anjara amin ny vidin io fitaovana enti-miasa io. Atao ahoana e! mba soavaly mianto-bilona koa indraindray. Mahakasika ny voina nateraky ny rivo-doza sy ny andro ratsy ary ny kere mianjady amin ny havantsika any Atsimo dia manentana antsika Solombavambahoaka ny tenanay mba hanao soroka miara-milanja, tànana miara-mibata ary saina miara-mihevitra amin ireo vahoaka izay nianjadian ny mafy. Efa misy ny ezaka nataon ny Fitondram-panjakana sy ireo havana

11 9 malala-tànana, izay isaorana sy ankasitrahana anao, Andriamatoa Praministra, tamin ny antso ho amin ny fiaraha-mientan ny Firenena manontolo noho ny voin-kava-mahatratra mba hanampiana ireo Malagasy mpiray Tanindrazana tra-pahavoazana. Manana adidy koa isika Solombavambahoaka amin ny fanaraha-maso ny tena fahatongavan ireny fanampiana ireny any amin izay andefasana azy satria isika no akaikin ny vahoaka. Tolory tànana izy ireo, ento izay azo vimbinina ary mahafoiza hery sy izay azo omena, fa tompon andraikitra mivantana amin izy ireo koa isika amin ny maha olom-boafidin izy ireo antsika. Manoloana izay indrindra dia manam-pikasana izahay Birao Maharitry ny Antenimierampirenena, mba hanao hetsika téléthon ihany koa satria tamin ilay niarahana teo, ny Solombavambahoaka izay tany Toamasina dia niara-nanatanteraka tany Toamasina; ny sasany izay nanao fitsidihana dia nanao tany amin ny Faritra misy azy. Tsara ihany koa raha mba misy hetsika iarahantsika eto anivon ny Antenimierampirenena, mba ho tanterahina ho fanamarihana ny firaisan-kina sy ny fandraisantsika andraikitra. Ho an ireo izay efa niroso tamin ny tolo-tànana moa dia tolorana fisaorana sy fankasitrahana feno. Ny Tompo anie hamaly fitia anareo. Ho antsika mpiray Tanindrazana kosa, efa nomen Andriamanitra pitik afo ihany, mbola fotoanany izao. Ny andraso andraso, mahariva andro ary tsy sola, tsy paika; ka aza be sarondoha, aza variana mialoka rehefa tsy lena fa voin-kava-mahatratra izao manjo ny mpiray tanindrazana izao. Mialohan ny hamaranana, dia resahina ihany ny momba ny Fanambaram-pananana (Déclaration de patrimoine) izay tokony ho hataontsika Solombavambahoaka. Tsy mbola nandà an izany akory isika tato ary efa voalaza ao anatin ny Lalàmpanorenena rahateo koa izy io; saingy mbola nisy fandaminana natao ka heveriko fa hirohotra amin izay ny rehetra ary ho tanteraka ny anjarantsika ato amin ny Antenimierampirenena Fiatoan ny fivoriana - Andriamatoa FILOHA Tompokolahy sy Tompokovavy, Eto am-pamaranana, mampahatsiahy antsika Solombavambahoaka aho, fa araka ny andininy faha-99 ao amin ny Lalàmpanorenana dia manan-jo sy fahefana tanteraka isika hanatsara hatrany ny programa aroson ny Praiminisitra eto, amin ny alalan ireo soso-kevitra samihafa izay atolotry ny Vondrona Parlemantera; tsy misy adihevitra fa soso-kevitra no atolotry ny Vondrona Parlemantera. Koa manantena ny tenako fa handray andraikitra feno isika amin izao fotoan-dehibe izao. Aoka isika hahay hanararaotra dieny mbola mandalo ato an-tokantranontsika ny raharaha

12