FIVORIAMBE Fitohizan ny fivoriana- - Lakolosy -

Transcription

1 1 FIVORIAMBE FILOHA : Andriamatoa RAKOTOARIVELO Mamy MPITANTSORATRA : Andriamatoa isany : - Jean Michel HENRI - RAMAHEFASOA Barbin FOTOANA : Alatsinainy 5 Novambra 2012, tamin ny 3 ora sy 15 minitra, tolak andro. FANDAHARAM-POTOANA: Fametraham-panontaniana ataon ny mambran ny Kongresin ny Tetezamita sy valin-teny avy amin ny mambran ny Governemanta Fitohizan ny fivoriana- - Lakolosy - Tompokolahy sy Tompokovavy, mitohy indray ny fivoriantsika. Faly miarahaba antsika rehetra, tonga manatrika izao fotoana androany Alatsinainy tolak andro izao. Tolorana ny arahaba toy izany ihany koa, Andriamatoa Praiminisitra, Lehiben ny Governemanta, sy Andriamatoa Praiminisitra Lefitra ary ireo Minisitra manotrona an Andriamatoa Praiminisitra. Ny fandaharam-potoanantsika izao Alatsinainy 5 Novambra 2012, tolak andro, izao dia fivoriambe hametrahana fanontaniana amin ny Governemanta ary hamalian izy ireo izany fanontaniana izany. Koa iangaviana, Andriamatoa Filoha Lefitra avy amin ny Faritanin i Mahajanga, hamaky ny Andininy faha-102, andalana faha-2, sy ny Andininy faha-166, andalana voalohany ao amin ny Lalàmpanorenana, mikasika izao fivoriana izao Famakiana ny andininy faha-102, andalana faha-2 sy ny andininy faha-166, andalana-1 ao amin ny Lalàmpanorenana - Andriamatoa RAMAHEFASOA Barbin Andininy faha-102, andalana faha-2 ao amin ny Lalàmpanorenana: Fivoriana iray isaky ny 15 andro, farafahakeliny, ka anatin izany ny fivoriana atao mandritra ny fotoam-pivoriana tsy ara-potoana voalazan ny andininy faha-76, dia atokana ho an ny fanontanian ireo mpikambana ao amin ny Antenimierampirenena sy ny valiny avy amin ny Governemanta.

2 2 Andininy faha-166, andalana-1: Mandra-pametrahana amin ny toerany miandalana ny Andrimpanjakana voalazan izao Lalàmpanorenana izao, ireo Andrimpanjakana sy ireo rantsa-mangaika voalaza ho amin ny fepotoan ny Tetezamita dia manohy misahana ny asany. Misaotra, Andriamatoa Filoha. Misaotra anao, Andriamatoa Filoha Lefitra. Ho fanatanterahana izany voalazan ny Lalàmpanorenana izany no anton izao fivoriantsika izao. Izao fotoana izao moa dia voafehin ny andininy faha-107 ao amin ny Fitsipika Anaty mifehy ny Kongresin ny Tetezamita, momba ny indray mandeha isam-bolana, hametrahan ny mambra ao amin ny Kongresin ny Tetezamita fanontaniana ary hamalian ny Governemanta izany. Koa ezahintsika ny hanatanteraka izany an-tsakany sy an-davany. Tiako ny mampahatsiahy antsika fa araka ny voalazan ny andininy faha-107, andalana faha-2 ao amin ny Fitsipika Anaty mifehy ny Kongresin ny Tetezamita dia tokony hanana caractère spontané, d actualité et d intérêt national ireo fanontaniana izay apetratsika amin ny Governemanta. Raha sitrakareo dia toy izao ny fandaminana ataontsika: Efa nataontsika an-tsoratra ireo fanontaniana ary efa nalefa any amin ny Governemanta izy ireo. Marihina hatrany fa araka ny voalazan ny andininy faha-108 ao amin ny Fitsipika Anaty mifehy ny Kongresin ny Tetezamita dia araka ny isan ny mpikambana ao amin ny Vondrona Parlemantera tsirairay ny isan ny fanontaniana apetrak izy ireo. Ary ny andininy faha-109 dia milaza fa ny tompon ny fanontaniana no mamaky izany. Efa nisy moa ny fotoana nanazavana mikasika ny fandaminana amin ny fametrahampanontaniana io. Araka ny tonga eto ampela-tanana moa dia miisa 11 ny Vondrona Parlemantera nahatonga fanontaniana tao amin ny Biraon ny Kongresin ny Tetezamita, ary miisa 219 ireo fanontaniana voaray. Maromaro ihany izany, hoy ilay tsy mahay manisa. Hozaraintsika fotoana efatra ny fotoana anio: Omena fitenenana fohy aloha, Andriamatoa Praiminisitra, dia avy eo miroso amin ny fametrahana fanontaniana amin ireo mpikambana ao amin ny Governemanta isika. Izany dia ataontsika isaky ny Vondrona Parlemantera.

3 3 Rehefa tapitra ny fanontaniana napetraka amin ny mpikambana amin ny Governemanta, ary rehefa avy mamaly izany izy ireo dia omena anjara fitenenana telo minitra avy ny solontenan ny Vondrona Parlemantera izay vonona hanao fanamarihana. Vita izay dia mandray fitenenana farany, Andriamatoa Praiminisitra, Lehiben ny Governemanta, hamaly na hilaza ny heviny amin ireo fanamarihana nataon ireo Vondrona Parlemantera. Izay no fandaminana. Izao isika dia hiditra amin ny votoatin-draharaha. Omena fitenenana voalohany, Andriamatoa Praiminisitra, Lehiben ny Governemanta, alohan ny hirosoantsika amin ny fametraham-panontaniana. Omena anao, Andriamatoa Praiminisitra, ny fitenenana Teny fanokafana ataon Andriamatoa Praiminisitra, Lehiben ny Governemanta - Andriamatoa Jean Omer BERIZIKY, PRAIMINISITRA, LEHIBEN NY GOVERNEMANTA Misaotra indrindra, Andriamatoa Filoha. Andriamatoa Filohan ny Kongresin ny Tetezamita, Ramatoa sy Andriamatoa isany mpikambana ao amin ny Birao Maharitry ny Kongresin ny Tetezamita, Ramatoa sy Andriamatoa isany mpikambana ato amin ny Kongresin ny Tetezamita, Isika mambran ny Governemanta izay tonga manatrika eto. Voninahitra sady fifaliana ho anay, Andriamatoa Filoha, ny manolotra ny arahaba ho anareo rehetra mpikambana ato, amin ny anaran ny Governemanta iombonana izay tarihiko, sy amin ny anaran ny tenako manokana. Ny fihaonantsika anio moa dia tafiditra amin ilay fandaharam-potoana fametrahampanontaniana avy aminareo mpikambana ato anatin ny Kongresin ny Tetezamita sy fanomezana valiny avy aminay aty amin ny Governemanta iraisan ny Tetezamita. Ny fanontaniana napetraka mivantana aminay no ezahinay ho valiana araka izay azo atao. Ny Minisitra isan isany moa, araka ny efa voalazanao teo, Andriamatoa Filoha, dia efa nahazo ireny fanontaniana ireny. Koa hiezaka hamaly araka izay azonay atao izahay. Mialohan izany rehetra izany anefa dia tiako ny mampahatsiahy sy manipika etoana fa niezaka, araka izay azo natao, amin izay kely teo ampela-tanana ny Governemanta, nijery sy nitady vahaolana teo amin ny toe-draharaham-pirenena isan-tsokajiny, indrindra teo amin ny lafiny politika, ny fandriampahalemana ; eo koa ny resaka fanondranana an-tsokosoko ny hazo sarobidy izay misy eto amintsika, ny mikasika ny toe-karena ary ny ara-tsosialy indrindra indrindra dia noezahina nitadiavana vahaolana, araka izay azo natao.

4 4 Mikasika izay lafiny sosialy izay indrindra dia efa nanome baiko hentitra ny tompon andraikitra ny tenako, amin ny fikatsaham-bahaolana, raha tsy hilaza afa tsy ny zava-mitranga eny amin ny Fampianarana, ny Fampianarana Ambaratonga Ambony no tena tiana ho marihina eto. Tsy ny tenako samirery anefa no nanome an izany toro-marika izany fa nisy baiko koa avy tany amin ny Filohan ny Tetezamita, ny hitadiavana vahaolana haingana dia haingana mikasika izany. Torak izany koa ny mikasika ny raharahan ny Fonja, izay nanahirana tokoa tato ho ato, nandritra ny roa andro izay, fa efa mitady ny fomba rehetra hamahana ny olana izahay amin izao fotoana izao. Momba ny fandriampahalemana, efa ho roa volana izao no nanombohan ny Opération Tandroka any atsimo, ary amin izao fotoana itenenantsika izao dia misy iraka nalefa any antoerana, hanao tombana sy hanara-maso ny fanatanterahana izany Opération izany, ka hahitana ny vokatra izay efa azo, ary hahitana koa ny lesoka izay mety nitranga tany. Ary mbola averiko ihany fa ilaina ny fanadihadiana lalina amin ny famongorana ny asan-dahalo, izay mitaky ny fandraisana anjaran ny rehetra, tsy ny Governemanta irery ihany fa isika rehetra no tokony hifanome tanana ary tsy maintsy iarahana amin ny olona eny an-toerana izay masin-teny, sy ny fikambanana rehetra izay misy any, satria vahaolana iarahana no vahaolana mahomby indrindra amin ny zavatra tahaka itony. Nieritreritra izahay fa tokony hisy ny Dinam-piarahamonina, ny Dinam-pihavanana, izay tsy maintsy atao mifanaraka amin ny lalàna velona. Izay ihany no heveriko fa tetika mahomby indrindra hialana amin ny olana ateraky ny asan-dahalo any atsimo. Tsara ho fantatry ny vahoaka fa tsy handefitra manoloana ny fihoaram-pefy ny Fanjakana, toy ny zavatra niseho tany Ambatondrazaka, tany Didy, izay nisy fitrandrahana harena ankibon ny tany tsy ara-dalàna. Sahala amin izay koa ny mikasika ny fitrandrahana harena an-kibon ny tany tany Maevatanàna, ary ny fitrandrahana harena hafa isan-karazany tsy manaraka ny lalàna misy. Koa tsara angamba ny ahafantarantsika izay toe-javatra izay, alohan ny handraisan ny Minisitra tsirairay ny anjara fitenenany, hanazavazavany araka ny fanontaniana izay napetraka aminy. Ny fanimbana ny tontolo iainana sy ny fitrandrahana tsy ara-dalàna ny harena sarobidy, tahaka ny hazo sarobidy izay misy eto amintsika dia anisan ny zavatra iray tokony hojerena akaiky, ary iarahantsika rehetra manao ny fanesorana azy sy ny ady atao aminy. Fa amin izao isika miteny izao, efa iray volana mahery izay, ny tanindrazantsika dia maina, nodorantsika, satria rehefa miteny isika aho dia isika Malagasy ihany no manao izany. Ka zavadoza ho an ny taranaka fara aman-dimby ny fanimbana izany tontolo iainana izany. Amafisiko etoana fa tsy misy afa tsy ny fanatanterahana ny fifidianana mangarahara sy eken ny rehetra no vahaolana ahafahantsika mivoaka amin izao krizy efa lava loatra mangeja ny firenentsika izao. Efa tafapetraka sy amperin asa ny Andrimpanjakana maromaro.

5 5 Ny Andrimpanjakan ny Tetezamita no tiana ho lazaina. Anisan izany ny CENIT, izay andry iray lehibe heverina fa hiankinantsika, hiarahana miasa amin ireo mpiara-miombon antoka amintsika, mba hirosoana amin ny fifidianana madio sy mangarahara, ka ho ekentsika rehetra ny valin izany fifidianana izany. Ny fanaovana sonia ny PACEM dia anisan ny zava-dehibe vita tato ho ato, mahakasika ny raharahan io fifidianana io. Koa everinay ao amin ny Governemanta fa dingana iray lehibe ny fanaovana sonia izany PACEM izany, satria izay ihany no ahafahantsika manatanteraka ny fifidianana itokisan ny mpiaramiombon antoka amintsika. Lazaiko eto, Andriamatoa Filoha, fa malalaka isika eto Madagasikara. Malalaka ny Fitondrana Tetezamita ka afaka maneho ny heviny ny tsirairay. Afaka mametraka fanontaniana malalaka ianareo ato amin ny Kongresin ny Tetezamita, ka ao anatin izany dia hiezaka izahay hanome valim-panontaniana am-pahalalahana ihany koa, araka izay azonay atao. Tsy atao tompon-trano mihono ianareo, amin ny raharaham-pirenena. Izahay koa hamaly araka ny ezaka kely efa vita sy notanterahinay hatramin izay. Izay sy izay, Andriamatoa Filoha, ny teny fanokafana avy aty amiko. Koa mankasitraka sy mankatelina antsika rehetra, nihaino am-panajana hatramin ny farany. Misaotra indrindra, Tompoko. - Tehaka - Misaotra anao, Andriamatoa Praiminisitra, nitondra izay teny fanokafana izay. Hiroso avy hatrany amin ny fametraham-panontaniana àry isika. Ataontsika par ordre alphabétique ny fametraham-panontaniana isaky ny Vondrona Parlematera. Ka ny hanomboka ny fametraham-panontaniana dia ny Vondrona Parlemantera AREMA. Miomana avy hatrany ireo mambran ny Kongresin ny Tetezamita avy amin ny Vondrona Parlemantera AREMA hametraka ny fanontaniana amin izay Département ministériel tiany hametrahana fanontaniana, dia ny Mambran ny Kongresin ny Tetezamita isany : RAZAFINDRANADA Régis, MILIZARA, RASOLOARINAIVO Andriamamonjy Lanto, RABIALAHY Jean Paul, TSIVOULAGNE Maximin, RAZAKANIRINA Edwige Lucie.

6 Fametraham-panontaniana ataon ny Vondrona Parlemantera AREMA - Andriamatoa RAZAFINDRANADA Régis Misaotra, Andriamatoa Filoha, nanome ny fitenenana. Ny fanontaniana izay apetrako dia amin-dramatoa Minisitry ny Décentralisation. Madame la Ministre, Nous avons proposé une loi portant sur le Code des Collectivités Territoriales Décentralisées au courant du mois d avril de cette année. Le peuple malgache attend cette loi de pied ferme. Et nous aussi, nous sommes impatients de savoir le sort réservé à cette proposition. Où en est-on actuellement, Madame le Ministre?. Merci, Madame. Ny Mambran ny Kongresin ny Tetezamita MILIZARA avy hatrany. Andriamatoa MILIZARA Misaotra, Andriamatoa Filoha. Ny ahy dia fanontaniana apetraka amin-dramatoa Minisitry ny Fahasalamana. Tsy eo ny Minisitry ny Fahasalamana fa miala tsiny izy. Aleo angamba averina amin ny manaraka ny fanontaniana. Tsy eo ny Minisitry ny Fahasalamana, Tompoko. Andriamatoa MILIZARA Misaotra, Tompoko. Ny Mambran ny Kongresin ny Tetezamita, RASOLOARINAIVO Lanto. Ny Minisitry ny Fahasalamana tsy eo ; ny Minisitry ny Fitaterana ihany koa tsy eo ; ny Minisitry ny Enseignement Technique sy ny Formation Professionnelle koa nahatonga fialan-tsiny taty amintsika. Izay aloha no nahatonga fialan-tsiny taty amintsika. Ny Mambran ny Kongresin ny Tetezamita, RASOLOARINAIVO Lanto, tsy ao? Ny Mambran ny Kongresin ny Tetezamita, RABIALAHY Jean Paul.

7 Andriamatoa RABIALAHY Jean Paul Misaotra, Andriamatoa Filoha, nanome ny fitenenana. Miarahaba an Andriamatoa Praiminisitra sy ny Minisitra rehetra. 7 Somary lavalava kely ny ahy ity, Andriamatoa Filoha, satria mifangaro ao ny information, ny intérêt national sy ny any an-toerana. Aim-pirenena izy ity, koa mangataka kely ny anjaran ny namako teo mba ho raisiko daholo. Ny fanontaniana nosoratanao ihany no apetrakao. Andriamatoa RABIALAHY Jean Paul Ato anatiny ato ilay izy ka! Ny fanontaniako dia apetrako amin Andriamatoa Praiminisitra Lefitra misahana ny Toekarena sy ny Indostria. Betsaka moa ny industrie any aminay, fa ao ny natao privatization, ao ny natao locationgérance. Ny anay any Ambilobe moa dia natao location-gérance, ka izay mihitsy no ametrahanay fanontaniana. Natao location-gérance tamin ny 11 Jona 2007 izy io. Ny fe-potoanany dia 20 taona. Raha ataoko ny kajikajy dia 73 taona aho mandra-pahavitan ny contrat. Ka ny fanontaniana, Andriamatoa Praiminisitra Lefitra, tsotra loatra ny location-gérance nataon ireo teo aloha io, satria raha jerena ity location-gérance ity, ao amin ny Chapitre 2, Charges et conditions, tsy dia hita loatra izay tombontsoan ny Firenena ao anatin ny Cahier des charges ity, na ny an ny vahoaka. Raha ny zavatra nisy tany aminay teo aloha, ohatra, latrines, éclairage publique, tombontsoan ireo mpiasa ao io, dia tsy vita mihitsy, tsy amboarin-dry zareo, satria mitady bénéfice fotsiny ilay sinoa manao location-gérance ao. Iray izay. Fanontaniana faharoa. Matoa izy ity natao location-gérance dia misy accompagnement -ny ato hoe, comité de suivi : «arrêté interministériel n » Ka eo indrindra no olana aminay, Andriamatoa Praiminisitra Lefitra. Efa tsy miasa intsony angamba ity comité de suivi ity, satria nanomboka tamin ny taona 2008 ka hatramin izao dia indray mandeha ihany izy no niasa, kanefa ny sinoa manao izay danin ny kibony ao. Ohatra omeko hanamarinana ny tsy fiasan io comité de suivi io : ny ao amin ny Etablissement sucrier, rehefa vazaha dia any amin ny 20 taonina ny cylinder, ary ao anatin ny Cahier annexe ity izany, dia solon-dry zareo 5 taonina. 20 taona ry zareo no eo, kanefa tsy misy tombontsoan ny Firenena, ataon-dry zareo zavatra tsotsotra fotsiny ahazoan-dry zareo tombontsoa mandritra ny 15 taona. Izay izany ny mikasika an iny olana iny. Olana amin ny lafin-tany, indrindra koa moa Filohan ny Vaomieran ny Lafin-tany ny tenako ato : ny velaran-tany nampanofaintsika amin-dry zareo dia ha, miaraka amin ny bâtiment,

8 8 kanefa ny velaran-tanin ny SIRAMA dia ha. Dikan izany, misy ha tsy nomentsika an-dry zareo. Ireo izao efa miditra amin ny zone des pas géometriques, manenjika ny vahoaka any ireo. Alain-dry zareo daholo ny tany manakaiky ny zone des pas géometriques. Raha jerena anefa ny privatisation izay natao, «inscrit» daholo ny any amin ny sisiny any, ary ny «référence» nanaovana ny location-gérance dia tamin ny privatisation ihany, raha tsy diso izahay. Zanaky ny SIRAMA izahay ka fantatray fa tamin io ihany ny référence nanaovana ny locationgérance. Voatery miady amin ny Fokonolona, kanefa io tany io, Andriamanagnahinay, Ampanjakabe, tsy naka tamin ny Colon io ha io fa nomem-potsiny. Amin izao ilay izy, zavatra nataon ny Fokonolona, nomen ny vazaha ry zareo hiditra amin ny zone des pas géometriques. Io indray, ny SIRAMA, continuité no nataony, dia tsy azo raisina izany. Ka amin ity location-gérance ity, raisin izy ireo daholo ny tany iasan ny vahoaka, kanefa ny Ampanjakabe nanome an io tany io anay. Faritana anefa ao anatin ity lalàna ity, ny arahin ny comité de suivi dia io ha io. Izay izany. Fanontaniana fahaefatra farany, mikasika ny médaille de travail. Tsy aloan ireo sinoa ireo ilay «médaille de travail. Tsy «Chevalier de l ordre national», fa fomban ny «usine», ny Fanjakana manome «médaille de travail» ny olona, kanefa tsy misy hoy izy, satria izahay niasa roa taona ka tsy afaka handoa vola ho an ny mpikambana amin ny «syndicat» rehetra. Ka eto am-pamaranana, mangataka izahay, Andriamatoa Praiminisitra Lefitra, mba ataovy tsara io comité de suivi io. Izay ihany no tena tianay, fa manjary tsy misy tombontsoa ho an ny Firenena. Misaotra, Tompoko. - Tehaka - Misaotra anao, Andriamatoa Mambran ny Kongresin ny Tetezamita. Mbola tsy ao angamba ny Mambran ny Kongresin ny Tetezamita, RASOLOARINAIVO Lanto. Omena fitenenana alohan ny farany amin ny Vondrona Parlemantera AREMA, ny Mambran ny Kongresin ny Tetezamita, TSIVOULAGNE Maximin. Tsy ao koa izy? Ny Mambran ny Kongresin ny Tetezamita, RAZAKANIRINA Edwige Lucie. Tsy ao koa? Atambatsika amin ny ESCOPOL ny fanontaniana, satria vitsy loatra ilay izy teo, raha izay no tonga dia hovalian ny Governemanta. Fohy loatra ilay izy, ka ampidirintsika ny Vondrona Parlemantera ESCOPOL.

9 9 Omena fitenenana avy hatrany ny Mambran ny Kongresin ny Tetezamita, RAMILINA Fametraham-panontaniana ataon ny Vondrona Parlemantera ESCOPOL - Andriamatoa RAMILINA Misaotra, Andriamatoa Filoha. Miarahaba anao, Andriamatoa Praiminisitra, sy ireo mambran ny Governemanta miaraka aminao. Miarahaba antsika mambran ny Kongresin ny Tetezamita tonga eto koa. Apetrako amin ny Praiminisitra daholo ny fanontaniako. Mikasika ny Minisiteran ny Atitany sy ny Fanapariaham-pahefana, eo anivon ny Kaominina, satria efa nisaraka ny Décentralisation sy ny Intérieur, dia noeritreretina fa ny Ben ny Tanàna dia tokony ho any amin ny Minisiteran ny Décentralisation, ireo olona voatendry kosa dia any amin ny Minisiteran ny Atitany. Ratsy mantsy ireny zavatra nitranga tany Antsohihy ireny : androany, tonga ny Minisitra anankiray mametraka PDS. Ny ampitson iny ihany, tonga ny Minisitra anankiroa manala an iny PDS iny, ka manakorontana. Ary ity raharaha ity, Andriamatoa Praiminisitra, raha namaky ny La Gazette isika tamin ny herinandro lasa iny, voasoratra mazava tao tamin izay hoe : Le Premier Ministre de consensus Jean Omer BERIZIKY bloque tout. Ny ato aminay, Andriamatoa Praiminisitra, rehefa manolo ny entité nanolotra azy dia vakina eto avy hatrany ny didim-panjakana eto hoe, misolo ireto mambran ny Kongresin ny Tetezamita ireto ; fa ny ao amin ny Governemanta, toa efa misy mitaky ny entité nanolotra azy, nefa tsy misolo izy ireo. Ka tsy hiteraka disadisa ve izany amin ny Primature sy ny Présidence? Sanatria dia sanatria mantsy, raha ohatra ka mafimafy ny disadisa dia mirodana indray ity tetezamitantsika ity, hamorona tetezamita vaovao indray, roa taona indray, dia ho sahirana mafy ny vahoaka. Fanontaniana faharoa : lalana Antsohihy - Befandriana - Mandritsara. Hatramin ny zaza anaty kibo no mangataka hamboary io lalana io, ary ilay lalana mihitsy no efa mangataka hoe, hamboary izy. Raha mandalo amin iny lalàna iny ianareo, dia tonga dia miteny ilay lalana hoe, amboary fa maty i Mandritsara sy Befandriana. Efa heno hoe hamboarina ilay izy, nefa efa hilatsaka ity ny ranon orana fa tsy mbola manomboka foana ilay asa. Mba rahoviana àry no hanomboka izy io? Fanontaniana farany, misy zavatra somary manila-baraka.

10 10 Lazaina fa manam-boninahitra izany mambran ny Kongresin ny Tetezamita izany, kanefa izahay avy amin ny Faritra Sofia, raha mitondra ny fiaranao ianao, manome chèque carburant hividianana carburant, raha sanatria ka hanome aza ry zareo dia tsy mihoatran ny dimy hono, ary 30% no alain-dry zareo. Sao dia mba ahitana hevitra hafa io, satria efa niezaka ihany ny Governemanta niteny hoe, tsy maintsy mandray daholo ny rehetra, nefa menatra ihany ianao Raiamandreny be, Mpikambana amin ny Kongresin ny Tetezamita, mifandamina amin ny pompiste. Ka sao dia recharge fixe tahaka ny quôta mensuel, mba hitadiavana lalana hafa indray, ka ilay charge spontanée tahaka ny frais ihany no mba lanianay eto Antananarivo, fenoinay avy eto ny fiaranay, dia afaka mandeha izahay. Misaotra, Andriamatoa Filoha. Misaotra anao, Andriamatoa Mambran ny Kongresin ny Tetezamita. Omena fitenenana manaraka ny Mambran ny Kongresin ny Tetezamita, BEANJARA Paul. Andriamatoa BEANJARA Paul Misaotra, Andriamatoa Filoha. Misy fanontaniana vitsivitsy ho an ny Minisitra vitsivitsy. Ny Minisitra voakasika voalohany dia ny Ministre de l Education Nationale. Arakaraka ny poste budgétaire no handaminana ny olana amin ny Fanabeazam-pirenena. Noho izany, efa noeritreretinareo ve ny hampiakarana ho ny postes budgétaires? Eo rahateo koa moa ny Minisitry ny Fitantanam-bola, maheno tsara, ka no tokony ho raisina amin ny EPP ; no tokony ho raisina amin ny CEG ; ary no tokony ho raisina amin ny Lycée. Efa voavinavina na voasoratra any ve izany? Izay ny fanontaniana voalohany, ho an ny Ministre de l Education Nationale. Fanontaniana faharoa, amin ny Minisitère des Finances. Andriamatoa Minisitry ny Fitantanam-bola, rahoviana no mba hananganantsika fonds de garantie ho an ny mpamboly sy ny mpiompy ary mpanao asa-tanana, satria izay no ankamaroan ny vahoaka malagasy, kanefa tsy mba afaka mindram-bola ny vahoaka malagasy, na dia ambonin ny hareny aza, fa ny sinoa sy ny karana, ny vazaha, no tompon ny vola sy ny Banky eto. Rahoviana isika no hanao garantie ho an ireo, fa tsy misy olona afaka mindram-bola raha tsy manana garantie. Fahatelo, Andriamatoa Minisitry ny Fambolena, maninona no tsy mahazo crédit agricole ny tantsaha Malagasy?

11 11 Misy aloha ny PSDR, saingy heverinay fa tsy fantatry ny ankamaroan ny olona izy io, satria vitsy. Tsy mba misy mihitsy ny Banky voatokana ho an ny tantsaha. Tsy BTM fa mbola commerciale io. Any am-pita, ny agriculteur iray mahavelona olona an aliny, fa ny eto Madagasikara, na ny tenany aza tsy velon ny tantsaha malagasy. Ahoana no mahatonga an izany, Andriamatoa Minisitra? Fahaefatra, Andriamatoa Minisitry ny Travaux publics ve ao? Io izy. Andriamatoa Minisitra, miala tsiny raha ohatra ka averimberina ity resaka ity. Efa ela izy ity no henonao, fa nankinina ilay valiha fa tsy nariana. Izahay amin ny Faritra SAVA dia mikiakiaka isan andro, adino, miala tsiny amin ny fomba fiteny, na dia anisan ny faran ny manan-karena amin ny Faritra rehetra aza. Inona no antony mahatonga anay sahirana? Tsy misy lalana. 162 km avy any Vohémar mandeha Ambilobe, tsy vita hono. Hoy izahay hoe, 100 taona ve tsy ho vita ny 162 km? Eo koa ny Andapa sy Bealanana. Tany anankiroa samy misy vokatra ireo. Raha ireo no vita, izahay tsy mangataka, na Ariary aminareo, fa vitanay ny mampitombo avo zato heny ny fihariana any aminay. Efa tafiditra ao anatin ny Tetibola 2013 ve izy io, Andriamatoa Minisitra? Izany hoe, Ambilobe - Vohemar, Andapa - Bealanana. Manaraka, ho an-dramatoa Minisitry ny Fiompiana. Raha miresaka fiompiana isika, efa zary tandra vadin-koditry ny sofinay rehefa tonga any ambanivohitra izahay hoe, aiza foana moa ity vakisiny ity e! Miompy akoho ianao, 100 no matin ny barika indray mandeha. Miompy kisoa ianao, tonga ny ramiletaka dia tsy misy. Eny Ampandrianomby eny, feno vakisiny, fa tsy misy toerana, na iray aza amin ny Faritra any, mba misy Centre hividianana vakisiny. Izahay any anie mahay miompy, fa ny tsy hiompianay, indray andro fotsiny dia rava ny fanananay. Efa nandalovako izany fony izaho mbola mpianatra. Nividy akoho miisa 20 aho, teo ampikotrehana dia maty daholo izy mianakavy. Dia hoy aho hoe, an, an, an, tsy lasa ity! Koa miandrandra ny fanaparitahana ny vakisiny izahay. Rahoviana no hiparitaka ny vakisiny sy ny karazany, mba ahafahanay mampiroborobo ny fiompianay. Ho an Andriamatoa Praiminisitra Lefitra misahana ny Indostria. Maninona raha sokafantsika indray ny OFAFA, fa na ny nivaquine anie tsy misy amin izao fotoana izao. Ohatra fotsiny izay. Mitaky Indostria famokarana fanafody ny eto Madagasikara, fa tsy ny ala, tsy ny ravin ahitra azo havadika ho fanafody no tsy misy, fa isika no tsy vonona hamadika an izany amin ny alalan ny Indostria. Mipetraka ny fanontaniana, Andriamatoa Praiminisitra Lefitra.

12 12 Mialohan ny farany, Ramatoa Minisitry ny Harena ankibon ny Tany. Averiko indray mandeha ny fanontaniana izay efa napetrako fony ianao nandalo tato ireny. Eto moa izao ny Praiminisitra, ka averiko indray mandeha ilay izy : tsy azontsika ovàna ve ny contrat minier amin ireo fitrandrahana goavana, grande exploitation minière, tahaka ny Ambatovy, ny QMM, izay voalazanao fa tsy misy afa tsy 2% ny redevance? Inona no mba vitan ny 2%? Tsy aleo mijanona ao io hiondanantsika, raha izay ihany no fandehany? Tsy azo ovàna ve io? Iray izay. Faharoa, mbola redevance 2% ihany ve ny azon ny Fanjakana malagasy amin i Tsimiroro, Madagascar Oil Company, amin ny charbon ao Sakoa, ny WISCO any Soalala? Mbola 2% ihany ve? Hoatran ny izaho irery no nametraka tao amin ny ESCOPOL ka tsy maintsy ataoko ilay izy. Ho an Andriamatoa Minisitry ny Fiarovam-pirenena. Hoatran ny kidaladala ny resaka : maninona raha havadika Camp militaire ireo faritra misy ny tanànan ny dahalo ireo, izay fantatra fa tena be dahalo, amin izay fotoana izay, sady azondalana iny, rava ny kizo, dia mandry fahalemana ny olona. Ny vody hena moa tsy maintsy omena ny olon-dehibe, dia ny vody hena ho an Andriamatoa Praiminisitra. Fanontaniana, Andriamatoa Praiminisitra : inona no andrasantsika no tsy manao Code des Investissements mifanaraka tsara amin ny nosintsika ity, mba hisintonana ny mpanam-bola (investisseur) hampiasa ny volany eto amintsika? Miankina amin izay ny famahana ny olana rehetra. Misaotra, Tompokolahy. Mankasitraka, Tompokovavy. Ialàna tsiny raha somary lavalava. Misaotra anao, Andriamatoa Mambran ny Kongresin ny Tetezamita. Omena fitenenana avy hatrany ny Mambran ny Kongresin ny Tetezamita, RANDRIAMAHEFA Henri Charles. Ao izy? Andriamatoa RANDRIAMAHEFA Henri Charles Misaotra, Andriamatoa Filoha. Miarahaba anao, Andriamatoa Praiminisitra, ianareo Praiminisitra Lefitra sy ianareo mambran ny Governemanta izay tonga eto. Fanontaniana miantefa amin Andriamatoa Praiminisitra, Lehiben ny Governemanta, sy ny Minisitry ny Fitantanam-bola sy ny Tetibola.

13 13 Andriamatoa Praiminisitra, izay sady Minisitry ny Tontolo Iainana sy ny Ala, fanontaniana mikasika ny FANALAMANGA izy ity. Nivoaka tamin ny La Gazette de la Grande Ile, Andriamatoa Praiminisitra, fa nisy fanodinkodinam-bola mihoatran ny 1 milliard d Ariary tao amin io Orinasa io, navoakan ny La Gazette de la Grande Ile tamin ny 30 Oktobra izy io. Nisy vente illicite de résine tao. Misy ihany koa, ankoatran izay, fandoroana an-kitsi-po ny resaka résine. Azavaiko eto fa io FANALAMANGA io, ankoatran ny famokarana hazo dia mamokatra ditin-kazo ihany koa. Nisy fifanarahana tamin ny SMCTR izay 32 Ariary ny kilao, nefa amin izao fotoana izao dia efa mahatratra hatramin ny no ividianana an io. Efa misy stock hatramin ny « tonnes» any, amin izao fotoana izao. Ka mba hialana amin io gaboraraka io, eto aho dia mametraka fanontaniana, satria ny Minisiteran ny Fitantanam-bola sy ny Tetibola no actionnaire ao, ny Minisiteran ny Tontolo Iainana no tutelle technique. Maninona raha haverina ny Direction Générale? Maninona raha hasiana Conseil d Administration io fa tsy asiana an io ADG io fa manjary olona tokana no mitantana an io, mba hialana amin ny gaboraraka? Ny Minisiteran ny Tetibola no manana petra-bola be indrindra ao, actionnaire ao, ka tokony amboarinareo io. Avereno ny Direction Générale, hasio Conseil d Administration, hisorohana an io fitondran olon-tokana amin ny fitantanana orin asa lehibe io. Izay ny fanontaniana voalohany. Faharoa, mikasika ny resaka tavy. Miala tsiny, Andriamatoa Mambran ny Kongresin ny Tetezamita, fa tsy tafiditra ao anatin ny fanontanianao izay. Andriamatoa RANDRIAMAHEFA Henri Charles Anaty fanontaniana fa mety tsy voasoratra any angamba. Ny nifanarahantsika dia fanontaniana atolotra. - Hehy - Tabataba - Andriamatoa RANDRIAMAHEFA Henri Charles Momba ny resaka tavy. Misy ny resaka tavy izay fanatsarana ny tanimbary, nefa migadragadra daholo ny tantsaha manao tavy. Aoka tsy afangaro ny afom-pambolena sy ny doro ala, na doro tanety.

14 14 Azavaiko : ny ordonnance n , article 5 à 8 tamin ny Oktobra 1960 dia manome alàlana ny tantsaha hanao afom-pambolena tsy mila fangatahana, andininy faha-5 ka hatramin ny faha- 8, afa tsy ny toerana amoron-drano. Koa aoka, Andriamatoa Praiminisitra, mba tsy hifangaro ny afom-pambolena sy ny doro tanety, satria betsaka ny migadra noho ny raharahana tavy, izay mameno ny fonja. Ny doro ala dia tsy azo atao mihitsy, na mandoro ala velona, mikapa ny ala. Voararan ny lalàna io ary tena crime mihitsy, fa azo atao kosa ny afom-pambolena. Ohatra amin izany ny ramarasana, savoka, izay ahitana radriaka, ny ahi-dratsy, takohaka, dingadingana, longoza. Ireo dia ahi-dratsy daholo. Eny, na any Frantsa, na Etazonia aza dia mandoro fako daholo. Misaotra, Andriamatoa Filoha. Misaotra anao, Andriamatoa Filoha Lefitry ny Kongresin ny Tetezamita, TSIVAKA Sylvien. Andriamatoa TSIVAKA Sylvien Raharison Misaotra, Andriamatoa Filoha. Miarahaba an Andriamatoa Praiminisitra sy ny Mambran ny Governemanta miaraka aminao. Mankasitraka anao amin ireo ezaka efa nataonao, indrindra ny fanampianao an ity Andrimpanjakana misy anay ity tamin ireny fotoan-tsarotra nandalovanay ireny, ary mbola manantena ny hisian ny fiaraha-miasa bebe sy tsaratsara kokoa amin ny manaraka. Andriamatoa Praiminisitra, roa ihany ny fanontaniana tiako apetraka. Inona marina, Andriamatoa Praiminisitra, ny tena dikan ny hoe services publics. Mbola misy ve izy io eto Madagasikara? Mba azonao omena anay ve ny bilan tsotsotra tamin ny ezaka na mission nampiandraiketina anao, araka ny Tondrozotra, nandritra izay fe-potoana naha-praiminisitra anao izay? Maro ny fehin-kevitra na soso-kevitra, na koa fanapahan-kevitra nivoaka tany amin ny forum économique natao tany Antsiranana tamin ny faha 10 sy faha 11 Aogositra Aiza ho aiza ny fanatanterahan ny Governemanta an ireny hetahetan ny vahoaka na ny solontenany ireny? Efa mba nodinihina sy nojerena akaiky ve izy ireny, satria maro ihany ny tompon andraikitra ambony efa nahazo ny document mikasika an iny forum économique iny. Farany, Andriamatoa Praiminisitra. Toa misy zavatra hafahafa sy mahavariana mikasika ny bois de rose ao Antalaha ao amin izao fotoana izao. Inona marina izy io? Mangataka fanazavana avy aminao. Misaotra, Andriamatoa Praiminisitra.

15 15 Fanontaniana manaraka, ho an Andriamatoa Minisitry ny Asa Vaventy. Miarahaba anao, Andriamatoa Minisitra Ankasitrahina ireo ezaka rehetra efa vitan ny Minisiteranao. Eny, manao zavatra tsy mora, ary tsy vita indray andro ny fanamboarana an i Madagasikara. Fantatra koa fa ao anaty krizy isika, kanefa toa mahavita zavatra ihany raha misy zavatra tiana ho vita, ny fitondram-panjakana. Izaho tsy hiteny hoe, amboary ny lalana Vohémar - Ambilobe, satria efa maro loatra ny resaka mikasika azy io, fa misy tetezana hazo roa no manahirana mafy dia mafy ny olona mampiasa an io làlana io. Tsy fantatro na ireo Directeur -nao any amin ny Faritra no tsy miraharaha mihitsy, fa tena tsy rariny loatra ny tsy fanamboarana an ireo tetezana roa ireo. Potika tanteraka ny radar ao Antalaha. Efa tsy ilaina ve izy io no tsy amboarina intsony? Sa hafindra an-toeran-kafa toy ny service hafa ao Antalaha? Misaotra, Andriamatoa Minisitra. Ho an Andriamatoa Minisitry ny Fampianarana. Miarahaba anao, Andriamatoa Minisitra. Fantatra fa sahirana be ihany ianao ao amin ny Minisitera io, noho ny fitakiana ataon ny SEMPAMA. Mankahery anao amin ny fitadiavana vahaolana, fa ny fanirian ny vahoaka malagasy dia ny mba hianaran ny mpianatra, ny ankizy malagaasy manerana ny Nosy, amin ireo taom-pianarana ho avy rehetra manaraka. Andriamatoa Minisitra, telo ihany ny fanontaniana. Mba tsinjarao amin ny hitsiny sy ny rariny ny mpampianatra amin ny Lycée ao anatin ny Faritra SAVA. Izahay dia mahita fitongilanana kely ihany. Samy zanaka Malagasy no ampianarina, kanefa mivangongo ao Sambava ny mpampianatra. Asaivo jeren ny DREN izany zavatra izany, fa mitaraina ny toerana sasany. Ao Antalaha dia misy Kaominina, efa tany amin ny taona 1980, kanefa mampalahelo, Andriamatoa Minisitra, fa mbola tsy manana CEG ireo Kaominina maromaro ao anatin ny Distrikan Antalaha ireo. Farany dia farany, anisan ny Lycée izay tranainy indrindra io Lycée -n Antalaha io, izay nahorina tamin ny taona Ny mampalahelo anefa, tsy maharaka intsony ny capacité d accueil, hany ka mpianatra any amin ny 600 mahery izay afaka BEPC no tsy afaka noraisina tao amin ny classe de seconde, satria tsy ampy ny resaka infrastructure. Tiana ihany ny manatsidika an izany, Andriamatoa Minisitra, ka na hitarina io Lycée io, satria malalaka ny enceinte ; na manao Lycée faharoa, satria anisan ny tanàna lehibe ihany koa io Antalaha io. Ny mahavariana mantsy dia mihazakazaka ianareo manao Lycée any amin ny

16 16 Kaominina, ka tsy aleo ve ny efa misy no hatsaraina, raha tojo olana ihany, Andriamatoa Minisitry ny Fampianarana? Ho an ny Minisitry ny Harena ankibon ny tany. Inona marina no dikan ny Minisiteran ny Fitrandrahana ny Harena Ankibon ny Tany eto Madagasikara? Maro ny zavatra hitanay, fa apetrakay amin ny fahendrenao, Ramatoa Minisitra, ny mamaha ny olan ny politikan ny fitrandrahana harena ankibon ny tany izay misy eto Madagasikara, fa mampiteny ny moana ny ataon ny vahiny sasan-tsasany. Pataloha iray no entiny miditra eto. Fiara maromaro no eny ampela-tanany rehefa afaka enim-bolana na herin-taona. Mampalahelo ihany ny zava-misy, Ramatoa Minisitra, fa mba tianay hazava tsara ny politikan ny Minisitera mikasika ny fitrandrahana ny harena ankibon ny tany. Mbola maromaro ny fanontaniana, fa aleo ajanoko eo, satria mino aho fa voapetraky ny namana sasany ny fanontaniana izay mbola mety apetrako. Misaotra, Andriamatoa Filoha. Mankasitraka anareo nihaino. Misaotra, Tompoko. Misaotra anao Andriamatoa Filoha Lefitra. - Tehaka - Izao dia omena fitenenana ny Mambran ny Kongresin ny Tetezamita, RAKOTONIAINA Roland Dominique Andriamatoa RAKOTONIAINA Roland Dominique Misaotra, nanome fitenenana, Andriamatoa Filoha. Miarahaba anareo mambran ny Governemanta. Hitantsika amin izao fa somary mafampana ny toe-draharaha eny amin ny Anjerimanontolo. Mahagaga fa raha mitaky ireo mpianatra, mifanilika ireo Minisitera. Ohatra, ny Minisiteran ny Fampianarana Ambaratonga Ambony manilika any amin ny Minisiteran ny Fitantanam-bola, manilika any amin ny Filohan ny Université, ka tsy mazava amin ireo ankizy intsony, inona no tena marina. Hitantsika ihany anefa fa manimba zavatra be dia be ny mpianatra eny Ankatso rehefa misy izay olana izay. Maheno izahay fa misy fitantanana ara-bola tsy mazava, ka tokony hatsangana ny Commission iray hanadihady ny fandehan ny resaka Université. Tapitra eo izay. Fanontaniana faharoa, mikasika ireo sociétés. Betsaka dia betsaka izy ireo tao Mahajanga, nefa tsy misy mandeha intsony izy ireo, ka sahirana ny vahoaka ao amin ny Faritany misy anay. I Mahajanga anefa dia anisan ny Faritany nanana ny maha izy azy.

17 17 Azo atao ve ny mamelona ireo société d Etat sasan-tsasany izay mbola azo velomina ao amin ny Faritanin i Mahajanga? Misaotra, Tompoko. Farany, mikasika ireo lalana ao andrenivohitr i Mahajanga. Miantefa amin Andriamatoa Minisitry ny Asa Vaventy ity fanontaniana ity. Be dia be ny lalana ao Mahajanga no simba. Misy koa ireo lalana, ankoatran izay, ao amin ny faritr i Mahajanga II, mandeha amin ny Usine de Mahajamba. Mangataka ny vahoaka any amin ny Faritr i Mahajanga II, mba hamboarina ny lalana mankany amin ny Usine de Mahajamba. Misaotra, Tompoko. Misaotra anao, Andriamatoa Mambran ny Kongresin ny Tetezamita. Omena fitenenana manaraka ny Mambran ny Kongresin ny Tetezamita, RANDRIANASOLO Jean Nicolas. Andriamatoa RANDRIANASOLO Jean Nicolas Misaotra, Andriamatoa Filoha, nanome fitenenana anay. Miarahaba ny mambran ny Governemanta izay tarihinao, Andriamatoa Praiminisitra. Fanontaniana voalohany, ho an-dramatoa Minisitry ny Fitsarana. Maromaro ihany ny taratasy nalefa tany aminao, Ramatoa Minisitra, mikasika ny fitarainan ny olona avy any aminay. Alefanay any aminao izy ireny fa tsy valianao mihitsy ireo taratasy ireo. Mahagaga anefa fa raha Andriamatoa Praiminisitra no andefasana taratasy dia valiany ny taratasinay, fa ny any aminao tsy misy valianao, ka mahagaga anay ihany izay zavatra izay. Avelako eo iny. Fanontaniana ho an ny Secrétaire d Etat à la Gendarmerie Nationale. Misy, Andriamatoa Minisitra, zandary «affecté» efa ho dimy volana, mbola mipetraka ao Betroka ihany hatramin izao. Ireo no manao «guide»-n ny olona avy aty Antananarivo aty, ka manjary miteraka atsanga tsy aman orana ao amin ny Distrikan i Betroka amin ny zavatra miseho. Ho avy eo isika rehefa avy eo. Iray izay. Faharoan izay, Andriamatoa Minisitra, izy ity moa tsy vao tamin ny fotoan andronao ihany ity zavatra ity, fa matetika rehefa mahazo toerana ianareo ambonimbony be kintana dia tsy mijery ny tombontsoan ny miaramila madinidinika. Tsy taminao loatra ilay izy, fa izy ity moa atao ankapobeny ilay zavatra, ka tokony hojerena ihany, Andriamatoa Minisitra, izy ireo, satria be dia be ny miaramila kely mitaraina ; na ny tombontsoa kely tokony ho azony dia misy fahatarany vao azo, rahatoa ka ho azo.

18 18 Tokony hojerena akaiky izy ity, satria adino ny taratasy nanoratana azy, ka araraotiko, Andriamatoa Filoha. Tsy mety intsony fa amin ny manaraka indray ianao mametraka fanontaniana. Andriamatoa RANDRIANASOLO Jean Nicolas Kelikely fotsiny, Andriamatoa Filoha, azafady. Mba miangavy, Andriamatoa Minisitra. Tsara moa fa eo ianareo ao amin ny Minisiteran ny Fiarovam-pirenena, fa amin ireny miaramila maty am-perin asa sahala amin ireny kosa, mba tokony ho raisiny ihany ny karamany mandra-pahafeno 18 taona ny zanany farany. Mampalahelo kosa, maty am-perin asa ilay miaramila, dia mbola sahirana koa ny ankohonany manao taratasy. Ka tokony ho jerena akaiky izay zavatra izay, satria mampalahelo. Farany, ho an Andriamatoa Minisitry ny Tetibola sy ny Fitantanam-bola. Tsy tononiko eto intsony, Andriamatoa Minisitra, ilay olona noteneniko taminao matetitetika eto. Angaha dia tsy misy Inspecteur des Douanes mahay intsony ao amin ny Minisiteran ny Fitantanam-bola sy ny Tetibola, fa dia olona tokana ihany, dia ao foana ilay olona. Hita anefa fa misy gaboraraka ao amin ny Douanes, ary ianao mimenomenona fa tsy ampy ny vola zaraina isaky ny Minisitera, satria tsy miditra ny vola tokony hiditra mivantana amin ny kitapom-bolampanjakana. Koa tokony hojerenareo akaiky io. Inona koa moa no tsy hamoanana ity resaka Gasynet ity? Io dia karazan ny manome vola ireo vahiny fotsiny, en milliard de milliard. Tokony hanampiana ny Force, hanampiana ny mpianatry ny Université ny vola aloantsika amin io Gasynet io. Mampalahelo, tsy misy tombontsoa azontsika amin ilay izy, tsy hita ny fanazavana mazava tsara amin io zavatra io. Koa tokony hazavainareo tsara, inona marina moa io Gasynet io, satria maro ny olona mimenomenona amin io zavatra io. Izay no amakiana imasonareo eto izay zavatra izay. Misaotra, Andriamatoa Filoha. Misaotra, Andriamatoa Praiminisitra. Misaotra anao, Andriamatoa Mambran ny Kongresin ny Tetezamita. Omentsika fitenenana manaraka, ny Mambran ny Kongresin ny Tetezamita, RANDRIARIMANGA Jocelyn. Andriamatoa RANDRIARIMANGA Jocelyn Misaotra betsaka, Andriamatoa Filoha, nanome ny fitenenana.

19 19 Faly miarahaba an Andriamatoa Praiminisitra, sy ny mambran ny Governemanta miaraka aminy. Ny fanontaniana voalohany dia ho an ny Minisitry ny Fitsarana, avy amin ny fianakavian ireo voagadra tany Maurice. Misaotra betsaka tamin ny fahatongavan ireo gadra tany Maurice, izay efa tafaverina eto antanindrazana ankehitriny. Fa misy fanontaniana apetraka kely, mikasika an io, Ramatoa Minisitra. Misy amin ireo gadra ireo no mangataka LC na libérté conditionnelle izay efa nigadra 15 taona tany an-dafy. Efa nanao fangatahana, nalefa tany aminao, nahafeno ny fepetra rehetra, kanefa mbola tsy nivaly mandrak ity androany. Dia amafisina eto izay fangatahana LC izay. Misaotra betsaka, Ramatoa Minisitra. Faharoa, ho an ny Minisitry ny Fampianarana Ambaratonga Ambony. Betsaka amin ireo Raiamandreny manan-janaka mianatra any an-dafy no tonga eto aminay, mitaraina amin ny tsy fandraisana vatsim-pianarana any ivelany. Ny eto an-toerana moa tsy asiana resaka intsony fa miharihary hoatran ny tafika andrefan-tanàna. Ka inona marina no tena vahaolana amin io vatsim-pianarana io? Faharoa, maro amin ny ankizy eto Madagasikara no nangataka vatsim-pianarana nankany Chine, nankany Frantsa, tamin ity taona ity. Efa hifarana ihany ity ny taona 2012, mbola tsy nivoaka ny valin io fangatahana vatsim-pianarana io. Mangataka fanazavana izahay, Andriamatoa Minisitra. Misaotra, betsaka. Fahatelo, Andriamatoa Filoha, efa ao ny Minisitry ny Fahasalamana? Tsy mbola ao izy fa mbola any Vatomandry. Andriamatoa RANDRIARIMANGA Jocelyn Tapitra fa misaotra betsaka, Andriamatoa Filoha. Misaotra anao, Andriamatoa Mambran ny Kongresin ny Tetezamita. Omena fitenenana manaraka ny Mambran ny Kongresin ny Tetezamita, ZAFINDRAZAKARIASY MARSON Hyacinthe Andriamatoa ZAFINDRAZAKARIASY MARSON Hyacinthe Misaotra betsaka, Andriamatoa Filoha, nanome ny fitenenana. Miarahaba anao, Andriamatoa Praiminisitra.

20 Miarahaba koa ny mambran ny Governemanta. 20 Amin Andriamatoa Minisitry ny Fiarovam-pirenena angamba no ametrahako fanontaniana voalohany. Ny miaramila, Andriamatoa Minisitra, dia mihinana anjara vary 550 g isan andro, nefa ny gadra kosa mihinana 750g isan andro. Ho an ny tanindrazana ny miaramila, ka mba jereo kely, azafady, Andriamatoa Minisitra. Fanontaniana manaraka, ho an ny Minisitry ny Fiompiana. Tsy mihinana kisoa izahay ao Vohipeno, ka mba mangataka, Ramatoa Minisitra, ny mba hanamboarana ny abattoir -nay ao fa tsy abattoir intsony no anarany. Manaraka an izay, mangataka ny hampitaovana ny vétérinaire, satria tsy misy fitaovana ny vétérinaire ao Vohipeno. Miala tsiny raha misy fangatahana maromaro, satria hatramin izay, izay Filoham-pirenena teto dia nangataka tso-drano tany Vohipeno hatrany, ary ny mampiongana azy matetika dia tsy mahatanteraka ny sitra-ponay ao. Fanontaniana manaraka, amin ny Minisitry ny Asa Vaventy. Tapaka tanteraka ny lalana Andemaka Sahalava ao, ary io lalana io dia mampitohy Distrika roa, dia ny Distrikan Ikongo sy Vohipeno. Koa angatahina mba hatao laharam-pahamehana ny fikarakarana an io, satria efa ho avy izao ny vokatra letchis, dia ho sahirana indray ny vahoakantsika ao. Misy Entreprise manao lalana amintsika any, ao Vohipeno ao, kanefa tsara jerena ihany ny asany, satria hoatran ny tsy dia mahafa-po anay loatra. Amin Andriamatoa «Vice-Premier chargé du Développement et de l Aménagement du Territoire». Vao vetivety, Andriamatoa Praiminisitra Lefitra, no nisy trano may tao Vohipeno. Tokony ho maty moramora izany afo izany, kanefa noho ny tsy fanananay fitaovana toy ny «pompier» dia tsy tratra ny afo, dia izay no nahatonga ny traboina marobe. Gaga anefa izahay fa ao amin ny Distrika manodidina anay, na i Manakara io, na i Farafangana dia manana izany pompier izany daholo, fa izahay ao Vohipeno toa dinganina tahaka ny tsy misy olona. Torak izany koa ny «camion benne», Andriamatoa Praiminisitra Lefitra, satria efa nampita izany hafatra izany ihany ny PDS ao Vohipeno. Torak izany koa ny «Lycée» ao Vohipeno, tsy misy jiro. Taloha izy io vola be any amin ny 800 millions na 1 milliard tany no nanaovana azy, izao izy efa eo amin ny 50 milllions eo ho eo. Mety tsy ho aminao irery ity fanontaniako ity fa ifandrombonanareo Minisitra rehetra ao, mba hikarakarana ny jiro ao Vohipeno izay. Farany, amin ny Minisitry ny Fambolena. Misy vanne de protection efa nampanantenain ny Minisitra maro nifandimby teo.

21 21 Efa ho avy koa izao ny ranobe ao Ambohimanarivo, nefa hatramin izao io vanne de protection io mbola tsy vita. Koa mangataka, amin ny anaran ny continuité de l Etat, Ramatoa Minisitra, mba hojerena izay fa misy dossier ao aminareo ao. Ny station de pompage ao moa dia manana fitaovana efa ela, nefa dia ho simba fotsiny ao io fitaovana io fa tsy mihodina io station de pompage io. Misaotra indrindra, Andriamatoa Filoha. Misaotra, Andriamatoa Praiminisitra. Misaotra antsika nihaino hatramin ny farany. Misaotra anao, Andriamatoa Mambran ny Kongresin ny Tetezamita, nametraka izay fanontaniana izay. Omena fitenenana manaraka ny Mambran ny Kongresin ny Tetezamita, RATSIMANDRESY Arthur. Andriamatoa RATSIMANDRESY Arthur Misaotra, Andriamatoa Filoha, nanome ny fitenenana. Miarahaba an Andriamatoa Praiminisitra sy Andriamatoa Praiminisitra Lefitra ary ny Minisitra izay manatrika eto. Fanontaniana roa moa no saika apetrako, kanefa ny Minisitra iray tsy manatrika eto. Ny Minisitry ny Communication no ametrahako ny fanontaniana. Ny fanontaniana apetrako dia mahakasika ny sary izay alefa amin ny haino aman-jery sy avoaka amin ny gazety. Mahita izahay fa matetika, rehefa misy ny lozam-pifamoivoizana, na ataontsika hoe olona voatifitra ireny dia alaina sary ilay izy, tonga dia avoaka gros plan. Tahaka izany koa ny amin ny gazety. Natao ireny zavatra ireny, satria mahasarika mpijery. Entina hisarihana ny mpijery sy ny mpamaky gazety izay zavatra izay. Izahay anefa mahita fa raha jerentsika ny haino aman-jery any ampitan-dranomasina dia tsy mamoaka zavatra mahatsiravina tahaka ireny. Mahatsapa izahay fa tokony alain-tahaka izay zavatra izay, ka mba mila sivanina ihany ireny sary mahery vaika ireny. Tahaka izay ihany koa ny mikasika ireo artiste, izay fahitantsika ihany fa manana fiakanjo, manana fandihy hita fa mamoafady matetika, ka mila jerena ihany ireny. Fitaizana no ataon ny communication, ny haino aman-jery ka tokony mba jerena ihany ilay izy, satria manakaiky ny ataontsika hoe attentat aux moeurs mihitsy ny zavatra hita amin ireny zavatra ireny. Manana tanora be dia be isika ka mora andairan ny fahitana sary toy ireny izy. Mila jerena akaiky io, Tompoko. Izay no fanontaniana apetrako sy soso-kevitra, koa misaotra indrindra, Andriamatoa Minisitra.

22 Tohizo, Andriamatoa Mambran ny Kongresin ny Tetezamita. Vita? Toa misy fanontaniana iray ho an ny Minisitry ny Fitaterana ato, anefa toa tsy noteneninao? Hay moa tsy eo izy! Azafady! 22 Omena fitenenana farany, avy amin ny Vondrona Parlemantera ESCOPOL, ny Mambran ny Kongresin ny Tetezamita, RAZAFINDRANARY RAZAFIMBOLA. Andriamatoa RAZAFINDRANARY RAZAFIMBOLA Tonga dia fanontaniana, Andriamatoa Filoha, ary miarahaba anao sy Andriamatoa Praiminisitra ary ireo mpanaraka azy. Ny asiana teny eto dia ny Minisiteran ny Hydrocarbure, mikasika ny solika amidin ireo mpitsinjara amin ny mpanjifa. Mba misy ve, Tompoko, ny fanaraha-maso an ireny solika ireny, fa tena manimba zavatra mihitsy ny vokatra amidy amin ny vahoaka, raha ny lasantsy no resahina. Aoka holazaina eto fa ny GALANA no nipoiran izany, saingy tsy lazaina ny station ahitana vokatra ratsy. Ny mpivarotra moa, raha anontaniana dia milaza fa tsy avy aminy, fa io no zavamisy avy any am-potony. Sao mba tokony hojerenao akaiky izy io, Andriamatoa Minisitra, fa efa lafo izy io no tena ratsy. Raiso, Tompoko, ny haja ambony sy ny voninahitra atolotro ho anao. Misaotra, Andriamatoa Filoha. Misaotra anao, Andriamatoa Mambran ny Kongresin ny Tetezamita. Izay no ampahany voalohany amin ny fanontaniana napetrak ireo mpikambana ato amin ny Kongresin ny Tetezamita. Mangataka aminareo ao amin ny Governemanta, manomboka aminao, Andriamatoa Praiminisitra, hamaly ireo fanontaniana sy fanamarihana ireo Valin-teny ataon Andriamatoa Jean Omer BERIZIKY, PRAIMINISITRA, LEHIBEN NY GOVERNEMANTA - Andriamatoa Jean Omer BERIZIKY, PRAIMINISITRA, LEHIBEN NY GOVERNEMANTA Misaotra indrindra, Andriamatoa Filoha. Misaotra anareo mambran ny Kongresin ny Tetezamita rehetra, izay nametraka fanontaniana. Ezahina hovaliana arak izay azo atao ny fanontaniana napetrakareo.

23 23 Ny voalohany moa dia napetraky ny Mambran ny Kongresin ny Tetezamita avy any Antsohihy, mikasika izay voalaza tao amin ny La Gazette de la Grande Île. Hoy izy hoe : le PM bloque tout. Ny tiako holazaina amintsika rehetra dia izao : ny gazety moa manao ny asany, manao izay ataony. Koa tiako ny manambara eto fa tsy ilay gazety akory no henoina avy hatrany amin ny zavatra lazainy, fa miezaka izahay, na ny avy ao amin ny Présidence, na ny avy ao amin ny Primature, manao izay rehetra tsy hisian ny fikorontanana. Miara-manao izay hahatafitana ny Tetezamita am-pilaminana, ary atao koa ny fiaraha-mitantana araka izay tokony ho izy, mba tsy hisian ny fikorontanana, araka ny voalaza tamin ny fanontaniana izay napetrakao, Andriamatoa Mambran ny Kongresin ny Tetezamita. Mikasika ny làlana Antsohihy - Mandritsara. Angamba aleo apetraka amin Andriamatoa Minisitry ny Asa Vaventy iny. Mikasika ny chèque carburant izay voalazanao teo dia avelako koa ny Minisitry ny Fitantanambola hamaly an ilay fanontaniana napetrakao mikasika izany chèque carburant izany, izay tsy raisin ireny stations ireny. Koa ny Minisitry ny Fitantanam-bola sy ny Minisitry ny Solika no heveriko fa tokony hamaly azy, ary manana détail bebe kokoa amin ny famaliana ilay fanontaniana napetrakao teo, Andriamatoa Mambran ny Kongresin ny Tetezamita. Mikasika ny fanontaniana napetrak Andriamatoa BEANJARA Paul, Mambran ny Kongresin ny Tetezamita avy any Sambava. Inona no misakana antsika tsy hanao Code des Investissements, izay heverina fa alaolana mahomby amin ny fiarenana. Izahay mihevitra fa ilay Code des Investissements dia zavatra iankinan ny fiainan ny fihariankarena sy ny investissement isan-karazany aty amintsika, koa mety hanahirana raha toa ka anatin ny fotoanan ny Tetezamita izao no hanaovana Code des Investissements. Araka ny fiheveranay azy, aleo miandry ny fotoana idiran ity firenentsika ity anatina cadre légitime, ka ny Fanjakana izay mipoitra avy amin ny fifidianam-bahoaka no afaka hametraka izany Code des Investissements izany, satria iankinan ny fiainam-pirenena mandritra ny vanim-potoana lava ny Code des Investissements, ka tsy mandritra ny fotoan ny Tetezamita no tokony hanaovana azy. Ny fanontaniana napetraky ny Mambran ny Kongresin ny Tetezamita, RANDRIAMAHEFA Henri Charles dia mikasika ny fanodinkodinam-bola mitentina milliards maromaro tao amin ny Société FANALAMANGA, izay niresahany fa misy gaboraraka ka ilaina ny hisian ny Conseil d Administration mba tsy ho olon-tokana no hitondra an io Société io, satria ny ADG irery ihany no mitondra azy izao. Tsara angamba ny hanomezana ny tompon andraikitra maromaro avy ao amin ny Minisiteran ny Tontolo Iainana sy ny Ala, izay miaraka amiko eto, afaka hanome valiny misimisy kokoa, plus détaillée, mikasika ny fanontaniana napetrakao, Andriamatoa Mambran ny Kongresin ny Tetezamita, ary rariny ny zavatra noteneninao teo mikasika ny tokony hametrahana Conseil d Administration amin io Société io.